Morgunblaðið - 15.03.2019, Blaðsíða 6

F
lestir kannast við alheims-
fegurðardrottninguna
fyrrverandi Lindu Péturs-
dóttur. Fegurð hennar og
hæfileika þegar kemur að
útliti og heilsu þekkja allir lands-
menn. Færri þekkja eflaust til
móðurinnar Lindu sem setur dóttur
sína framar öllu öðru. Enda hafa þær
alla ævi Ísabellu verið tvær saman.
Ræturnar á Íslandi
„Ræturnar eru auðvitað á Íslandi
og það kom aldrei neitt annað til
greina en að fermast heima að ís-
lenskum sið. Það er það sem Ísabella
vildi og þar sem þetta er hennar dag-
ur fékk hún að ráða.“
Hvernig er að búa erlendis?
„Það fer virkilega vel um okkur í
Norður-Ameríku en annars erum við
með aðsetur í Palm Springs og Van-
couver og auðvitað á Álftanesinu
okkar líka.“
Eruð þið nánar mæðgur?
„Já, það er óhætt að segja það. Við
höfum alla tíð verið mjög nánar enda
Ísabella alfarið alin upp hjá mér sem
einstæðri móður og við höfum að
mestu verið bara tvær, ásamt hund-
unum okkar.“
Róleg yfir fermingunni
Hvernig verður fermingin?
„Við erum nú afskaplega afslapp-
aðar með þetta allt saman. Ég er að
minnsta kosti ekki týpan sem setur
allt á hvolf á heimilinu út af ferming-
unni heldur verður þetta bara lítið og
látlaust hjá okkur. Það hefur örugg-
lega sitt að segja að vera utan land-
steinanna og þar af leiðandi ekki í
stússinu og spenningnum sem fylgir
gjarnan þessum degi eins og við
þekkjum mörg. Ég fer nú bráðlega
af stað með að undirbúa og mun
leigja sal og kaupa veitingar, ætla að
gera þetta eins einfalt og hægt er,
enda komum við bara til landsins
rétt til að eiga þessa stund saman
heima með okkar fólki þar.“
Fermingarbarnið elskar að ferðast
Ísabella Ása hefur mikinn áhuga á
að ferðast. „Ég hef farið með
mömmu til 12 landa og markmiðið
mitt er að ferðast einu sinni til tvisv-
ar á nýja staði árlega. Mér finnst
einnig mjög gaman að dansa. Í dag
langar mig að verða innanhússhönn-
uður en það á kannski eftir að breyt-
ast eftir því sem ég verð eldri.“
Ertu trúuð?
„Já, ég er trúuð og fer með bænir
á hverju kvöldi.“
Hvernig langar þig að vera
klædd?
„Ég ætla að vera í hvítum stuttum
kjól, með fallegt hálsmen með nafn-
inu mínu á sem afi og amma gáfu
mér – og með hárið slegið.“
Fermist ein í kirkju 17. júní
Hvað langar þig í í fermingargjöf?
„Nýja Apple-tölvu og peninga en
ég er að safna fyrir íbúð þegar ég
verð eldri.“
Ertu spennt fyrir fermingunni?
„Ekki neitt svakalega mikið því
mér finnst hún enn það langt í burtu
og af því ég er ekki með krökkum
heima í fermingarfræðslu þá finn ég
minna fyrir þessu. Krakkarnir hér
úti fermast ekki.“
Hvernig sérðu fyrir þér ferm-
ingardaginn?
„Held ég verði smá stressuð því ég
er bara ein að fermast og þá verður
kannski of mikil athygli á mér og
mér finnst það óþægilegt enda utan þægindarammans míns. En mamma
og pabbi, afi og amma og nánasta
fjölskyldan mín verða í kirkjunni og
það er gott að vita af þeim þarna með
mér. Í veislunni vil ég hafa mikið af
kræsingum og bjóða vinkonum mín-
um og fjölskyldu á Íslandi og fara
svo seinna um daginn að skemmta
mér á 17. júní hátíðinni.“
Fær fjarkennslu í
fermingarfræðslunni
Hvernig hefur fermingarfræðslan
verið?
„Afslöppuð því við mamma erum
bara tvær í þessu hérna úti. En við
komum til Íslands fyrr á árinu og
hittum prestana okkar, þau Jónu
Hrönn Bolladóttur og Henning
Magnússon, og þau útskýrðu allt svo
vel fyrir okkur þannig að það hjálp-
aði mikið. Annars förum við í messu
hér úti flesta sunnudaga fyrir ferm-
ingarfræðsluna og svo læri ég meira
í gegnum tölvuna.“
Hvað viltu segja við önnur börn
sem eru að fermast?
„Njótið dagsins og slakið á.“
Ef þú fengir eina ósk í fermingar-
gjöf, hver væri hún?
„Ég myndi óska að það væri friður
á jörðu og engin börn myndu þjást
eða vera hungruð og allir myndu fá
góða umönnun og kærleika á heim-
ilum sínum.“
Vaknaði lasin á
sínum fermingardegi
Linda er trúuð og á sinn æðri
mátt. „Ég er andlega þenkjandi og
segi gjarnan að kirkjan mín sé nátt-
úran sem ég tengi sterkt við á mín-
um daglegu göngutúrum. Einnig
finnst mér trúarbragðafræði mjög
heillandi en ég hef kynnst hinum
ýmsu trúarbrögðum á ferðum mín-
um um heiminn og þekki náið fólk
með ólíkan trúarbakgrunn. Mér er
sama hvaðan gott kemur, fólk má
hafa sína trú og sinn Guð í friði fyrir
mér.“
Hvernig var þín eigin ferming?
„Ég vaknaði lasin á fermingar-
daginn en hann var engu að síður
haldinn hátíðlegur á Vopnafirði með
tilheyrandi kransaköku og veislu-
höldum að hætti móður minnar sem
er mikil húsmóðir. Ég man þó einna
helst eftir því að hafa sofið með rúll-
ur í hárinu nóttina fyrir fermingu og
svaf þar af leiðandi ekki sérlega vel!
Ég var í voða fínum hvítum og gyllt-
um blúndukjól sem mig minnir að
foreldrar mínir hafi keypt í fríi á
Benidorm, sem þótti voða fínt þá.“
Þakklátar fyrir trúna
Hvernig verður fermingardagur-
inn?
„Ísabella fermist í sveitarfélaginu
okkar, Garðabæ, við hátíðlega athöfn
17. júní, en hún hefur ætíð haldið
mikið upp á þennan dag þannig að
okkur fannst tilvalið að hún fengi að
fermast þann dag. Mér skilst að
skátarnir verði með heiðursvörð við
kirkjuna í tilefni þjóðhátíðardags
þannig að þetta verður eflaust mjög
hátíðleg athöfn í kirkjunni.“
Linda segir gott eða jafnvel nauð-
synlegt að mati þeirra mæðgna að
hafa æðri mátt að leiða sig áfram í
lífinu. „Jafnt í blíðu sem og í stríðu.
Við erum þakklátar fyrir trúna.“
Fermist 17. júní
við hátíðlega
athöfn í kirkju
Athafnakonan Linda Pétursdóttir er að ferma
einkadóttur sína Ísabellu Ásu Lindudóttur á
þessu ári. Ísabella vildi fermast á Íslandi enda
eiga þær rætur að rekja hingað heim.
Fermingarfræðslan er í fjarkennslu enda eru
þær búsettar í Norður-Ameríku og víðar.
Elínrós Líndal | elinros@mbl.is
Linda og Ísabella eru rólegar fyrir fermingunni en Ísabella fermist ein þann 17. júní.
Ísabella Ása elskar að
ferðast og langar að
heimsækja einn til tvo
nýja staði árlega.
Ísabella og Linda eru mikið fyrir hunda. Þær eiga
nokkra saman og hafa lengst af búið einar.
6 MORGUNBLAÐIÐ FÖSTUDAGUR 15. MARS 2019
WWW.FABRIKKAN.IS PANTANIR Í SÍMA575 7575
ÞÚ PANTAR - VIÐ GRILLUM - ÞÚ SÆKIR
Fabrikkusmá-
borgararnir slá í gegn
í öllum veislum.
30 borgarar á hverjum bakka!
6 gómsætar tegundir í boði!