Morgunblaðið - 02.05.2019, Síða 14

Guðrún Erlingsdóttir
ge@mbl.is
Berlín er magnaðasta borgí Evrópu og þó víðarværi leitað. Ég var eig-inlega kominn með leiða
á því að starfa í leikhúsi þrátt fyrir
að hafa ekki starfað þar lengi. Árið
2015 stóð valið á milli þess að
koma til Reykjavíkur og reyna enn
og aftur að finna nýja íbúð í
janúarmyrkrinu á yndislega leigu-
markaðnum í miðborg Reykjavíkur
eða láta draum gamla sögunördsins
rætast og fræðast um sögu Berl-
ínar með því að gerast leiðsögu-
maður þar,“ segir Hinrik Þór Svav-
arsson sem fæddur er í vesturbæ
Reykjavíkur og alinn upp í Garða-
bæ.
Hinrik sem hóf búskap í mið-
bæ Reykjavíkur segir að hann hafi
farið hefðbundnu leiðina úr út-
hverfinu í miðborgina og þegar hún
var orðin of lítil þá tók drauma-
borgin Berlín við en þangað hafði
Hinrik oft komið. Í dag býr hann
ásamt eiginkonu sinni Martinu
Bertoni, ítölskum sellóleikara, í
Berlín. Hinrik starfar sem leið-
sögumaður hjá Berlínum sem
stofnað var 2014 af tveimur ís-
lenskum konum búsettum í Berlín.
Berlínur bjóða upp á leiðsögn um
Berlín á íslensku og í dag starfa 10
manns hjá fyrirtækinu.
„Ferðalagið á þann góða stað
sem ég er á í dag var langt og
strangt. Ég þjáðist af ofsakvíða
sem mér hefur með góðri hjálp
tekist að ná tökum á,“ segir Hinrik
sem er lærður sviðshöfundur af
sviðlistahöfundabraut leiklistar-
deildar Listaháskóla Íslands. Eftir
að Hinrik hafði fengið þrisvar höfn-
un um skólavist í Leiklistarskólann
og var kominn með fjölskyldu lagði
hann leiklistardrauminn á hilluna
og fór að vinna við löndun. 2005
eignaðist hann dótturina Diljá
Hörn en segist ekki hafa verið al-
veg tilbúinn á þeim tíma að gerast
ráðsettur heimilisfaðir. Fimm árum
síðar skildi hann við barnsmóður
sína og síðar sama ár eignaðist
hann dótturina Kelly Caradec með
franskri vinkonu sinni.
„Ég á mjög gott samband við
dóttur mína og barnsmóður. Við
ákváðum sem foreldrar að allt sem
við gerðum í framhaldi af skiln-
aðinum myndi snúast fyrst og
fremst um þarfir dóttur okkar. Það
höfum við staðið við. Þegar ég er
búsettur á Íslandi bý ég í göngu-
færi við dóttur mína og það mun
ábyggilega ekkert breytast. Það á
ekkert barn að þurfa að velja á
milli foreldra sinna,“ segir Hinrik
sem er í minni en þó góðum sam-
skiptum við yngri dótturina sem
býr í Frakklandi.
Vinnan á geðdeild hjálpaði
Hinrik segir að hann hafi út-
skrifast úr Listaháskólanum 2013 í
hálfgerðu taugaáfalli og stanslausu
kvíðakasti. Eftir langvinnt þung-
lyndisskeið hafi hann misst áhug-
ann á að starfa við listina.
„Vinur minn Tyrfingur Tyrf-
ingsson benti mér á að breyta til
og hvatti mig til þess að sækja um
vinnu á geðdeild Landspítalans,
sem ég gerði. Það var ótrúlega fínt
að vinna á geðdeildinni og þar vann
ég í eitt og hálft ár þar til listin
bankaði aftur á dyrnar. Full vinna,
krefjandi fjögurra tíma spunaverk
og nýtt ástarsamband kom af stað
stærsta kvíðakastinu sem ég hef
fengið. Það var árið 2015 og endaði
með taugaáfalli. Álagið var allt of
mikið og ég var kominn á minn
versta stað í lífinu. Á þeim tíma
kom sér vel að vinna á geðdeild,“
segir Hinrik sem hafði góðan að-
gang að hjálp og stuðning yf-
irmanna sinna. Hinrik fór í veik-
indaleyfi en fékk stuttu síðar boð
um að koma að uppsetningu leik-
rits í Stykkishólmi sem hann þáði.
Á sama tíma fékk hann tilboð um
að setja upp sviðsverk í Sviss
byggt á Íslendingasögunum. Þang-
að fór Hinrik frá Stykkishólmi og
frumsýndi Isländer Sagas með leik-
hópnum sínum í Basel. Hópurinn
ferðaðist með sýninguna til nokk-
urra bæja í fallegu umhverfi Alp-
anna.
„Ég lék lokabardagann úr
Bárðarsögu Snæfellsáss með til-
þrifum á íslensku,“ segir Hinrik og
bætir við að ein sýning hafi verið
sett upp í Þýskalandi og þar sé
hann enn fjórum árum síðar. Hann
segir mikilvægt að átta sig á því
hvernig hver og einn takist á við
kvíðann. Hann hafi lært að takast á
við vandann sem hái honum lítið í
dag.
Meðal verka sem Hinrik hefur
komið að eða tekið þátt í eru leik-
ritin 1984 og 101 Reykjavík með
Stúdentaleikhúsinu. Híbýli vind-
anna og sem Borki ræningi í Ronju
Ræningjadóttur í Borgarleik-
húsinu.
Hinrik segist sakna sundlaug-
anna og heitu pottanna frá Íslandi.
En honum líði vel í hinni ungæð-
islegu kaótísku listaborg sem Berl-
ín sé.
Sögunörd lætur drauminn rætast
Hinrik Þór Svavarsson
sviðshöfundur sagði skil-
ið við listina og býr nú og
starfar í Berlín sem leið-
sögumaður. Hinrik hefur
með aðstoð náð tökum á
kvíða sem hrjáði hann.
Virðing Sjálfa af Hinriki við minnisvarða um fórnarlömb helfararinnar í
einni Berlínuferð þar sem Hinrik kynnir Íslendingum sögu Berlínar.
Sáttur Hinrik Þór Svavarsson segist njóta lífsins í ungæðislegu, kaótísku
listaborginni Berlín, þar sem hann býr og lætur gamlan draum rætast.
14 DAGLEGT LÍF
MORGUNBLAÐIÐ FIMMTUDAGUR 2. MAÍ 2019
Álfabakka 12, 109 Reykjavík • S. 557 2400 • Netverslun elbm.is
Opið virka daga kl. 8-18
Sængurverasett, dúkar,
servíettur, viskustykki,
dýnuhlífar & lök, sloppar & inniskór,
handklæði & þvottapokar.
Vörurnar fást í
Efnalauginni Björg í Mjódd
LÍN fyrir hótel, veitingahús, gistiheimili,
sjúkrastofnanir og heimili
SKECHERS EQUALIZER 3.0 HERRASKÓR
MEÐ MEMORY FOAM INNLEGGI.
STÆRÐIR 41-47.5.
FÁST EINNIG SVARTIR OG BLÁIR.
12.995.-
HERRASKÓR