Morgunblaðið - Sunnudagur - 06.01.2019, Blaðsíða 18

Áramót í Grafar-
vogi 2017-2018.
Meðan við hin erum að sjóða hamborgarhrygginn eðasteikja kalkúninn á gamlársdag leggst Árni Sæberg ljós-myndari í njósnir fyrir kvöldið. Hvar ætli hann nái bestu
myndinni af hinni tignarlegu flugeldasýningu höfuðborgarbúa?
Hvar ætli sé besta skotlínan?
„Ég byrjaði á þessum sið þegar ég hóf störf á Morgunblaðinu ár-
ið 1984 og hef sinnt þessu óslitið síðan,“ svarar Árni þegar spurt er
hvenær hann hafi byrjað að mynda flugelda við áramót.
Mest hefur hann verið í miðbæ Reykjavíkur en einnig í Hafnar-
firði, Breiðholti, Grafarvogi, vesturbæ Reykjavíkur og víðar. „Ég er
alltaf að leita að nýjum stöðum, nýjum svölum,“ segir Árni en færa
má fyrir því rök að hann sé að jafnaði „svalasti“ maðurinn í bænum
um áramót. „Ég hef staðið á ófáum svölunum á gamlárskvöld og er
alltaf jafn vel tekið. Ég hringi bara bjöllunni hjá húsráðendum,
kynni mig og er boðið inn. Á sumum stöðum eru partí í gangi og
mér boðið í glas sem ég verð auðvitað alltaf að afþakka – enda í
vinnunni og á bíl.“
Annars gæti svalasamkvæmum farið fækkandi enda drónar
komnir til sögunnar og ekki ólíklegt að Árni beiti þeirri tækni um
næstu áramót.
Af heppilegum stöðum til að mynda á nefnir Árni sem dæmi
nýju háhýsin í Skuggahverfinu og turninn á Landakotsspítala,
þar sem hann hefur verið í nokkur skipti. Raunar þarf hann
nokkra vinkla í hverri lotu, bæði til birtingar strax á Mbl.is og síð-
an um næstu áramót, framan á gamlársblaði Morgunblaðsins.
„Og myndirnar hafa ratað víðar,“ segir Árni og dregur úr pússi
sínu jólakort sem Landhelgisgæslan lét á sínum tíma gera. Eitt
árið voru myndir Árna síðan sendar til breska ríkisútvarpsins,
BBC, í Lundúnum sem varð til þess að lið var sent hingað til að
fanga stemninguna við áramót. „Ég man ekki betur en að BBC
hafi sent beint út frá Reykjavík, svo heillaðir voru menn af dýrð-
Fjöldi fólks kemur að jafnaði
saman til að fagna áramótum
við Landakotskirkju. Myndin er
tekin úr turni spítalans.
Í 35 ár hefur Árni Sæberg, ljósmyndari Morgunblaðsins, farið á
stúfana á gamlárskvöld og myndað flugeldasýninguna á
höfuðborgarsvæðinu við áramót. Árni er stöðugt að leita að
nýju sjónarhorni og er iðulega vel tekið þegar hann knýr dyra
og biður fólk að hleypa sér upp á svalirnar hjá sér.
Orri Páll Ormarsson orri@mbl.is
Ljósmyndir
ÁRNI SÆBERG
Við Árnamót
inni. Tökuliðið fór í þyrluflug og hvaðeina,“ rifjar hann upp.
Eins og svo margt annað í þessu lífi krefst þetta verkefni fórna og
Árni hefur ekki séð Áramótaskaupið í heild sinni á gamlárskvöld
síðustu 35 árin. „Ég næ stundum byrjuninni áður en ég legg af stað
í myndatökuna. Mikilvægt er að vera snemma á ferðinni, þegar um-
ferð er lítil, og ná að koma sér fyrir á góðum stað, þannig að hægt sé
að byrja að mynda svona tuttugu mínútum fyrir miðnætti. Bestu
myndirnar nást oftar en ekki þá enda er mengun gjarnan orðin
mikil á slaginu tólf og dökkt ský yfir borginni.“
Eftirminnilegustu áramótin voru, að sögn Árna, rétt fyrir alda-
mótin þegar tívolíbombur voru leyfðar. „Það var svakaleg sýning;
tívolíbomburnar voru eins og vopn og borgin bara eins og Dresden í
stríðinu.“
Fyrstu árin tók Árni myndirnar iðulega á 100 asa filmu, tveggja
mínútna ljósop 16, og jafnvel á 4x5 tommu trémyndavél, með
skikkju á herðunum, eins og þekktist í gamla daga. Um tíma tók
hann myndir í panoramastíl á forláta Linhof-myndavél en seinustu
árin hefur Árni alfarið myndað stafrænt. „Fyrstu stafrænu mynda-
vélarnar náðu þessu ekki nógu vel, það verður að viðurkennast, en
þetta er allt annað mál í dag; þær ná ljómandi góðum myndum. Ég
næ meira að segja fínustu ljósmyndum á Samsung Note9-símann
minn og vídeóum ef því er að skipta. Það kemur sér vel enda vill
Mbl.is alltaf fá myndirnar strax til birtingar.“
Árni segir verkefnið alltaf jafnskemmtilegt og gaman sé að hafa
skráð þetta mikla sjónarspil í allan þennan tíma. En tímarnir breyt-
ast og bomburnar með og hann á alveg eins von á því að draga muni
úr flugeldum við áramót í framtíðinni. „Svíar eru búnir að banna
þetta af umhverfisástæðum og ekki ólíklegt að við förum sömu leið.
Skipulagðar flugeldasýningar verða örugglega áfram en Pétur og
Páll fá ekki mikið lengur að skjóta upp flugeldum heima í garðinum
hjá sér. Þess vegna er gott að eiga þessa heimild.“
Í MYNDUM
18 MORGUNBLAÐIÐ SUNNUDAGUR 6.1. 2019