Morgunblaðið - 04.07.2019, Qupperneq 64

64 MENNING
MORGUNBLAÐIÐ FIMMTUDAGUR 4. JÚLÍ 2019
AF MYNDLIST
Einar Falur Ingólfsson
efi@mbl.is
Þegar gengið er inn í San Giorgio
Maggiore-kirkjuna á hinni litlu eyju
sem kennd er við heilagan Georg og
situr í Feneyjaflóa andspænis Mark-
úsartorginu tekur firnastór og litrík-
ur skúlptúr írska myndlistar-
mannins Sean Scully á móti gestum.
Hann stendur á miðju gólfi kirkj-
unnar, nálægt trúarlegum mál-
verkum Tintoretto-feðga á veggjum,
og teygir sig upp að kúplinum; gestir
geta stigið inn í turninn, sem Scully
kallar „Opulent Ascension“, og horft
upp í augað sem beinist til himins.
Fjölmargar athyglisverðar sýn-
ingar hafa verið settar upp í Fen-
eyjum í sumar, eins og ævinlega
samtímis Feneyjatvíæringnum, á
allrahanda sýningarstöðum, í söfn-
um, kirkjum, vöruskemmum og
sums staðar í heimahúsum. Og af
mörgum góðum er sýning Scully
Samtímalist í hinum ýmsu kimum
Áhrifamikill Stærsti skúlptúr sem Sean Scully hefur skapað tekur á móti gestum á fjöl-
breytilegri og hrífandi sýningu hans í kirkju og klaustri á hinni litlu eyju heilags Georgs.
með þeim áhrifaríkustu. Hann hefur
lengi verið einn virtasti fulltrúi ab-
straktmálverksins og nú bauðst hon-
um að leggja undir sig kirkjuna sem
og ganga og sali í klaustrinu sem
byggt er við hana og leysir það afar
vel með sýningu sem hann kallar
„Human“. Fyrir innan kirkjuskipið
eru í sýningarkössum í litlum sal
teikningar og skrif listamannsins um
skúlptúrinn stóra og samhengi verk-
anna; fyrir innan altarið, milli fagur-
lega útskorinna sæta þar sem munk-
arnir hafa setið um aldir, er bókverk
eftir Scully á standi þar sem biblían
hefur venjulega staðið, opið á teikn-
ingu af skúltpúrnum stóra. Í görðum
við klaustrið eru fleiri skúlptúrar
með sömu formhugsun, úr ryðguðu
stáli og viði og inni eru síðan rými
með pastelmyndum, steindum
gluggum og stórum abstrakt-
málverkum. Innst á sýningunni er
loks lítið rými með þremur mál-
verkum sem koma mörgum á óvart
en þau eru fígúratíf, byggð á ljós-
mynd sem Scully tók af eiginkonu
sinni og syni, og mótuð með björtum
hreinum litaflötum.
Í annarri tveggja sýningarhalla,
sem lúxusvöruframleiðandinn Pi-
nault starfrækir í Feneyjum, er
flennistór yfirlitssýning á verkum
eftir virtan belgískan málara, hinn
sextuga Luc Tuymans. Þetta eru at-
hyglisverð verk, oft máluð ljóst og
þunnt, sýna iðulega hversdagslega
hluti en vísa engu að síður gjarnan í
sögulega atburði eða samtíma-
viðburði. Þetta er fagleg og áferðar-
falleg sýning en býr ekki yfir viðlíka
ljóðrænum sprengikrafti og
heillandi kímni sem má sjá í yfirlits-
sýningunni á verkum Jannis Kou-
nellis (1936-2017) í Fondazione
Prada, gamalli höll hinumegin við
Canal Grande. Á sýningunni eru
bæði minni verk og stórar innsetn-
ingar listamannsins gríska sem
starfaði á Ítalíu og hafði ómæld áhrif
á list síns tíma, til að mynda á Arte
Povera-hreyfinguna ítölsku. Og við
að skoða gjörningakennd verk hans
með hversdagslegum efnivið á borð
við eld, fatnað, bílavarahluti og tón-
list, hvarflaði hugurinn oft til SÚM-
hópsins en verk Kounellis voru í há-
vegum höfð í Hollandi sem víðar og
þau áhrif hafa smitast hingað upp.
Í enn einu glæsihúsinu í hjarta
Feneyja, húsi sem enn er búið í, hef-
ur verið komið fyrir úrvali málverka
og skúlptúra eftir hinn fjölhæfa
þýska listamann Günther Förg
(1952-2013) sem öll eru í eigu Lista-
safnsins í Dallas. Það var for-
vitnilegt að fá að fara um stofur á
þessu gamla og frekar lúna heimili
við Canal Grande, með húsgögnum
og listmunum sem hefur verið safn-
að þar inn af kynslóðunum – en ab-
straktverk Förg fóru þar afar vel.
Í Palazzo Grimani, sem var
heimili helstu myndlistarsafnara
Feneyja á 16. öld, mátti sjá ágætt
úrval stórra og litfagurra abstrakt-
málverka bandarísku listakonunnar
Helen Frankenthaler (1928-2011)
frá fjörutíu ára tímabili. Í litlu safni
helguðu ljósmyndaverkum, Casa dei
Tre Oci, er forvitnileg sýning á verk-
um sikileyska ljósmyndarans Letiz-
iu Battaglia sem er á níræðisaldri og
einkum kunn fyrir heimilda-
ljósmyndir sem tengjast mafíunni en
sýningin sýndi að hún á sér fleiri fín-
ar hliðar – þótt framsetningin liði
fyrir að of margar svipaðar myndir
voru sýndar. Einhverjar mestu ger-
semarnar á sýningu utan tvíærings-
ins var síðan að sjá í Accademia-
safninu, fjölda teikninga eftir Leon-
ardo da Vinci. Þar fyrir miðu tróndi
hinn frægi Vitrúvísuar-maður, sem
safnið á; sannkallað lykilverk í lista-
sögu miðalda, og nokkuð „sem eng-
inn má missa af“ – eins og segja má
um svo margt annað sem er til sýnis
í Feneyjum um þessar mundir.
Fágað Fölleit málverk eftir Luc Tuymans í einum margra sala í Palazzo Grassi þar sem sett
hefur verið upp athyglisverð yfirlitssýning á fjölda verka hins vinsæla belgíska málara.
Föt og skór Frá fallegri og upplýs-
andi sýningu á verkum Kounellis.
Tímar mætast Abstraktmálverk eftir Günther Förg sitja vel inni á gömlu
heimili við Canal Grande, innan um lúin húsgögn og málverk fyrri alda.
Morgunblaðið/Einar Falur
SKECHERS D´LITES 3.0 HERRASKÓR. STÆRÐIR 41-47. FÁST EINNIG HVÍTIR
HERRASKÓR
10.496
VERÐ ÁÐUR 14.995
ÚTSALA
30%
AFSLÁTTUR
>> >>