Morgunblaðið - Sunnudagur - 06.01.2019, Blaðsíða 40

SUNNUDAGUR 6. JANÚAR 2019
Þegar hin níu ára gamla Ava Tiedemann fékk það
verkefni á aðventunni í skólanum sínum í Spring-
field í Missouri í Bandaríkjunum að velja sér
land og kynna sér jólahefðir þess þurfti hún
ekki að hugsa sig um tvisvar; aðeins Ísland
kom til greina enda fæddist afi hennar,
George Valdimar Tiedemann, hérlendis árið
1944, sonur hjónanna Magnúsínu Brynjólf-
ínu Valdimarsdóttur úr Aðalvík og Rob-
erts L. Tiedemann, sem gegndi herþjón-
ustu á Íslandi. Þau fluttu vestur um haf
sama ár.
Ava tók verkefnið föstum tökum og
hannaði og saumaði, með góðri hjálp,
íslenska þjóðbúninginn og mætti í
honum í skólann, New Covenant Aca-
demy. „Fyrirmyndin var ljósmynd af langalangömmu minni,
Kristínu Jónu Friðriksdóttur, þar sem hún klæðist þjóðbún-
ingnum. Mér fannst svalt að búa til og klæðast búningi sem langa-
langamma mín var í líka,“ segir Ava.
Annar liður í verkefninu var að koma með sýnishorn af mat frá
viðkomandi landi og varð Ópal fyrir valinu. „Það er vegna þess að
þegar afi kemur heim úr sinni árlegu ferð til Íslands er hann alltaf
með Ópal í farteskinu handa okkur fjölskyldunni. Mér finnst Ópal
mjög gott, sérstaklega þetta rauða, en ég er hins vegar ekki sannfærð um
að bekkjarfélagar mínir deili þeim smekk með mér,“ segir Ava.
Hún segir skólaverkefnið hafa verið áskorun og að hún hafi notið þess
að deila með félögum sínum öllu því sem hún hafi lært um arfleifð sína
og Ísland. „Vonandi fæ ég tækifæri til að heimsækja Ísland í sumar og
jafnvel koma á slóðir langalangömmu minnar í Aðalvík.“
Ava Tiedemann, bandarísk stúlka af íslensku
bergi brotin, hannaði og saumaði íslenska
þjóðbúninginn fyrir verkefni í skólanum.
Stolt af uppruna sínum
Umræðan um falsfréttir er ekki
ný af nálinni, enda þótt margir
tengi hana við Donald Trump
Bandaríkjaforseta. Þannig taldi
Morgunblaðið sig hafa staðið
Alþýðublaðið að slíkum frétta-
burði í byrjun árs 1939.
„Í Alþýðublaðinu í gær birtist
frjettagrein frá verðlagsnefnd
með dylgjum og aðdróttunum
um heildsala bæjarins, sem öll
er ósönn frá upphafi til enda.“
Í frétt Alþýðublaðsins kom
fram að heildsalar hefðu neitað
að gefa verðlagsnefnd skýrslu
um álagningu sína og að þeir
reyndu með öllu móti að þver-
skallast gegn nefndinni, rétt
eins og þeir hefðu sagt verð-
lagsnefnd stríð á hendur.
„Er þessi þrjóska heildsalanna
útmáluð í blaðinu með hinum
svakalegustu orðum og sagt, að
verðlagsnefndin hafi nú orðið
að grípa til þess úrræðis að
leggja dagsektir á heildsala til
þess að knýja þá til að afhenda
skýrslur, sem kaupmenn og
kaupfjelög hafi afhent.“
Þótti Morgunblaðinu furðu-
legast, að svo virtist sem þessi
upplogna frétt væri frá sjálfum
formanni verðlagsnefndarinnar
runnin, Guðjóni Teitssyni. Það
fullyrti alltént einn nefndar-
manna, Oddur Guðjónsson, í
samtali við Morgunblaðið.
„Hann vildi að vísu ekki kann-
ast við það á fundinum [hjá
verðlagsnefnd], að hann hefði
skýrt Alþýðublaðinu frá mála-
vöxtum, eins og þar var frá
skýrt, því hann varð að viður-
kenna það á fundinum, að það
væri alt rangt, sem blaðið fór
með. En jeg tel engan vafa á
því, að heimildarmaður Alþýðu-
laðsins sje sjálfur formaður
verðlagsnefndar, Guðjón Teits-
son, og enginn annar,“ sagði
Oddur.
Furðulegur fréttaburður
GAMLA FRÉTTIN
ÞRÍFARAR VIKUNNAR
Ríkarður Ö. Pálsson
tónlistargagnrýnandi
Logi Már Einarsson
alþingismaður
Franz Gunnarsson
tónlistarmaður
Kristín Jóna Friðriks-
dóttir, langalangamma
Övu Tiedemann.
Ava Tiede-
mann í bún-
ingnum góða.
FAXAFENI 5
Reykjavík
588 8477
DALSBRAUT 1
Akureyri
588 1100
SKEIÐI 1
Ísafirði
456 4566
STILLANLEG RÚM • HEILSURÚMOG -DÝNUR • GAFLAR • SÆNGUR • KODDAR • SVEFNSÓFAR • STÓLAR • SÆNGURFÖT, O.FL.
60%AFSLÁTTUR
ALLT AÐ
ÚTSALA
VEFVERSLUN
www.betrabak.is
OPIN ALLAN SÓLARHRINGINN