Skessuhorn - 06.04.2016, Blaðsíða 34
MIÐVIKUDAGUR 6. APRÍL 201634
Síðastliðið vor var sett á laggirnar
sérstakt afreksíþróttasvið við Fjöl-
brautaskóla Vesturlands á Akra-
nesi. Er það fyrir nemendur af öll-
um brautum skólans sem uppfylla
ákveðin skilyrði og vilja stunda
íþróttir með álagi afreksmanna sam-
hliða námi sínu. Undirritaður var
formlegur samstarfssamningur milli
FVA, Akraneskaupstaðar og ÍA en
Akraneskaupstaður leggur til sam-
starfsins afnot af íþróttamannvirkj-
um og þjálfun er í höndum þjálf-
ara hjá aðildarfélögum ÍA. Helgi
Magnússon íþróttakennari við FVA
og badmintonþjálfari hefur umsjón
með afreksíþróttasviðinu í skólan-
um. Helgi segir alls 33 nemendur
vera skráða á sviðið í dag og að flest-
ir þeirra séu knattspyrnuiðkendur.
Aðrir æfi körfuknattleik, badmin-
ton eða keilu. Hann segir markmið-
ið með afreksíþróttasviðinu vera að
gefa ungmennunum tækifæri til þess
að komast upp á næsta stig í sinni
íþrótt. „Að ná að æfa næstum eins
og atvinnumenn með skólanum og
að setja sér markmið. Við ætlum að
hitta öll aðildarfélög innan ÍA um
miðjan apríl og þá verður ákveðið
hverjir verða með á næsta skólaári.
Við ætlum að reyna að fá sem flesta
til að vera með og líklega kemur
golfið inn núna, sem hefur ekki ver-
ið áður.“
Hafa sýnt framfarir
Helgi segir jákvæða reynslu hafa
verið af afreksíþróttasviðinu til
þessa og að nemendur hafi sýnt
framfarir í sinni íþrótt. „Þetta hef-
ur reynst rosalega vel. Víða ann-
ars staðar er verið að gera eitthvað
sambærilegt þessu með ýmsu fyr-
irkomulagi og þetta hefur kom-
ið mjög vel út hjá okkur. Þau hafa
verið að bæta sig. Ég sé þetta til
dæmis hjá mínum krökkum í bad-
mintoninu, þau hafa verið að bæta
sig töluvert,“ segir Helgi og nefnir
dæmi: „Úlfheiður Embla Ásgeirs-
dóttir varð til dæmis Íslandsmeist-
ari í einliðaleik og tvíliðaleik U17
og var valin í landsliðið.“ Fyrir-
komulagið á afreksíþróttasviði FVA
er með þeim hætti að þrjár æfing-
ar bætast við hefðbundnar íþrótta-
æfingar nemendanna ásamt bók-
legri kennslu sem Helgi hefur um-
sjón með. „Það eru æfingar tvisvar
í viku ásamt því að það bætist við
sérstök þrekþjálfun. Svo fara þau í
bóklega tíma þar sem við leggjum
áherslu á þau sem íþróttamenn og
hvað gerist við þjálfun. Við erum
líka með þjálfarapakka frá ÍSÍ og
höfum fengið til okkar fjóra gesta-
fyrirlesara; Valdísi Þóru Jónsdóttur
atvinnumann í golfi, Önnu Smára-
dóttur sjúkraþjálfara, Viðar Hall-
dórsson félagsfræðing sem hjálp-
ar íþróttafólki að setja markmið og
leggur áherslu á andlega þáttinn og
Sigurður Arnar Sigurðsson flutti
fyrirlestur um gæðamat,“ útskýrir
Helgi.
Finna mun á getunni
Tveir nemendur eru skráðir á af-
reksíþróttasvið FVA í keilu. Það
eru tvíburarnir Jóhanna Ósk og
Gunnar Ingi Guðjónsbörn en þau
hafa æft keilu í sjö ár. Systkinin
eru á átjánda aldursári og höfðu
því lokið einu ári í FVA þegar af-
reksíþróttasviðið var sett á kopp-
inn. „Við ákváðum bara að skella
okkur yfir á þessa braut. Við skráð-
um okkur til að verða betri,“ segir
Jóhanna Ósk. „Til að bæta okkur
í íþróttinni okkar,“ bætir Gunnar
Ingi bróðir hennar við. Þau segj-
ast bæði finna mikinn mun á getu
sinni í íþróttinni og líkar vel á af-
reksíþróttasviðinu. „Maður er samt
kannski ekki alltaf í stuði til þess
að fara á æfingu snemma á morgn-
anna en það lagast yfirleitt þegar
maður er kominn af stað,“ segir
Jóhanna. Guðmundur Sigurðsson
þjálfari tvíburanna segist sjá mik-
inn mun á þeim eftir að þau byrj-
uðu á afreksíþróttasviðinu. „Þau
hafa bætt sig reglulega mikið. Hún
er til dæmis tvöfaldur Íslands-
meistari og hann Íslandsmeistari í
sínum flokki. Það er mikill munur
á þessu og við notum morgunæf-
ingarnar til að fara meira í grunn-
inn og við brjótum þetta aðeins
niður,“ segir Guðmundur. Flest-
ir þeirra sem skráðir eru á afreks-
íþróttasviðið æfa knattspyrnu. Æf-
ingarnar sem eru í stundatöflu
nemendanna eru í Akraneshöll-
inni tvo morgna í viku, þar sem æft
er í klukkustund í senn. Að sögn
Jóns Þórs Haukssonar þjálfara
stúlknanna hafa krakkarnir í fót-
boltanum þó fengið afreksþjálfun
í langan tíma. „Mesti munurinn
er að þetta er komið inn í stunda-
töfluna hjá þeim. Æfingarnar eru
núna klukkan átta á morgnanna í
stað þess að þau þurfi að mæta fyr-
ir skóla á æfingar. Það hentar ekki
öllum að mæta svo snemma þann-
ig að þetta er mun betra. Enda þarf
að passa upp á svefninn hjá svona
ungu fólki,“ segir hann. grþ
Afreksíþróttasviðið í FVA reynist vel
Helgi Magnússon kennari og þjálfari
fylgist einbeittur með badmintonæf-
ingu.
Tvíburarnir Jóhanna Ósk og Gunnar Ingi hafa bæði landað Ís-
landsmeistaratitlum eftir að þau byrjuðu á afreksíþróttasviðinu.
Jóhanna Ósk og Gunnar Ingi Guðjónsbörn á æfingu snemma á
mánudagsmorgni.
Þessir ungu menn voru hressir á körfuboltaæfingu snemma morguns.
Símon Orri Jóhannsson og Úlfheiður Embla Ásgeirsdóttir voru spræk á badminton-
æfingu.
Ungar konur af afreksíþróttasviði FVA á fótboltaæfingu í Akraneshöll.
Það var nóg að gera hjá þessum ungu herrum á knattspyrnuæfingu á mánudags-
morgun.
Héraðssamband Snæfells- og
Hnappadalssýslu stóð fyrir frjáls-
íþróttamóti í íþróttahúsinu í
Stykkishólmi sunnudaginn 3.
apríl. Þá voru saman komin börn
og unglingar til að spreyta sig í
hefðbundnum frjálsíþróttagrein-
um. Krakkarnir stóðu sig vel og
var ljóst að gleðin var í fyrirrúmi
þennan dag. tfk
Frjálsíþróttamót
haldið í Hólminum