Morgunblaðið - 11.01.2019, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 11. JANÚAR 2019
Hafnarbraut 25 | 200 Kópavogi | Sími 554 0000 | www.klaki.is
HVOLFARARKARA
Handhægir ryðfríir karahvolfarar
í ýmsum gerðum.
Tjakkur vökvadrifinn með
lyftigetu frá 900 kg.
Halli að 110 gráðum.
Vinsælt verkfæri í
matvælavinnslum
fiski – kjöti – grænmeti
Veður víða um heim 10.1., kl. 18.00
Reykjavík 3 skýjað
Hólar í Dýrafirði -4 skýjað
Akureyri 2 heiðskírt
Egilsstaðir 5 heiðskírt
Vatnsskarðshólar 6 alskýjað
Nuuk -8 léttskýjað
Þórshöfn 8 alskýjað
Ósló -1 heiðskírt
Kaupmannahöfn 0 skýjað
Stokkhólmur -2 heiðskírt
Helsinki -6 snjókoma
Lúxemborg 0 léttskýjað
Brussel 3 léttskýjað
Dublin 9 skýjað
Glasgow 7 alskýjað
London 4 rigning
París 4 súld
Amsterdam 5 rigning
Hamborg 2 léttskýjað
Berlín 1 skýjað
Vín 1 skýjað
Moskva -9 snjókoma
Algarve 15 heiðskírt
Madríd 6 heiðskírt
Barcelona 10 heiðskírt
Mallorca 9 léttskýjað
Róm 7 skúrir
Aþena 14 skýjað
Winnipeg -13 alskýjað
Montreal -4 alskýjað
New York 0 skúrir
Chicago -7 alskýjað
Orlando 10 heiðskírt
 11. janúar Sólarupprás Sólsetur
REYKJAVÍK 11:04 16:08
ÍSAFJÖRÐUR 11:39 15:43
SIGLUFJÖRÐUR 11:23 15:25
DJÚPIVOGUR 10:41 15:30
VEÐUR KL. 12 Í DAG
Á laugardag Norðlæg átt, 5-13 m/s og él fyrir norð-
an, vestan 5-13 sunnantil, rigning suðvestantil en úr-
komulítið suðaustanlands. Hiti 0 til 6 stig, en kóln-
andi og frystir víða fyrir norðan seinnipartinn.
Suðaustan 8-15 m/s með rigningu sunnan- og vestantil, en úrkomulítið norðaustanlands. Snýst í
suðvestan 5-10 seinnipartinn og úrkomuminna. Hiti víða 0-8 stig, en vægt frost norðaustantil.
BAKSVIÐ
Baldur Arnarson
baldura@mbl.is
Kristján Þórður Snæbjarnarson, formaður
Rafiðnaðarsambandsins og annar varaforseti
ASÍ, er talsmaður iðnaðarmannafélaganna í
kjaraviðræðunum við Samtök atvinnulífsins.
Þau eru Samiðn, Rafiðnaðarsambandið,
MATVÍS, Grafía – stéttar-
félag í prent- og miðlunar-
greinum, VM – Félag vél-
stjóra og málmtæknimanna
– og Félag hársnyrtisveina.
Hann segir SA hafa rætt
málefnalega um nokkrar
kröfur félaganna en lítið
hafi hreyfst í viðræðunum.
Félögin hafi kynnt áherslur
varðandi ýmis ákvæði
kjarasamninganna.
Nú sé verið að ræða kröf-
ur iðnaðarmannafélaganna sem lúta m.a. að
veikindarétti, orlofi, tilfærslu starfsréttinda
milli fyrirtækja, styttingu vinnuvikunnar og
því að færa kauptaxtana nær markaðslaunum.
„Við stefnum að sjálfsögðu að því að klára
samninga í þessum mánuði og sem fyrst. Við
gerum kröfu um að kjarasamningar gildi frá
lokum þess síðasta. Staðan getur hins vegar
breyst hratt. Við munum reyna til þrautar að
semja,“ segir Kristján Þórður.
Hafa dregist aftur úr í launum
Spurður um kaupkröfurnar segir hann
ótímabært að ræða tölur í því efni. Markmiðið
sé að auka kaupmátt launa og byggja ofan á
árangur síðustu ára. Iðnaðarmenn hafi dregist
aftur úr öðrum hópum í launum og því sé nauð-
synlegt að bæta úr því til að tryggja endur-
nýjun í greinunum.
Meðal markmiða sé að færa lágmarkslaun
nær greiddum markaðslaunum. Bilið milli
markaðslauna og lágmarkslauna hafi aukist
undanfarin ár og lyfta þurfi gólfinu.
Kristján Þórður segir aðspurður að verk-
efnastaðan sé góð hjá hans félagsmönnum. At-
vinnuleysi á Íslandi sé hverfandi og skortur á
iðnaðarmönnum í mörgum greinum. Mikil
uppbygging sé áformuð í samfélaginu.
Brotin algeng í greininni
Viðræðurnar snúist líka um að tryggja
launakjör erlendra starfsmanna sem margir
starfi á lágmarkslaunum. Brot á kjarasamn-
ingum séu einna algengust í byggingariðnaði.
Laun félagsmanna í þeim geira séu með þeim
lægstu innan Rafiðnaðarsambandsins.
Spurður um fyrirhugaða lengd kjarasamn-
inga segir Kristján Þórður skynsamlegt að
horfa til skemmri tíma. Þá jafnvel til skemmri
tíma en tveggja ára.
„Það fer allt eftir innihaldi samninganna og
hversu mikið verður í pakkanum. Við erum
ekki eins og önnur aðildarfélög ASÍ sem vilja
semja til þriggja ára. Við teljum að skynsam-
legt geti verið að horfa til styttri tíma,“ segir
Kristján Þórður sem segir einnig horft til
stjórnvalda í kjaraviðræðunum. Þá einkum
varðandi húsnæðismálin. Tryggja þurfi öllum
öruggt langtímahúsnæði og finna leiðir til að
fjölga hagkvæmum íbúðum, m.a. á lands-
byggðinni, og tryggja betur rétt leigjenda.
„Við leggjum líka áherslu á breytingar á
skattkerfinu sem auka jöfnuð. Við teljum að sá
hópur sem er með hæstu tekjurnar í samfélag-
inu eigi að leggja meira til samfélagsins, há-
tekjufólkið. Þá þarf að taka á félagslegum
undirboðum og koma í veg fyrir kennitölu-
flakk,“ segir Kristján Þórður.
Fer eftir gangi viðræðna um helgina
Hilmar Harðarson, formaður Samiðnaðar,
segir viðræðurnar komnar stutt á veg. Því sé
ótímabært að ræða ganginn í viðræðum.
Spurður hvort langt sé í samninga segir
Hilmar það „fara svolítið eftir því hvernig
gangi um helgina“. „Þótt viðræðurnar myndu
ganga vel yrðu samningar í fyrsta lagi um
mánaðamót. Það er mikil óvissa uppi og menn
eru í viðræðum í sitthvoru lagi innan ASÍ.“
Vilja ljúka samningum í janúar
 Talsmaður iðnaðarfélaganna hjá ASÍ segir stefnt að því að ljúka við kjarasamninga í þessum mánuði
 Byggt verði ofan á árangur síðustu ára og samið til skemmri tíma  Tekjuháir borgi hærri skatta
Morgunblaðið/Hari
Uppbygging við Hörpu Síðustu ár hafa verið uppgrip fyrir iðnaðarmenn á Íslandi.
Félagsmenn í Framsýn
samþykktu 28. desember
að meta í lok þessarar
viku hvort þeir vísa kjara-
deilunni til ríkissátta-
semjara. Höfðu Efling, VR
og Verkalýðsfélag Akra-
ness þá dregið samn-
ingsumboðið til baka frá
Starfsgreinasambandinu
(SGS) og vísað deilunni
til ríkissáttasemjara.
Hefur Verkalýðsfélag Grindavíkur nú einnig
dregið samningsumboðið til baka.
Framsýn stéttarfélag er eitt aðildar-
félaga Starfsgreinasambandsins. Fulltrúar
aðildarfélaganna skipta með sér verkum og
tekur einn hópur fiskinn, annar er með fisk-
eldið, sá þriðji með ræstingar og svo fram-
vegis. Viðræðurnar lúta að sérmálum ann-
ars vegar og hins vegar launahlið kjara-
samninganna. Efling tekur þátt í viðræðum
varðandi sérmálin en Verkalýðsfélag Akra-
ness er sér á báti í þeim efnum.
Meta hvort tilefni sé til framhalds
Aðalsteinn Á. Baldursson, formaður
Framsýnar á Húsavík, segir stöðuna geta
skýrst um helgina. „Við ákváðum að ljúka
viðræðum í þessari viku og meta fram-
haldið um helgina. Það skyldi ráðast af því
hvort alvara væri í viðræðum, eða hvort við
ættum að taka aftur samningsboðið og
vísa deilunni til ríkissáttasemjara. Við erum
ósátt við að Starfsgreinasambandið skuli
ekki hafa vísað deilunni þangað.“
Aðalsteinn segir aðspurður að gangur sé
í viðræðunum. „Það er gangur í sérmál-
unum en á morgun [í dag] munu atvinnu-
rekendur vonandi sýna á spilin varðandi
launin,“ segir Aðalsteinn. Starfsgreina-
sambandið hafi þegar vísað hugmyndum
Samtaka atvinnulífsins varðandi styttingu
vinnuvikunnar aftur til föðurhúsanna.
„Nú er komið að því að atvinnurekendur
sýni á spilin um hvað þeir treysta sér í raun
til að leggja fram,“ segir Aðalsteinn.
Samkvæmt heimildum Morgunblaðsins
lofa atvinnurekendur því jafnframt að
leggja eitthvað fram gagnvart hinum
félögunum, Eflingu, VR og Verkalýðsfélagi
Akraness, í næstu viku.
Aðalsteinn er í forsvari samninganefndar
hjá SGS gagnvart ferðaþjónustunni. Hann
gagnrýnir aðspurður þau ummæli Jóhann-
esar Þórs Skúlasonar, framkvæmdastjóra
Samtaka ferðaþjónustunnar, að mörg fyrir-
tæki í greininni beri ekki miklar launahækk-
anir. Þvert á móti „skrapi ferðaþjónustan
botninn“ hvað varðar launin.
Staðan skýrist
um helgina
LAUNAKRÖFUR FRAMSÝNAR
Aðalsteinn Árni
Baldursson
Guðbrandur Einarsson, formaður Versl-
unarmannafélags Suðurnesja og Lands-
sambands verslunarmanna (LÍV), segir ým-
islegt geta gerst í kjaraviðræðunum í dag.
„Við sem ekki vísuðum viðræðunum til rík-
issáttasemjara erum að taka stöðuna og átta
okkur á snertiflötum milli okkar og atvinnu-
rekenda. Við ætlum okkur að hittast á morg-
un [í dag, föstudag] og fara yfir það.
Varðandi snertifleti nefnir hann sem dæmi
lagfæringu á launatöflum, til dæmis hjá af-
greiðslufólki í búðum og verkafólki. Lægstu
taxtar séu margir undir lágmarkstekjutrygg-
ingu upp á 300 þúsund krónur. Lyfta þurfi
lægstu töxtum upp fyrir þetta gólf. Þá sé
horft til launakjara erlends verkafólks.
Einnig sé horft til ríkisvaldsins, m.a. varð-
andi breytingar á skatta- og bótakerfinu.
„Staðan er auðvitað orðin svolítið sér-
stök,“ segir Guðbrandur.
Með því vísar hann til þess að Efling, VR
Skoða samstarf í kjaraviðræðum
LÍV, IÐNAÐARMENN OG SGS META STÖÐUNA
og Verkalýðsfélag Akra-
ness hafi vísað kjaradeil-
unni til ríkissáttasemjara.
Það sé rétt sem kom
fram í Viðskiptablaðinu í
gær að LÍV, Starfsgreina-
sambandið og iðnaðar-
menn séu að skoða sam-
starf í kjaraviðræðunum.
„Þetta er rétt. Við erum að
skoða þessa möguleika. Ég
er búinn að segja það í okkar hópi innan ASÍ
að við þurfum auðvitað að endurmeta stöðu
okkar í ljósi þess að hluti verslunarmanna og
Starfsgreinasambandsins hefur tekið þá af-
stöðu að vísa deilunni áfram. Hinir sem eftir
sitja þurfa að skoða sína stöðu. Við teljum
ekki fullreynt um viðræður við Samtök at-
vinnulífsins og viljum láta reyna á það til
hlítar áður en menn vísa deilunni til rík-
issáttasemjara,“ segir hann.
Guðbrandur
Einarsson
Kristján Þórður
Snæbjarnarson