Morgunblaðið - Sunnudagur - 06.01.2019, Blaðsíða 30

30 MORGUNBLAÐIÐ SUNNUDAGUR 6.1. 2019
Á
n þess að stuðst sé við marktæka
rannsókn af neinu tagi skal
giskað á, að almenningur ætti í
meiri erfiðleikum nú en áður
væri hann beðinn um að telja
upp þá sem sitja á þingi.
Uppteknir menn sem engir þekkja
Og jafnvel þótt myndir fylgdu spurningu um þing-
menn myndu fáir þekkjast í sjón.
Kona sleppti æfingu sem hún var að eigin sögn að
fara á í Iðnó og sat í staðinn á fjórðu klukkustund
takandi upp með leynd fyllerísröfl í hinum enda öl-
hússins. Sú var ekki upptekin.
Konan sagðist aðeins hafa þekkt einn af þessum 6
í sjón en tók samt upp þeirra tal, því þeir höfðu svo
hátt! Því verður að ætla að þarna hafi verið á ferð-
inni mikill áhugamaður um þjóðfélagsmál. Og fyrir
útsjónarsemi örlaganna reyndust þessir 5 við borð-
ið, sem hún þekkti ekki haus né sporð á, en hleraði
samt, vera í hópi óþekktra þingmanna og jafnframt
í þessu tilviki í hópi óþekku þingmannanna. Því má
ætla að upptökustjórinn þekki aðeins 10 þingmenn
af 63 í sjón. Þó voru í þessum hópi, fyrir utan þann
sem hún kannaðist við, einn fyrrverandi utanríkis-
ráðherra og svo þingflokksformaður sem hefur haft
töluverða fyrirferð í fjölmiðlum.
Almenningur hefur það sér til afsökunar að mikil
umskipti hafa verið í þingsalnum og flestir standa
nú orðið stutt við þar, sem er eftirtektarvert, ekki
síst þar sem ýmsir úti í bæ agnúist út í það hvað
launin séu há.
Skipta öllum inn á
Sjálfskipaðir eða upphafnir „sérfræðingar“ um
stjórnmál hafa lengi látið þannig fyrir allar kosn-
ingar að öllu skipti um velferð og þjóðarhag að sem
mestar breytingar verði í þingsalnum eftir þær.
„Nýir vendir sópa best“ er sagt og það er rétt hvað
sópana varðar. En á þinginu og víðar skiptir meira
máli að kunna með sópinn að fara. Á tannlækna-
stofum er mikilvægt að tækin séu góð og óslitin en
mestu varðar að sá sem borar viti sínu viti, sé lag-
inn og næmur og kunni svör við öllu sem ber á
góma.
Það er Ellert B. Schram sem kallar fram þessar
hugrenningar. Ekki löngu fyrir jól urðu úr því heil-
miklar fréttir þegar það „gamalmenni“ var kallað í
fáeina daga inn á þing. Verði Ellert kallaður aftur
inn á nýbyrjuðu ári verður það ekki lakari frétt
enda hann þá orðinn eldri en síðast.
Fróðleiksmenn höfðu flett því upp að Ellert væri
elsti maður sem setið hefði á Alþingi, en hann varð
nýlega 79 ára. Mörgum varð hugsað til þess að
óvænta fréttin væri frekar sú að enginn maður á
þessum aldri eða eldri skyldi hafa setið á þingi þjóð-
arinnar.
Dæmin sem við
viljum bera okkur við
Árið 1964 flykktist múgur og margmenni að þing-
húsinu í London þegar fréttist að Winston Churchill
væri að hætta á þingi. Hann var þá níræður. Settist
inn í bíl sinn reykjandi eðalvindil og gaf sigur-
merkið.
Jú, segja menn, en hann var jú alveg einstakur sá
karl, hvernig sem á hann var litið. Mikið rétt en
ekki svo einstakur í umræddum efnum.
De Gaulle sagði óvænt af sér sem forseti Frakk-
lands 78 ára gamall. Vinur hans, Konráð Adenauer
lét af kanslaraembætti Þjóðverja 84 ára gamall.
Ekki löngu áður hafði hann leitt barnabarn sitt og
spurt drenginn hvað hann ætlaði að verða þegar
hann yrði stór. „Kanslari, afi“ svaraði drengurinn.
„Það er ekki laust“ svaraði afinn stuttur í spuna.
Látum vera með menn eins og Franco sem var
einvaldur á Spáni þar til að hann lést 83 ára gamall.
Hjá honum var kjörkassinn einn og án rifu og
geymdur hjá herráðinu.
Berlusconi, sá gamli vinur bréfritara, heldur 82
ára enn um marga spotta á Ítalíu og er þá ekki átt
við hlýra og bikinibönd.
Enginn leiðtogi nýtur eins mikils trausts í Bret-
landi og Elísabet drottning sem verður 93 ára 21.
apríl nk. og varla er vitað til þess að hún hafi misst
dag úr vinnu. En hún þarf auðvitað ekki að horfa
með hrolli til kjörkassanna.
Þeir vita það fyrir vestan
En sé horft til Bandaríkjanna og síðustu kosninga
þar þá kemur margt fróðlegt í ljós. Dianne Fein-
stein, þingmaður öldungadeildar frá Kaliforníu,
fékk mótframboð gegn sér innan flokks demókrata í
nóvember sl. og þurfti því að hafa aðeins meira fyrir
sæti sínu en venjulega. Feinstein verður 86 ára í
júní og var kosin til 6 ára og verður því farin að
halla í 92 árin þegar hún hugar að endurkjöri næst.
Mikið hefur verið látið með það, að demókratar
hafi náð aftur meirihluta í fulltrúadeild þingsins
sem þeir misstu í janúar 2011, þegar Obama hafði
verið forseti í tvö ár af átta. Nancy Pelosi, sem var
forseti deildarinnar þegar meirihlutinn tapaðist,
var endurkjörin nú. Pelosi verður 79 ára í mars
(jafnaldra Ellerts „gamla“) og er kosin til tveggja
ára.
Nú eru demókratar sem óðast að stilla upp fram-
bjóðendum sínum fyrir næstu forsetakosningar. Er
fjöldi manna á ferðinni. Joe Biden, fyrrverandi
varaforseti, er sagður heitur. Hann verður 78 ára í
nóvember 2020. Annar sem er sagður jafnvel enn
heitari en Biden er Michael Bloomberg, fyrrverandi
borgarstjóri í New York. Hann er nærri ári eldri en
Biden og hlýtur því að hafa forskot samkvæmt hinu
Sjálfgefið er að upp-
teknir menn fari í frí
og að aldurinn geri
fleira gott en rauðvín
’
Það hefði vissulega verið frétt ef Ellert
gamli hefði á ný fengið miðvarðar-
stöðu í landsliðinu í knattspyrnu sem
hann gegndi forðum með reisn og prýði.
En hitt að hann hafi mætt í fáeina daga
til að hækka meðalaldur þingmanna
pínulítið innan ársins er önnur saga.
Reykjavíkurbréf04.01.19