Skessuhorn - 22.06.2016, Blaðsíða 21
MIÐVIKUDAGUR 22. JÚNÍ 2016 21
Dag ur í lífi...
Hársnyrti-
meistara
Nafn: Auður Ásta Þorsteinsdóttir
Fjölskylduhagir og búseta: Ég
bý í Borgarnesi og er gift Ólafi
Þorgeirssyni. Saman eigum við
tvo drengi sem eru 16 og 19 ára
gamlir.
Starfsheiti og fyrirtæki: Hár-
snyrtimeistari og annar eigandi,
ásamt Jóhönnu Lóu, af Hár
Center í Borgarnesi.
Hvað felst í þínu starfi? Al-
menn hársnyrtistörf. Klippa, lita
og allt sem því fylgir.
Hvað er það besta við starf-
ið? Fjölbreytni, mannlífið og
skemmtilegt fólk.
Áhugamál: Hestamennska, að
vera með fjölskyldunni og í góð-
um félagsskap.
Fimmtudagurinn 16. júní
Klukkan hvað vaknaðir þú og
hvað var það fyrsta sem þú
gerðir? Ég vaknaði á milli kl 7
og 8 og byrjaði á því að hafa mig
til fyrir vinnu.
Hvað borðaðir þú í morgun-
mat? Ég fékk mér Boozt.
Hvenær fórstu til vinnu og
hvernig? Ég var mætt kl 8:30
og ég fór hjólandi á nýja hjólinu
mínu.
Fyrstu verk í vinnunni? Að
undirbúa daginn.
Hvað varstu að gera kl 10? Þá
var ég að lita og klippa.
Hvað gerðir þú í hádeginu?
Ég var líka að lita og klippa þá.
Það er engin tími til að borða
nema á hlaupum.
Hvað varstu að gera kl 14? Þá
var ég með skemmtilegan herra í
stólnum hjá mér.
Hvenær hætt og það síðasta
sem þú gerðir í vinnunni? Ég
hætti kl 18 og það síðasta sem ég
gerði var almennur frágangur.
Hvað gerðir þú eftir vinnu?
Þá fór ég á fund með stjórn Ís-
landsmóts yngri flokka í hesta-
íþróttum en mótið verður hald-
ið 14.-17. júlí næstkomandi á fé-
lagssvæði Skugga í Borgarnesi.
Hvað var í kvöldmat og hver
eldaði? Þorgeir steikti hakk og
var með tortilla í matinn.
Hvernig var kvöldið? Ég var á
fundi frameftir kvöldi og svo fór
ég heim og slappaði af, kíkti á
facebook og yfir pósta.
Hvenær fórstu að sofa? Um
miðnætti.
Hvað var það síðasta sem þú
gerðir áður en þú fórst að
hátta? Bursta tennurnar og kíkja
í bók.
Hvað stendur uppúr eftir dag-
inn? Skemmtilegt annríki og
mikið um að vera.
Þeir sitja ekki auðum höndum strák-
arnir í Smiðjunni í Ólafsvík. Þessa
dagana vinna þeir í Vinnuskóla Snæ-
fellsbæjar eftir hádegi. Þar láta þeir
sitt ekki eftir liggja og eru hörku-
duglegir. Hafa þeir verið að hreinsa
og gera fínt á ýmsum stöðum svo
sem fyrir framan húsnæði Smiðj-
unnar, í kringum Dvalar- og hjúkr-
unarheimilið Jaðar og fyrir framan
Fiskmarkað Íslands. Þeir eru kát-
ir og duglegir í þessum verkefnum
eins og öllum öðrum sem þeir taka
sér fyrir hendur. þa
Smiðjustrákarnir í hreinsunarstarfi
Fyrir hönd Lions-
klúbbsins Þernunn-
ar í Ólafsvík færðu
þær Unnur Emanú-
elsdóttir og Bylgja
Konráðsdóttir Dval-
ar- og hjúkrunarheim-
ilinu Jaðri veglega gjöf
á dögunum. Gáfu þær
heimilinu tíu hitakönn-
ur. Munu könnurnar
koma að góðum not-
um bæði fyrir heimilis-
fólk og gesti og aldeilis
hægt að fá sér heitt kaffi. Á myndinni
eru þær Alma Rún Kristmansdóttir
starfsstúlka á Jaðri sem veitti könn-
unum viðtöku fyrir hönd Dvalar- og
hjúkrunarheimilisins og Bylgja Kon-
ráðsdóttir. þa
Gáfu Jaðri tíu hitakönnur
Í iðnaðarhverfinu við Ægisbraut
á Akranesi er að finna eitt af best
geymdu leyndarmálum Akraness,
í húsi númer níu. Þar er starfandi
fyrirtæki sem fáir Skagamenn vita
af; hönnunar- og framleiðslufyrir-
tækið arTTré. Fyrirtækið er rek-
ið af Árna Baldurssyni og börnum
hans Árna Þór og Maríu Lovísu.
„Starfsemi fyrirtækisins er mjög
fjölbreytt. Við erum bæði að hanna
og framleiða vörur sjálf en einnig
gerum við það fyrir aðra. Þegar við
vinnum fyrir aðra bjóðum við bæði
upp á það að fólk geti sérpantað
vörur en einnig bjóðum við upp
á staðlaðar lausnir. Til dæmis get-
ur fólk leitað til okkar ef því vant-
ar húsanúmer, skilti á sumarbú-
staði og fleira. Hér á verkstæðinu
erum við bæði með tölvufræsara
og tölvulaser en með þessum tækj-
um getum við unnið úr öllum efn-
um fyrir utan stál,“ segir María.
„Markmiðið frá stofnun hefur
alltaf verið að efla íslenska hönnun
og framleiðslu. Íslensk framleiðsla
hefur átt undir högg að sækja vegna
ódýrari erlendrar framleiðslu. Við
teljum okkur hins vegar var hag-
kvæman kost og samkeppnishæf-
an. Við höfum verið, og erum,
opin fyrir því að aðstoða hönn-
uði að þróa og koma vörunni sinni
í framleiðslu. Hér stendur hurð-
in opin fyrir hönnuði til að viðra
hugmyndir sínar,“ segir María.
Byrjaði sem áhugamál
„Það má segja að undirbúningur-
inn að þessu fyrirtæki hafi byrjað
hjá okkur Árna Þór strax í æsku.
Pabbi er mjög skapandi og við
vorum alltaf að smíða hitt og þetta
með honum, maður man varla eft-
ir sér öðruvísi en með hamar og
nagla að smíða. Hið raunveru-
lega upphaf fyrirtækisins var síðan
árið 2013 í bílskúrnum hjá pabba
í Heiðargerði. Í bílskúrnum var
áhugamanna tölvufræsari og ég
bað pabba um gera galdrastaf fyrir
mig. Það varð úr að við fórum að
selja þá hönnun. Upphaflega var
þetta eiginlega frekar gert í gríni
en alvöru. Við vorum í raun bara
að leika okkur en fljótlega keypti
pabbi alvöru tölvufræsara og kom
fyrir í bílskúrnum. Þá var ekki aft-
ur snúið og árið 2014 vorum við
komin með verkstæði hér á Ægis-
brautinni. Árni Þór kom inn í þetta
verkefni með okkur pabba en hann
bjó í Noregi á þessum tíma og
fyrst um sinn aðstoðaði hann okk-
ur í gegnum tölvu,“ segir María.
Árni segir að það hafi aldrei
komið annað til greina en að fyr-
irtækið yrði á Akranesi. „Það æxl-
aðist bara þannig að við fluttum
okkur hingað á Ægisbrautina. Við
pældum lítið í öðrum stöðum. Það
skiptir í raun ekki máli hvar fram-
leiðslan fer fram auk þess sem
Akranes hefur líka sína kosti fram
yfir Reykjavík eins og bara varð-
andi fasteignaverð. Fyrir vikið
græða viðskiptavinir okkar sem fá
hagstæðara verð,“ segir Árni.
Snýst um sköpunina
„Þróunin í fyrirtækinu hefur verið
góð. Við höfum farið hægt og ró-
lega upp á við. Við stefnum samt
ekkert sérstaklega á að verða eitt-
hvað mjög stórt fyrirtæki. Við vilj-
um frekar komast á góðan stað þar
sem okkur líður vel á. Fyrir okk-
ur snýst þetta ekki um að verða rík
heldur að fá að skapa og hafa gam-
an. Okkur finnst mjög skemmti-
legt að geta unnið við þetta, að fá
að hanna sem og að fá að aðstoða
aðra að koma hönnuninni sinni í
framleiðslu,“ segir Árni að lokum.
Nánari upplýsingar um fyrir-
tækið má finna á heimasíðunni:
arttre.is
bþb
Hönnunar- og framleiðslufyrirtækið ArTTré á Akranesi
Feðginin utan við aðsetur fyrirtækisins við Ægisbraut á Akranesi.
Sýnishorn af framleiðslu fyrirtækisins.