Skessuhorn - 06.04.2016, Blaðsíða 4
MIÐVIKUDAGUR 6. APRÍL 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Það geta ekki allir
orðið forsetar!
Nýlega heyrði ég sagt að fleiri frambjóðendur væru til embættis forseta Ís-
lands en stunduðu nám í pípulögn. Dálítið finnst manni það öfugsnúið í ljósi
þess að einungis þarf einn forseta. Kannski má segja að það sé jákvætt að fólk
hafi nægt sjálfsálit til slíks embættis, þetta er jú lýðræðislegur og stjórnar-
skrárvarinn réttur þeirra sem uppfylla ákveðin skilyrði. Hins vegar hljótum
við að hafa við talsvert fleiri pípara að gera en svo að tala lærlinga á því sviði
fylli einungis einn tug á öllu landinu. Pípulagningar eru nefnilega löggild
iðngrein sem öllum er ljóst að stöðug eftirspurn verður eftir hvort sem vel
eða illa árar í þjóðfélaginu. Ekkert hús verður byggt án þess að kalla þurfi til
löggiltan pípulagningameistara og starfsfólk hans.
Í viðtali við tvo pípulagningamenn sem birtist í síðasta Skessuhorni kom
glöggt fram að þörfin er mikil fyrir fleiri í greinina. „Þetta er fjölbreytt starf
og það vantar fleiri pípara,“ sagði Hilmir B Auðunsson pípulagningameistari
sem flutt hefur starfsstöð sína í Borgarnes frá Akranesi. Hjá honum starfar
einnig Finnur Guðmundsson, reynslubolti sem lærði til pípara 1968. Finn-
ur hefur aldrei orðið atvinnulaus á þessum tæpu fimmtíu árum þrátt fyrir að
á því tímabili hafi skipst á skin og skúrir í atvinnumálum. „Það er allsstaðar
hægt að fá vinnu sem pípari. Allsstaðar eru launin prýðileg, píparar eru eft-
irsóttir til vinnu og ég myndi glaður taka á móti fleiri mönnum til vinnu,“
sagði Hilmir í viðtalinu.
Ekki síst í ljósi svona ummæla er erfitt að finna haldbæra skýringu fyrir því
af hverju ekki fleiri velja að leggja þessa eða aðrar iðngreinar fyrir sig. Get-
ur verið að vanti hvatningu heiman frá, hefur samfélagið brugðist á einhvern
hátt, upplýsingamiðlun í skólakerfinu, eða stjórnkerfið? Erum við að fjölda-
framleiða einstaklinga í íslenska menntakerfinu sem ekki er þörf fyrir? Því
miður bendir margt til þess. Nýlega heyrði ég dæmi um að eftir að stóriðju-
fyrirtæki auglýsti tvö vel launuð störf til umsóknar, hafi sex sótt um starf raf-
virkja en margir tugir sótt um starf ófaglærðs iðnverkamanns í iðjuverinu. Í
þeim hópi var fólk með ólíkan bakgrunn og margra ára háskólamenntun sem
lítil eða engin not eru fyrir í viðkomandi starfi. Af hverju skyldi þetta vera?
Jú, það er ómarkviss eða lítil stýring á því hvert fólki er beint til náms, það
er ekki verið að þarfagreina vinnumarkaðinn og beina unga fólkinu til náms
á þeim brautum sem augljós eftirspurn er eftir. Af hverju skortir sálfræðinga
þegar landfræðingar eru kannski of margir? Af hverju eru fleiri í framboði
til forseta en sitja á skólabekk til að verða píparar? Þetta er náttúrlega ekkert
annað en píp, hvernig sem á það er litið.
En á þessu sviði eins og flestu öðru er þó hægt að finna ljós í myrkrinu.
Fimmtudaginn 14. apríl næstkomandi standa ýmsar stofnanir á Vesturlandi,
með Símenntunarmiðstöðina í broddi fylkingar, fyrir Tæknimessu í Fjöl-
brautaskóla Vesturlands. Þangað er boðið að koma nemendum af elsta stigi
grunnskólanna af öllu Vesturlandi. Á sjöunda hundrað ungmenni munu á
Tæknimessu fá innsýn í hvað iðnmenntun felur í sér, fjölbreytt atvinnu-
tækifæri sem felast í slíkri menntun og vafalaust verður mörgum gagnleg-
um spurningum svarað. Á Tæknimessu verða kynntar þær iðngreinar sem í
boði eru í landshlutanum. Allt greinar sem útskrifa fólk til starfa þar sem eft-
irspurn er mikil á vinnumarkaði. Ég vil nota þetta tækifæri til að hvetja for-
eldra og forráðamenn til að ræða við ungmennin um þá kosti sem góð iðn-
menntun felur í sér. Auðvitað getum við ekki svarað öllum þeim spurning-
um, en þá verður fagfólk til staðar á Tæknimessu sem kann þau svör. En um-
fram allt hvetjum unga fólkið okkar til náms í greinum sem það getur hugs-
að sér að starfa við og vinnumarkaðurinn kallar eftir. Það geta nefnilega ekki
allir orðið forsetar!
Magnús Magnússon.
Fyrirmyndardagurinn verður næst-
komandi föstudag, 8. apríl. Mark-
mið fyrirmyndardagsins er að fyr-
irtæki og stofnanir bjóði atvinnu-
leitendum með skerta starfsgetu að
vera gestastarfsmenn fyrirtækisins í
einn dag, eða hluta úr degi. Dagur
er því mikilvægur til að auka mögu-
leika fatlaðs fólks á fjölbreyttari at-
vinnuþátttöku. Með því fá gesta-
starfsmenn innsýn í fjölbreytt störf
og starfsmenn fyrirtækja kynnast
styrkleikum atvinnuleitenda með
skerta starfsgetu.
Hér á Vesturlandi tekur Vinnu-
málastofnun höndum saman með
Starfsendurhæfingu Vesturlands og
starfsfólki vinnu- og hæfingarstaða
og hafa forsvarsmenn þeirra á síð-
ustu dögum heimsótt vinnustaði.
Að sögn Guðrúnar Sigríðar Gísla-
dóttur forstöðumanns Vinnumála-
stofnunar á Vesturlandi hafa við-
tökur atvinnurekenda verið jákvæð-
ar um að fá gesti í heimsókn á fyr-
irmyndardaginn. Í bréfi sem stjórn-
endum fyrirtækja hefur verið sent
eru þeir jafnframt hvattir til þátt-
töku í þessu þarfa verkefni. Þann-
ig leggi þau sitt af mörkum til að
stuðla að fjölbreyttari samfélagi og
atvinnuþátttöku sem flestra.
Á Facebooksíðu sem nefnist „Fyr-
irmyndardagurinn“ má fræðast nán-
ar um verkefnið. Gleðilegan fyrir-
myndar-föstudag!
mm
Fyrirmyndardagur til að auka
möguleika til atvinnuþátttöku
HB Grandi hf. hefur ákveðið að
hætta við þátttöku í árlegri alþjóð-
legri sjávarútvegssýningu sem hald-
in verður í Brussel dagana 26.-28.
apríl næstkomandi. Áætlað var að
senda 27 starfsmenn félagsins á sýn-
inguna sem er ein sú stærsta sinn-
ar tegundar í heiminum en félagið
hefur lagt vaxandi áherslu á þátt-
töku í sýningunni með stækkandi
sýningarbás á undanförnum árum.
Í frétt á vef fyrirtækisins segir: „Að
vel ígrunduðu máli telja stjórn-
endur félagsins ekki forsvaranlegt
að senda starfsmenn til Brussel að
þessu sinni þar sem óvíst er hvort
hægt verði að tryggja öryggi þeirra
með viðunandi hætti eftir nýlegar
hryðjuverkaárásir í borginni. Auk
þess má leiða að því líkum að slík
ferð gæti valdið starfsmönnum og
fjölskyldum þeirra óþægindum og
kvíða. HB Grandi er í góðu sam-
bandi við kaupendur sína um all-
an heim og mun styrkja þau tengsl
með öðrum hætti en þátttöku í
Brussel í ár. Félagið gerir ráð fyrir
að taka upp þráðinn þar sem frá var
horfið að ári liðnu.“ Helsti tilgang-
ur með þátttöku í sýningunni er að
kynna kaupendum þær afurðir sem
félagið hefur að bjóða og efla sam-
skipti við afurðakaupendur frá öll-
um heimshornum.
mm
Hluti hópsins sem fór frá HB Granda á sýninguna í Brussel í fyrra.
Ljósm. hbgrandi.is
HB Grandi hættir við þátttöku
á sjávarútvegssýningunni
Nú er unnið að innleiðingu heil-
brigðisgáttarinnar Heilsuveru á
Heilbrigðisstofnun Vesturlands.
Heilsuvera er vefsvæði þróað hjá
Embætti landlæknis þar sem not-
andi getur átt í samskiptum við
heilbrigðisþjónustuna og nálg-
ast upplýsingar um sig ásamt upp-
lýsingum um eigin börn að 15 ára
aldri.
Allir tengdir
fyrir lok maí
„Í Heilsuveru er mögulegt að skoða
yfirlit yfir eigin lyfseðla. Einnig er
hægt að skoða sögu lyfjaúttekt-
ar síðustu þriggja ára og endur-
nýja föst lyf á einfaldan og örugg-
an hátt. Hægt verður að skoða
ónæmisaðgerðir, svo sem bólu-
setningar notanda og getur not-
andi séð hvaða sjúkdómum hann
hefur verið bólusettur fyrir sem og
hvaða lyf var notað. Þar er einnig
hægt að taka afstöðu til líffæragjaf-
ar og síðast en ekki síst bóka tíma
hjá heilsugæslulækni á sinni heilsu-
gæslustöð. Síðar verður virkjaður
sá möguleiki að senda fyrirspurnir
á heilsugæslustöðvarnar varðandi
eigin heilbrigðisupplýsingar,“ seg-
ir í tilkynningu frá HVE.
Til að byrja með verða heilsu-
gæslustöðvarnar á Akranesi og
Borgarnesi tengdar Heilsuveru
en stefnt er að tengingu við all-
ar heilsugæslustöðvar HVE innan
skamms en áætluð er innleiðing á
Snæfellsnesi í byrjun maí og í Búð-
ardal, Hólmavík og Hvammstanga
í lok maí.
Krafist rafrænna
skilríkja
Við innskráningu á Heilsuveru er
krafist rafrænna skilríkja og fyrir
aðgang að rafrænum tímabókun-
um og lyfjaendurnýjun þarf not-
andi að vera skráður á viðkomandi
heilsugæslustöð. Nauðsynlegt er
að vera með símakort sem styður
við rafræn skilríki en þau er hægt
að nálgast hjá símafyrirtæki við-
komandi. Virkja þarf rafræn skil-
ríki í viðskiptabanka áður en hægt
er að hefja notkun þeirra.
„Með Heilsuveru er komið til
móts við kröfur samfélagsins um
aukna nýtingu upplýsingatækni
innan heilbrigðisþjónustunnar
enda aukin krafa um að notend-
ur hennar séu upplýstir og virk-
ir þátttakendur í eigin meðferð.
Heilsuveran gerir einstakling-
um kleift að hafa betri yfirsýn yfir
samskipti sín við heilbrigðisþjón-
ustuna en aukið aðgengi að eig-
in heilbrigðisupplýsingum er stór
þáttur í ábyrgð sjúklinga á eig-
in meðferð og eykur öryggi sjúk-
linga og skilvirkni og gæði þjón-
ustunnar. Unnið er að áframhald-
andi þróun Heilsuveru hjá Emb-
ætti landlæknis með aukna þjón-
ustu við almenning í huga. Von-
ast heilbrigðisstarfsmenn á HVE
eftir góðum viðtökum við Heilsu-
veruna og að fólk tileinki sér fljótt
þessa nýjung,“ segir að endingu í
tilkynningunni.
mm
Innleiðing á Heilsuveru á
Heilbrigðisstofnun Vesturlands
Forsíða Heilsuveru á heilsuvera.is