Morgunblaðið - Sunnudagur - 28.07.2019, Blaðsíða 10

VIÐTAL
10 MORGUNBLAÐIÐ SUNNUDAGUR 28.7. 2019
Þ
að er ys og þys í dansstúdíóinu
þegar blaðamann ber að garði.
Stælt ungmenni líða um gólfið í
dansi og söng en æfingar á We
Will Rock You standa nú sem
hæst. Ragga Gísla, Björn Jörundur, Laddi og
Króli eru mætt á æfingu en þau leika aðal-
hlutverkin í söngleiknum fræga, ásamt hæfi-
leikaríkum ungmennum sem mörg hver stíga
sín fyrstu skref á stóru sviði.
We Will Rock You er nú sett upp í fyrsta
sinn á Íslandi og tímasetningin gæti varla ver-
ið betri nú þegar lög Queen hafa öðlast frægð á
ný eftir að kvikmyndin Bohemian Rhapsody
sló í gegn nýlega.
Það er mikið verk að setja á svið söngleik
sem þennan og þarf að velja vel bæði dansara,
söngvara og stjórnendur. Chantelle Carey frá
Englandi var ráðin sem danshöfundur verks-
ins en hún hefur mikla reynslu af söngleikjum
og kennslu. Chantelle hefur skapað sér nafn
hér á landi og má segja að hún hafi komið sem
stormsveipur inn í íslenskt danslíf fyrir fimm
árum. Síðan þá hefur hún unnið að fjölmörgum
stórum sýningum hér á landi og fengið tvær
Grímur fyrir verk sín, tvö ár í röð, auk þess að
koma tvö hundruð íslenskum dönsurum á
heimsmeistarakeppni í Portúgal.
Chantelle heilsar blaðamanni glaðlega; í
annarri hendi er samloka og hinni heilsu-
drykkur. Hér er borðað á hlaupum. Hún gefur
sér þó tíma til að setjast niður og býður upp á
kaffi. Samlokan fær að bíða því nóg er um að
tala. Við tölum saman á ensku því íslenskan
hefur fengið að bíða, þó kom í ljós síðar í viðtal-
inu að hún lumar á nokkrum íslenskum orðum.
Vildi verða knapi
Hin 36 ára Chantelle er frá Norwich á Eng-
landi en ólst upp að stórum hluta í Sligo á Ír-
landi.
„Mamma er danshöfundur og umboðsmaður
dansara þannig ég er alin upp í þessu dans-
umhverfi. En mig langaði aldrei að verða dans-
ari; mig langaði að verða atvinnuknapi. Við
fluttum til Írlands þegar ég var ellefu ára og
mamma rekur þar dansskóla með tvö hundruð
nemendur,“ segir Chantelle og bætir við:
„Mamma kenndi mér aldrei að dansa; mig
langaði ekkert til þess.“
Þegar Chantelle var þrettán ára snerist
henni hugur og ákvað hún að prófa dansinn.
Hún kolféll fyrir þessu listformi og sextán ára
hélt hún alein út í heim; flutti til Leicester og
fór í listaskóla sem sérhæfði sig í dansi, leiklist
og söng.
„Mamma þekkti fólk í skólanum og fannst
öruggara að senda mig þangað í stað þess að
senda mig beint til London,“ segir hún.
Eftir dansnámið hóf hún að vinna við dans-
inn og hefur hún starfað lengi á West End í
London og dansað þar í ýmsum söngleikjum,
eins og Chitty Chitty Bang Bang, Joseph and
the Amazing Technicolor Dreamcoat, Sweet
Charity og hennar uppáhald, Chicago. „Ég
dansaði í Chicago af og til í fjögur ár, og á
sama tíma sinnti ég verkefnum í Kína, Brasilíu
og Marokkó.“
Þess má geta að Chantelle var danshöfund-
ur í kvikmyndinni Jimmy’s Hall eftir Ken
Loach sem tilnefnd var til Gullpálmans í
Cannes, aðstoðardanshöfundur í söngleiknum
Legally Blonde sem sýndur var í Mónakó og
vann við London- og Englandstúr á söng-
leiknum Rent.
Stökk á tækifærið
Chantelle segist kalla Írland sitt heimili þótt
atvinnutækifærin hafi öll verið í London. Og
nú síðustu ár á Íslandi. „Í London er íbúðin
mín og kötturinn minn en ég lít á Írland sem
heima. Ég er reyndar að hugsa um að selja
íbúðina og flytja köttinn til Íslands þar sem ég
virðist vera farin að eyða meiri tíma á Íslandi
en í London. Ég held það sé að fara að gerast,“
segir hún og hlær.
Chantelle hefur nefnilega verið með annan
fótinn og meira til á Íslandi síðustu fimm ár.
„Það hófst þannig að ég fékk frábært tækifæri
til að koma hingað og kenna sex íslenskum
drengjum að dansa, frá grunni. Þetta símtal
kom á hárréttum tíma því ég hafði nýlokið við
að dansa í sýningu á West End og var að enda
samband sem ég var í. Þetta var tækifæri sem
ég stökk á og reyndist það vera ákaflega gef-
andi reynsla en verkefnið var að kenna
strákum að dansa fyrir Billy Elliot. Það þróað-
ist þannig að ég varð aðstoðarmaður danshöf-
undar í sýningunni og í kjölfarið fékk ég stærri
tækifæri. We Will Rock You er næst á dag-
skrá.“
Oft séð Með allt á hreinu
Söngleikir hafa átt hug Chantelle um langt
skeið en hún hefur sérhæft sig í djassdansi og
steppi. Til þess að fá að vera í söngleik þarf að
sjálfsögðu einnig sönghæfileika.
„Manni þarf að vera margt til lista lagt.
Bæði þarf maður að geta sungið en einnig að
getað dansað hinar ýmsu tegundir dansa. Ég
hef mikla reynslu af kennslu frá London og
það er ástæða þess að ég var beðin um að
koma til Íslands til að þjálfa dansara. Ég hef
ekki lært að semja dansa en lært heilmikið af
því að vera aðstoðarmaður danshöfunda. Hér
fékk ég fyrstu tækifærin að spreyta mig sem
Ætlaði aldrei að
verða dansari
Hin breska Chantelle Carey hefur hrist upp í dansheiminum á Íslandi en hér hefur hún verið með annan fótinn í fimm ár. Á þeim
tíma hefur hún bæði þjálfað dansara og samið dansa. Tækifærin hafa verið mörg en hún vann við söngleikina Bláa hnöttinn,
Billy Elliot, Mamma Mia og Slá í gegn og hefur verið ráðin danshöfundur fyrir Kardemommubæinn sem Þjóðleikhúsið sýnir á
næsta ári. En næst á dagskrá er að koma hinum vinsæla söngleik We Will Rock You á svið. Chantelle segist njóta þess að starfa á
Íslandi og er ekki á leiðinni heim í bráð. Það eina sem hún þurfi að gera sé að skjótast til London og sækja köttinn.
Ásdís Ásgeirsdóttir asdis@mbl.is
„Hér eru ekki margir að gera það
nákvæmlega sama og ég eða hafa til þess
reynslu. Þannig að ég tel að ég hafi uppfyllt
ákveðið skarð sem var hér í íslenska dans-
heiminum,“ segir dansarinn og dans-
höfundurinn Chantelle Carey.
Morgunblaðið/Ásdís