Skessuhorn - 01.07.2015, Blaðsíða 28

MIÐVIKUDAGUR 1. JÚLÍ 201528
Brákarhátíð þótti vel heppnuð í alla staði
Brákarhátíð var haldin í Borgar-
nesi um liðna helgi og lék veðr-
ið við íbúa og gesti sem skemmtu
sér konunglega. Hátíðin fór af stað
með götugrilli í hverfum bæjarins
þar sem stemningin var mjög góð.
Á laugardagsmorguninn byrjaði há-
tíðardagskráin formlega með dög-
urði við íþróttavöllinn sem Kven-
félag Borgarness sá um. Margt var
um manninn og nóg um að vera
fyrir alla fjölskylduna. Um hádegi
mætti Vigdís Finnbogadóttir ásamt
fjölskyldu sinni og setti niður þrjú
tré við íþróttavöllinn. Hátíðargest-
ir sameinuðust svo um að planta
fleiri trjám. Vigdís tók upp þá hefð
snemma í forsetatíð sinni að planta
þremur birkitrjám þar sem hún kom
í heimsókn, eitt tré fyrir stelpurnar,
eitt fyrir strákana og það þriðja fyr-
ir ófæddu börnin.
Að lokinni gróðursetningu hófst
fjölbreytt dagskrá fyrir alla fjöl-
skylduna langt fram á kvöld. Á
íþróttavellinum tókust leikskóla-
kennarar á í óhefðbundnu boð-
hlaupi þar sem hlaupið var í loft-
boltum. Börnin voru dugleg að
hvetja sína kennara áfram og eftir
spennandi keppni bar Ugluklettur
sigur úr bítum. Björgunarsveitirn-
ar Brák, Ok, Elliði og Heiðar voru
með bátsferðir á Brákarsundi og
börnin fengu að spreyta sig í loft-
boltunum.
Sú hefð hefur verið á Brákarhá-
tíð að bæjarhlutar keppist um best
skreytta hverfið og var mikill metn-
aður lagður í skreytingarnar í ár.
Bænum er skipt upp í hverfi sem
hvert hefur sinn lit, rauðan, bláan
eða gulan. Á Hvanneyri var einn-
ig skreytt í þessum litum og sveit-
inni var skipt upp við Hvítá, vestan
við ána átti að skreyta með bleiku
og austan við hana með fjólubláu.
Hjörtu voru alsráðandi í rauða
hverfinu og voru þau notuð til að
senda ýmis skemmtileg skilaboð.
„Bláir eru blautir“ var slagorðið
í bláa hverfinu en þar voru bros-
andi vatnsdropar allsráðandi, mátti
þó einnig finna strumpa og aðr-
ar skemmtilegar fígúrur. Í Gula
hverfinu var sólin áberandi en Aul-
inn ég var einnig mættur þangað
ásamt Svampi Sveinssyni og fleiri
fígúrum. Eftir að dagskrá lauk við
Brákarsund var farið í litríka skrúð-
göngu að Skallagrímsgarði þar sem
m.a. var tilkynnt um sigurvegara í
skreytingum. Veitt voru verðlaun
fyrir best skreyttu götuna í hverju
hverfi, best skreytta bæinn austan
við Hvítá og vestan við Hvítá, fyrir
flottustu skreytingar hjá fyrirtæki,
snyrtilegasta fyrirtækið og flottasta
hverfið. Í rauða hverfinu var Böðv-
arsgata valin best skreytta gatan, í
bláa hverfinu var Þórðargata best
skreytt og í gula hverfinu var Kvía-
holt best skreytt. Í fjólubláa litn-
um var Bakkakot best skreytti bær-
inn og í bleika litnum var það Birki-
melur. Best skreytta fyrirtækið var
Geirabakarí og snyrtilegasta fyr-
irtækið var Vegagerðin. Að lokum
kom að því að veita verðlaun fyr-
ir flottasta hverfið og þar bar rauða
hverfið sigur úr bítum.
Formlegri fjölskyldudagskrá lauk
svo með skrúðgöngu frá Brákar-
hlíð niður í Englendingavík þar
sem kvöldvaka tók við. Á leiðinni
mátti finna gula, rauða og bláa
steina sem búið var að raða á gang-
stéttar og tók fólk steina með sér
þar sem þeim var svo raðað í vörðu
við Brákarsund áður en haldið var á
kvöldvökuna í Englendingavík þar
sem dúettnum Steinríkur skemmti.
Að kvöldvöku lokinni var dansleik-
ur með Skítamóral í Hjálmakletti.
arg/ Ljósm. arg/mþh
Vigdís Finnbogadóttir mætti á hátíðina og gróðursetti þrjú tré.
Steinarnir sem áttu að fara í vörðuna.Leikskólakennarar takast á í loftboltum.
Margir tóku daginn snemma og mættu í dögurð.
Börnin tóku þátt í spurningakeppni.
Börn syngja fyrir hátíðargesti.
Víkingar tókust á í Skallagrímsgarði.
Banastungan.