Skessuhorn - 27.07.2016, Blaðsíða 5

MIÐVIKUDAGUR 27. JÚLÍ 2016 5
UNGLINGALANDSMÓT UMFÍ
Í BORGARNESI 28 - 31. JÚLÍ
Umhverfisviðurkenningar 2016
Akraneskaupstaður óskar eftir tilnefningum frá íbúum fyrir
umhverfisviðurkenningar 2016 í eftirtöldum flokkum:
Falleg einbýlishúsalóð1.
Falleg fjölbýlishúsalóð2.
Snyrtileg fyrirtækja– eða stofnanalóð3.
Hvatningarverðlaun, eru veitt þeim sem hafa staðið að 4.
endurgerð húsa og/eða lóða
Samfélagsverðlaun, eru veitt einstaklingum, hópum og/5.
eða félagasamtökum sem vinna óeigingjarnt starf í þágu
umhverfisins
Tré ársins6.

Frestur til að tilnefna er til og með 29. júlí nk.

Hægt er að senda tilnefningar rafrænt á heimasíðu
Akraneskaupstaðar á þar til gerðu eyðublaði eða með því
að senda tölvupóst á akranes@akranes.is.
SK
ES
SU
H
O
R
N
2
01
6
Síðastliðinn miðvikudag hófst
vinna við að koma fyrir nýrri skólp-
lögn sem liggja á frá hreinsunar-
og dælustöðinni í Brákarey í Borg-
arnesi og út á fjörðinn. Lögnin er
450 millimetrar í þvermál og 670
metra löng. Starfsmenn Ístaks sjá
um að koma lögninni fyrir í verk-
töku fyrir Veitur ohf. Gekk fram-
kvæmdin á miðvikudag ekki eins og
best verður á kosið. Hvert óhapp-
ið rak annað og endaði með því að
menn urðu frá að hverfa og sökkva
lögninni. „Við vorum að leggja aðal
útræsið frá stöðinni við mjög erf-
iðar og krefjandi aðstæður í firðin-
um. Þarna eru miklir straumar og
við náðum ekki að ljúka þessari að-
gerð í gærkvöldi,“ segir Árni Geir
Sveinsson hjá Ístaki. „Einn dráttar-
bátanna missti stýrið eiginlega bara
beint fyrir framan lagnaleiðina og
annar bátur fékk í skrúfuna,“ bæt-
ir hann við. Því var brugðið á það
ráð að sökkva skólplögninni. „Við
ákváðum að sökkva lögninni þar
sem við vorum með hana. Það var
ekki þorandi að halda áfram nema
með öllum þeim tækjum og tólum
sem við lögðum af stað með í upp-
hafi og áttu að vera hluti af þess-
ari framkvæmd allt til enda,“ seg-
ir Árni.
Hann segir að lögnin hafi
skemmst lítillega þegar henni var
sökkt til botns eftir að menn lentu
í þessum erfiðleikum. „Hún varð
fyrir minniháttar skemmdum en
það er ekkert alvarlegt. Við lög-
um hana bara en þurfum eflaust að
fara með lögnina til baka á Seleyr-
ina fyrst og gera við hana þar,“ seg-
ir Árni en bætir því við að það verði
gert innan tíðar. „Við byrjum strax
í dag að undirbúa að hefjast handa
aftur, það er ekki eftir neinu að
bíða og lítið mál að lyfta lögninni
upp aftur,“ segir hann. Ístaksmenn
láta óhapp gærdagsins ekki slá sig
út af laginu. „Þetta er bara hluti af
verkefninu, það var alltaf ákveðin
áhætta fólgin í þessu,“ segir Árni að
lokum.
Björgunarsveitin ræst út
Þar sem hvert óhappið rak annað
úti á Borgarfirði á miðvikudag var
Björgunarsveitin Brák ræst út frá
Borgarnesi. „Þegar útkallið kom
vorum við að reisa samkomutjaldið
sem notað verður á Unglingalands-
móti um verslunarmannahelgina,“
segir Einar Örn Einarsson formað-
ur björgunarsveitarinnar. „Við rjúk-
um af stað, tókum báða gúmmíbát-
ana okkar og brunum út á fjörð,“
bætir hann við. Bátar björgunar-
sveitarinnar eru útbúnir 25 hest-
afla mótor annars vegar og 90 hest-
afla mótor hins vegar. „Við sigld-
um beint að skipinu sem hafði misst
stýrið, héldum við það og pöss-
uðum að það ræki ekki lengra út,“
segir hann. Einar segir að aðstæð-
ur hafi verið mjög erfiðar. „Það var
svakalega mikill straumur. Þegar við
komum á vettvang er báturinn enn
með lögnina í togi. Við héldum við
á meðan hún var aftengd og henni
sökkt. Síðan veittum við aðstoð við
að koma bátnum að bryggju aftur.
Útkallið tók samanlagt eina og hálfa
klukkustund,“ segir Einar.
kgk/ Ljósm. Þorleifur Geirsson
Einn missti stýrið og
annar fékk í skrúfuna
Svipmynd frá aðgerðunum á Borgarfirð.
Dráttarbáturinn Knolli BA-8 (til hægri í mynd, rauður að lit) missti stýrið þegar
straumurinn tók í skólplögnina þar sem draga átti hana frá Seleyri að hreinsunar-
og dælustöðinni í Brákarey.
Akranes
Píratar halda kynningarfund með frambjóðendum í prófkjöri
kjördæmisins miðvikudaginn 27. júlí kl. 20:00 í Tónlistarskóla-
num á Akranesi. Kynnum okkur frambjóðendur og spyrjum þá
spjörunum úr.

Borgarnes
Pottaspjall Pírata á Vesturlandi verður í sundlauginni í
Borgarnesi fimmtudaginn 28. júlí kl. 20:00

Búðardalur
Píratar halda kynningarfund með frambjóðendum í prófkjöri
kjördæmisins miðvikudaginn
3. ágúst kl. 20:00. Fundarstað má
nálgast á fésbókarsíðu Pírata á
Vesturlandi.

Allar nánari upplýsingar
um fundi gefur Ágúst
í síma 774 - 4149
PÍRATAR Á VESTURLANDI
SK
ES
SU
H
O
R
N
2
01
6