Morgunblaðið - 02.04.2019, Page 10

10 FRÉTTIRInnlent
MORGUNBLAÐIÐ ÞRIÐJUDAGUR 2. APRÍL 2019
Vatnagörðum 22 | 104 Reykjavík | Sími 585 8300 | sala@postdreifing.is | postdreifing.is
FJÖLPÓSTUR
SEM VIRKAR
*könnun Zenter apríl 2016.
61% landsmanna lesa fjölpóst
70% kvenna lesa fjölpóst
58% neytenda taka eftir tilboðum á
vöru og þjónustu í gegnum fjölpóst*
Dreifum sex daga vikunnar inn á 80.000 heimili
MARKHÓPURINN ÞINN BÍÐUR
EFTIR TILBOÐI FRÁ ÞÉR
Hafðu samband og við gerum þér tilboð í þá þjónustu sem þér hentar
„Við erum allir mjög ánægðir með
stjórnvöld. Ráðuneytin eru á tánum
og menn eru að vinna í þessum málum
öllum. Það er ánægjulegt hvað stjórn-
völdin hafa verið fljót til í viðbrögðum.
Það munar miklu,“ segir Magnús
Stefánsson, bæjarstjóri í Suðurnesja-
bæ, eftir fund bæjarstjóra á Reykja-
nesi í gær með ráðherrum vegna
gjaldþrots WOW air.
Katrín Jakobsdóttir forsætisráð-
herra boðaði til fundarins með sam-
göngu- og sveitarstjórnarráðherra og
fulltrúum Reykjanesbæjar, Suður-
nesjabæjar, Grindavíkur og Voga,
auk fulltrúa fjármála- og efnahags-
ráðuneytisins. Farið var almennt yfir
stöðu mála í kjölfar falls WOW air hf.
á fundinum og mikilvægi þess að ríki
og sveitarfélög vinni sameiginlega að
viðbrögðum til skemmri og lengri
tíma. Magnús segir þetta hafi fyrst og
fremst verið upplýsingafundur. Þá
séu ennþá margir óvissuþættir um
áhrif gjaldþrotsins. Ekki er enn búið
að greina hversu mikil áhrif fall fyrir-
tækisins mun t.d. hafa á Suðurnesja-
bæ. Spurður um hvort hann hafi
áhyggjur af því að íbúar sem hafa
misst vinnuna flytji til höfuðborgar-
svæðisins í leit að vinnu, segir hann
svo ekki vera. „Nei, í sjálfu sér höfum
við ekki ennþá áhyggjur af því. Þetta
er áfall núna, svo er bara spurning
hvernig vinnst úr þessu. Varðandi
flugumferðina og allt þetta. Við höf-
um fyrst og fremst, sveitarfélögin,
verið er að búa okkar kerfi undir það
að eitthvað geti komið upp hjá íbúun-
um í kjölfarið. Félagsþjónustuna,
skólana og svo framvegis,“ segir
Magnús.
Vísa til Vinnumálastofnunar
Kjartan Már Kjartansson, bæjar-
stjóri Reykjanesbæjar, segir fundinn
einnig hafa gengið vel. Ekki liggja
fyrir endanlegar tölur um hversu
margir íbúar í Reykjanesbæ hafi
misst vinnuna og segir Kjartan að það
skýrist á næstu dögum. Aðspurður
segir hann fólk aðallega leita eftir
upplýsingum og ráðgjöf hjá sveitarfé-
laginu. „Við vísum þeim á Vinnumála-
stofnun og stéttarfélögin til að byrja
með. Þegar þau úrræði hafa verið
nýtt til fulls, mun félagsþjónusta
sveitarfélaganna væntanlega, ef þörf
krefur, grípa inn í og styðja þá sem
eiga rétt á því. Við erum ágætlega
undir þetta búin held ég,“ segir Kjart-
an.
Haft er eftir Katrínu Jakobsdóttur
á vef stjórnarráðsins að það sé gott að
finna hve sveitarfélög á Reykjanesi
séu samhent í viðbrögðum sínum. Á
fundinum var m.a. rætt um mikilvægi
þess að opinberar framkvæmdir sem
gert er ráð fyrir á svæðinu og að verk-
efni af hálfu hins opinbera haldi mark-
visst áfram. „Í mínum huga er ekki
síður mikilvægt að halda vel utan um
fólkið, fjölskyldurnar og börnin sem
þetta hefur áhrif á. Félags- og barna-
málaráðherra, heilbrigðisráðherra og
mennta- og menningarmálaráðherra
undirbúa nú öll aðgerðir til að mæta
auknu álagi á svæðinu. Við vorum ein-
huga um að finna uppbyggilegar
lausnir til skemmri og lengri tíma til
að mæta þeirri stöðu sem upp er kom-
in,“ segir Katrín. mhj@mbl.is
Ráðuneytin á tánum eftir fall WOW
Ljósmynd/Stjórnarráðið
Stjórnarráðið Sigurður Ingi Jóhannsson samgöngu- og sveitarstjórn-
arráðherra og Katrín Jakobsdóttir forsætisráðherra sátu m.a. fundinn.
 Fulltrúar sveitarfélaga á Reykjanesi áttu fund með ráðherrum vegna gjaldþrots WOW air  Rýnt í
stöðuna og aðgerðir skoðaðar  Ánægja með viðbrögð stjórnvalda meðal bæjarstjóra á Suðurnesjum
Lundar sáust við Tjörnes 30. mars
að því er fram kom á Facebook-
síðunni Birding Iceland. Þá sá Svaf-
ar Gylfason í Grímsey fyrstu lund-
ana um liðna helgi, samkvæmt vef
Akureyrarbæjar. Þar er haft eftir
Svafari að lundinn sé nú um viku
fyrr á ferðinni en venjulega. Svafar
hefur skráð komu lundans í 19 ár.
„Búast má við að lundinn setjist
upp í eyjunni um eða fyrir miðjan
mánuðinn. Lundinn byrjar á því að
finna holuna sína, tekur til við að
fjarlægja rusl og laga holuna og not-
ar þá gogginn til að grafa og fæturna
til að moka frá. Talið er að það sé
karlfuglinn sem mæti fyrst og sjái
um tiltektina og að kvenfuglinn komi
u.þ.b. viku síðar,“ að því er segir á
vef Akureyrarbæjar.
Fuglaathugunarstöð Suðaustur-
lands greindi frá því í gær að um 30
hrossagaukar hafi sést á flugi ná-
lægt Einarslundi á Höfn. Þá sáust
tveir þúfutittlingar við Fornustekka
í Nesjum og voru það fyrstu þúfu-
tittlingarnir sem sést höfðu í vor. Þá
hafði verið nær stanslaust flug
heiðagæsa og grágæsa yfir Höfn í
allan gærmorgun. gudni@mbl.is
Morgunblaðið/RAX
Lundar Lundinn hefur mikið aðdráttarafl fyrir ferðafólk og setur svip á
náttúru Íslands á sumrin. Lundinn hefur átt erfitt uppdráttar undanfarið.
Farfuglarnir koma
 Lundinn er kominn fyrir norðan
 Farfuglar flykkjast til Hornafjarðar
Landhelgisgæsla Íslands mun að
óbreyttu vera komin með tvær ný-
legar leiguþyrlur í sína þjónustu, en
fyrri þyrlan kom til landsins 16.
mars síðastliðinn. Reiknað er með
seinni þyrlunni á næstu vikum.
Er um að ræða bráðabirgðaend-
urnýjun þyrluflota gæslunnar og
bera leiguþyrlurnar einkennisstaf-
ina TF-EIR og TF-GRO. Þær munu
leysa leiguþyrlurnar TF-GNA og
TF-SYN af hólmi. Verður gæslan
áfram með þrjár þyrlur á sínum
snærum þar sem TF-LIF er enn í
eigu Landhelgisgæslunnar.
Leiguþyrlurnar sem um ræðir eru
af gerðinni Airbus H225 og eru í
eigu norska leigusalans Knut Axel
Ugland Holding AS. Tæki þessi eru
tveggja hreyfla, 11 tonn að þyngd og
eru þau aflmeiri en þær vélar sem
leystar verða af hólmi. Samkvæmt
upplýsingum frá Airbus taka þyrl-
urnar 18 manns í sæti eða sex
sjúkrabörur.
„Í vélinni er nýrri búnaður og hún
er hæfari en sú eldri að öllu leyti.
Hún lítur mjög svipað út en er örlítið
þyngri, stærri og öflugri. Öll sjálf-
virkni og tæki um borð eru ný eða
nýlegri og ættu að gefa okkur meiri
getu til að nýta tækin til þeirra
verka sem við notum vélarnar í,“
sagði Sigurður Heiðar Wiium yfir-
flugstjóri við Morgunblaðið þegar
TF-EIR kom til landsins í mars.
Morgunblaðið/Árni Sæberg
Björgunartæki Leiguþyrlan TF-EIR lendir á Reykjavíkurflugvelli við komuna til landsins 16. mars síðastliðinn.
Sú seinni vænt-
anleg á næstunni
 LIF, EIR og GRO verða á vaktinni