Morgunblaðið - Sunnudagur - 30.06.2019, Blaðsíða 32

SUNNUDAGUR 30. JÚNÍ 2019
TRATTO model 2811
L 207 cm Áklæði ct. 70 Verð 335.000,-
L 207 cm Leður ct. 10 Verð 439.000,-
Skeifunni 8 | Sími 588 0640 | casa.is
ítölsk hönnun – ítölsk framleiðsla
MENTORE model 3052
L 201 cm Áklæði ct. 70 Verð 389.000,-
L 201 cm Leður ct. 10 Verð 459.000,-
ESTRO model 3042
L 198 cm Áklæði ct. 70 Verð 269.000,-
L 198 cm Leður ct. 15 Verð 385.000,-
STAN model 3035
L 206 cm Áklæði ct. 86 Verð 359.000,-
L 206cm Leður ct. 15 Verð 419.000,-
JEREMY model 2987
L 202 cm Áklæði ct. 86 Verð 495.000,-
L 202 cm Leður ct. 30 Verð 669.000,-
Rauðhærði rokkarinn Eiríkur Hauksson ætlar að æra
lýðinn í Eldborg á sextugsafmæli sínu fimmtudaginn 4.
júlí. Þar mun hann mæta ásamt fríðu föruneyti hljóð-
færaleikara og söngvara. „Þetta leggst mjög vel í mig,
ég var að koma af æfingu og þetta gekk miklu betur
en ég þorði að vona. Nú hlakka ég til,“ segir Eiríkur
sem segist að sjálfsögðu spila öll sín þekktustu lög.
„Fólk fær þau lög sem það býst við að fá. Ég á ekk-
ert rosalega marga hittara en ég krydda þetta með
þekktum og minna þekktum erlendum lögum sem mér
finnst hafa mótað mig sem söngvara og manneskju.“
Eiríkur hlær þegar blaðamaður spyr um hækkandi
aldur. „Án þess að ljúga því eina sekúndu þá get ég
sagt að það leggst vel í mig að verða sextugur. Ég
man að mér fannst asnalegt að verða fertugur, frábært
að verða fimmtugur og svo er ennþá betra að verða
sextugur. Ég er ungur í anda,“ segir Eiríkur og segist
alveg geta hugsað sér að halda afmælistónleika líka á
sjötugsafmælinu. „Röddin verður auðvitað tíu árum
eldri en af hverju ekki, ef maður hefur heilsu,“ segir
Eiríkur og segir alltaf jafn gaman að koma fram og
syngja.
„Þetta voru mín örlög, það hefði aldrei getað orðið
neitt annað. Þetta er lífið sjálft.“ asdis@mbl.is
Eiríkur Hauksson hlakkar
mikið til að verða sextugur
og spila fyrir Íslendinga á
fimmtudaginn kemur.
Morgunblaðið/Eggert
Síungur sextugur rokkari
Þann 4. júlí fagnar rokkarinn Eiríkur Hauksson sextugsafmæli sínu með
tónleikum í Hörpu. Hann segir gott að eldast enda ungur í anda.
„Sjálfstæðisflokkurinn vann á,
þó að Framsókn blekkti menn
úr öllum flokkum til fylgis við
sig.“
Morgunblaðið var ekkert að
skafa af því á forsíðu þriðjudag-
inn 30. júní 1959 en þá voru
kosningar til Alþingis rétt af-
staðnar.
„Svo sem fyrirfram var vitað
vann Framsóknarflokkurinn
verulega á við kosningarnar, þó
að því fari fjarri, að flokkurinn
hafi fengið þann stuðning við
andstöðu sína við kjördæma-
breytinguna, sem hann hafði
vænzt. Hið aukna fylgi er þannig
til komið, að Framsókn sjálf hef-
ur ekki rétt til að telja sér það til
flokkslegs ávinnings og eru allar
líkur til þess, að það muni hverfa
aftur frá henni við hið fyrsta
tækifæri,“ sagði í frétt blaðsins.
Enn fremur sagði: „Sjálfstæð-
ismenn gerðu sér ætíð grein fyr-
ir, að Framsókn mundi við þess-
ar kosningar um kjördæma-
málið takast að blekkja nokkra
af mætum fylgismönnum Sjálf-
stæðisflokksins til fylgis við sig.
Því eftirtektarverðara er, að
flokkurinn kemur sterkari út úr
þessum kosningum en nokkru
sinni fyrr.“
GAMLA FRÉTTIN
Blekkingar
Framsóknar
„Kosningasjónvarp“ þess tíma. Fjölmargir kynntu sér úrslit alþingiskosning-
anna sumarið 1959 á fréttaspjöldum í sýningarglugga Morgunblaðsins.
ÞRÍFARAR VIKUNNAR
Mickey Rourke
kvikmyndaleikari
Bruce Willis
kvikmyndaleikari
Magnús Geir Eyjólfsson
fréttastjóri Mannlífs