Morgunblaðið - Sunnudagur - 23.06.2019, Side 10

FERÐAMENN
10 MORGUNBLAÐIÐ SUNNUDAGUR 23.6. 2019
Robert og Barbara Beringer frá Sviss eru
reyndir ferðalangar. Þau eru í fyrsta skipti á
Íslandi og komu hingað til að njóta náttúrunn-
ar, en hingað komu þau með húsbíl sem þau
sigldu með yfir Atlantshafið til Seyðisfjarðar.
„Við ætlum að keyra upp á hálendi en erum
í höfuðborginni núna þar sem framrúðan okk-
ar brotnaði og það er verið að gera við hana.
Það gaf okkur smá pásu frá keyrslunni til þess
að sjá þessa fallegu borg,“ segir Robert en þau
hjón hyggjast dvelja hér í heilan mánuð.
„Við ætlum að keyra út um allt land en höf-
um nú bara keyrt hingað frá Seyðisfirði. Á
leiðinni sáum við Jökulsárslón, fossa og lunda.
Þegar við komum fyrst var snjókoma en svo
batnaði veðrið eftir tvo daga og varð mjög fal-
legt,“ segir hann.
„Okkur hefur verið sagt að veðrið sé óvenju-
gott því þið fáið venjulega mikla rigningu,“
segir hún og bætir við að þau sofi í bílnum á
tjaldstæðum.
„Við höfum ferðast svona í áratugi,“ segir
hún.
„Síðan við vorum mjög ung. Við bjuggum í
tíu ár í Suður-Afríku fyrir langalöngu og ferð-
uðumst mikið um á þennan hátt, í Volks-
wagen-rúgbrauði,“ segir Robert.
Blaðamaður nefnir að þau virðist mikið æv-
intýrafólk og Robert segir: „Já, það má
kannski segja það.“
Robert er ljósmyndari og ráðgjafi í iðnaði en
Barbara er komin á eftirlaun.
Það sem kom þeim á óvart á Íslandi er allur
sá fjöldi ferðamanna frá Asíu. „Mér datt aldrei
í hug að hér væru svona margir Kínverjar,“
segir hún.
Hjónin segja sorglegt hversu sóðaleg um-
gengni er við náttúruperlur landsins og segj-
ast hafa séð fólk henda rusli á jörðina.
„Við tínum það upp. Svo er alveg merkilegt
Robert og Barbara hafa ferðast víða á húsbíl
sínum. Nú ætla þau á hálendi Íslands.
„Allt fyrir eina
ljósmynd“
SVISS
hvað margir hunsa grindverk eða merkingar
og klifra bara yfir. Það er alveg út í hött. Það
er ekki bara hættulegt fólkinu heldur eyði-
leggur líka náttúruna,“ segir Robert.
„Allt fyrir eina ljósmynd,“ segir Barbara.
Þau kveðja blaðamann og halda sína leið.
„Bíllinn okkar verður tilbúinn eftir nokkra
tíma og þá ætlum við að keyra á Vestfirði og
þaðan inn á hálendið. Ef vegirnir verða opnir.“
„Við erum hér tuttugu og fimm saman frá
Shanghai í Kína. Við ætlum að vera fimm daga
á Íslandi en ferðin er allt í allt þrettán dagar,“
segir kínverk kona sem var sú eina í hópnum
sem talað gat ensku.
„Við ætlum líka til Hollands, Þýskalands og
Belgíu. Við förum burt héðan á morgun. Okkur
líkaði mjög vel að vera hér og landslagið er fal-
legt,“ segir hún.
„Við ferðuðumst víða á þessum fimm dögum
og okkur fannst fossarnir flottastir,“ segir hún
og bætir við að veðrið hafi komið á óvart.
„Okkur var sagt að þetta væri besta veðrið í
mörg ár!“
Konurnar draga upp síma og sýna blaða-
manni mynd af Strokki í Haukadal, nokkuð
sem þeim fannst merkilegt að sjá.
„Allt hér er mjög nýtt fyrir okkur,“ segir
hún og biður að lokum um að blaðamaður stilli
sér upp á mynd með hópnum.
Þær voru alsælar stöllurnar
frá Shanghai þar sem þær
röltu niður Skólavörðustíg-
inn á fallegum sumardegi.
„Fossarnir flottastir“
KÍNA
Irina and Cody Anderson eru frá Alberta í
Kanada. Þau voru nýlent á Íslandi þegar
blaðamaður stoppaði þau við styttuna af Leifi
Eiríkssyni. Þau ætla að dvelja á landinu í tíu
daga og keyra hringinn.
„Við höfum planað ýmsar gönguferðir og
skoðunarferðir á leiðinni. Við munum yfirleitt
gista í airbnb-íbúðum á leiðinni,“ segir Irina.
„Þetta verður stíf keyrsla,“ segir Cody og á
við að dagskráin sé þétt.
„Við ætlum ekki á Vestfirði en förum á Snæ-
fellsnes,“ segir Irina sem segir þau vel skipu-
lögð.
„Við keyptum flugmiðana fyrir ári en byrj-
uðum svo að skipuleggja í febrúar. Við ætlum
að nýta okkur það að kaupa í matinn og elda
sjálf, frekar en að fara á veitingastaði,“ segir
Irina.
„Við leigðum ódýran bíl hjá Green Motion
og það tók óratíma í morgun að afgreiða hann.
Við vonum að hann komi okkur hringinn,“
segir Cody og brosir.
Irina segir þau spennt að leggja í hann.
„Við erum mjög spennt að sjá fossana, heitu
hverina og önnur náttúruundur. Svo eigum við
bókað í eina ferð upp á jökul,“ segir Irina og
bætir við að þau séu afar ánægð með veður-
blíðuna.
Cody og Irina ætla
hringinn og hafa skipu-
lagt ýmislegt á leiðinni.
„Þetta verður stíf keyrsla“
KANADA
Fyrir utan Café Loka á Lokastíg sátu erlend-
ir ferðamenn í blíðunni og gæddu sér á ís-
lensku góðgæti sem var skolað niður með
köldu öli. Á einu borði mátti finna þrjá
franska vini, þá bræður Joeffrey og Damien
Lamy og vin þeirra, ljósmyndarann Antoine
Pidoux.
„Þeir hafa verið hér í tíu daga en ég var
bara að slást í hópinn í morgun,“ segir Joeff-
rey og segir hina hafa frá ýmsu að segja.
Antoine situr kappklæddur með húfu og
blaðamaður spyr hvort honum sé kalt, í ljósi
þess að úti ríkir jú íslensk hitabylgja.
„Já!“ svarar hann og þeir hlæja.
„Við vorum á Vestfjörðum og þar var kalt.
Við fórum hringinn; á Vestfirði, Akureyri,
Mývatn, Jökulsárlón og Vík. Við erum á bíla-
leigubíl,“ segja þeir.
Það sem hefur helst komið á óvart segja
þeir landslagið. „Landslagið er stórfenglegt,“
segir Damien og Antoine bætir við: „Allt er
stórkostlegt!“
„Við stoppuðum á fimm mínútna fresti á
hringveginum til að taka myndir,“ segir Da-
mien og þeir skellihlæja.
Næsta stopp hjá þeim er Landmannalaug-
ar og eru þeir spenntir. Þeir stilla sér upp
fyrir myndatöku og blaðamaður spyr að lok-
um hvort þeir muni koma aftur. „Já, örugg-
lega!“ svarar þeir allir í kór.
Joeffry, Damien og
Antoine finnst allt á
Íslandi stórkostlegt.
„Allt er stórkostlegt!“
FRAKKLAND