Fréttir - Eyjafréttir - 14.09.2016, Blaðsíða 25
9Eyjafréttir / Miðvikudagur 14. september 2016 / SJÁVARÚTVEGSBLAÐIÐ
Þrautseigja og þor í 115 ár
G
U
N
N
A
R
JÚ
L
A
RT
Hafnareyri, dótturfyrirtæki VSV er með mjög fjölþætta þjónustu
Styrkur að hafa allt undir einum hatti
Hafnareyri ehf. var stofnað í
ársbyrjun 2015 og voru þar með
nokkrir rekstrarþættir Vinnslu-
stöðvarinnar sameinaðir undir
einn hatt. Markmið skipulags-
breytinganna var að auka
hagkvæmni, rekstraröryggi og
þekkingu innan Vinnslustöðvar-
innar eins og segir á heimasíðu
fyrirtækisins.
Blaðamaður hitti Arnar Richards-
son,framkvæmdastjóra fyrirtækis-
ins, til að skyggnast betur inn í
starfsemi þess og sögu. „Áramótin
2014 til 2015 verður Hafnareyri til
með sameiningu Eyjaíss, Skipaaf-
greiðslu Vestmannaeyja, frysti-
geymslunnar úti á Eiði og saltfisks-
kælisins við Stakkshús. Í apríl sama
ár bættist við starfsemi þjónustu-
verkstæðis með iðnaðarmönnum
sem sjá um daglegt viðhald hjá
Vinnslustöðinni,“ segir Arnar en
ljóst er að þeir hjá Hafnareyri bjóða
upp á fjölþætta þjónustu fyrir skip,
útgerðir og fiskvinnslu.
Úr átta í 74 starfsmenn
„Í upphafi voru þetta einungis átta
fastráðnir karlar í lönduninni og
einn í Eyjaís,“ heldur Arnar áfram.
„Fljótlega fór að bætast í hópinn og
þegar framkvæmdir stóðu sem hæst
hjá Vinnslustöðinni í vor fjölgaði
starfsmönnum á verkstæðinu
umtalsvert. Í júlí fóru síðan út 74
launaseðlar en af þeim eru um 30
fastráðnir starfsmenn. Hitt eru
lausamenn sem við höfum verið að
grípa í, bæði í útskipunum,
löndunum sem og við framkvæmdir
á uppsjávarvinnslunni. Það fer
kannski að komast meira jafnvægi á
starfsmannamálin, þetta hefur í raun
allt gerst mjög hratt,“ segir Arnar.
Þekkingin verði til staðar
innan fyrirtækisins
Hverjir eru helstu styrkleikar þess
að sameina þessa rekstrarþætti í
eitt fyrirtæki? „Það sem menn sjá í
því að hafa þetta allt undir einum
hatti er að þekkingin verði til staðar
inn í fyrirtækinu þannig að
dótturfyrirtækið Hafnareyri sjái
alveg um daglegt viðhald. En í
þessum framkvæmdum við
uppsjávarvinnsluna höfum við tekið
stærri sneið af kökunni, við höfum
verið að smíða töluvert mikið inn í
nýju vinnsluna og gert það þá í
samstarfi við Skipalyftuna og
Eyjablikk,“ segir Arnar.
Einnig útseld vinna
Einnig hefur Hafnareyri selt út
vinnu, svo sem að annast kælikerfi í
verslunum, þó ekki í miklu mæli.
„Við erum með fjóra rafvirkja á
okkar snærum og tvo meistara í
trésmíði, vélstjóra og suðumenn,
þannig við höfum verið að selja
þjónustu til þriðja aðila þó það hafi
ekki verið markmiðið í upphafi. Það
er af nógu að taka eins og er hjá
Vinnslustöðinni. Í lönduninni erum
við að þjónusta önnur skip en frá
Vinnslustöðinni t.d. Huginn, Frá og
Dala-Rafn. Einnig erum við að
geyma vörur fyrir aðra en VSV í
frysti- og kæligeymslunum,“ segir
Arnar.
Stórar framkvæmdir
Auk uppsjávarvinnslunnar eru
nokkrar stórar framkvæmdir á
döfinni hjá Hafnareyri, stækkun
frystigeymslunnar á Eiðinu og ný
mjölgeymsla. „Það var verið að
prufukeyra uppsjávarvinnsluna fyrir
helgi, 2. september, tekið smá
rennsli á föstudeginum og svo keyrt
svolítið í gegn sjötta september,
þannig við erum smátt og smátt að
bæta í. Það er ekki alveg tilbúið en
komið í virkni. Það verður mikil
vinna framundan við frágang
byggingarinnar, eitthvað sem við
eigum eftir að föndra við fram eftir
vetri,“ segir Arnar og heldur áfram:
„Við erum einnig að fara í miklar
framkvæmdir úti á Eiði á næstu
vikum, það á að fara að stækka
frystigeymsluna úr því að vera 2000
fermetrar í 5800 fermetra en það
hefur þegar verið sett í gang
hönnunarsamkeppni svo byggingin
líti sem best út og falli inn í
umhverfið eins vel og hægt er.“
Mikil framtíð í iðnnámi
En mjölgeymslan, hvenær verður
hún tilbúin? „Það er í raun byrjað
að undirbúa púðann undir bygg-
inguna og svo á næstu vikum hefst
vinnan við að slá upp sökklum og
plötu. Það er stefnt að því að hún
verði tilbúin sem fyrst, vonandi
fljótlega eftir áramót. Líklega
verður öllum þessum stóru
framkvæmdum lokið um mitt næsta
ár og frystigeymslan fyrir næstu
makrílvertíð. Eftir það veit ég ekki
hvað verður, vonandi verður
eitthvað meira,“ segir Arnar sem
hvetur allt ungt fólk til þess að fara
í iðnnám því mikil framtíð sé í
greininni, ekki síst í Vestmanna-
eyjum.
Þekkingin er til staðar inn í fyrirtækinu í viðhaldi og öðru sem við sinnum,
segir Arnar framkvæmdastjóri
Landfylling þar sem mjölgeymslan á að rísa.