Morgunblaðið - Sunnudagur - 28.07.2019, Blaðsíða 13

’Mér líkar mjög vel að búa hér; héreru mikil lífsgæði. Ég kem úr umhverfi þar sem samkeppnin er mikilog margir um hituna. Það er dýrmætt
að koma á svona stað þar sem
menningu og listum er gert hátt
undir höfði.
sjálf lítinn skóla, Chantelle Carey School of
Performing Arts, og er með 25 manna hóp af
dönsurum sem hún þjálfar. Henni var ráðlagt
að fara með krakkana sína út í alþjóðlega
keppni.
„Ég hef í raun ekki áhuga á að vera með
marga nemendur; ég vil þjálfa lítinn hóp mjög
hæfra dansara. Síðustu átján mánuði hef ég
unnið með sólódansa og hóp-
dansatriði og höfum við verið
að sýna í Tjarnarbíói. Ég
setti nokkra krakka í eins
konar danspróf og það kom
prófdómari sem sagði
þessa krakka vera ansi
góða og að ég ætti að koma
þeim inn í heimsmeistarakeppnina. Ég lagðist
í rannsóknarvinnu og fannst ekki að aðeins
nokkrir krakkar ættu að fá að taka þátt fyrir
hönd Íslands þannig ég fór að skoða mögu-
leikana á að fá alla dansskóla landsins með,“
segir hún.
„Við ákváðum að hafa undankeppni hér
heima til þess að finna bestu dansarana úr
ýmsum dansstílum til þess að senda í keppn-
ina. Það endaði með að fimmtán skólar tóku
þátt í forkeppninni og tíu skólar enduðu með
nemendur í keppninni. Við vorum um tvö
hundruð manns sem fóru út í heildina. Það var
alveg stórkostlegt og Ísland stóð sig ansi vel.
Það var mikill samhugur í hópnum og við fór-
um heim með nokkrar medalíur. Krakkarnir
voru stoltir af sér og ég vona að þetta verði ár-
legt. Ég held að þetta hafi sameinað dansara
landsins því mér sýnist þetta hafa verið frekar
aðskilið hingað til,“ segir hún.
„Það hefur ekki áður verið svona vettvangur
þar sem íslenskir dansarar hafa geta komið
saman.“
Chantelle á einkarétt á Dance World Cup
næstu þrjú árin á Íslandi og sá um að halda
undanúrslitakeppnina í Borgarleikhúsinu.
„Mig langar að koma þessu á hér á landi sem
árlegri keppni.“
Kardemommubærinn kallar
Chantelle kennir einnig í MÍT, Mennta-
skólanum í tónlist. „Ég kenni þar dans og
hreyfingu og sem einnig dansa fyrir sýningar.
Við vorum með stóra sýningu í apríl þar sem
við sýndum brot úr bestu söngleikjum heims.
Svo vinn ég líka í LHÍ þar sem ég hef hjálpað
til við tónleika og leikrit. Ég er mjög heppin að
fá svona góð og spennandi tækifæri á mismun-
andi sviðum því þá kynnist ég svo mörgu flottu
fólki,“ segir Chantelle.
Blaðamaður er orðinn ringlaður því Chan-
telle virðist vera með mörg járn í eldinum og
spyr hana hvort hún fái aldrei
frí.
„Eiginlega ekki,“ segir
hún og hlær.
„Svona er að
vinna sjálfstætt,
maður grípur gæsina
þegar hún gefst.
Ég kemst vonandi
í frí í september.“
Stórt verkefni er
framundan síðar á
árinu og á því næsta
því búið er að ráða Chantelle sem danshöfund
Kardemommubæjarins sem sýnt verður í
Þjóðleikhúsinu í leikstjórn Ágústu Skúladótt-
ur.
„Við tökum krakka í prufur í september. Ég
er yfir mig spennt fyrir þessu því ég elska að
vinna með börnum. Svo byrja æfingar í febr-
úar og sýningar hefjast í apríl. Þetta er frá-
bært verkefni því allir elska Kardemommubæ-
inn. Maður vill ekki breyta of miklu því
sýningin virkar vel eins og hún er. Mig langar
að skerpa á því sem er fyrir og poppa upp sum-
ar senurnar. Ég er að vinna með Kalla Olgeirs
sem sér um tónlistina og við erum að henda á
milli okkar hugmyndum,“ segir Chantelle og
slær um sig á íslensku: „Mjög spennandi!“
Kann að segja fiðrildaduft
Þannig að þú talar íslensku?
Chantelle hlær og svarar á íslensku: „Smá
íslensku. Þrautseigja.“
Hún segist ekki hafa farið á námskeið en vill
gjarnan læra meira. „Ég kann samt fullt af
skrítnum orðum sem ég mun aldrei koma til
með að geta notað, eins og fiðrildaduft. Það er
úr Bláa hnettinum,“ segir hún og brosir.
Chantelle segist oft eiga erfitt með íslensk
nöfn og kallaði konu að nafni Laufey Láfý.
„Svo er Sveinn erfitt nafn, ég kallaði hann
Svín,“ segir hún og hlær.
Chantelle vinnur mikið en þegar hún á frí
finnst henni gaman að kíkja út á lífið eða slaka
á í Grasagarðinum. „Það er gott að fara á Café
Flóru en upp á síðkastið hef ég farið beint
heim úr vinnunni til að hlusta á meiri Queen,“
segir hún og segist ánægð á Íslandi.
„Mér líkar mjög vel að búa hér; hér eru mik-
il lífsgæði. Ég kem úr umhverfi þar sem sam-
keppnin er mikil og margir um hituna. Það er
dýrmætt að koma á svona stað þar sem menn-
ingu og listum er gert hátt undir höfði. Og hér
eru ekki margir að gera það nákvæmlega
sama og ég eða hafa til þess reynslu. Þannig að
ég tel að ég hafi uppfyllt ákveðið skarð sem var
hér í íslenska dansheiminum.“
Spurð hvort hún sé sest að á Íslandi svarar
Chantelle: „Ég held að ég þurfi að setjast að
einhvers staðar. Það er ekki gott að vera með
annan fótinn hér og hinn í London og allt dótið
mitt á tveimur stöðum. Ég þarf að fara að
ákveða að vera á einum stað. Nú þegar ég hef
fengið áframhaldandi vinnu við Kardemom-
mubæinn virðist rétt að setjast hér að, að
minnsta kosti næstu árin. Og þá þarf ég að
sækja köttinn minn!“
Chantelle
dansaði í
söngleiknum
Chicago.
Morgunblaðið/Ásdís
28.7. 2019 MORGUNBLAÐIÐ SUNNUDAGUR 13