Ferðavenjur Íslendinga - 01.02.1998, Page 76

Ritið Ferðavenjur íslendinga 1996 hefur að geyma
niðurstöður úr könnun Hagstofunnar á ferðalögum
landsmanna árið 1996. þessi könnun er hin fyrsta sinnar
tegundar hérlendis. í ritinu er að finna tölur um fjölda
landsmanna sem ferðuðust og gistu a.m.k. eina nótt fjarri
heimilum sínum, á hvaða árstíma og hvert var farið
innanlands og erlendis og með hvaða farartæki, í hvernig
gistingu fólk dvaldi og hve lengi. Ýmsar aðrar upplýsingar
eru um þá sem ferðuðust, aldur þeirra, kyn, menntun og
fleira. Niðurstöðurnar eru birtar í stuttum yfirlitum, myndum
og töflum auk skýringartexta. Ferðavenjur íslendinga 1996
er tilvalið rit fyrir alla þá sem tengjast ferðaþjónustu eða láta
sig málefni hennar varða.
Ilagstofa íslarids