Skessuhorn - 18.10.2006, Side 8

8
MIÐVIKUDAGUR 18. OKTÓBER 2006
^ouaunu^
Flutt í nýtt og glæsilegt
hjúkrunarheimili á Fellsenda
Síðastdiðinn fimmtudag var var
stiginn stór áfangi í sögu hjúkrun-
arheimilisins Fellsenda í suðurdöl-
um í Dalasýslu þegar starfsfólk og
vistmenn fluttu í nýtt og glæsilegt
1480 fermetra húsnæði á einni hæð.
Istak hf. var verktaki við fram-
kvæmdirnar en arkitekt byggingar-
innar er THG. Mikil breyting
verður um leið á framboði atvinnu í
héraðinu þar sem stækkun heimilis-
ins og fjölgun hjúkrunarrýma kallar
á fleiri umönnunarstörf. Við flutn-
inginn verður gjörbreyting á að-
búnaði vistfólks og vinnuaðstöðu
starfsfólks og um leið skapast rými
til að taka inn fleiri sjúklinga, en
fullmannað er hægt að hafa 28 vist-
menn þar í eins manns herbergjum
við bestu aðstæður. Blaðamaður
Skessuhorns brá sér í heimsókn á
Fellsenda sl. föstudag og ræddi við
Astu Sigríði Sigurðardóttur, hjúkr-
unarforstjóra og fékk að skoða nýju
húsakynni hjúkrunarheimilisins.
Einstakt er í þjónustu við geðsjúka
hér á landi að geta boðið upp á að-
stöðu eins og þá sem nú er á Fells-
enda. Aðbúnaður allur er fyrsta
flokks og ekki sakar að starfsemin er
mitt í ró fallegrar sveitar sem hefur
ótvíræða kosti fýrir sjúklinga sem
þar eiga sín heimili.
Sýslumaður stýrir
skútunni
Hjúkrunarheimilið þjónar fólki
sem á við geðsjúkdóma að stríða.
Forsaga þess að hjúkrunarheimilið
er nú að Fellsenda teigir sig til árs-
ins 1968 þegar á staðnum var með
myndarlegu fjárframlagi stofnað
dvalarheimili fyrir aldraða Dala-
menn. Hlutverk staðarins hefur því
breyst í tímans rás, því aldraðir íbú-
ar héraðsins, sem þarfnast umönn-
unar og vistar á dvalarheimili, fara
nú á Silfurtún í Búðardal. A Fells-
enda er því einvörðtmgu fólk með
geðræna sjúkdóma sem kemur til
langtímadvalar frá Kleppsspítala og
er upprunalega víða af landinu.
Hjúkrunarheimilið er sjálfseignar-
stofhun. Samkvæmt reglum hennar
ffá fyrstu tíð er sýslumaður Dala-
manna, nú Aslaug Þórarinsdóttir,
formaður stjórnar. Upprunalega
skipuðu stjórn Fellsenda auk sýslu-
manns, sóknarprestur, oddviti,
læknir og bankamaður. Theodór
Halldórsson er framkvæmdastjóri
hjúkrunarheimilisins og er sem
slíkur í hálfu starfi.
Vantar fleira starfsfólk
Nýja húsið er byggt af myndar-
brag og er ágætlega tækjum búið.
Einkar vel er búið að vistfólki; rúm-
góð húsakynni, nýr húsbúnaður og
innréttingar og aðstaða öll hin
besta. Þar er heimilisbragur góður
og að sögn Ástu Sigríðar, hjúkrun-
arforstjóra, eru fyrstu viðbrögð íbú-
anna eftir flutninginn afar jákvæð.
Vissulega voru sumir svolítið ráð-
villtir og „tíndir“ eins og gefur að
skilja, en starfsfólk lagðist á eitt um
að vísa fólki veginn, finna hentug
borð í matsal, leiðbeina við að rata
um húsið og svo ffamvegis „Að-
stöðumunurinn hér í nýja húsinu er
mikill frá eldra húsinu á Fellsenda.
Þar voru 2-3 í hverju herbergi og
17 vistmenn þurftu að deila tveim-
ur salernum. I nýja húsinu verða
allir með sérherbergi, salerni og
sturtu og hafa því meira næði og
einkalíf. Alls eru 28 vistherbergi í
nýja húsinu, 11 fleiri herbergi en
sjúklingar eru í dag, þannig að
stefnt er að því að fjölga vistmönn-
um enda eftirspurnin mikil eftir
hjúkrunarrýmum hér. Fyrst þurfum
við þó að manna fleiri stöður starfs-
fólks til að hægt verði að taka inn
fleiri vistmenn og fýlla húsið. \,7ið
höfum að und-
anförnu auglýst
mikið eftir
starfsfólki, svo
sem sjúkraliða,
starfsfólki við
aðhlynningu og
ræstingarfólki
en það gengur
fremur seint að
fá fólk í því
þensluástandi
sem verið hefur.
Við vonum þó
hið besta í þeim
efnum,“ segir
Asta Sigríður og
bætti því við að
von væri á
tveimur um-
sækjendum í at-
vinnuviðtal í
þessari viku.
Sveitin hefur
ótvíræða kosti
Hún segir að flutningurinn hafi
gengið vel og að vistfólk sé afskap-
lega ánægt með aðstöðuna. Ekkert
sé til sparað að gera þeim lífið nota-
legt; aðbúnaður; stór og vistleg her-
bergi, góðar setustofur með sjón-
varpstækjum svo eitthvað sé nefnt.
Asta segir að mikil áhersla sé lögð á
að láta fólki líða vel enda er Fells-
endi framtíðar heimili flestra sem
þangað innritist. „Staðsetningin er
góð og hentar fólki með geðræna
sjúkdóma vel. Þó að sumir myndu
e.t.v. halda því ffam að Fellsendi
lægi afskekkt er hann engu að síður
í alfaraleið og hér fýlgjast vistmenn
grannt með umferðinni, póstinum,
mjólkurbílnum og annarri umferð
sem á leið um hlaðið og veginn.
Hér er engu að síður hæfilega mik-
il kyrrð og ró og sveitin hentar því
þessu fólki vel,“ segir Asta. Hún
segir vinnuafl í dreifbýlinu vera
stöðugra en víða annarsstaðar og
slíkt sé ótvíræður kostur fýrir geð-
sjúka sem þurfi umfram margt ann-
að að búa við festu í þeim efhum.
Nafli alheimsins var
í eldhúsinu
Á Fellsenda eru 24 starfsmenn og
er eins og áður segir stefnt að fjölg-
un þeirra til að geta fýllt í öll hjúkr-
unarrýmin. Tveir eru hjúkrunar-
fræðingar, tveir sjúkraliðar auk
matreiðslumanna. Annað starfsfólk
er ófaglært en býr yfir mikilli
reynslu í umönnun geðfatlaðra.
Starfsfólk býr flest í sveitunum í
kring og í Búðardal sem er í um 20
km fjarlægð. Ásta segir að gjör-
breyting verði á vinnuaðstöðu
starfsfólks í nýja húsinu. „Starfs-
mannaaðstaða er gjörbreytt. I
gamla húsinu var eldhúsið t.d. mið-
punktur alls þar sem stöðug umferð
var í gegn. Hér er sérstakt vakther-
bergi, kaffistofa starfsfólks og að-
búnaður starfsmanna hafður í fýrir-
rúmi.“
Meiri hlaup
Annað starfsfólk sem blaðamaður
ræddi við fagnaði þeirri breytingu
sem varð við flutninginn. Engu að
síður hafði það á orði að hlaupin
myndu aukast nokkuð því komast
þyrfti yfir mun stærra svæði við um-
önnun sjúklinganna þar sem þeir
væru dreifðir á stærra svæði en var í
gamla húsinu; fleiri voru í hverju
herbergi og sameiginlegt rými var
minna. „Við gátum leyst úr mörg-
um málum á sama stað í þrengslun-
um í gamla húsinu, hér þurfum við
að hlaupa meira,“ sagði starfsstúlka
sem rætt var við. Hún sagðist von-
ast til að vel gengi að manna í nýjar
stöður og batt vonir við að fleiri
starfsmenn myndi þýða bætt vinnu-
fýrirkomulag og þar með minni
hlaup um húsið.
Aðspurð um hvernig gamla Fells-
endahúsið yrði nýtt nú effir að flutt
er úr því, gerði Ásta Sigríður ráð
fýrir að þar gæti sjúkraþjálfun farið
fram og þá væru uppi hugmyndir
um að koma upp aðstöðu fyrir af-
leysingafólk í húsinu. Nýting þess
væri hinsvegar ekki endanlega
ákveðin enn sem komið væri.
Stefht er að formlegri vígslu nýja
hússins þann 11. nóvember nk.
Ohætt er að óska Dalamönnum öll-
um, starfsfólki og vistmönnum
innilega til hamingju með glæsilegt
hús og góða aðstöðu á Feilsenda.
Aðbúnaður allur sem þar er nú til
staðar er einstakur hér á landi og
ber vott um hverju hið opinbera
getur áorkað með réttu hugarfari til
að létta minnihlutahópi eins og
geðfötluðum lífið eins og kostur er.
MM
Búið er að gangafrá lóð hússins, malbika bílast<eði og þökuleggja þannig að umhverfi
er allt hið snyrtilegasta.
Gamla húsið verður mi hugsanlega nýtt til sjúkraþjálfunar, aðstöðu fyrir afleysingafólk
og e.t.v. annarra verkefna.
Hluti starfsmanna á Fellsenda. Frá vinstri: Elin, Guðmundur, Asta Sigríður hjúkrunarforstjóri, Ema,
Guðmundur húsvórður, Krístín ogfyrir framan er Siggi 4 ára, sonurAstu Sigrtðar.
Stór og rúmgóð herbergi sem vistmenn þurfa ekki lengur að deila með fleirum.