Morgunblaðið - 04.07.2019, Síða 14

14 DAGLEGT LÍF
MORGUNBLAÐIÐ FIMMTUDAGUR 4. JÚLÍ 2019
Kristín Heiða Kristinsdótti
khk@mbl.is
Mér finnst fáránlegamerkilegt að vera tilyfirhöfuð. Mér finnststundum grillað að ég
standi í jógasal og ómi með fullt af
fólki en á sama tíma finnst mér það
frábært. Ég skil vel ef einhver segist
ekki hafa búist við þessu af mér en
maður þekkir fólk minna en maður
heldur. Allir eru að burðast með eitt-
hvað og með því að leyfa sér að vera
berskjaldaður þá tengir maður við
fólk. Nú leyfi ég bóhemþræðinum í
mér að koma fram út á við. Sumum
finnst eitthvað misjafnt um það sem
ég skrifa en ég legg mig fram um að
orða hlutina þannig að þeir hafi víða
skírskotun. Þetta snýst ekki um að
bera á torg persónulega hluti og
stundum er þetta Cheerios-
heimspeki hjá mér en það er allt í
lagi, það sem mér finnst er ekkert
endilega réttara en eitthvað annað.
Ég er bara náungi sem finnst gaman
að gera þetta og vil deila því með
öðrum. Ef ég næ til einnar mann-
eskju sem fer að gera eitthvað nýtt
og uppbyggilegt, hvort sem það er
jóga eða eitthvað annað, þá er ég
ánægður. Það gleður mig ef ég næ
að sá einhverjum fræjum,“ segir lög-
fræðingurinn Jóhann Magnús Jó-
hannsson, jógaiðkandi og jógakenn-
ari til tveggja ára, en hann heldur
líka úti fésbókarsíðunni Jóga Jói,
þar sem hann setur fram vangavelt-
ur um lífið og tilveruna og um jóga.
Gott að taka niður varnir
„Ég vissi ekkert um jóga og féll
alls ekki fyrir því í fyrsta tíma. Ég
mætti reglulega og leið vel, líka þeg-
ar ég þurfti að gera erfiðar og krefj-
andi æfingar. Eitthvað dró mig
áfram að þessu,“ segir Jói sem
skráði sig í framhaldinu í jógakenn-
aranám.
„Ég er frekar innhverfur og á
alveg nóg með sjálfan mig og vil ekki
vera að predika yfir öðrum en kenn-
arinn hvatti mig til að vera ekki
nískur á mig, gefa meira af mér. Nú
finnst mér gott að taka niður varn-
irnar þegar ég er að kenna og tengja
við fólk. Fyrir mér er stór partur af
jóga að horfa inn á við og margt hef-
ur komið mér á óvart. Ég er vísinda-
lega þenkjandi og vil skilja hlutina
en það er eitthvað í andlega hlut-
anum í jóga sem höfðar til mín,“ seg-
ir Jói og bætir við að honum finnist
hann ekki hafa breyst neitt rosalega
mikið þó að margir hafi orðið hissa á
að hann hafi farið að æfa og kenna
jóga sem og að setja fram pælingar á
opinberum vettvangi.
„Ég er klárlega að gefa miklu
meira af mér og sýna hlið á mér sem
ég hef ekki flaggað áður. Ég var
ekki kulnaður eða kominn í þrot, ég
starfa enn sem lögfræðingur og það
er allt eins og það var, nema ég
stunda líkamsrækt sem tengir bæði
við líkama og sál. Ég finn minna fyr-
ir pressu samfélagsins og set sjaldn-
ar upp grímu. Þetta snýst um að
vera vakandi fyrir því hvenær við
setjum upp grímu og hvenær við
tökum hana niður, mynda okkur
skoðun og fylgja henni eftir.“
Minningargreinar græta
Eitt af því sem Jói hefur skrifað
pælingar um er viðkvæmni mann-
eskjunnar.
„Ég hef alltaf verið tilfinninga-
ríkur, ég les til dæmis minningar-
greinar um ókunnugt fólk og græt.
Mér finnst gott að vera hrifnæmur
og mér finnst frábært að ungir tón-
listarmenn opni hjarta sitt og leggi
það á sviðið á tónleikum, eins og
Auður gerir. Í jógatímum þar sem
fólk kemur úr öllum stéttum upplifi
ég sterkt að allir eru jafnir saman í
sal sveittir á æfingadýnum. Við er-
um öll lík í grunninn, höfum sam-
mannlegar tilfinningar, líka ríkir
tónlistarmenn eins og Kanye West
sem tjáði sig opinberlega um sín
andlegu veikindi. Ég lagði út frá því
í einum pistli mínum af því að mér
finnst jákvætt að einhver opinberi
sig um það sem hann hefur ekki
stjórn á. Kanye var úthlutað því að
vera með geðhvarfasýki og hann
segist ekki líta á það einvörðungu
sem veikleika, heldur reynir hann að
sjá styrk í því. Hann vill ekki skil-
greina sig út frá þessari greiningu.
Mér finnst það áhugavert.“
Amma vissi og hegðaði sér
eins og fólki er kennt í jóga
Meðal þess sem Jói hefur sett
fram á síðunni sinni eru pælingar
um ömmu hans en í hans huga var
hún upprunalegi jóginn því hún var
full af ró og æðruleysi og var aldrei
að fjargviðrast.
„Ég hef alla tíð velt mikið fyrir
mér hvaðan ég er, hvað gerir mig að
þeim manni sem ég er. Mér finnst
gaman að setja hlutina í samhengi.
Amma vissi og hegðaði sér eins og
okkur er kennt í því jóga sem ég
stunda, að við berum ábyrgð á sjálf-
um okkur, en við komumst ekki
langt ef við ætlum að reyna að
breyta fólkinu í kringum okkur. Það
er tímaeyðsla að ergja sig á ein-
hverju í fari fólks eða hegðun. Við
eigum ekki að láta líðan okkar vera
undir því komna hvernig einhver
annar hegðar sér. Hlutirnir eru bara
eins og þeir eru og fólk er eins og
það er. Það er gott að sætta sig við
það og leitast við að tileinka sér
æðruleysi. En það er ekki þar með
sagt að okkur eigi að vera sama um
allt.“
Auk þess að stunda jóga fer Jói
í sjósund tvisvar í viku.
„Rétt eins og maður hefur gott
af því að vera kyrr í erfiðri jógastöðu
þá er rosagóð þjálfun í því að halda
út að fara í kaldan sjó og hlaupa ekki
strax upp úr. Það skilar sér í raun út
í allt annað sem maður gerir í lífinu.
Mér finnst líka gott að losa mig við
hverskonar tepruskap en í jóganu
hef ég lært að vera afslappaður. Í því
felst mikið frelsi.“
Álit annarra skiptir ekki máli
Jói segist finna fyrir fordómum
fólks gagnvart því að karlmenn séu í
jóga.
„Fólk vill frekar námskeið fyrir
stirða stráka en mér finnst allir vera
eins, strákar, stelpur, gamlir og ung-
ir. Allskonar fólk stundar jóga, í
ólíku líkamlegu ástandi og með ólík-
an bakgrunn. Fólk fer í jóga á sínum
forsendum og það finnst mér
töfrandi. Ég hef engar áhyggjur af
því að einhverjum finnist hallæris-
legt að ég sé í jóga. Það þurfa ekki
allir að fíla jóga þó að ég geri það,“
segir Jói og bætir við að sonur hans
kvarti yfir því að þau séu of mikil
jógafjölskylda.
„Ég átta mig á því að jógaiðkun
mín er á skjön við normið sem hann
sér í kringum sig en það er gott að
ræða við börn að það eru ekki allir
eins og að fólki þurfi ekki að finnast
það sama um allt. Af einhverjum
ástæðum er sumt viðurkennt af
fjöldanum sem hallærislegt, til
dæmis að fara í náttfötum í Kringl-
una eða vera í hvítum íþróttasokkum
með tveimur röndum. En þar sem ég
er lögfræðingur pæli ég í því hver sé
uppspretta þessara reglna og hvar
maður nálgast þær. Það yfirvald
sem ákveður hvernig við eigum að
vera er hvergi en samt lútum við því.
Það er ekki heillavænlegt að lifa líf-
inu út frá því sem við höldum að sé
væntingar annarra. Við eigum að
nálgast hlutina út frá okkar eigin
löngunum og forsendum. Ef okkur
langar til að mæta í skírnarveislu í
leggings og stuttbuxum yfir og líður
vel þannig þá eigum við bara að gera
það.“
Núna set ég sjaldnar upp grímu
„Við eigum ekki að láta
líðan okkar vera undir
því komna hvernig ein-
hver annar hegðar sér.
Hlutirnir eru bara eins
og þeir eru og fólk er eins
og það er. Það er gott að
sætta sig við það og leit-
ast við að tileinka sér
æðruleysi,“ segir Jóga Jói.
Morgunblaðið/Hari
Jóhann Magnús Það er ekki heillavænlegt að lifa lífinu út frá því sem við höldum að séu væntingar annarra.
Höfuðstaða Jói slakar á við
sundlaugarbakkann á Hofsósi.
Þeir sem langar til að lesa hug-
leiðingar Jóa geta farið inn á fés-
bókarsíðuna: Jóga Jói
Lótus Jói á Garachico á Tenerife.
m.
Lítil og létt loftpressa. Kemur með
fjórum stútum sem passa á dekk,
bolta, vindsængur og fleira.
REDLITHIUM-ION™ rafhlaða.
Sveigjanlegt rafhlöðukerfi sem virkar
með öllum Milwaukee® M12™ rafhlöðu
Verð 16.900 kr. (án rafhlöðu)
M12 Inflator
Alvöru loftpressa
fráMilwaukee
vfs.is
VERKFÆRASALAN • SÍÐUMÚLA 9, REYKJAVÍK • DALSHRAUNI 13, HAFNARFIRÐI • DALSBRAUT 1, AKUREYRI • S: 560 8888