Morgunblaðið - 03.01.2019, Side 31

MINNINGAR 31
MORGUNBLAÐIÐ FÖSTUDAGUR 4. JANÚAR 2019
✝ Elín ÓlafíaÞorvaldsdóttir
fæddist á Raufar-
felli, Austur-Eyja-
fjöllum, 19. maí
1926. Hún andaðist
á hjúkrunarheimil-
inu Eir 22. desem-
ber 2018.
Foreldrar henn-
ar voru hjónin
Guðbjörg Sigurð-
ardóttir, f. 24.5.
1885, d. 27.7. 1977, og Þorvald-
ur Ingvarsson, f. 9.8. 1885, d.
10.2. 1966. Elín var yngst systk-
ina og sú síðasta sem kveður.
Systkini hennar voru Engilbert,
f. 11.10. 1906, d. 26.9. 2004, Jó-
hanna Ingileif, f. 9.10. 1907, d.
1.10. 1998, Þorsteina Margrét,
f. 21.5. 1911, d. 15.3. 1976, Sig-
urjón Óskar, f. 4.3. 1915, d.
16.7. 1916, Sigurjón Júlíus, f.
var eingöngu lítinn hluta úr
vetri, jafnvel aðeins í tvær vik-
ur, og oft um langan veg að
fara. Elín var dugleg til vinnu
og fór ung til Reykjavíkur að
vinna fyrir sér og vann meðal
annars við matreiðslustörf.
Hennar síðasti vinnustaður var
Fossvogsskóli en þar sá hún um
kennaraeldhúsið og útbjó mat
og kaffi fyrir starfsfólk skólans.
Elín og Ágúst hófu búskap í
risíbúð hjá foreldrum Ágústar
á Sogabletti 5 en byggðu sér
síðar raðhús á Laugalæk 25
sem þau fluttu í árið 1956.
Tveimur árum síðar fluttu for-
eldrar hennar og bróðir í kjall-
arann til þeirra. Síðar var haf-
ist handa við að byggja
einbýlishús í Haðalandi 19 en
þangað flutti fjölskyldan 1972
ásamt aldraðri móður Elínar
sem hún sá um til dauðadags.
Elín var félagslynd og var í
kvenfélagi Bústaðasóknar um
árabil. Einnig sótti hún í félags-
starf eldri borgara.
Útför Elínar fer fram frá Bú-
staðakirkju í dag, 4. janúar
2019, klukkan 13.
1.7. 1918, d. 15.7.
1992.
Elín giftist 11.
apríl 1948 Ágústi
Friðjóni Jósefssyni
bifvélavirkjameist-
ara úr Reykjavík,
f. 11.11. 1926, d.
4.7. 2013. Synir
þeirra eru: 1) Þor-
valdur Guðbjörn, f.
1945, kvæntur
Anne Ágústsson, f.
1949, og eiga þau þrjú börn og
þrjú barnabörn. 2) Grétar Egg-
ert, f. 1947, kvæntur Hafdísi
Gísladóttur, f. 1950, og eiga
þau eina dóttur. 3) Bárður Jós-
ef, f. 1961, og á hann tvö börn.
Elín fæddist í torfbæ og ólst
upp við baðstofulíf og almenn
sveitastörf þess tíma og átti
góð bernskuár. Ekki varð
skólaganga löng þar sem kennt
Elsku móðir mín, Elín Ólafía,
er nú látin og margs að minnast.
Hún fæddist og var alin upp á
Raufarfelli undir A-Eyjafjöllum
hjá foreldrum sínum sem voru
sannkristin, góð og samhent
hjón.
Eins og algengt var á þessum
árum til sveita var skólaganga
hennar stutt og stuðst við farand-
kennslu. Oft voru vegalengdirn-
ar, sem börnin þurftu að fara til
skóla gangandi eða á hestum,
óhóflega langar. Að hennar sögn
gladdi það hana mest á ferming-
ardaginn að eldri bróðir hennar,
Engilbert, lánaði henni góðhest
sinn, Brún, til kirkjuferðar. Að
loknum unglingsárum leitaði hún
til Reykjavíkur eftir atvinnu. Þar
vann hún við ýmis störf og um
tíma var hún vinnukona hjá Guð-
mundi frá Miðdal og hans fólki.
Hún vann einnig við matreiðslu,
fiskvinnslu og verslunarstörf.
Á þessum árum kynntist hún
pabba og ég fæddist sem þeirra
fyrsta barn að Raufarfelli klukk-
an sex að morgni hinn 18. nóv-
ember 1945. Fyrsta árið dvaldi
móðir mín með mig í foreldra-
húsum en fluttist síðan ásamt
mér á efri hæð í húsi tengdafor-
eldra sinna á Sogabletti 5 þar
sem foreldrar mínir hófu búskap.
Þaðan fluttu þau í leiguíbúð á
Langholtsveginum og síðar í risí-
búð í Karfavogi 27. Þaðan fluttu
þau í eigið húsnæði á Laugalæk
25 þegar ég var 10 ára. Á þessum
tíma vann mamma í fiskvinnslu
hjá Keili við Elliðavog en skaust
heim í hádeginu til að gefa okkur
bræðrum, mér og Grétari, há-
degismat. Ég sá um uppvaskið og
gaf hún mér notað, lítið og vel
með farið reiðhjól sem þakklæt-
isvott. Reiðhjólið reyndist frá-
bærlega og hlaut síðar nafnið
Litla tíkin.
Mamma var mjög handlagin
og góð saumakona og saumaði
hún flest föt sem við Grétar
gengum í þegar við vorum börn.
Hún var glæsileg kona, glað-
leg, mjög góð í sér og heilsteypt
persóna. Hún var hreinskiptin og
sagði sína meiningu hvort sem
fólki líkaði vel eða illa. Hún var
sannkristin og kenndi okkur son-
um sínum bænir og að greina á
milli góðra verka og illra. Hún
var mjög gestrisin og gladdist yf-
ir velgengni þeirra sem hún
þekkti. Hún átti marga vini og
ræktaði þá vináttu.
Árið 1958 hættu foreldrar
hennar búskap og fluttust, ásamt
syni sínum Sigurjóni, í kjallara-
íbúð sem var sérstaklega hönnuð
fyrir þau á Laugalæk 25. Þar
áttu þau heima þegar afi dó.
Amma flutti með foreldrum mín-
um að Haðalandi 19 í Fossvogi en
þar höfðu þau reist sér glæsilegt
einbýlishús 1972 og sá mamma
um móður sína þar til yfir lauk. Í
Haðalandi var oft gestkvæmt og
gaman að vera.
Þegar börnin mín, Lilja og
Hjalti, fóru í framhaldsskóla í
Reykjavík bjuggu þau í Haða-
landi hjá foreldrum mínum og
hafi þau bestu þakkir fyrir. Síð-
ustu þrjú árin dvaldi mamma á
Eir, Hlíðarhúsum 7.
Kveð ég móður mína með
söknuði og megi Guð vera henni
náðugur.
Þorvaldur Ágústsson.
Oft er erfitt að tjá sig um dem-
ant sem fæddi mann í heiminn og
gaf allt af sér til að láta manni
líða sem best.
Móðir mín Elín var einstök að
öllu leyti og hún gat alltaf komið
manni í gott skap.
Hún reyndi að kenna mér allt
það góða um lífið og tilveruna.
Hún var blíð, góð og gjafmild
sérstaklega gagnvart þeim sem
minna máttu sín.
Alltaf voru dyrnar opnar hjá
henni hvort sem það var létt
spjall eða góðar veitingar.
Móðir mín var ákveðin kona og
sagði hlutina umbúðalaust og gat
það stundum haft áhrif á þá sem
tóku það til sín.
Hún var mjög félagslynd og
einstaklega góð í handavinnu.
Móðir mín, nú er komið að
endalokum þessa fallega lífs þíns
hér á jörðu og vona ég að þú sért
komin til pabba.
Þú munt alltaf vera í mínu
hjarta og Benóní ömmubarn þitt
sagðist alltaf minnast og elska
ömmu.
En komin eru leiðarlok
og lífsins kerti brunnið
og þín er liðin æviönn
á enda skeiðið runnið.
Í hugann kemur minning mörg,
og myndir horfinna daga,
frá liðnum stundum læðist fram
mörg ljúf og falleg saga.
Þín vinartryggð var traust og föst
og tengd því sanna og góða,
og djúpa hjartahlýju og ást
þú hafðir fram að bjóða.
Og hjá þér oft var heillastund,
við hryggð varst aldrei kenndur.
Þú komst með gleðigull í mund
og gafst á báðar hendur.
(Höf. ók.)
Sjáumst síðar og kveð ég þig
með söknuði.
Þinn sonur,
Bárður.
Þegar jólahátíðin var að ganga
í garð með öllum sínum fallegu
jólaljósum og ys og þys, kvaddi
Elín tengdamóðir mín á sinn
hægláta hátt.
Þegar ég kom inn í fjölskyld-
una fyrir 35 árum bjuggu hún og
Ágúst tengdapabbi í Haðaland-
inu og var mér afskaplega vel
tekið. Sá ég þá að þar fór hús-
móðir af gamla skólanum, bráð-
myndarleg kona sem bjó fjöl-
skyldunni fallegt heimili. Elín
var félagslynd og naut þess að
hafa margt fólk í kringum sig og
ég tala nú ekki um ef það tók
hraustlega til matar síns, þá leið
henni vel.
Aldrei var komið svo í heim-
sókn að ekki væri hlaðið veislu-
borð og þótti henni aldrei nógu
vel veitt. Elín var rólynd að eðl-
isfari en vannst vel og var fljót-
virk. Datt mér oft í hug málshátt-
urinn „kemst þó hægt fari“ þegar
ég var að fylgjast með henni gera
eitthvað því að hún var svo snögg
á sinn rólega hátt og lauk við
hluti á örskotsstundu sem hefði
tekið mig heilan dag að gera.
Elín var fríð kona, dökk yfirlit-
um og glaðsinna sem féll aldrei
verk úr hendi svo lengi sem stætt
var.
Hún hafði gaman af handa-
vinnu og var hún oftar en ekki
með ýmislegt á prjónunum, einn-
ig var hún ötul við postulínsmál-
un og á ég fallega muni eftir hana
sem setja svip á heimilið um hver
jól.
Hún var stálminnug á menn og
málefni og ættfróð með eindæm-
um og skildi ekkert í hvað unga
fólkið virtist vera áhugalaust um
allt slíkt. Saknaði hún þess alla
tíð að hafa ekki getað notið lengri
skólagöngu því hún var góðum
gáfum gædd og hafði mikla fróð-
leiksfýsn.
Ekki er hægt að minnast El-
ínar án þess að nefna Ágúst
tengdapabba því aldrei var langt
á milli þeirra enda samveran orð-
in löng, eða 65 ár þegar hann féll
frá 2013.
Eftir það var eins og lífsneist-
inn hyrfi, líkaminn orðinn þreytt-
ur og byltur sem hún hlaut hjálp-
uðu ekki til en minnið hélst áfram
óbrigðult og mundi hún hlutina
betur en þeir sem yngri voru.
Rifjaði hún oft upp þær ótrúlegu
breytingar sem hún hafði lifað og
fannst henni fólk í dag vera alltof
vanþakklátt sem hefði allt til alls
og sagði oft „það hefði átt að fæð-
ast í torfbæ eins og ég“ og hló við.
Hún fylgdist vel með fólkinu
sínu og vildi alltaf veg þess sem
mestan og ófá voru símtölin sem
fóru okkar á milli.
Haustið 2015 gat hún ekki ver-
ið lengur ein í Haðalandinu og
flutti í öryggisíbúð á Eir þar sem
henni leið nokkuð vel en saknaði
þó ætíð mannmargs heimilis og
þess að geta ekki gert alla hluti
sjálf.
Þegar hún varð níræð í maí
2016 komu fjölskylda og vinir og
drukku með henni afmæliskaffi
og þótti henni afskaplega vænt
um þá stund. Árið 2017 fór hún á
hjúkrunarheimilið Eir og leið vel
þar til yfir lauk.
Langri lífsgöngu Elínar er
lokið og hefur hún orðið fegin að
hverfa í faðm ástvina sinna en
eftir sitja minningar um góða
konu, mömmu og ömmu.
Ég þakka tengdamóður minni
samfylgdina og bið henni guðs
blessunar. Einnig bið ég guð að
gefa sonum hennar og fjölskyld-
um styrk á þessum erfiða tíma.
Far þú í friði,
friður Guðs þig blessi,
hafðu þökk fyrir allt og allt.
(Vald. Briem)
Hafdís.
Kveðja
Elsku amma mín.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer.
Þó þú sért horfinn úr heimi
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir)
Ég þakka þér fyrir öll árin
sem við áttum saman og um-
hyggjuna og hlýjuna sem þú
veittir mér. Guð blessi minningu
þína.
Áslaug Elín.
Elsku Elín, nú er að leiðarlok-
um komið árið 2018 eða um 32 ár-
um eftir að við systur kynntumst
ykkur hjónum. Við kynntumst í
Fossvogi eftir að kynni tókust við
yngsta son ykkar Bárð. Margt
var brallað, allt frá útilegum við
Þingvallavatn, heimsóknum í
hjólhýsi í Grímsnesi og að partí-
um og matarveislum í White Pla-
ins, New York, þar sem stundað
var nám í háskóla.
Þið Ágúst voruð alltaf til stað-
ar þegar heim var komið. Vin-
skapur þinn við móður okkar
Kornelíu var bæði henni og okk-
ur mjög mikilvægur. Þegar hún
féll frá alltof snemma, einungis
51 árs, aðeins nokkrum dögum
fyrir jól, voruð þið hjónin fyrst á
staðinn til að hugga okkur systur
og vera til staðar og til aðstoðar.
Fyrir það verðum við ykkur
ávallt þakklátar.
Með innilegustu kærleik-
skveðjum kveðjum við þig, elsku
Elín. Þökk fyrir yndislega sam-
fylgd gegnum lífið.
Innilegustu samúðarkveðjur
sendum við Bárði, Grétari, Þor-
valdi og fjölskyldum.
Kærleikskveðja,
Hanna Sigriður Magnús-
dóttir og María Hrönn
Magnúsdóttir.
Elín Ólafía
Þorvaldsdóttir
Ástkær móðir okkar og tengdamóðir,
ANNA PÁLA GUÐMUNDSDÓTTIR,
sem lést að morgni 24. desember, verður
jarðsungin frá Sauðárkrókskirkju
laugardaginn 5. janúar klukkan 14.
Leifur Ragnarsson
Páll Ragnarsson Margrét Steingrímsdóttir
Árni Ragnarsson Ásdís Hermannsdóttir
Hólmfríður Ragnarsdóttir
Ólöf Sigríður Ragnarsdóttir Pétur Heimisson
Örn Ragnarsson Margrét Aðalsteinsdóttir
Úlfar Ragnarsson Auðbjörg Friðgeirsdóttir
Bróðir okkar,
HRAFN HJARTARSON,
verður jarðsunginn frá Ísafjarðarkirkju
laugardaginn 5. janúar klukkan 14.
Steinþór Tryggvason
Hjörtur Hjartarson
og fjölskyldur
Ástkær eiginkona mín, móðir okkar,
tengdamóðir, amma og langamma,
HÓLMFRÍÐUR JÓNSDÓTTIR,
Hagaseli 38, Reykjavík,
sem lést 15. desember, verður jarðsungin
frá Fella- og Hólakirkju mánudaginn
7. janúar klukkan 13.
Stefán Baldvinsson
Guðjón Örn Stefánsson Sigrún Gröndal
Baldvin Trausti Stefánsson Hilma Einarsdóttir
Hrafnhildur G. Stefánsdóttir
barnabörn og barnabarnabörn
Elskulegi sonur minn, bróðir, mágur og
barnabarn,
KOLBEINN ARON ARNARSON
frá Vestmannaeyjum,
varð bráðkvaddur á heimili sínu
laugardaginn 24. desember.
Jarðarförin fer fram frá Landakirkju laugardaginn 12. janúar
klukkan 14. Innilegar þakkir fyrir allan samhug á þessum erfiðu
tímum.
Ingibjörg Sigríður Kolbeinsdóttir
Einar Birgir Baldursson Íris Sif Hermannsdóttir
Einar Birgir Sigurjónsson
Okkar ástkæri bróðir, mágur og frændi,
ÓSKAR BREIÐFJÖRÐ,
Æsufelli 4, Reykjavík,
verður jarðsunginn frá Seljakirkju
mánudaginn 7. janúar klukkan 13.
Blóm og kransar eru vinsamlegast
afþakkaðir en þeim sem vilja minnast hans er bent á
Krabbameinsfélag Íslands.
Innilegar þakkir til starfsfólks blóðlækningadeildar Landspítala
við Hringbraut fyrir einstaka umönnun.
Aðstandendur þakka auðsýnda samúð.
Kristín Breiðfjörð Jón Emil Hermannsson
Kolbrún Jónsdóttir Jörgen Tómasson
Ævar Breiðfjörð Ásta Guðjónsdóttir
Ragnar Breiðfjörð Jóna Sigríður Kristinsdóttir
Sigfríð Maggý Breiðfjörð
Dorothy Mary Breiðfjörð Daníel Guðmundsson
og frændsystkinin
Elskuleg móðir okkar, tengdamóðir, amma,
langamma og langalangamma,
GUÐRÚN INGIBJÖRG BJÖRNSDÓTTIR,
Brekkugötu 36, Akureyri,
lést á öldrunarheimilinu Hlíð 25. desember.
Útför hennar fer fram frá Akureyrarkirkju
mánudaginn 7. janúar klukkan 13.30.
Sigþrúður Tobíasdóttir Lúðvík Freyr Jóhannsson
Sigurlaug Anna Tobíasdóttir Páll E. Þorkelsson
Gísli Sigurðsson
ömmu-, langömmu- og langalangömmubörn
Ástkær sonur minn, bróðir okkar og frændi,
JÓN TRAUSTI SÖLVASON,
lést á heimili sínu laugardaginn
22. desember.
Útför hans fer fram fram frá Fríkirkjunni í
Reykjavík mánudaginn 7. janúar kl. 15.
Blóm og kransar eru afþakkaðir, þeim sem vilja minnast hans er
bent á FSMA-samtökin á Íslandi.
Fyrir hönd aðstandenda,
Erla Bragadóttir