Morgunblaðið - 11.01.2019, Blaðsíða 25

Smáauglýsingar
Bækur
Bókaveizla
Hjá Þorvaldi
í Kólaportinu
30% afsláttur
af bókum í janúar
Opið laugardag
og sunnudag kl. 11-17
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Húsviðhald
FLÍSALAGNIR - MÚRVERK
FLOTUN - SANDSPARSL
MÁLUN - TRÉVERK
Ásamt öllu almennu viðhaldi
fasteigna
Áratuga reynsla og þekking
skilar fagmennsku og gæðum
Tímavinna eða tilboð
Strúctor
byggingaþjónusta ehf.
S. 893 6994
Raðauglýsingar
Raðauglýsingar
Fundir/Mannfagnaðir
Félagsfundur
Almennur félagsfundur Vbf. Þróttar verður
haldinn í húsi félagsins, Sævarhöfða 12,
fimmtudaginn 24. janúar n.k. kl. 20.00.
Sjórnin
Tilboð/Útboð
Skútustaðahreppur
Breyting á Aðalskipulagi
Skútustaðahrepps 2011-2023
Söfnun skólps, hreinsun og nýting á Hólasandi
Sveitarstjórn Skútustaðahrepps samþykkti þann 26. september 2018 að auglýsa tillögu að breytingu á
Aðalskipulagi Skútustaðahrepps 2011-2023 skv. 1. mgr. 31. gr. skipulagslaga nr. 123/2010.
Sveitarstjórn Skútustaðahrepps leggur til að breyting verði gerð á Aðalskipulagi Skútustaðahrepps 2011-2023
þannig að gert verði ráð fyrir aðstöðu fyrir söfnun salernisskólps í lokaðan geymslutank á Hólasandi og nýtingu
þess til uppgræðslu á sandinum. Fyrirhuguð aðalskipulagsbreyting nær til aðstöðu fyrir söfnunar- og geymslutank
með tilheyrandi búnaði á Hólasandi.
Tillöguuppdráttur með greinargerð mun liggja frammi á skrifstofu Skútustaðahrepps, Hlíðavegi 6, 660 Mývatni frá
og með fimmtudeginum 10. janúar 2018 til og með fimmtudeginum 21. febrúar 2018. Þá eru upplýsingar einnig
aðgengilegar á heimasíðu Skútustaðhrepps: http://www.skutustadahreppur.is/ undir ,,Skipulagsauglýsingar“.
Þeim sem telja sig eiga hagsmuna að gæta er gefinn kostur á að gera athugasemdir við tillöguna. Frestur til að
skila inn athugasemdum rennur út fimmtudaginn 21. febrúar 2018. Skila skal athugasemdum skriflega til skrifstofu
Skútustaðahrepps, Hlíðavegi 6, 660 Mývatni og/eða í tölvupósti á netfangið: gudjon@skutustadahreppur.is.
Þeir sem ekki gera athugasemdir við tillöguna innan tilskilins frests teljast henni samþykkir.
Guðjón Vésteinsson
Skipulagsfulltrúi
Tilkynningar
Nýskráningar
vegna greiðslna vegna útlána á
bókasöfnum
Af árlegri fjárveitingu Alþingis fyrir afnot á
bókasöfnum er úthlutað til rithöfunda,
þýðenda, myndhöfunda og annarra rétthafa,
samkvæmt útlánum og afnotum verka
þeirra á bókasöfnum. Um úthlutun gilda lög
nr. 91/2007 með síðari breytingum og reglur
nr. 323/2008.
Til að öðlast rétt til úthlutunar úr sjóðnum
þurfa höfundar og rétthafar að sækja um á
sérstökum eyðublöðum sem finna má á
heimasíðu, https://rsi.is/bokasafnagreidslur
/umsoknareydublad/
Umsóknarfrestur er til 31. janúar.
Vakin er athygli á að þeir sem nú þegar hafa skilað skráningu
þurfa EKKI að skrá sig aftur. Ný verk eru sjálfkrafa færð á skrá
höfundar.
Félagsstarf eldri borgara
Aflagrandi 40 Opin vinnustofa kl. 9-12.30. Bíó í miðrými kl. 13.15.
Kaffi kl. 14.30-15.20. Gönguferð kl. 9.30. Söngfuglarnir kl. 13. Bók-
menntaklúbbur kl. 13.15. Kaffi kl. 14.30-15.20.
Árskógar Smíðar, útskurður, pappamódel með leiðbeinanda kl. 9-16.
Botsía með Guðmundi kl. 10. Opið hús kl. 13-16. Bókabíllinn kemur
við Árskóga 6-8 kl. 16.15-17. Innipútt opið. Hádegismatur kl. 11.40-
12.45. Kaffisala kl. 15-15.45. Heitt á könnunni, velkomin. S. 535-2700.
Boðinn Vöfflukaffi kl. 14.30. Línudans kl. 16.
Bólstaðarhlíð 43 Opin handverksstofa kl. 9-16. Morgunkaffi kl. 10-
10.30. Leikfimi kl. 12.50-13.30. Opið kaffihús kl. 14.30-15.
Dalbraut18-20 Stólaleikfimi með Rósu kl. 10.15.
Félagsmiðstöðin Lönguhlíð 3 Leikfimi kl. 13.45. Kaffiveitingar kl.
14.30. Allir velkomnir!
Garðabær Dansleikfimi Sjálandi kl. 9.30. Gönguhópur frá Jónshúsi
kl. 10. Félagsvist FEBG í Jónshúsi kl. 13. Bíll fer frá Litlakoti kl. 12.20,
Hleinum kl. 12.30 og frá Garðatorgi 7 kl. 12.40 og til baka að lokinni
félagsvist, ef óskað er. Stólajóga byrjar fimmtudaginn 17. janúar kl. 11.
Gjábakki Kl. 9 handavinna, kl. 9 botsía, kl. 12.45 tréskurður, kl. 20
félagsvist.
Gullsmári Handavinna kl. 9. Leikfimi kl. 10. Fluguhnýtingar kl. 13.
Gleðigjafarnir kl. 13.30.
Hvassaleiti 56-58 Félagsmiðstöðin er opin frá kl. 8-16, blöðin og
púsl liggja frammi. Morgunkaffi kl. 8.30-10.30, útvarpsleikfimi kl. 9.45,
hádegismatur kl. 11.30, brids í handavinnustofu kl. 13, bíómyndin
Diana kl. 13.15 og eftirmiðdagskaffi kl. 14.30.
Hæðargarður Við hringborðið kl. 8.50, boðið upp á kaffi. Frjáls tími í
Listasmiðju, thai chi með Guðnýju kl. 9-10, botsía kl. 10.15. Hádegis-
matur kl. 11.30 (panta þarf fyrir kl. 9 samdægurs). Myndlistarnám-
skeið hjá Margréti Zóphoníasdóttur. Zumbadansleikfimi með Auði
Hörpu kl. 13-13.50, eftirmiðdagskaffi kl. 14.30, Hæðargarðsbíó kl. 14.
Allir velkomnir. Nánari upp. í síma 411-2790.
Korpúlfar Sundleikfimi kl. 9 í Grafarvogssundlaug, Bridgehópur
Korpúlfa kl. 12.30 í Borgum og hannyrðahópur Korpúlfa kl. 12.30 í
Borgum. Vöfflukaffi frá kl. 14.30 til 15.30 í dag í Borgum.
Norðurbrún 1 Morgunkaffi kl. 8.30, trésmiðja kl. 9-12, listasmiðja
með leiðbeinanda kl. 9-12, morgunleikfimi kl. 9.45, upplestur kl. 11,
bingó kl. 14, bókasafnshópurinn kl. 15.30. Uppl. í s. 4112760.
Seltjarnarnes Kaffispjall í króknum kl. 10.30. Leikfimi með Evu í saln-
um á Skólabraut kl. 11. Syngjum saman í salnum á Skólabraut kl. 13.
Spilað í króknum kl. 13.30. Brids í Eiðismýri 30, kl. 13.30. Nk. þriðju-
dag. 15. janúar kl. 13 koma nemendur úr 5. bekk Mýrarhúsaskóla og
spila með okkur bingó. Allir velkomnir.
Sléttuvegur 11-13 Selið á Sléttuvegi er opið frá kl. 10–14. Heitt á
könnunni frá kl. 10–11 og hægt er að líta í blöðin. Hádegismatur er frá
kl. 11.30–12.15 og panta þarf matinn daginn áður. Framhaldssaga eða
bíó kl. 13. Allir velkomnir. Síminn í Selinu er 568-2586.
Stangarhylur 4 Dansað sunnudagskvöld 13. janúar kl. 20-23. Hljóm-
sveit hússins leikur fyrir dansi. Allir velkomnir. ZUMBA Gold, byrjun
14. janúar kl. 9.30. Bjóðum nýja iðkendur velkomna í skemmtilegan
hóp. ENN LAUST PLÁSS STERK OG LIÐUG, leikfiminámskeið fyrir
dömur og herra byrjar 14. janúar kl. 11.30.
Vesturgata 7 Sungið við flygilinn frá kl. 13-14 með Gylfa Gunnars-
syni. Kaffi kl. 14-14.30.
200 mílur
með
morgun-
nu
sé rusl úti á götu sem er ekki
sjaldan.
Allar ferðirnar sem við fórum
saman í til Vöðlavíkur eru ógleym-
anlegar. Þar fékk ég að sitja undir
stýri, hanga aftan á bílnum á vara-
dekkinu á meðan þú keyrðir yfir ár
og sanda, vaða í sjónum og tína svo
rekavið sem við kveiktum svo upp í
varðeldi með. Þar var nestið svo
borðað, eða pylsur grillaðar. Það
var nú ekki hættulaust að hanga
aftan á bílnum en það gerði það svo
spennandi. Oft var maður skít-
hræddur með þér. Eins og þegar
ég var að gefa Vigdísi brauð í hest-
húsinu og fór með lúkurnar of langt
upp í hana sem varð til þess að
puttinn á mér var næstum því bit-
inn af. Þú reddaðir því með að
binda pokann utan af brauðinu ut-
an um puttann á mér! Ekki má
gleyma þegar við vorum að rölta
niður Hólmanesið og ég rúllaði nið-
ur alla hlíðina með mörg hundruð
kílóa grjót á eftir mér sem ein-
hverra hluta vegna fór ekki yfir
mig.
Atvikin eru óteljandi enda
varstu algerlega óþreytandi með
okkur strákana.
Það voru líka ferðir sem þú dróst
okkur í sem okkur þótti alls ekki
spennandi. Þegar maður lítur til
baka þá gáfu þær manni helling,
allaballaferðirnar með Hjörleifi
Guttormssyni og gamla fólkinu.
Maður komst ekki hjá þeim af því
afi Ölver sagði að við ættum að
fara. En maður fór víða í þessum
ferðum og ég er alveg viss um að
maður væri ekki búinn að sjá svona
mikið af Austurlandinu ef maður
hefði aldrei farið í þessar blessuðu
allaballaferðir. Ekki má gleyma öll-
um þessum helgum sem maður
eyddi með þér í að gróðursetja tré.
Það fannst okkur ekki spennandi
en þetta kenndi manni margt.
Allt sem þú gerðir, allt sem þú
áttir og allt sem þú klæddir þig í
þótti manni töff. Við Bóas héngum
t.d. tímunum saman við að fara í
gegnum skápana þína, mátandi
frystihússloppa, hatta, jakka og
húfur svo fátt eitt sé nefnt. Allir
jepparnir sem þú áttir fannst
manni líka svakalega flottir. Það
sem gerði þá líka að þínum var að
þegar maður setti miðstöðina í
gang fékk maður vægt kjaftshögg
frá harðfisksmylsnu sem miðstöðin
blés í andlitið á manni! Talandi um
harðfiskinn þá veit ég ekki hversu
mörgum stundum maður eyddi
með þér í eldhúskróknum borðandi
harðfisksmylsnu með skeið og
vænni klípu af smjöri, almennileg
máltíð það.
Þökk sé þér þá eru bara góðar
minningar sem hellast yfir mann
þegar maður á ekkert nema
mylsnu af harðfisk eftir í pokanum.
Sakna þín elsku afi.
Andri Freyr Viðarsson.
Það var blístrað í útiganginum
og þá vissum við bræðurnir að afi
Ölver væri kominn í heimsókn. Og
hann sótti okkur heim í Reyðar-
fjörðinn stundum nokkrum sinnum
í viku öll okkar æsku- og unglings-
ár. Þessi glæsilegi og uppátækja-
sami maður var hinn fullkomni afi;
endalaus ævintýri sem hann bauð
manni upp á sem og tækifæri til að
vaxa og verða að manni. Það var
nánast ekkert sem hann leyfði
manni ekki að taka þátt með sér í.
Einnig var hann hlýr, fyndinn,
stríðinn og fylginn sér.
Afi var mér alltaf mikill innblást-
ur og lærifaðir. Hann studdi mig og
aðra í svo mörgu. Gaf mér flautur,
nótnabækur og mætti á tónleika
sem ég spilaði á. Heima hjá okkur
bað hann mig að leika fyrir sig lög,
hann gætti þess að lestri mínum og
skrift miðaði áfram og reyndi að
kenna mér að reikna.
Það var líkt og hann byggi yfir
fordómaleysi. Má vera að hann hafi
haft einhverja eins og við öll, en
hann gætti þess að hafa slíkar pæl-
ingar aldrei uppi við okkur krakk-
ana. Það var einhvern veginn eins
og allt væri gott eða skiljanlegt og
fjölbreytileiki mannlífsins væri
eitthvað sem við ættum öll að virða
og baða okkur upp úr. Það opnaði
huga minn mikið.
Ég kunni líka vel að meta þegar
hann stal manni yfir á Eskifjörð til
að taka til hendinni í hesthúsinu
eða í heyskap. Þannig var það allt
árið um kring. Stundum vantaði
hann bara einhvern með sér í reið-
túr. Og líka, ef hann var að keyra
firðina vegna fiskmatsvinnu sinn-
ar þá var manni rænt líka. Það var
stoppað á ýmsum bryggjum og við
ýmsar fiskvinnslur og drepið á
bílnum. „Ekki fara langt, Birkir
minn.“ Svo fékk ég að valsa þarna
um allt, skoða og tala við
ókunnuga. „Þetta er strákurinn
hans Ölvers“ og þar með var það
ákveðið. Oft vildi maður bara vera
nálægt honum og þessu fólki til að
hlusta á það tala. Hann átti vini
alls staðar.
Hann var maður augnabliksins.
Stundum kom hann heim til okkar
með litlum fyrirvara og tilkynnti
að við værum að fara í náttúruna.
Sækið hlýjar peysur og vatnsheld-
an skóbúnað. Það má engan tíma
missa. „En afi, Baldur er að leika
við okkur...“ Ekkert mál, tökum
hann bara með! Þannig að oft voru
annarra manna börn, sem hann
var kannski að sjá í fyrsta skipti,
komin í svaðilför með okkur. Hon-
um fannst það fullkomlega eðli-
legt.
Öll ferðalögin í Vöðlavík,
Krossanes, hálendið, firði og dali
Austurlands og víðar. Vöðlavíkur-
ferðirnar voru samt bestar. Þá fór
oft stór hluti fjölskyldunnar með
eða vinir okkar bræðra. Sögur
sagðar, matar notið á gamla mát-
ann og fyrir okkur kynntir ýmsir
töfrar svæðisins og við áttum allt-
af að fylgjast vel með dýrunum,
hlusta á þau. Vera út í veðrinu.
Fanga fisk. Læra nöfn á plöntum
og grjóti af ýmsu tagi. Örnefni og
kennileiti með nöfn, það yrðum við
að læra. Alltaf fengum við að
keyra jeppana hans og djöflast í
talstöðinni.
Fullorðinn ákvað ég að eyða
sumrinu 2009 heima hjá afa. Það
var dýrmætur tími líka. Ekki
löngu síðar fór hreystin sem hann
var frægur fyrir að fjara út. Það er
mikill sjónarsviptir að afa, fyrir
fjölskyldu hans og Austfirðinga
alla. Takk fyrir allt, elsku hjartans
afi.
Birkir Fjalar Viðarsson.
Genginn til hinztu hvílu er góð-
ur drengur og gegnheill. Þegar
ellin sækir hart að mönnum verð-
ur hvíldin býsna kær. Fáein fá-
tækleg þakkarorð flyt ég í dag.
Mynd hans Ölvers er ljóslifandi í
muna mér, síðustu samfundir
voru eins og oft áður ljómandi
góðir, við gengum sömu þjóðmála-
götuna og glöddumst yfir sam-
fylgdinni.
Það var alltaf hressandi að hitta
þennan vaska dreng og fá að eiga
við hann orð. Það var raunar
býsna oft meðan ég var að vasast í
þjóðmálunum. Ekki vantaði orð-
kynngina, ef því var að skipta, ein-
arður í orðum, ötull í verkum.
Hann gat verið gagnrýninn en
sanngjarn samt, slíkir liðsmenn
voru ómetanlegir, því „vinur er sá
er til vamms segir“. En hann
sýndi manni líka einlæga vináttu
og hlýju enda var hún honum svo
eðlislæg. Það var líka alltaf gott að
finna handtak hans, bæði verm-
andi og hressandi svo sannarlega.
Ölver var um árabil í forystu-
sveit eskfirzkra sósíalista og hann
var einlægur fylgjandi Vinstri-
grænna, alltaf vel til vinstri. Hann
var afar vinsæll meðal vinnu-
félaga, Skafti mágur minn bar þar
órækast vitni og hans dómi var
alltaf hægt að treysta. Ölver var
maður verka og vinnu, röskur og
verklaginn mjög, honum sýndur
trúnaður og traustið brást aldrei.
Ég kveð Ölver, minn góða fé-
laga, fyrir hans gjöfulu fylgd ár-
anna, það er gott að eiga slíkan fé-
laga sem bæði lofar það sem vel er
gert og liggur ekki á skoðun sinni
ef miður þykir, hreinskilni hans
var mér hugumkær. Megi hann
hvíla í friði eftir annasaman dag.
Við Hanna sendum afkomend-
um hans okkar innilegustu sam-
úðarkveðjur við fráfall mikils
öðlings.
Helgi Seljan.
MORGUNBLAÐIÐ FÖSTUDAGUR 11. JANÚAR 2019