Morgunblaðið - 15.03.2019, Page 28

28 MORGUNBLAÐIÐ FÖSTUDAGUR 15. MARS 2019
Ljósmyndir Rutar og Silju
Skipholti 31 • 105 Reykjavík • Sími 568 0150
Opið virka daga 10-17 • www.rut.is • Ljósmyndir Rutar og Silju
Fermingar-
myndatökur
Gjafakort
Einstök
minning
Á
gúst segir veganveislur
verða æ vinsælli. „Vegan-
lífsstíll er alltaf að verða
stærri hluti af matar-
menningu okkar. Fyrir
mér er veganlífsstíll frekar einfald-
ur lífsstíll. Sem dæmi þá eru flestir
forréttirnir hjá okkur á Bombay
vegan og þeir eru vinsælir hjá al-
menningi hvort sem þeir eru vegan
eða ekki. Einfaldlega af því að þeir
eru hollir og smakkast vel.
Að mínu mati er mjög auðvelt að
elda indverskan veganmat, því töl-
fræðin segir okkur að í kringum
60% Indverja eru grænmetisætur –
þar af leiðandi er stór hluti af ind-
verskum uppskriftum hugsaður fyr-
ir þann markhóp. Margir af þessum
réttum eru algjörlega vegan.“
Er flexitarian sjálfur
Þótt Ágúst sé ekki vegan sjálfur
er auðheyrt á honum að hann skilur
þennan lífsstíl enda er hann það sem
kallast í dag flexitarian – þ.e. vegan
hluta af tímanum. Hann er ástríðu-
kokkur sem hefur áhuga á að þróa
uppskriftir – sem margar hverjar
byggjast á kjötafurðum og alls kon-
ar hugmyndum. Þess vegna er
áskorun fyrir hann að vera vegan
einvörðungu.
Hvað sér hann áhugavert við
veganlífsstílinn?
„Það er svo margt. Fólk sem er
vegan lifir að mínu mati nokkuð
góðu lífi. Það er laust við dýraprótín
sem sumum reynist erfitt að melta.
Síðan eru margir sem láta sig dýra-
vernd varða enda hugnast ekki öll-
um að borða dýr. Mér finnst þetta
hugsandi og oft á tíðum gott fólk
sem er að vinna í sér á mörgum
sviðum. Eins eru margir á þessu
mataræði út af umhverfissjónar-
miðum.
Þeir sem eru vegan og koma að
borða hjá mér eru mestmegnis ungt
fólk en ég sé sífellt fleiri af eldri
kynslóðinni hoppa í bátinn. Þegar
ég hlusta á sögu eldra fólks heyri ég
að það hafi breytt til út af áföllum,
sumir hafa fengið sjúkdóma sem
þeir eru að breyta mataræði sínu
fyrir og fleira í þeim dúr. Mér finnst
einnig flottir þeir krakkar sem taka
þessa ákvörðun núna til að koma í
veg fyrir vandamál í framtíðinni,
hvort heldur sem er í umhverfinu,
hjá dýrum eða þeim sjálfum heilsu-
farslega.“
Ágústi finnst veganfermingar-
veislur flottar því það sé smart að
deila upplifun með fólki.
„Þeir sem hafa aldrei hugleitt það
að verða vegan geta litið á vegan-
veisluborð sem gjöf til þeirra frá
fermingarbarninu. Ég get svo
sannarlega tekið undir að þetta sé
gjöf en ekki gjald að hafa í veislu,
því ég vel reglulega að vera vegan
og það gerir líkamanum mjög gott.
Uppskriftirnar eru ljúffengar og
mér finnst þvílíkt spennandi að setja
saman heilt boð í þessum stíl.“
Fær erlenda vegankokka heim
Ágúst er mikill sérfræðingur í
matargerð og sækir sér reglulega
þekkingu meðal annars erlendis.
„Út af þessari kröfu í samfélaginu
og aukinni eftirspurn eftir vegan-
réttum á matseðlinum okkar hef ég
verið að fá erlenda gestakokka frá
Mumbay, sem eru sérfróðir um
veganmat. Þegar maður hefur svona
ástríðu fyrir mat og matargerð eins
og ég þá liggja fjölmörg tækifæri í
svona nýjum stefnum. Það er ekki
nóg að kunna að elda fyrir fólk sem
er vegan að mínu mati, maður verð-
ur að setja hjartað í verkefnið og
skilja hugmyndafræðina og halda
áfram að þróa uppskriftir þar til
þær verða algjörlega samkeppnis-
hæfar við annan mat á matseðlinum.
Ég hef ótrúlega gaman af því að
finna eitthvað virkilega gott að setja
í matinn í staðinn fryir hefðbundnar
dýraafurðir. Það kæmi fólki á óvart
hversu margir góðir staðgenglar
eru til í matargerð.“
Það er auðheyrt á Ágústi að
heilsusamlegur matur er hans teg-
und af mat.
„Já, og indverskur matur er yfir-
höfuð hollur. Við notum íslenskt
ferskt hráefni, heilnæmt krydd og
kald pressaða ólífuolíu. Mér finnst
ákveðinn heiðarleiki fólginn í því að
sæta sem dæmi mat með náttúru-
legum afurðum. Að setja rúsínur og
döðlur í mat í stað þess að nota
hvítan sykur skiptir miklu máli fyrir
mig svo dæmi séu tekin. Það eru
bara allt of margar rannsóknir sem
sýna neikvæð áhrif hvíts sykurs á
okkur mannfólkið.“
Duglegur að prófa sig áfram
Ágúst hefur verið á ketómataræð-
inu svo dæmi séu tekin. „Já, ég hef
verið að prófa mig áfram með það
sem almenningur gerir hverju sinni.
Ég byrjaði á ketó en færði mig síðan
meira yfir í lágkolvetnafæði sjálfur.
Ef maður fer einu sinni reglulega
vel í gegnum ketómatarferlið verður
maður svo miklu meðvitaðri um allt
sem maður setur í matinn. Ég hef
einnig prófað að taka allan sykur úr
mat og það gekk vel og skilaði mér
frábærri líðan. Síðan hef ég núna
verið í 180 daga á ketófæði þar sem
ég takmarka kolvetni við 20 g á dag
og þykir mér það mjög árangursríkt
fyrir heilsuna. Það núllstillir mann,
afeitrar og hreinsar líkamann. Ég
set einnig inn í dagskrána hjá mér
reglulega föstu, þar sem ég borða
innan til dæmis átta tíma ramma.
Þess á milli drekk ég einungis vatn
og kaffi.“
Þegar fólk sameinast
um að elska barnið
Hefur þú fermt sjálfur?
„Já, og það var dásamleg stund –
mér finnst ferming svo heillandi at-
höfn og einnig sú staðreynd að sem
dæmi kirkjan er að taka börnin inn
á þessum tíma í kristinna manna
samfélag. Ég ber virðingu fyrir öll-
um trúarbrögðum og auðvitað einn-
ig þeim sem velja borgaralega ferm-
ingu, þar sem mér finnst það hlut-
verk okkar mannfólksins að bera
virðingu fyrir skoðunum og ákvörð-
unum hvert annars.“
Ertu trúaður?
„Já, trúin er minn vegvísir í lífinu.
Þetta er ansi stór spurning og ég er
ekki viss um hvernig maður talar
um svona í viðtali. En ég get útskýrt
að ég finn fyrir mínum æðri mætti í
daglega lífinu. Þetta hefur gerst á
mjög einfaldan og fallegan hátt í
gegnum árin hjá mér. Allar ákvarð-
anir eru síðan í takt við þetta, og
litla dæmið hér að ofan þar sem
ég lýsi hvernig ég geri réttina
mína sæta með náttúrulegum
leiðum er bara mín leið til að
setja kærleikann inn í verk-
efni líðandi stundar.“
Ágúst segist ekki gera það
til að reyna að vera góður
heldur sé þetta hluti af því sem
nærir hann sjálfan yfir daginn.
Að reyna að gera það sem er rétt,
samkvæmt þeim gildum sem hann
lifir eftir í lífinu.
Hvaða ráð viltu gefa foreldrum
sem eiga börn sem fermast á þessu
ári?
„Bara fyrst og fremst að þeir
sníði sér stakk eftir vexti. Ferm-
ingin snýst ekki um stærð veisl-
unnar eða útlit, það sama má segja
um gjafirnar. Í mínum huga snýst
fermingin um að fagna með ferm-
ingarbarninu, vinum og ættingjum.
Til gamans má geta að stundum
geta fermingar verið frábært tæki-
færi til að leggja sverðin á borðin
hjá flóknum fjölskyldum, þar sem
hagsmunir barnsins eru settir í
fyrirrúm og gleðinni leyft að taka
völdin. Þá getur fólk sameinast í að
elska barnið og fagnað með því. En
auðvitað er ferming fyrir sumar fjöl-
skyldur þungt og erfitt ferli, þar
sem innkoma fólks er mismunandi
og aðstæður manna misjafnar. En
við ættum að muna að fyrir Guði eru
allir jafnir, þannig að hvort sem þú
heldur hagkvæma veislu eða dýra
skiptir sá hugur sem athöfninni
fylgir mestu máli. Ég er á því að það
sé hægt að gera góða veislu án þess
að hún kosti of mikið. Til þess þarf
að sjálfsögðu að kynnast smekk
fermingabarnsins, setja allar vænt-
ingar í eðlilegan farveg og svo bara
muna að koma með góða skapið inn í
undirbúninginn og veisluna. Að
sjálfsögðu finnst mér flottustu veisl-
urnar þar sem hollur matur, gott
skap og kærleikurinn fá að vera í
góðu blandi.“
Veganveislur upplifun fyrir gestina
Ágúst Reynir Þorsteinsson er áhugamaður um matargerð og heilsusamlegan lífsstíl. Hann stofnaði og rekur Bombay Bazaar
ásamt eiginkonu sinni Kittý Johansen. Ágúst gefur ráð um vegan- og ketóveislur. Hann segir slíkar veislur góða gjöf til gesta.
Elínrós Líndal | elinros@mbl.is
Morgunblaðið/Kristinn Magnússon
Ágúst Reynir er í einu besta formi sem hann hefur verið í til þessa. Hann þakkar það góðu mataræði.
Að krydda með sætum ávöxtum sem dæmi er góð og heiðarleg leið.
Margir vinsælir réttir á
Bombay eru vegan.