Skessuhorn - 01.07.2015, Blaðsíða 39

MIÐVIKUDAGUR 1. JÚLÍ 2015 39
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
F
ÍT
O
N
/
S
ÍA
Skagakonur mættu sameiginlegu liði
ÍR/BÍ/Bolungarvíkur í fyrstu deild
kvenna á Akranesvelli laugardaginn
27. júní síðastliðinn. Skagakonur
voru mun betri nánast allan leikinn
og ljóst að nokkur getumunur væri
á liðunum. Þær léku vel sín á milli,
Eyrún Eiðsdóttir og Bryndís Rún
Þórólfsdóttir stjórnuðu spili liðsins
og gestirnir áttu engin svör. Strax á
16. mínútu kom fyrsta mark leiksins,
en það var einmitt Bryndís Rún sem
skoraði það með góðu skoti frá víta-
teigsjaðrinum. Aðeins þremur mín-
útum síðar bætti Maren Leósdótt-
ir við öðru marki Skagakvenna eft-
ir fyrirgjöf frá hægri. Skagakonur
voru áfram mun betra liðið á vell-
inum, sóttu stíft og skoruðu þriðja
mark sitt á 31. mínútu. Þar var að
verki Eyrún Eiðsdóttir og staðan
í hálfleik 3-0, ÍA í vil. Gestirnir úr
ÍR/BÍ/Bolungarvík áttu ekki skot
að marki í fyrri hálfleik og forysta
Skagakvenna verðskulduð.
Í síðari hálfleik tóku Skagakon-
ur upp þráðinn þar sem þær skildu
hann eftir. Eyrún skoraði annað
mark sitt og fjórða mark ÍA strax
á 48. mínútu og þær hertu tök sín
á leiknum enn frekar. Fimmta og
síðasta mark Skagakvenna skoraði
Unnur Ýr Haraldsdóttir á 57. mín-
útu leiksins með glæsilegu skoti.
Fyrirgjöf kom frá vinstri sem sveif
yfir varnarmenn ÍR/BÍ/Bolungar-
víkur og fyrir Unni sem gerði sér
lítið fyrir og smellti boltanum við-
stöðulaust í þverslána og inn.
Síðustu 20 mínúturnar róaðist
leikurinn heldur miðað við það sem
verið hafði. Skagakonur féllu til baka
og sóttu ekki jafn stíft og framan af
leik. Engu að síður komust gestirn-
ir aldrei inn í leikinn og lokatölur á
Akranesvelli 5-0, Skagakonum í vil.
Eftir leikinn situr liðið í fjórða
sæti A riðils með sjö stig eftir fjóra
leiki. Næst heimsækja þær Augna-
blik í Kópavoginn fimmtudaginn
9. júlí næstkomandi, en Skagakon-
ur báru einmitt sigurorð af Augna-
bliksliðinu í fyrsta leik sumarsins á
Akranesvelli. kgk
Markaregn á Akranesvelli
Eyrún Eiðsdóttir skoraði tvö mörk í 5-0 sigri á ÍR/BÍ/Bolungarvík og var áberandi í
sóknarleik liðsins. Hún var valinn maður leiksins af stuðningsmönnum ÍA og hlaut
að launum textílverk eftir Eygló Gunnarsdóttur. Hér má sjá Eygló afhenda Eyrúnu
viðurkenninguna að leik loknum.
Siglingasamband Íslands efnir til æf-
ingabúða til siglinga á seglkænum
á Akranesi dagana 5. – 11. júlí. Æf-
ingadagskrá byrjar að morgni mánu-
dagsins 6. júlí og æft verður alla daga
fram á fimmtudag en á föstudag og
laugardag verður æfingabúðamót.
Mælst er til að þátttakendur komi
til Akraness sunnudaginn 5. júlí og
geri báta sína sjóklára þann dag. Sigl-
ingaaðstaðan á Akranesi er sandfjar-
an við Langasand. Sjósetning verður
við Lindina eða í Akraneshöfn eftir
veðri. Gistiaðstaða fyrir þátttakend-
ur og aðstandendur þeirra verður í
sal í frístundamiðstöðinni Þorpið við
Þjóðbraut 13 sem er í miðbæ Akra-
ness. Þar verður aðstaða til morgun-
verðar og funda. Eldhús aðstaða er í
húsinu til að laga sér kvöldmat. Nán-
ari dagskrá er að finna á vef Siglinga-
sambandsins (silsport.is). mþh
Æfingabúðir siglinga
haldnar á Akranesi
Tveir Vestlendingar unnu til sext-
án gullverðlauna á Landsmóti UMFÍ
50+ sem fram fór um síðastliðna helgi
á Blönduósi. Þetta kemur fram á vef-
síðu Ungmennafélags Íslands. Það
voru Björg Hólmfríður Kristófers-
dóttir, Ungmennasambandi Borg-
arfjarðar, og Kári Geirlaugsson frá
Akranesi sem unnu til átta gullverð-
launa hvort. Björg var að keppa í
fjórða sinn á slíku móti en hún segir
í samtali við umfi.is að hún hafi alist
upp við sundlaug og syndi eins oft og
hún geti í sundlauginni í Borgarnesi.
Þetta var annað mót Kára, sem einnig
hefur góðan grunn í sundi og syndir í
dag 3-4 sinnum í viku. Þau eru bæði
staðráðin í að taka þátt í næsta móti,
sem haldið verður á Ísafirði á næsta
ári. Þess ber jafnframt að geta að fjöl-
margir fleiri Vestlendingar tóku þátt á
móti UMFÍ um liðna helgi, þótt þeir
hafi ekki raðað inn jafn mörgum verð-
launum og þau Björg og Kári.
grþ
Unnu til 16 gullverðlauna í sundi
Björg Hólmfríður Kristófersdóttir og Kári
Geirlaugsson við sundlaugarbakkann.
Ljósm. umfi.is
Eftir glæstan 4-2 sigur karlaliðs ÍA
gegn Keflvíkingum í síðustu viku,
var næsti biti að kyngja full stór fyrir
liðið. Næsta verkefni var leikur gegn
Val á Hlíðarenda og snérust þá töl-
urnar við, þeir rauðklæddu höfðu 4:2
sigur á ÍA.
Valsmenn höfðu yfirhöndina í
upphafi leiks og náðu forystunni á 21.
mínútu. Patrick Pedersen átti þá skot
sem Páll Gísli í marki Skagamanna
varði út í teiginn og fyrir fætur Andra
Fannars Stefánssonar. Hann átti skot
frá vítateigslínunni sem fór undir
Pál og í markið. Aðeins fjórum mín-
útum síðar sóttu Skagamenn upp
vinstri kantinn, lítið virtist vera að
gerast þegar boltinn var lagður fyrir
Ólaf Val Valdimarsson sem skrúfaði
hann að markinu, viðstöðulaust með
vinstri fæti frá vítateigsjaðrinum. Fór
svo að boltinn small í utanverðum
markvinklinum og frá markinu.
Á 30. mínútu átti Kristinn Freyr
Sigurðsson stungusendingu inn fyr-
ir vörn ÍA á Patrick Pedersen sem lék
á Pál Gísla og skoraði í autt mark-
ið. Skagamenn minnkuðu svo mun-
inn á 37. mínútu þegar Jón Vilhelm
Ákason skoraði af markteig Vals-
manna eftir frábæra, lága fyrirgjöf
Ásgeirs Marteinssonar. En það dugði
skammt, því aðeins fjórum mínút-
um síðar skoraði Patrick Pedersen
sitt mark til viðbótar. Andri Fannar
átti þá skot sem Páll Gísli varði, en
þá féll boltinn einnig fyrir fætur Pat-
ricks sem kláraði færið vel. Staðan í
hálfleik 3-1, Völsurum í vil.
Í upphafi síðari hálfleiks var meira
jafnræði með liðunum en Vals-
menn réðu þó ferðinni. Liðin skipt-
ust á að sækja en sóknarleikur heima-
manna verður þó að teljast hafa ver-
ið markvissari en gestanna. Það var
því örlítið gegn gangi leiksins þeg-
ar Arseni Buinickij minnkaði mun-
inn fyrir Skagamenn á 65. mínútu.
Marko Andelkovic bar boltann upp
af miðjunni, beið eftir varnarmann-
inum og renndi honum svo út í teig-
inn til vinstri þar sem Arsenij kom af
kantinum og skoraði fram hjá Ingvari
Kale í marki Vals.
Skagamenn virtust eflast töluvert
við markið og sóttu í sig veðrið eft-
ir því sem leið á leikinn. Jón Vilhelm
var nálægt því að jafna með skoti úr
aukaspyrnu af um 30 metra færi en
boltinn fór rétt yfir markið. Það voru
hins vegar heimamenn sem skor-
uðu síðasta mark leiksins á 82. mín-
útu. Kristinn Freyr Sigurðsson átti
þá gullfallega utanfótar sendingu inn
fyrir vörn Skagamanna þar sem nafni
hans Kristinn Ingi Halldórsson kom
á sprettinum og kláraði snyrtilega
fram hjá Páli Gísla í markinu. Loka-
tölur á Hlíðarenda 4-2, Valsmönn-
um í vil.
Úrslitin þýða að Skagamenn sitja
áfram í tíunda sæti deildarinnar með
níu stig eftir tíu leiki. Næst tekur lið-
ið á móti Eyjamönnum á Akranes-
velli sunnudaginn 12. júlí.
kgk/ Ljósm. Þórarinn Ingi Tómas-
son.
Tap ÍA manna á Hlíðarenda
Ungir stuðningsmenn ÍA.
Ólafur Valur Valdimarsson í þann mund að klippa boltann að marki Keflvíkinga í
leiknum á mánudaginn í síðustu viku.
Víkingur Ó. fékk Grindavík í heim-
sókn á Ólafsvíkurvöll í áttundu um-
ferð fyrstu deildar karla síðastlið-
inn laugardag. Ólsarar hafa verið á
mikilli siglingu í deildinni og fyr-
ir leikinn sátu þeir í öðru sæti, að-
eins tveimur stigum á eftir topp-
liði Þróttar. Gestirnir úr Grindavík
voru aftur á móti um miðja deild.
Leikurinn fór fjörlega af stað, strax
á þriðju mínútu vildu heimamenn
fá víti þegar Alfreð Már Hjaltalín
féll í teig Grindvíkinga, en ekkert
dæmt. En það kom ekki að sök. Á
sjöttu mínútu áttu Ólsarar fyrirgjöf
frá hægri sem Grindvíkingum tókst
ekki að hreinsa frá markinu. Boltinn
barst til Alfreðs Más Hjaltalín sem
tók hann á brjóstkassann og skoraði
með góðu skoti frá vítapunktinum.
Þrátt fyrir að heimamenn hafi
komist yfir snemma leiks var hann
nokkuð jafn framan af og mikil bar-
átta á vellinum. Víkingar sköpuðu
sér þó fleiri færi í fyrri hálfleik. Þeim
tókst hins vegar ekki að gera sér mat
úr þeim og staðan í hálfleik 1-0,
heimamönnum í vil.
Grindvíkingar gerðu tvær breyt-
ingar á liði sínu í hálfleik og lifnaði
heldur yfir sóknarleik þeirra fyrir
vikið. Á 51. mínútu voru þeir nálægt
því að jafna en Björn Pálsson bjarg-
aði á línu eftir mikinn atgang í víta-
teignum.
Á 62. mínútu hefðu heimamenn
í Víkingi Ó. átt að bæta við marki
þegar William Dominguez lagði
boltann á Kenan Turudija eft-
ir hornspyrnu. Markið stóð autt en
Kenan skaut yfir markið.
Eftir sem leið á hægðist á leikn-
um og hvorugu liðinu tókst að skapa
sér afgerandi marktækifæri fyrr en í
uppbótartíma. Þá átti Kenan skot að
marki sem var varið. Vörn Grind-
víkinga svaf hins vegar á verðinum
því Ingólfur Sigurðsson náði frá-
kastinu, skoraði örugglega og gull-
tryggði sigur heimamanna. Loka-
tölur á Ólafsvíkurvelli 2-0, Víking-
um í vil.
Eftir leikinn sitja Víkingar í öðru
sæti deildarinnar með 19 stig eft-
ir átta leiki. Næst heimsækja þeir
KA norður á Akureyri annað kvöld,
fimmtudaginn 2. júlí. kgk
Víkingur Ó. áfram í toppbaráttu

Leikmenn Víkings fagna sigri. Ljósm. af.
Víkingur Ó. tók
á móti Grind-
víkingum í fyrstu
deild kvenna á
Ólafsvíkurvelli á
sunnudag. Fyr-
ir leikinn var
Grindavík í toppsæti B riðils en
Víkingur sat í því fjórða. Strax á
annarri mínútu kom fyrsta mark
leiksins. Þar var að verki Sashana
Carolyn Campbell sem kom gest-
unum úr Grindavík yfir. Halldóra
Dögg Hjörleifsdóttir jafnaði svo
metin á 33. mínútu og leikurinn var
jafn þegar flautað var til hálfleiks.
Gestheiður Guðrún Sveinsdóttir
kom Víkingsstúlkum yfir á 70. mín-
útu leiksins. Aðeins þremur mínút-
um síðar varð Berglind Ósk Krist-
mundsdóttir fyrir því óláni að skora
sjálfsmark og jafnaði þar með met-
in fyrir Grindvíkinga. Fleiri mörk
voru ekki skoruð í leiknum. Loka-
tölur á Ólafsvíkurvelli 2-2 og Vík-
ingsstúlkur óheppnar að ná ekki að
leggja topplið Grindavíkur að velli.
Úrslitin þýða að Víkingsstúlkur
sitja í fjórða sæti B riðils með átta
stig eftir sex leiki. Næst leika þær
við Fram miðvikudaginn 8. júlí,
einnig á Ólafsvíkurvelli.
kgk
Jafntefli hjá Víkingsstúlkum