Morgunblaðið - 13.06.2019, Blaðsíða 61

ÍÞRÓTTIR 61
MORGUNBLAÐIÐ FIMMTUDAGUR 13. JÚNÍ 2019
Sími: 411 5000 • www.itr.is
Fyrir líkama og sál
Laugarnar í Reykjavík
Frá
morgnifyrir alla
fjölskylduna
í þínu
hverfi t i l kvölds
HANDBOLTI
Undankeppni EM karla
3. riðill:
Tyrkland – Norður-Makedónía .......... 25:26
Grikkland – Ísland................................ 28:28
Staðan:
N-Makedónía 5 3 1 1 141:137 7
Ísland 5 2 2 1 153:129 6
Tyrkland 5 2 0 3 126:135 4
Grikkland 5 1 1 3 122:141 3
 Norður-Makedónía er komið á EM.
1. riðill:
Ísrael – Þýskaland................................ 25:40
Kósóvó – Pólland .................................. 23:23
 Þýskaland 10, Ísrael 4, Pólland 3, Kósóvó
3.
 Þýskaland er komið á EM.
2. riðill:
Sviss – Króatía...................................... 28:33
Belgía – Serbía...................................... 26:37
 Króatía 9, Sviss 6, Serbía 4, Belgía 1.
 Króatía er komin á EM.
4. riðill:
Lettland – Slóvenía .............................. 25:24
 Slóvenía 8, Lettland 8, Holland 2, Eist-
land 0.
 Slóvenía og Lettland eru komin á EM.
5. riðill:
Finnland – Tékkland............................ 24:26
Bosnía – Hvíta-Rússland ..................... 25:31
 Tékkland 8, Hvíta-Rússland 6, Bosnía 6,
Finnland 0.
7. riðill:
Slóvakía – Ungverjaland ..................... 20:21
 Ungverjaland 9, Rússland 5, Ítalía 4, Sló-
vakía 0.
 Ungverjaland er komið á EM.
8. riðill:
Úkraína – Danmörk ............................. 30:33
 Danmörk 8, Úkraína 6, Svartfjallaland 3,
Færeyjar 1.
 Danmörk er komin á EM.
 Tvö efstu liðin í hverjum riðli og fjögur
lið með bestan árangur í þriðja sæti komast
í lokakeppni EM 2020 sem fer fram í Sví-
þjóð, Noregi og Austurríki. Lokaumferð
riðlakeppninnar er leikin á sunnudaginn.
HANDBOLTI
Andri Yrkill Valsson
yrkill@mbl.is
Íslenska karlalandsliðið í handknatt-
leik var langt frá því að sýna hvað
það getur þegar liðið heimsótti
Grikkland í undankeppni Evr-
ópumótsins í Kozani í norðurhluta
landsins í gærkvöldi. Strákarnir
voru stálheppnir að bjarga jafntefli,
28:28, eftir að hafa skorað tvö mörk
á síðustu 30 sekúndunum og geta
sannarlega sjálfum sér um kennt
hvernig fór.
Ísland var 15:12 yfir í hálfleik, en
þá var ljóst að sigur myndi tryggja
liðinu sæti á EM. Menn gætu hafa
fundið það á sér, en liðið spilaði
hreint afleitlega í síðari hálfleik.
Varnarleikurinn var tilbreytingalít-
ill, hugmyndaleysið í sóknarleiknum
var algjört og erfitt er að koma
sómasamlegum orðum að færanýt-
ingunni. Hún var hrein hörmung.
Hvert dauðafærið á fætur öðru, sér-
staklega á línunni og tvö víti þar að
auki, fóru í súginn þar sem ekkert
gekk upp. Það er vert að rifja upp að
Ísland vann fyrri leik liðanna hér á
landi með 14 marka mun í október.
„Þetta var kaflaskiptur leikur, við
spiluðum vel í fyrri hálfleik og það
hefði verið óskastaða að vera fimm
mörkum yfir í hálfleik, sem mér
fannst innistæða fyrir. Seinni hálf-
leikurinn byrjaði illa og svo þróast
hann þannig að við klúðrum allt of
mörgum dauðafærum og það gengur
ekki á útivelli,“ sagði landsliðsþjálf-
arinn Guðmundur Guðmundsson við
Morgunblaðið og sagði tilfinningar
sínar blendnar eftir leikinn.
Áhyggjur sem eru þekktar
Eins og áður sagði var færanýt-
ingin verst, en fátt var gott. Mark-
varslan heldur áfram að vera til
vandræða þótt hún hafi oft verið
verri, en tilbreytingarleysið í spila-
mennskunni olli vonbrigðum. Vert
er að hafa verulegar áhyggjur af
línumannsstöðunni miðað við þessa
frammistöðu, en langt er síðan þær
viðvörunarbjöllur fóru að hringja.
Örlögin eru þó enn í eigin hönd-
um, en liðið má samt ekki misstíga
sig gegn Tyrkjum í Laugardalshöll-
inni á sunnudagkvöld. Allt að tíu
marka tap dugar Íslandi vissulega
eftir ellefu marka sigur í fyrri leikn-
um, en möguleikinn er engu að síður
enn fyrir hendi að Ísland sitji hrein-
lega eftir. Góð úrslit í fyrri leiknum
gefa ekki ástæðu til kæruleysis eins
og greinilega sýndi sig í gær og ljóst
að hugarfarið þarf að vera rétt stillt.
Aðspurður fór Guðmundur rólega
í yfirlýsingar um breytingar á leik
liðsins. „Við skoðum þetta að sjálf-
sögðu. Við förum yfir þetta allt sam-
an, munum skoða frammistöðuna og
fara gaumgæfilega yfir þetta,“ sagði
Guðmundur og nefndi að langt
ferðalag til norðurhluta Grikklands
hefði setið í liðinu og það hefði sést
glögglega.
Flugið fellt niður á leiðinni út
„Það tók okkur tvo daga að kom-
ast hingað. Við ætluðum að vera
komnir hérna á mánudaginn en flug-
ið okkar var fellt niður. Það var
ákveðin þreyta í mönnum, langt liðið
á tímabilið og þessir leikir eru aldrei
auðveldir í júní. Ég ætla ekki að vera
að afsaka eitt eða neitt, en svona er
þetta,“ sagði Guðmundur.
Þrátt fyrir að frammistaðan hafi
verið langt frá því nægilega góð tók
Guðmundur til ljósa punkta sem
byggja má á fyrir leikinn við Tyrki.
„Ég er mjög ánægður hvernig við
náðum svo í þetta stig. Það var stór-
kostlega vel gert miðað við stöðuna
sem upp var komin. Þetta stig er líka
mikilvægt fyrir okkur. Aðalatriðið er
það að við erum komnir langt með að
tryggja okkur inn á EM. Eigum einn
leik eftir og við hlökkum mikið til að
spila í Laugardalshöll. Fyrst fólk
fyllti fótboltavöllinn gegn Tyrkjum
þá væri gaman að sjá fulla Höll með
handboltalandsliðinu gegn Tyrkjum
tæpri viku seinna,“ sagði Guð-
mundur Guðmundsson við Morg-
unblaðið.
Örlögin enn í eigin hönd-
um þrátt fyrir bakslag
 Ísland bjargaði jafntefli í Grikklandi og getur ekki enn fagnað öruggu EM-sæti
Morgunblaðið/Eggert
Markahæstur Arnór Þór Gunnarsson undirbýr skot gegn markverði Grikkja en hann skoraði níu mörk í leiknum.
Kozani, Grikklandi. Undankeppni EM
2020, miðvikudag 12. júní 2019.
Gangur leiksins: 2:4, 5:6, 6:7,
6:10, 10:13, 12:15, 16:17, 17:19,
21:21, 23:23, 24:24, 28:28.
Mörk Grikklands: Dimitrios Tziras
9/5, Charlampos Dompris 4, Anas-
tasios Papadionysiou 4, Christos
Kederis 4, Christodoulos Mylonas
3, Efthimios Iliopulos 2, Ioannis
Kalomoiros 2.
Varin skot: Petros Boukovinas
13/1.
Grikkland – Ísland 28:28
Utan vallar: 6 mínútur.
Mörk Íslands: Arnór Þór Gunn-
arsson 9/1, Guðjón Valur Sigurðs-
son 7, Aron Pálmarsson 5, Elvar
Örn Jónsson 4, Teitur Örn Ein-
arsson 2, Ólafur Andrés Guð-
mundsson 1.
Varin skot: Ágúst Elí Björgvinsson
11, Viktor Gísli Hallgrímsson 2.
Utan vallar: 2 mínútur.
Dómarar: Sasa Pandzic og Boris
Satordzija, Bosníu og Hersegóvínu.
Áhorfendur: 600.
Norður-Makedónía tryggði sér
sæti í lokakeppni EM 2020 í
handknattleik í gær eftir 26:25-
sigur gegn Tyrklandi í Eskisehir
í Tyrklandi. Liðin leika í riðli Ís-
lands í undankeppninni en Ísland
getur enn náð öðru sætinu og
þar með farið einnig á EM í jan-
úar.
Mikið jafnfræði var með lið-
unum í leiknum en staðan í hálf-
leik var 13:11, Tyrkjum í vil.
Þegar fimm mínútur voru til
leiksloka var staðan jöfn, 23:23,
og skiptust liðin á að leiða. Þegar
tvær mínútur voru til leiksloka
komst Norður-Makedónía yfir,
26:25, og Tyrkjum tókst ekki að
jafna metin og Norður-Makedónía
fagnaði eins marks sigri.
Norður-Makedónía er í efsta
sæti 3. riðils með sjö stig eftir
fyrstu fimm umferðirnar en Tyrk-
land er í þriðja sætinu með fjögur
stig. Ísland er með sex stig í öðru
sæti riðilsins og Grikkland í fjórða
sæti með tvö stig.
Óhætt er að segja að Grikkir og
Tyrkir hafi komið mörgum á
óvart með frammistöðu sinni í
riðlinum gegn N-Makedóníu og Ís-
landi.
Norður-Makedónar
komnir á EM 2020
Lettland er komið á EM karla í
handknattleik í fyrsta sinn í sögu
þjóðarinnar eftir dramatískan
25:24-sigur gegn Slóveníu í Lett-
landi í gær. Dainis Kristopans fór á
kostum í liði Letta og skoraði 13
mörk en hann er leikmaður Vardar
í Ungverjalandi. Lettland og Slóv-
enía eru bæði með 8 stig í 4. riðli og
fara því bæði á EM í Austurríki,
Noregi og Svíþjóð 2020.
Þá tryggðu heimsmeistarar Dana
sér sæti á EM í gær auk Tékka og
Ungverja. bjarnih@mbl.is
Lettar á EM
í fyrsta sinn