Skessuhorn - 04.05.2016, Síða 14

MIÐVIKUDAGUR 4. MAÍ 201614
Aðalfundur Björgunarfélags Akra-
ness var haldinn síðastliðinn fimmtu-
dag í húsi sveitarinnar við Kalmans-
velli. Kosið var í stjórn félagsins á
fundinum. Tveir gáfu ekki kost á sér
til áframhaldandi stjórnarsetu, en
það voru þeir Þór Bínó Friðriksson,
fráfarandi formaður og Gísli Sigur-
jón Þráinsson, fráfarandi varafor-
maður. Báðir hafa þeir verið í for-
svari fyrir félagið um árabil. Á fund-
inum var þeim Þór og Gísla þakk-
að óeigingjarnt starf í þágu sveit-
arinnar undanfarin ár. Formaður
nýrrar stjórnar er Birna Björnsdótt-
ir sem hefur langa reynslu úr starfi
með björgunarfélaginu. Stjórnin er
að öðru leyti þannig skipuð: Sig-
urður Axel Axelsson varaformað-
ur, Kjartan Kjartansson gjaldkeri,
Silvía Llorens Izaguirre ritari og
meðstjórnendurnir Kristján Haga-
lín Guðjónsson, Björn Guðmunds-
son og Sigurður Ingi Grétarsson. Á
fundinum skrifuðu tveir undir eið-
staf Björgunarfélagsins, en það voru
þeir Guðni Steinar Helgason og Jón
Hrói Finnsson. Ákveðið var að halda
framhaldsaðalfund þegar núverandi
nýliðahópur hefur lokið þjálfun-
arprógrammi sínu. Búast má við að
því ljúki nú í maí og munu þeir sem
standast inntökukröfur sveitarinnar
skrifa undir eiðstafinn að því loknu.
Byggist á starfi
sjálfboðaliða
Birna Björnsdóttir hefur verið virk-
ur félagi í Björgunarfélagi Akraness
frá 16 ára aldri og hlakkar til að tak-
ast á við þá ábyrgð sem formennsk-
unni fylgir. Hún segir að staða sveit-
arinnar sé nokkuð sterk og engin
stór verkefni séu ráðgerð önnur en
að ljúka endurgerð björgunarskips
og koma því í notkun. „Ég mun ein-
beita mér að því að byggja upp innra
starf félagsins, hlúa að endurmennt-
un og þjálfun björgunarsveitarfólks
og efla liðsandann. Björgunarsveit-
ir byggja á starfi sjálfboðaliða og því
endist ekki fólk í slíku nema þykja
skemmtilegt. Þetta er góður félags-
skapur og þannig þarf það að vera.“
Engar stórfjárfestingar
í pípunum
Björgunarfélag Akraness er vel statt
í húsnæðismálum og prýðilega tækj-
um búin sveit eins og staðan er núna.
Engar stórar fjárfestingar því í kort-
unum. „Við erum nýlega búin að
endurnýja Econoline bíl sveitarinn-
ar og stærsta verkefnið okkar næstu
vikurnar verður að ljúka við björg-
unarskipið sem keypt var í fyrra,
en það er notað björgunarskip sem
fengið var frá Bretlandi. Einkum er
endurnýjun raflagna og uppsetn-
ing búnaðar sem tekið hefur lengri
tíma en áformað var, en nú sjáum
við brátt fyrir endan á þessu verk-
efni. Við erum mjög vel sett með
öflugan sjóflokk sem koma mun að
rekstri skipsins.“
Nýliðaþjálfun fyrir 25+
hefur reynst vel
Birna segir að nýliðar séu tekn-
ir inn í félagið eftir að þeir ljúka
grunnskóla um 16 ára aldurinn.
„Þá var einnig byrjað á því fyrir
nokkru að bjóða upp á nýliðaþjálf-
un fyrir þá sem eru 25 ára og eldri
og það er verkefni sem hefur verið
að koma vel út. Þar höfum við ver-
ið að fá inn mjög öfluga einstak-
linga, bæði nýliða, en einnig fólk
sem hefur hætt um tíma, en vilj-
að koma að björgunarstörfum að
nýju.“ Birna segir að félagsmenn
séu um 200 talsins en þar af eru
um 55 virkir á útkallslista.
Fast-8 var
stórt verkefni
Nýlega er lokið einu stærsta ein-
staka verkefni sem Björgunarfélag
Akraness hefur tekið að sér, en það
var gæsla á tökustað og búnaði
vegna kvikmyndatöku á Fast-8, am-
erískri stórmynd sem að hluta var
tekin upp á Akranesi í apríl. „Við
vorum heppin að fá þetta verkefni
en í því fólst virkilega mikil vinna,
sem jafngildir um einu mannsári í
starfi, og heilmiklar tekjur. „Það
voru ótrúlega margir sem komu
að þessu gæsluverkefni með okkur.
Um 140 manns stóðu vaktir fyr-
ir okkur eina eða margar og það
voru þónokkrir sem lögðu okkur
lið jafnvel þótt þeir væru ótengdir
félaginu. Við þökkum þeim öllum
kærlega fyrir, sem og okkar eig-
in félagsmönnum, en tekjurnar af
þessu gæsluverkefni munu nýtast
vel í starfi björgunarfélagsins næstu
misserin. Líklega hefur þetta verk-
efni einnig eflt mjög liðsandann í
okkar röðum, sem er bara bónus,“
segir Birna að endingu.
mm
Birna tekur við formennsku í Björgunarfélagi Akraness
Birna Björnsdóttir formaður Björgunarfélags Akraness.
Í liðinni viku færði fjölskylda
Bjarna Bachmann í Borgarnesi
Safnahúsi Borgarfjarðar rausnar-
lega gjöf. Um er að ræða íþrótta-
safn Bjarna, bækur og muni sem
tilheyrðu þessu stóra áhugamáli
hans. Safninu hefur verið kom-
ið fyrir í vönduðum sérsmíðuðum
hillum og skápum sem fylgdu gjöf-
inni. Dagurinn til afhendingarinn-
ar var valinn vegna þess að hann
er afmælisdagur Bjarna sem var
fæddur 27. apríl 1919 og lést árið
2010. Viðstödd afhendinguna var
fjölskylda Bjarna auk sveitarstjóra,
sveitarstjórnarmanna og starfs-
fólks Safnahúss.
Bjarni Bachmann gegndi safn-
varðarstarfi fyrir borgfirsku söfn-
in árin 1969-1994 eða í aldarfjórð-
ung. Hann vann mikið og óeigin-
gjarnt starf fyrir söfnin á upphafs-
árum þeirra, ásamt eiginkonu sinni
Önnu Þ. Bachmann sem einnig
starfaði þar. Þau höfðu verið bú-
sett í Borgarnesi ásamt fjölskyldu
sinni frá árinu 1961.
Bjarni lagði mikla elju í söfn-
unina og á þannig stóran þátt í
þeim merka safnkosti sem söfn-
in búa að í dag. Eftir hann liggja
einnig ýmis rannsóknaverkefni sem
enn í dag eru verðmætar heimild-
ir. Þess má einnig geta að Bjarni
vann einna mest með Hallsteini
Sveinssyni að því að koma merkri
listaverkagjöf hans til safnanna um
1970. Með því var lagður grunn-
ur að Listasafni Borgarness sem á
um 500 listaverk í dag. Bjarni kom
einnig á fót náttúrugripasafni sem
deild innan byggðasafnsins. Þar
má m.a. finna viðamikið og vandað
fuglasafn auk steinasafns. Byggða-
safn Borgarfjarðar elfdist mjög um
daga Bjarna, svo og skjalasafn og
bókasafn Borgarfjarðar. Allt var
þetta rekið í sama húsnæðinu og
heyrði undir sama forstöðumann-
inn. Einnig var Pálssafni komið
fyrir í Safnahúsi í tíð Bjarna, en það
safn er eitt merkasta einkabóka-
safn landsins. Nú hefur íþróttasafn
Bjarna bæst við þá mæta muni aðra
sem prýða söfnin. Safnið verður
ekki til útláns, en til afnota á bóka-
safni.
gj/mm
Íþróttasafn Bjarna Bachmann komið í Safnahús
Bjarni Bachmann gegndi safnvarðarstarfi
fyrir borgfirsku söfnin árin 1969-1994.
Hluti ættingja Bjarna sem nú hafa fært Safnahúsinu þetta merka safn.
Íþróttasafni Bjarna hefur verið smekklega komið fyrir í þessum skápum.