Morgunblaðið - Sunnudagur - 28.07.2019, Blaðsíða 2

Djass og blús
á Jómfrúnni
Með hverjum muntu spila á tónleikunum?
Með mér spila Ásgeir Ásgeirsson á gítar, Þórdís Claessen leikur
á trommur og Sigmar Þór Matthíasson á bæði raf- og kontra-
bassa.
Hafið þið komið fram saman áður?
Ég hef spilað með þeim öllum en aldrei öllum þremur í einu.
Hvaða lög verða spiluð?
Við munum spila lög sem bæði Billie Holiday og Etta James
gerðu fræg. Það er tilviljun að það eru 60 ár í ár síðan Holiday dó
og það er gaman að heiðra hennar minningu. Auk þess hefði
James orðið 80 ára á síðasta ári. En við einbeitum okkur að þess-
um tónlistarkonum. Það er líka skemmtileg tenging á milli
James og Holiday en James leit mikið upp til Holiday og tók
meðal annars upp plötu sem var tileinkuð henni.
Það verður djass- og blússtemning á tónleik-
unum, ekki satt?
Jú, djass og blús en það verður eitthvað í öðrum búningi líka.
Þið munuð spila úti á tónleikunum. Liggurðu yfir
veðurspánni?
Gerir maður það ekki alltaf þegar útitónleikar eru í vændum? Ég
spilaði á tónleikunum í fyrra og það gekk bara vel þó það væri
skýjað og svolítil væta. Ég bara vona að fólk mæti þó það komi
smá rigning.
Hvað er svo á döfinni hjá þér?
Við verðum aftur með Ettu James-tónleika á Bryggjunni brugg-
húsi í október þar sem verður frítt inn. Annars var ég bara að
klára fæðingarorlof svo ég fer að koma mér í skipulagsgírinn og
þá set ég vonandi eitthvað skemmtilegt í gang.
REBEKKA BLÖNDAL
SITUR FYRIR SVÖRUM
Í FÓKUS
2 MORGUNBLAÐIÐ SUNNUDAGUR 28.7. 2019
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.
Í mörg ár höfum við systur farið í hádegismat með pabba okkar ámiðvikudögum. Við þræðum veitingahús bæjarins og smökkum á þvíbesta sem Reykjavík hefur upp á að bjóða. Þessi stund er heilög og
reynum við að sleppa helst ekki úr viku þótt það komi fyrir, en þarna gefst
okkar tækifæri á að eiga einkastund með pabba, án barna eða annarra ætt-
ingja.
Um daginn ákváðum við að hitt-
ast á Flórunni í grasagarðinum en
þangað höfðum við ekki farið áður.
Við pabbi mættumst á bílastæðinu
og gengum því saman inn.
Í afgreiðslunni kom ég auga á
mann sem ég kannast við úr menntó
en þekki ekki svo sem neitt. Ég var
að hugsa um að heilsa en einhvern
veginn horfði hann aldrei í áttina að
mér þannig að ekkert varð úr því.
Stuttu síðar kom systir mín askvað-
andi. Við vorum þá sest en bendum
henni á að fara í afgreiðlsuna og
panta sér mat. Þar hitti hún fyrr-
nefndan gamla kunningjann úr
menntó en þau höfðu verið vinir á þeim árum. Þau höfðu ekki hist í áratugi
en þar sem ég sat í fjarlægð sá ég að vel fór á með þeim. Svo vel að systir
mín tekur bakföll af hlátri, trekk í trekk.
Hvað er svona svakalega fyndið, hugsa ég og er orðin æði forvitin. Hún
kemur skælbrosandi og sest hjá okkur og ég auðvitað spyr hana strax hvað
hafi verið svona skemmtilegt.
Jú, það var nefnilega þannig að hann hafði spurt hana hvort hún væri ein
á ferð. Hún svaraði að hún væri með systur sinni og pabba; við færum alltaf
út að borða á miðvikudögum.
„Já, ok, mér fannst þetta vera Dísa systir þín. Ég hélt að hún væri farin
að deita eldri mann!“
Pabbi verður áttræður á næsta ári, takk kærlega fyrir, þótt hann beri
þess nú ekki merki. Nei, ég er ekki að deita eldri mann! Ég er svo sem ekki
að deita neinn mann, en ef svo væri væri hann pottþétt ekki að nálgast
níræðisaldur. Eða hvað veit maður, miðað við úrvalið ætti ég kannski að
fara að róa á eldri mið!
Næsta miðvikudag ætla ég að segja hátt og snjallt: PABBI, hvað ætlar
þú að panta þér? Vel valið, PABBI!
Á stefnumóti
með eldri manni
’Þau höfðu ekki hist íáratugi en þar sem égsat í fjarlægð sá ég að velfór á með þeim. Svo vel
að systir mín tekur bak-
föll af hlátri, trekk í trekk.
Pistill
Ásdís
Ásgeirsdóttir
asdis@mbl.is
Sigrún Sigurðardóttir
Austfirðir, Breiðdalsvík eða
Seyðisfjörður.
SPURNING
DAGSINS
Hver er
fegursti
staður
Íslands?
Ragnar Kjartansson
Það er bara Hljómskálagarðurinn.
Íris Ingvarsdóttir
Steingrímsfjörður á Ströndum, þar
er dásamlega fallegt og maður heyr-
ir í hvölunum.
Torfi Leósson
Snæfellsnes.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri og umsjón Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Kvartett söngkonunnar Rebekku Blöndal spilar á útitónleikum
Jómfrúarinnar í dag, laugardag. Tónleikarnir fara fram á Jómfrúar-
torginu við Lækjargötu og hefjast kl. 15. Aðgangur er ókeypis.
Morgunblaði/Arnþór Birkisson