Morgunblaðið - 19.06.2019, Blaðsíða 12

12 FRÉTTIRErlent
MORGUNBLAÐIÐ MIÐVIKUDAGUR 19. JÚNÍ 2019
ER BROTIÐ Á ÞÉR?
Slys valda heilsutjóni og þjáningum. En það er ekki síður sárt þegar starfsorkan
skerðist og áætlanir um framtíðina bregðast. Því fylgir óvissa og áhyggjur.
Ef þú hefur orðið fyrir slysi þá skaltu hafa samband við Bótarétt sem fyrst.
Það kostar ekkert að kanna málið. Við metum stöðu þína og skoðum síðan málin
ofan í kjölinn. Þú getur látið þér batna á meðan við sækjum rétt þinn.
HRINGDU Í BÓTARÉTT Í SÍMA 520 5100 OG ÞÚ FÆRÐ ÞITT.
botarettur.is
Sameinuðu þjóðunum. AFP. | Gert
er ráð fyrir að íbúum jarðar fjölgi
úr 7,7 milljörðum í 9,7 milljarða
fyrir árið 2050 og að fjöldi íbúa
Afríku sunnan Sahara tvöfaldist,
að því er fram kemur í nýrri
skýrslu Sameinuðu þjóðanna. Jarð-
arbúum gæti síðan fjölgað í ellefu
milljarða fyrir lok aldarinnar.
Í skýrslunni kemur fram að spáð
er mikilli mannfjölgun í nokkrum
löndum, m.a. vegna þess að íbú-
arnir lifa lengur, en í öðrum lönd-
um er útlit fyrir að barnsfæðingum
haldi áfram að fækka.
Gert er ráð fyrir því að árið
2050 verði rúmur helmingur íbúa
jarðar í aðeins níu löndum: Ind-
landi, Nígeríu, Pakistan, Austur-
Kongó, Eþíópíu, Tansaníu, Indóne-
síu, Egyptalandi og Bandaríkj-
unum.
Talið er að íbúum Kína, fjöl-
mennasta ríkis heims, fækki um
2,2% fyrir árið 2050. Íbúum hefur
fækkað um a.m.k. prósent í alls 27
löndum frá árinu 2010 vegna lægri
fæðingartíðni.
Í skýrslunni kemur fram að
dauðsföllin eru nú fleiri en barns-
fæðingar í Hvíta-Rússlandi, Eist-
landi, Þýskalandi, Ungverjalandi,
Ítalíu, Japan, Rússlandi, Serbíu og
Úkraínu en gert er ráð fyrir því að
aðflutningur fólks vegi upp á móti
því. Meðalfæðingartíðnin í heim-
inum lækkaði úr 3,2 börnum á
hverja konu árið 1990 í 2,5 börn í
ár og gert er ráð fyrir því að hún
lækki í 2,2 börn fyrir árið 2050.
Yfirleitt er miðað við að frjósemi
þurfi að vera um 2,1 barn á hverja
konu til þess að viðhalda mann-
fjöldanum til langs tíma.
Í skýrslunni er gert ráð fyrir því
að meðalævin lengist yfirleitt, m.a.
í fátækum löndum þar sem hún er
sjö árum skemmri en í öllum heim-
inum. Meðalævilengd jarðarbúa er
nú 72,6 ár og gert ráð fyrir því að
hún verði 77,1 ár um miðja öldina.
Fjölmennustu löndin og Evrópa
Heimild: Mannfjöldadeild Sameinuðu þjóðanna
1,2
0,6
1950 2019 2100
Kína
Indland
Evrópa
Bandaríkin
1,8 milljarðar
Fjöldi jarðarbúa
Fæðingartíðni
Fjöldi barna á
hverja konu
Talið er að íbúum jarðar fjölgi í 9,7 milljarða fyrir árið 2050, að sögn Sameinuðu þjóðanna.
Mannfjölgun í heiminum
2
1950 2020 21002050
9,7 milljarðar
7,7 milljarðar
(2019)
2,5 börn
2,2 börn
4
6
8
10
14
12
milljarðar
11 ma.
4
3
2
Talið að íbúum jarðar
fjölgi í 9,7 milljarða 2050
 Íbúafjöldi Afríku sunnan Sahara gæti tvöfaldast
Donald Trump Bandaríkjaforseti hóf
í gær baráttu sína fyrir endurkjöri í
forsetakosningunum á næsta ári með
fundi í Orlando í Flórída, einu
ríkjanna sem talin eru geta ráðið úr-
slitum. Skoðanakannanir benda til
þess að Trump eigi á brattann að
sækja og sé nú með mun minna fylgi
en Joe Biden, fyrrverandi varaforseti
Bandaríkjanna, sem þykir sigur-
stranglegastur í forkosningum demó-
krata þegar forsetaefni flokksins
verður valið.
Í nýlegri könnun Fox News sögðu
49% þátttakendanna að þeir myndu
kjósa Joe Biden en 39% Trump ef
kosið væri nú og valið stæði á milli
þeirra. Ef Bernie Sanders yrði for-
setaefni demókrata sögðust 49% þátt-
takendanna myndu kjósa hann en
40% Trump.
Í könnun Quinnipiac-háskóla sögð-
ust 53% myndu kjósa Trump og 40%
Joe Biden ef kosið væri á milli þeirra
og öll líklegustu forsetaefni demó-
krata mældust með meira fylgi en for-
setinn. 51% kvaðst myndu kjósa
Sanders, 49% Kamala Harris, 49%
Elizabeth Warren, 47% Pete Butt-
igieg og jafnmargir Cory Booker.
Fylgi Trumps mældist 40-42%.
Könnun sem gerð var fyrir Trump
og aðstoðarmenn hans bendir til þess
að hann sé með minna fylgi en Joe
Biden í nokkrum lykilríkjum sem tal-
in eru geta ráðið úrslitum í kosning-
unum. Biden er t.a.m. með meira en
10 prósentustiga forskot í Michigan,
Pennsylvaníu og Wisconsin.
Margt getur þó breyst áður en bar-
áttan hefst fyrir alvöru. Kannanir
hafa bent til þess að um 42-43% kjós-
endanna séu ánægð með störf
Trumps í forsetaembættinu og hann
gæti notið góðs af því að hagvöxturinn
mælist nú rúm 3% og atvinnuleysið
hefur ekki verið minna í hálfa öld.
94% repúblikana styðja Trump
Trump var kjörinn forseti árið 2016
með aðeins 46,1% greiddra atkvæða,
2,1 prósentustigi minna en Hillary
Clinton, forsetaefni demókrata.
Enginn sitjandi forseti hefur beðið
ósigur í forsetakosningum í Bandaríkj-
unum frá því að George Bush eldri
tapaði fyrir Bill Clinton árið 1992. Ólíkt
Bush eldri nýtur Trump óvenjumikils
stuðnings meðal kjósenda sem skil-
greina sig sem repúblikana. Um 94%
þeirra segjast styðja Trump.
bogi@mbl.is
Skoðanakönnun Fox News: Hvern myndir þú kjósa ef
forsetakosningar væru haldnar í Bandaríkjunum núna:
Demókratar gegn Trump
Heimild: Könnun 9.-12. júní. Rúmlega 1.000 manna úrtak. Vikmörk: +/- 3 prósentustig
Joe Biden Bernie Sanders
Kamala
Harris
49
39
49
40
42
41 41
Elisabeth
Warren
43 Pete Buttigieg
41
40
Donald Trump
35
40
45
50%
Biden með for-
skot á Trump
 Barátta Trumps fyrir endurkjöri hafin
Dominic Raab, fyrrverandi brexit-ráðherra, féll út úr
leiðtogakjöri Íhaldsflokksins í Bretlandi í gær og fimm
eru nú eftir. Raab fékk 30 atkvæði en þurfti að fá minnst
33. Boris Johnson, fyrrv. utanríkisráðherra, fékk flest at-
kvæði, 126, og Jeremy Hunt utanríkisráðherra 46. Mich-
ael Gove umhverfisráðherra fékk 41 atkvæði og Rory
Stewart, ráðherra þróunaraðstoðar, 37, 18 fleiri en í
fyrstu umferð leiðtogakjörsins. Sajid Javid innanríkisráð-
herra fékk 33 atkvæði. Kosið verður aftur í þingflokki
íhaldsmanna í dag og á morgun þar til tveir verða eftir.
Skráðir félagar í flokknum kjósa síðan á milli þeirra.
Dominic Raab féll út úr leiðtogakjörinu
Boris Johnson