Morgunblaðið - 02.04.2019, Síða 4
4 FRÉTTIRInnlent
MORGUNBLAÐIÐ ÞRIÐJUDAGUR 2. APRÍL 2019
N Ý F O R M
h ú s g a g n a v e r s l u n
Komið og skoðið úrvalið
Opið virka daga
11-18
laugardaga
11-15
Klassísk gæða húsgögn
á góðu verði
Strandgötu 24 | 220 Hafnarfjörður | Sími 565 4100 | nyform.is
Veður víða um heim 1.4., kl. 18.00
Reykjavík -1 snjókoma
Hólar í Dýrafirði -2 skýjað
Akureyri 3 léttskýjað
Egilsstaðir 3 léttskýjað
Vatnsskarðshólar 0 léttskýjað
Nuuk -3 skýjað
Þórshöfn 4 súld
Ósló 5 heiðskírt
Kaupmannahöfn 7 heiðskírt
Stokkhólmur 7 heiðskírt
Helsinki 5 heiðskírt
Lúxemborg 17 heiðskírt
Brussel 16 heiðskírt
Dublin 10 skýjað
Glasgow 6 rigning
London 13 heiðskírt
París 20 heiðskírt
Amsterdam 13 heiðskírt
Hamborg 10 heiðskírt
Berlín 11 heiðskírt
Vín 14 heiðskírt
Moskva 2 snjóél
Algarve 17 léttskýjað
Madríd 10 skýjað
Barcelona 16 heiðskírt
Mallorca 16 léttskýjað
Róm 18 heiðskírt
Aþena 16 léttskýjað
Winnipeg 1 skýjað
Montreal -2 léttskýjað
New York 4 léttskýjað
Chicago 4 skýjað
Orlando 20 skýjað
2. apríl Sólarupprás Sólsetur
REYKJAVÍK 6:43 20:21
ÍSAFJÖRÐUR 6:43 20:30
SIGLUFJÖRÐUR 6:26 20:14
DJÚPIVOGUR 6:11 19:52
VEÐUR KL. 12 Í DAG
Á miðvikudag Gengur í sunnan 10-18 m/s með
rigningu eða slyddu, en hægari og þurrt norðaustan-
og austanlands. Hlýnar í veðri, hiti 1 til 6 stig síðdeg-
is, mildast með suðurströndinni, en vægt frost A-til.
Lægir síðdegis, bjartviðri S- og V-til, en styttir upp annars staðar og kólnar.
„Þetta hefur gengið nokkuð vel.
Fjölmiðlar hafa sagt frá þessu og
flestir farþegarnir eru meðvitaðir
um breytingar á áætlun,“ segir
Guðmundur Heiðar Helgason, upp-
lýsingafulltrúi Strætó. Í gær var
fyrsti dagur verkfalla Eflingar
stéttarfélags hjá bílstjórum Al-
menningsvagna Kynnisferða sem
aka sem verktakar á tíu leiðum
Strætó.
Tvö verkföll eru á mestu anna-
tímum virka daga á meðan ekki
hefur verið samið. Verkfallið stend-
ur yfir í tvo tíma á morgnana og
aðra tvo tíma síðdegis. Til þess að
farþegarnir komist leiðar sinnar er
miðað við að vagnarnir stoppi á
endastöð eða stórri biðstöð. Því fer
meiri tími til spillis en nemur verk-
fallinu og áætlar Guðmundur að
klukkustund bætist við verkfalls-
tímann þannig að truflun er á
akstri í um það bil fimm tíma á dag.
Rúmlega 300 ferðir falla út og
segir Guðmundur að það skerði
leiðakerfi Strætó mikið, á meðan á
því stendur. Þannig skerðist þjón-
usta við stór hverfi, til dæmis íbúða-
hverfin við Sæbraut. helgi@mbl.is
Fyrsti dagur verkfalls bílstjóra hjá Almenningsvögnum Kynnisferða á mestu annatímum dagsins var í gær
300 ferðir
féllu niður
hjá Strætó
Morgunblaðið/Hari
Guðni Einarsson
gudni@mbl.is
Markmið með sameiningu sýslu-
mannsembætta hafa ekki náðst
nema að litlum hluta, að mati Rík-
isendurskoðunar. Þetta kemur fram
í nýrri skýrslu til Alþingis, Sýslu-
menn – samanburður milli embætta.
Sýslumannsembættum var fækk-
að úr 24 í níu 1. janúar 2015. Um leið
var löggæsla að fullu aðskilin frá
þeim og ný lögregluembætti stofnuð.
Markmiðið með sameiningu sýslu-
mannsembætta var að efla þau og
gera að miðstöð stjórnsýslu ríkisins í
héraði. Þá átti breytingin að leiða til
aukinnar hagkvæmni í rekstri.
Ríkisendurskoðun segir að ekki hafi
tekist að efla stjórnsýslu sýslu-
manna með auknum verkefnum.
Væntingar um slíkt virðist varla hafa
verið raunhæfar. Reksturinn hefur
einnig verið undir markmiðum.
„Auka mætti hagkvæmni með
meiri samvinnu og samlegð í rekstri.
Til dæmis með samvinnu um sértæk
verkefni, frekari sameiningum eða
með því að fella alla sýslumenn undir
eitt embætti. Þá munu rafrænar
þinglýsingar og aukin rafræn þjón-
usta hafa í för með sér hagræðingu
til lengri tíma litið þótt gera megi ráð
fyrir kostnaði í upphafi. Með þessum
breytingum mun starfsmönnum
sýslumannsembætta fækka frá því
sem nú er og gæti umhverfi til frek-
ari sameininga embætta skapast í
nánustu framtíð,“ segir í skýrslunni.
Þá bendir Ríkisendurskoðun á að
sýslumenn haldi hvorki verkbókhald
með formlegum hætti né fylgist
markvisst með málshraða. Því sé
ekki hægt að mæla skilvirkni emb-
ættanna með fullnægjandi hætti.
Erfitt er að bera embættin saman
vegna ólíkrar skráningar mála og
verklags embættanna. Mikilvægt sé
að auka samræmi milli þeirra.
Rúmlega helmingur starfsfólks
sýslumanna er með háskólapróf. Um
fjórðungur þeirra starfar við stoð-
þjónustu. Meirihluti starfsfólks
embættanna er konur en sex sýslu-
menn eru karlar og þrír konur.
Starfsmannavelta hjá embættunum
er lítil og meðalaldur starfsmanna
nokkuð hár.
Rekstur nýju sýslumannsembætt-
anna hefur ekki verið í samræmi við
fjárheimildir fyrstu rekstrarár
þeirra. Ríkisendurskoðun segir að
ekki hafi nógu vel verið staðið að
fjárhagslegum undirbúningi breyt-
inganna.
Gerðar eru tillögur til úrbóta í
fjórum liðum, sjá hnotskurn með
fréttinni. Meðal annars segir Ríkis-
endurskoðun vera mikilvægt að
kanna kosti aukinnar samvinnu og/
eða frekari sameininga embætt-
anna.“
Markmið hafa náðst að litlum hluta
Morgunblaðið/Sigurður Bogi
Sýslumenn Sýslumannsembættunum var fækkað úr 24 í 9 í ársbyrjun 2015.
Ríkisendurskoðun skoðar árangur af sameiningu sýslumannsembættanna Rekstur þeirra hefur
verið undir markmiðum Ekki var nógu vel staðið að fjárhagslegum undirbúningi breytinganna
Tillögur til úrbóta
» Bæta þarf málshraða og
verkbókhald sýslumannsemb-
ættanna.
» Auka þarf rafræna stjórn-
sýslu sýslumanna en nú er
hægt að þinglýsa skjali raf-
rænt.
» Bæta þarf starfskerfi sýslu-
manna, skilgreina verkefni og
forgangsraða.
» Skilgreina þarf hlutverk og
þjónustustig svo tryggja megi
rétta fjármögnun embætta.