Fréttablaðið - 15.08.2019, Blaðsíða 16

Frá degi til dags
Halldór
Kolbrún
Bergþórsdóttir
kolbrunb@frettabladid.is

Bókstafstrú á
aldrei að vera
sterkari en
kærleiksboð-
skapurinn
sem kirkjan á
alltaf að hafa
í heiðri.

En hverjir
eru það sem
geta keypt
og hverjir
ekki?
ÚTGÁFUFÉLAG: Torg ehf. STJÓRNARFORMAÐUR: Ingibjörg Stefanía Pálmadóttir FRAMKVÆMDASTJÓRI: Ingibjörg Stefanía Pálmadóttir ÚTGEFANDI: Kristín Þorsteinsdóttir kristin@frettabladid.is
RITSTJÓRAR: Davíð Stefánsson david@frettabladid.is, Ólöf Skaftadóttir olof@frettabladid.is, MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Kristjana Björg Guðbrandsdóttir kristjanabjorg@frettabladid.is
MENNING: Kolbrún Bergþórsdóttir kolbrunb@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Margir veittu athygli lítilli frétt sem birtist í fjölmiðlum á dögunum. Hún fjallaði um viðbrögð banda­rísks ferðamanns sem var stórlega misboðið þegar hann sá regn boga­fána á kórtröppum Hallgríms­
kirkju. Hann sneri sér að kirkjuverði og lýsti hneyksl­
un sinni á að slíkur fáni væri í kirkju. Hann fékk það
svar að ást Guðs væri fyrir allt fólk. Þetta svar dugði
ferðamanninum engan veginn og hann ætlaði sér alls
ekki að láta kirkjuvörðinn sleppa svo auðveldlega frá
málinu. Hann sagði að Kristur myndi aldrei sam­
þykkja svona nokkuð. Kirkjuvörðurinn mótmælti því
og sagði Krist einmitt myndu vera þessu samþykkan.
Ferðamaðurinn, stórmóðgaður fyrir hönd Frelsarans,
strunsaði burt með þeim orðum að þetta væri greini­
lega ekki kristin kirkja.
Þessa sanna saga sýnir að í dag finnst fólk sem notar
kristna trú til að einangra fólk vegna kynhneigðar
þess. Það stimplar til dæmis samkynhneigð sem
synd og óeðli og samkvæmt þeirri hugmyndafræði
er ómögulegt að taka þann synduga í sátt nema hann
sjái að sér og hreinsi sig með því að afneita kynhneigð
sinni. Það er beinlínis gremjulegt þegar fólk sem er
þessarar skoðunar tekur upp á því að vitna í Krist
máli sínu til stuðnings. Kristur var ekki að láta kyn­
hneigð fólks fara í taugarnar á sér. Þeir einstaklingar
sem halda öðru fram skilja ekki boðskap hans. Samt
leyfa þeir sér að tala óhikað í hans nafni. Þarna er
um að ræða fólk sem telur sig vel lesið í Biblíunni,
þykist vera með allar kenningarnar á hreinu en lifir
um leið í algjörum misskilningi um boðskap Krists
um náungakærleik. Hver sá sem vill meina öðrum
að njóta mannréttinda vegna kynhneigðar er að
hafna náungakærleik. Þetta veit kirkjuvörðurinn sem
svaraði hinum erlenda ferðamanni.
Þegar kemur að stuðningi við samkynhneigða
hefur þjóðkirkjan ekki hreina samvisku. Hún getur
ekki vikið frá sér þeirri staðreynd að í þeim efnum
er hún syndug. Tregðan sem lengi var ríkjandi innan
kirkjunnar við að gefa samkynhneigða saman í kristi­
legt hjónaband er skammarblettur sem lengi mun
loða við hana. Verið var að flokka samkynhneigða
sem annars flokks manneskjur sem hefðu ekki sama
rétt og aðrir og nytu ekki Guðs blessunar í sama
mæli. Lítið fór fyrir kærleiksboðskap Krists, sem á að
vera fyrir alla, ekki einungis þá sem prestarnir telja
þóknanlega.
Prestar eru ekki á réttri braut ef þeir hengja sig í
bókstafstrú sem boðar fordóma og útskúfun í stað
kærleiks og umburðarlyndis. Bókstafstrú á aldrei að
vera sterkari en kærleiksboðskapurinn sem kirkjan
á alltaf að hafa í heiðri. Prestar sem átta sig ekki á
þessu eru ekki í réttu starfi.
Kirkjuvörðurinn góði gengur veg kærleikans, eins
og kirkja hans því Hallgrímskirkja er þátttakandi í
Hinsegin dögum. Þar blaktir regnbogafáninn við hún
og er á kórtröppunum. Mikilvæg ábending um að
kirkjan er fyrir alla.
Kirkja allra
Þau Aura svo á mig
Borga
Rukka
Skipta
Samkvæmt tölum frá Íbúðalánasjóði fer hlutfall fyrstu kaupenda á fasteignamarkaði hækkandi, sem þýðir að fleiri hafa getað lagt fyrir eða fengið
aðstoð til fyrstu kaupa. Lilja Alfreðsdóttir, mennta­ og
menningarmálaráðherra, fjallaði um þetta í Frétta­
blaðinu í gær og þakkar aðgerðum ríkisstjórnarinnar
árangurinn.
Það gleður mig auðvitað að fleiri geti keypt sína fyrstu
íbúð – en hverjir eru það sem geta keypt og hverjir ekki?
Húsnæðismál hafa verið í öngstræti síðustu ár. Ungt
og/eða efnalítið fólk hefur átt erfitt með að komast inn á
húsnæðismarkaðinn á sama tíma og skortur hefur verið
á leiguíbúðum og leiguverð of hátt. Ofan á það bætist
að ekki er nægjanlegt framboð af félagslegu húsnæði
sveitarfélaga fyrir þau allra efnaminnstu. Einn hópur
hefur alveg setið eftir: fólkið sem er með lægstar tekjur
og á þ.a.l. erfitt með að fóta sig á húsnæðismarkaði, en
er þó ekki nægilega efnalítið til að fá úthlutað félagslegu
húsnæði. Allt frá því að flokkur Lilju stóð að því óhappa­
verki með Sjálfstæðisflokknum að leggja niður verka­
mannabústaðakerfið. Aðgerðir síðustu ríkisstjórna
hafa gagnast þeim mest sem þurfa síst á hjálp að halda;
tekjuhæstu og eignamestu landsmönnunum. Þeir síðar­
nefndu fengu m.a. bróðurpart af 72 milljörðum í sinn
hlut með „Leiðréttingunni“ svokölluðu og séreignar­
sparnaðarleiðin gagnast tekjuháum best. Auk þess gefst
þeim efnameiri kostur á hagstæðari lánum en öðrum
hjá lífeyrissjóðum landsins.
Eignaójöfnuður hefur aukist á Íslandi. Aðgerðir ríkis­
stjórnarinnar hafa frekar aukið þá misskiptingu. Eftir
sitja fjölskyldur með lágar og meðaltekjur, þær sem helst
þurfa á aðstoð að halda við að komast inn á fasteigna­
markaðinn, úrræðalausar á óstöðugum leigumarkaði.
Millitekjufólk sem nær nokkurn veginn að brúa bilið
hefur auk þess ekki sama aðgang og þeir best stöddu
að hagstæðustu lánunum sem veita bestu mögulegu
vextina.
Ég fagna því auðvitað að fleira ungt fólk geti keypt
húsnæði og óska því velfarnaðar. En við þurfum annars
konar ríkisstjórn, sem gætir að því að fleiri hópar búi
við húsnæðisöryggi en þeir best stöddu.
Hverjir geta keypt?
Logi Einarsson
formaður Sam-
fylkingarinnar
Skautað á Hverfisgötu
Framkvæmdirnar á Hverfisgötu
eiga að tefjast um „þrjá til fjóra
daga“ á meðan bixað er við teng-
ingar úr Safnahúsinu. Hverfis-
gata verður því ber að neðan á
Menningarnótt. Eins og allir vita
núna eru öll viðbrögð Reykja-
víkurborgar í tengslum við málið
ansi furðuleg. Borgin sendi frá sér
fréttatilkynningu í vor um fram-
kvæmdirnar, þar sagði aðeins að
þær ættu að standa yfir „í sumar“.
Fréttablaðið óskaði eftir upp-
lýsingum um hvenær áætlað væri
að framkvæmdum lyki. Upplýs-
ingafulltrúi borgarinnar svaraði
„í september“ og bætti við: „er
að reyna að skauta framhjá því
í fréttinni ef yrði seinkun“, með
því fylgdi broskall. Vinnubrögð
sem eru nánast einkennandi fyrir
Reykjavíkurborg.
Flautuleikarinn á Austurlandi
Sigurður Ingi Jóhannsson hefur
í hyggju að breyta Austurlandi í
risastóra blokkflautu fyrir um 65
milljarða króna. Nú ætlar Fram-
sóknarflokkurinn í eitt skipti
fyrir öll að ná fylgi Miðflokksins í
kjördæminu til baka og bókstaf-
lega bora í hvert atkvæði. Og líkt
og í Hameln forðum munu margir
glepjast af íðilfögrum flautuleik
samgönguráðherra og fylkja liði
undir merkjum samvinnuhug-
sjónarinnar. Eitt er ljóst að dýr
verður téður flautuleikur. Líkt og
sandur lekur hratt úr gataðri fötu
gæti gröfturinn borað stór göt í
íslenska ríkiskassann.
arib@frettabladid.is
1 5 . Á G Ú S T 2 0 1 9 F I M M T U D A G U R16 S K O Ð U N ∙ F R É T T A B L A Ð I Ð
SKOÐUN
1
5
-0
8
-2
0
1
9

0
5
:0
9
F
B
0
4
8
s
_
P
0
3
3
K
.p
1
.p
d
f
F
B
0
4
8
s
_
P
0
2
8
K
.p
1
.p
d
f
F
B
0
4
8
s
_
P
0
1
6
K
.p
1
.p
d
f
F
B
0
4
8
s
_
P
0
2
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
9
6
-9
E
3
C
2
3
9
6
-9
D
0
0
2
3
9
6
-9
B
C
4
2
3
9
6
-9
A
8
8
2
7
5
X
4
0
0
.0
0
1
4
B

F
B
0
4
8
s
_
1
4
_
8
_
2
0
1
9
C
M
Y
K