Skessuhorn - 10.05.2006, Qupperneq 18

18
MIÐVIKUDAGUR 10. MAI2006
iSSBSSHWfttSH
f^eHHÍHH~~s
Byggjum betra samfélag
Miklar breytingar verða í sveit-
arstjórnarmálum í Borgarfirði, á
Mýrum og í Kolbeinsstaðahreppi
þegar þessi sveitarfélög sameinast
nú í vor. I fyrsta skipti gerist það
að sveitarfélög eru sameinuð yfir
þrjár sýslur og þó þessi sveitarfé-
lög myndi heildstætt atvinnu- og
þjónustusvæði þá er margt ólíkt
með þeim. Þess vegna leggja
Framsóknarmenn mikla áherslu á
það að strax frá upphafi verði
menn meðvitaðir um ólíka upp-
byggingu og að stjórnsýslan taki
mið af þessum mun. Það verður
að tryggja að okkar ágæta samfélag
finni sig í einni heild frekar en að
hlutar þess upplifi sig sem afgangs-
stærð. Vinni menn markvisst út
frá þessari stefnu strax frá upphafi
eru allar líkur á að þetta takist.
Framsóknarmenn eru nú að
kynna áherslur sínar fyrir kosning-
ar í vor. Skilvirk og opin stjórn-
sýsla er þar ofarlega í áhersluröð
ásamt því að byggja upp fjöl-
skylduvænt samfélag þar sem fólki
finnst gott að búa. Við stefnum að
leikskólarýmum fyrir öll okkar
börn frá 18 mánaða aldri og við
ætlum að standa vörð um grunn-
skólastarfið eins og það er rekið
nú. Við vitum að þar er unnið gott
starf og þó auðveldlega megi sýna
fram á hagræðingu í skólastarfi þá
miðast allir þeir útreikningar við
stöðu dagsins í dag en taka ekki til-
lit til þeirrar þróunar sem er á
svæðinu. Hún mun ráða miklu
meiru um framhaldið en stundar-
hagsmunir.
Frambjóðendur Framsóknar-
flokksins fagna skoðanaskiptum
við kjósendur og óska eftir að þeir
hafi samband þannig að hægt verði
að ræða áherslur og framtíðarsýn.
Sjálfur hef ég verið að setja hug-
renningar mínar á blað á bloggsíðu
minni sveinbjorne.blog.is og hvet
ég ykkur til að lesa þær. Þar má
einnig leggja fram spurningar og
skal ég svara þeim eins og kostur
er.
Framsóknarmenn eru tilbúnir
að takast á við framtíðina. Við
leggjum fram skýrar áherslur og
við trúum að með þeim takist okk-
ur saman að byggja upp betra sam-
félag.
Sveinbjörn Eyjólfsson
'etiHiHH^
Frá Eiríksjökli til
Hajjjarðarár
Bráðtun mtmum við búa í sveit-
arfélagi sem aldrei áður hefur verið
til. Hvað það heitir veit nú enginn
en víst er að í það hefur verið spáð.
íbúar svæðisins sendu inn tillögur
þess efnis. Úr þeim voru valin
nokkur nöfh sem send voru suður
til umsagnar á æðri stöðum. Síðan
munum við geta tekið þátt í skoð-
anakönnun á sjálfan kosningadag-
inn um hvert af þessum nöfhum við
viljum helst nota á nýja sveitarfé-
lagið okkar.
Brátt mun ég ekki eiga heima í
Hvítársíðuhreppi en sem betur fer
þá verður Hvítársíðan að öllum lík-
indum enn um sinn á sínum stað.
Það sem breytist er að við þurfum
að hugsa frá Eiríksjökli til Haffjarð-
arár þegar við hugsum um sveitar-
félagið okkar.
Fyrstu mánuðir eru mikilvægir
og mótandi hjá þeim sem nýfæddir
eru. Það er nauðsynlegt að okkur
takist að móta sveitarfélag sem er
fyrir alla íbúana hvort sem þeir búa
við fjöll eða fjöru, í þorpi eða sveit
eða jafnvel í miðpunktinum sjálfum
- Borgarnesi. Vissulega hlýtur það
að vera styrkur sveitarfélagsins okk-
ar nýja hversu fjölbreytt atvinnulíf-
ið er og búsetan margvísleg. Það
kallar að vísu á sveigjanleika í þjón-
ustu sveitarfélagsins þannig að hún
standi undir nafni. Á móti kemur
að svæðið er vænlegri kostur til bú-
setu vegna þess að flestir geta fund-
ið þar, það sem þeim helst hentar.
Eg er þess fullviss að okkur tekst
að hugsa út fyrir gömul hreppa- og
sýslumörk og ég held að ágætt væri
að taka einn eða tvo sunnudaga í
sumar til þess að skoða sveitarfélag-
ið þannig að auðveldara verði fyrir
hvern og einn að setja sig í spor
sveitunga sinna.
Ingibjörg Daníelsdóttir,
Fróðastöðum.
Höf. skipar 5. sæti Borgarlistans.
~PettHiHH^f
Málejni
eldrafólks
íslendingar eru sífellt að eldast og
lífslíkur með því besta sem gerist í
heiminum. Þessi þróun hefur gert
það að verkum að vaxandi hópur
fóks tilheyrir nú eldri kynslóðinni.
Sú kynslóð sem nú er komin á eftir-
launaaldur hefur skilað sínu til sam-
félagsins. Samfélagið á og getur
með margvíslegum hætti komið til
móts við hana og þar með sýnt
henni virðingu og raunverulegan
skilning á stöðu hennar
Eitt af meginatriðum er að gera
þessu fólki kleift á að búa sem lengst
í eigin húsnæði á eigin forsendtun.
Með því að lækka fasteignagjöld
gefst eldra fólki raunverulegt val um
að vera eins lengi heima og hægt er.
Við vitum að lífeyrisgreiðslur
margra eru ekki háar og duga
skammt til reksturs húsnæðis. Það
er því alveg augljóst mál að hér
verður sveitarfélagið að koma til
móts við þennan hóp eins og kostur
Þeir sem af einhverjum ástæðum
geta ekld búið í eigin húsnæði eiga
að hafa raunverulegt val um aðra
búsetukosti þar sem þeirra þörfum
er sinnt af alúð og nærgætni. Dval-
arheimih aldraðra í Borgamesi er
dæmi um slíkan stað. Því miður
uppfylhr það ekki lengur þær kröfur
sem gerðar em til slíkra stofiiana
hvað varðar fyllsta aðbúnað. Að-
staða dvalarheimilisins er engan
veginn fullnægjandi og því þarf að
gera úrbætur sem allra fyrst. Starfið
er hinsvegar til mikillar fyrirmyndar
og starfsfólk á mikinn heiður skilinn
fyrir sitt starf. Það er vilji okkar
sjálfstæðismanna að beita okkur fyr-
ir því að öll aðstaða þar uppfylli þær
kröfur sem gerðar em til slíks rekst-
urs.
Það er mikilvægt að málefni aldr-
aðra og málefni fatlaðra verði sem
fyrst færð alfarið til sveitarfélag-
anna. Málaflokkar sem snúa að nán-
ustu þjónustu við íbúa eiga að mínu
mati að heyra undir verksvið sveit-
arfélaga. Við höfum sýnt það í
rekstri skólanna að sveitarfélög
sinna vel allri þjónustu sem er næst
íbúunum. Þessi mál em nú reyndar
í ákveðnum farvegi þar sem Samtök
sveitarfélaga á Vesturlandi hafa ósk-
að eftír viðræðum við Félagsmála-
ráðuneytið um yfirtöku málefna
fatlaðra og trú mín er sú að málefhi
aldraðra fylgi þar fast á eftir.
Það sem við sjálfstæðismenn vilj-
um gera í málefnum eldri borgara er
að stofna sérstakt öldungaráð þar
sem þeirra skoðanir og sjónarmið fái
að heyrast. Við teljum það gríðar-
lega mikilvægt í íbúalýðræði að
raddir sem flestra heyrist. Þannig er
hægt að vinna með íbúum sveitarfé-
lagsins í að móta samfélagið og gera
þannig gott samfélag enn betra.
Skoðanir okkar sjálfstæðismanna í
nýju sameinuðu sveitarfélagi eru
skýrar hvað varðar þennan mála-
flokk. Eldra fólk á að hafa raunveru-
legt val um búsetuform. Við viljum
gefa aðilum tækifæri til byggingar
þjónustuíbúða í sveitarfélaginu.
Þetta ætlum við að gera ásamt ýmsu
öðru ef við fáum umboð ffá kjós-
endum til að stýra sveitarfélaginu
næsta kjörtímabil. í mínum huga er
það einungis einn flokkur sem getur
sýnt það í verki að allir íbúar sveitar-
félagsins skipta máli og það er sjálf-
stæðisflokkurinn.
Sýnum metnaö, kjósum X-D.
Ingunn Alexandersdóttir skipar
þriðja sæti lista sjdlfstæðisflokksins í
Borgarflrði.
T*eHHÍHH—,
Leikvellir, loforð og hin skrum skælda umræða
Hinn 26. apríl sl. skrifar Björn
Bjarki Þorsteinsson bæjarfulltrúi
og frambjóðandi Sjálfstæðisflokks-
ins í Borgarbyggð grein í Skessu-
hornið. Þar kemur m.a fram að
stefnt skuli að uppbyggingu
göngustíga og leik- og útivistar-
svæða. Þetta hljómaði ágætlega í
fyrstu, en þegar verk sitjandi bæj-
arstjórnar hvað áðurnefnda þætti
varðar eru skoðuð, verður hljómur
bæjarfulltrúans vægast sagt holur,
svo ekki sé fastara kveðið að. Fyrst
skal telja; tilraun bæjarstjórnar tíl
að taka opið svæði við Granastaði
sem m.a. er ætlað til útivistar sam-
kvæmt gildandi aðalskipulagi und-
ir íbúðabyggð, en þeim fyrirætlun-
um var blessunarlega hrundið. Síð-
an er gerð atlaga að gamla íþrótta-
vallarsvæðinu, núverandi tjald-
svæði bæjarins, sem er nánast eina
opna svæðið í öllum neðri hluta
bæjarins sem gefur möguleika á
frekari uppbyggingu leik- og útí-
vistarsvæðis. Þegar hefur verið
mælt út fyrir byggingu á umræddu
svæði og fyrsta skóflustungan tek-
in; án þess að íbúar hafi átt þess
kost að tjá sig um fyrirhugaða
breytingu á gildandi aðalskipulagi.
Þannig er fólki stillt upp frammi
fyrir orðnum hlut. Eúalegt! Leik-
völlurinn á horni Böðvarsgötu og
Borgarbrautar lenti undir blokk -
horfinn! Nýjasta dæmið um inni-
haldsleysi orða bæjarfulltrúans í
málaflokknum er í fullum gangi
við Brákarpoll þessa dagana. Sam-
kvæmt deiliskipulagi svæðisins er
gert ráð fyrir leiksvæði upp af
Litlu-bryggju og framan við vænt-
anlega íbúðabyggð við pollinn.
Bæjarráð hefur samþykkt án um-
fjöllunar umhverfis- og skipulags-
nefndar að taka svæði sem ætlað
var fyrir leiksvæði undir bílastæði
og eru framkvæmdir nú í fullum
gangi, þrátt fyrir að ákvörðun bæj-
arráðs hafi ekki hlotið staðfestingu
bæjarstjórnar. Með þessum fram-
gangi er enn og aftur brotið gegn
gildandi lögum og á réttíndum
íbúa, í þessu tilviki með ótrúlega
ósvífnum hætti þar sem markmiðið
er að ljúka framkvæmdum áður en
ákvörðunin kemur til endanlegrar
afgreiðslu í bæjarstjórn - og áður
en nokkrum vörnum verður við
komið. Þetta flokkast undir ein-
beittan brotavilja.
Af gjörðunum skulu
þeir þekkjast
Framantalin atriði sýna að fyrir-
heit bæjarfulltrúans í leiksvæða-
málum eru þvaður eitt og skrum
sem ekkert mark er á takandi. Trú-
lega einsdæmi að kosningaloforð
séu svikin með þessum hætti fyrir
kosningar. Loforð um stíga, úti-
vistar- og leiksvæði hafa fram til
þessa verið vel endurnýtanleg í
bæklinga flokkanna og verða það
ef að líkum lætur enn um sinn og
hljóma áfram sem hver önnur
klisja á reynda kjósendur. Það er
þó öllu sorglegra að allir flokkar í
Borgarbyggð hafa síðasta kjör-
tímabil verið sammála um öll
framantalin atriði og í raun flest
önnur mál. Kjörtímabilið hefur
einkennst af hrossakaupum og
baktjaldamakki meiri- og minni-
hluta bæjarstjórnar, þar sem hags-
munir þeirra er fjármagninu ráða
eru alltaf settir skörinni ofar en
hagsmunir almennings.
Leiðir til
skoðanaþagnar
Afleitt er þegar vörpulegustu
menn eru farnir að afsaka sig í
skrifum fyrir það eitt að tjá sig op-
inberlega um mál sem stjórnvöld-
um eru ekki þóknaleg á hverjum
tíma. Þetta er vond þróun sem
stafar einkum af þeim aðferðum
sem stjórnmálamenn nota til að
þagga niður umræðu. Aðferðir
þeirra eru þekktar; snúið er út úr,
farið með hálf -sannleik, mönnum
jafnvel gerðar upp annarlegar
hvatir og reynt að gera menn tor-
tryggilega með einhverjum hætti. I
ljósi þessa er eðlilegt að meirihluti
fólks hætti sér ekki út á bersvæði
opinnar umræðu. Nútíma stjórn-
mál ganga sjaldnast út á rökræðu -
því miður!
Dæmi um þetta er að þeir sem
tjáðu sig og voru á móti íbúða-
byggð við Granastaði voru sagðir á
móti uppbyggingu og framförum.
Þeir sem ekki vilja að byggt verði á
gamla íþróttavellinum eru sagðir á
móti menntun og menntaskóla, þó
að bent verði á aðra kosti verður
það að engu haft. Þeir sem eru á
móti rútustæðum inni á skipu-
lögðu leikvallarsvæði eru þá vænt-
anlega sagðir á móti rútum. Þá
mætti alveg eins fullyrða að þeir
sem vilja láta leggja rútum á skipu-
lögðum leiksvæðum séu á móti
börnum! Þeir sem gera athuga-
semdir við skipulagstillögur eru
sagðir berjast gegn framförum og
standa í vegi fyrir góðum málum.
Þetta hefur því miður verið ein-
kennandi fyrir viðbrögð stjórn-
enda og kjörinna fulltrúa í Borgar-
byggð við málefnalegri gagnrýni á
kjörtímabilinu. Þessum viðhorfum
þarf að breyta í nýju sameinuðu
sveitarfélagi. Almenningur má
aldrei beygja sig fyrir slíkum kúg-
unaraðferðum valdhafanna. Hér
með er skorað á Borgfirðinga að
berjast gegn öllum tilraunum til
skoðanaþagnar og halda á lofti lýð-
ræðislegri og málefnalegri um-
ræðu. Það er okkar íbúanna sjálfra
að standa vörð um lýðræðið og
tj áningarfrelsið; stj órnmálamönn-
um einum og sér er alls ekki
treystandi til þess.
Ingimundur Einar Grétarsson
Borgamesi