Skessuhorn - 18.01.2017, Side 26

MIÐVIKUDAGUR 18. JANÚAR 201726
Sigrún Sjöfn Ámundadóttir, körfu-
knattleikskona í Skallagrími og lands-
liðskona, var á laugardaginn kjörin
Íþróttamaður Borgarfjarðar 2016.
Athöfnin fór fram í félagsheimilinu
Lyngbrekku og var það Ungmenna-
samband Borgarfjarðar sem stóð að
henni. Í öðru sæti í valinu á Íþrótta-
manni Borgarfjarðar var Helgi Guð-
jónsson knattspyrnumaður úr Reyk-
holti og leikmaður með Fram. Þriðju
urðu dansararnir Daði Freyr Guð-
jónsson frá Kleppjárnsreykjum og
dansdama hans Marta Carrasco. Í
fjórða sæti var Flosi Ólafsson knapi
og hestaíþróttamaður frá Breiða-
bólsstað og í fimmta sæti Konráð
Axel Gylfason knapi og hestaíþrótta-
maður frá Sturlu-Reykjum.
Viðurkenningu úr minningarsjóði
Auðuns Hlíðkvist Kristmarssonar
hlaut að þessu sinni Marinó Þór Pál-
masson.
Landsliðsfólk
Sérstök verðlaun voru veitt þeim
sem tóku þátt í landsliðum í sínum
íþróttagreinum á árinu. Það voru:
Bjarki Pétursson landsliðið í golfi,
Birgitta Dröfn Björnsdóttir lands-
lið 14-15 ára ungmenna í dansi,
Daði Freyr Guðjónsson landsliðinu í
dansi, Eyjólfur Ásberg Halldórsson,
landsliði U18 í körfuknattleik, Harpa
Hilmisdóttir, landsliðinu í badmin-
ton, Heiðar Árni Baldursson lands-
liðismaður í bridge, Helgi Guðjóns-
son landsliði U-17 knattspyrnu, Jó-
hanna Björk Sveinsdóttir, landsliðinu
í körfuknattleik, Konráð Axel Gylfa-
son, landsliði hestamanna, Logi Sig-
urðsson landsliðsmaður í bridge,
Ragnheiður Benónýsdóttir, lands-
liðinu í körfuknattleik, Sigrún Sjöfn
Ámundadóttir, landsliði í körfuknatt-
leik og Sigurður Aron Þorsteinsson
landsliði U15 í körfuknattleik.
Eftirtaldir voru tilnefndir og birt-
ast nöfn þeirra í stafrófsröð:
Birgitta Dröfn Björnsdóttir
fyrir dans
Birgitta Dröfn byrjaði að æfa dans
6 ára gömul með DÍB og hefur allt-
af sótt æfningar af kappi og dugn-
aði. Hún dansar nú við Daníel Sverri
Guðbjörnsson hjá dansfélagi Bílds-
höfða í Reykjavík og leggur hún
mikið á sig til að komast á æfingar
4-5 sinnum í viku í Reykjavík. Birg-
itta keppir í meistaraflokki unglinga
og náði hún með dansfélaga sínum
mjög góðum árangri í þeim mótum
sem þau kepptu á innanlands, auk
þess sem þau fóru á heimsmeistara-
mótið í Rúmeníu og landaliðakeppni
í Blackpool þar sem þau stóðu sig
mjög vel.
Daði Freyr Guðjónsson og
Marta Carrasco fyrir dans
Daði og Marta hafa dansað saman
síðan í febrúar 2015 og æfa nú hjá
Dansfélaginu Hvönn. Þau berjast nú
í toppsætunum á efsta getustigi í full-
orðinsflokki á Íslandi. Þau voru í A-
Landsliði fullorðinna á árinu, sóttu
landsliðsæfingar og kepptu fyrir Ís-
lands hönd á Evrópumeistaramóti
í latín dönsum á Ítalíu og Heims-
meistaramóti í latín dönsum í Kína.
Þau hafa keppt á fjölmörgum mót-
um innanlands, unnið til fjölmargra
verðlauna og nú í nóvember sl.
kepptu þau á opnu heimsmeistara-
móti í 10-dönsum í Austurríki þar
sem þau enduðu í 8. sæti, en það er
besti árangur sem íslenskt par hefur
náð á því móti.
Flosi Ólafsson fyrir hestaíþróttir
Flosi hefur stundað hestamennsku
frá blautu barnsbeini. Hann gekk í
Hestamannafélagið Faxa 1998 og
hefur síðan þá tekið þátt í fjölda móta
undir merkjum félagsins. Flosi keppti
á úrtökumóti fyrir LM og hafnaði í
öðru sæti sem veitti honum keppnis-
rétt á Landsmóti hestamanna. Hann
hafnaði í fyrsta sæti í T2 á Reykja-
víkurmóti auk þess sem hann þjálf-
aði og sýndi efsta 5 vetra stóðhest á
LM en hann er úr eigin ræktun og
er það einstakur árangur hjá svo ung-
um knapa.
Guðmunda Ólöf Jónasdóttir
(Mumma Lóa) fyrir sund
Mumma Lóa hefur alla tíð verið við-
loðandi sundíþróttina. Hún æfði
sund og keppti sem unglingur á Ísa-
firði og þegar sundlaug var opn-
uð á Bolungarvík 1977 hafði hún
forgöngu um stofnun sunddeildar
UMFB. Árið 2011 var hún svo sæmd
gullmerki Sundsambands Íslands. Á
árinu 2016 tók Mumma Lóa þátt í
opna Íslandsmótinu í garpasundi þar
sem hún sló í gegn og setti fjögur Ís-
landsmet í sínum aldursflokki. Hún
hélt þessu áfram á evrópumóti garpa
í London þar sem hún stórbætti eldri
Íslandsmet í 100 m skriðsundi um
tæpar 25 sekúndur og í 50 m skrið-
sundi um rúmar 10 sekúndur.
Heiðar Árni Baldursson og Logi
Sigurðsson fyrir bridge
Fyrir um fjórum árum fóru þeir fé-
lagar á námskeið í bridge og hafa þeir
í framhaldinu spilað og keppt fyr-
ir Bridgefélag Borgarfjarðar en jafn-
framt verið undir handleiðslu þjálf-
ara í Reykjavík. Heiðar og Logi urðu
í 3. sæti á Opna Borgarfjarðarmótinu
í tvímenningi, þeir sigruðu Davíðs-
mótið sem haldið var í Dalabyggð
síðastliðið vor og í júlí sl. kepptu
þeir fyrir Íslands hönd með góðum
árangri, í flokki 21 til 25 ára, á 13.
European Youth Pairs Champion-
ships sem haldið var í Lettlandi.
Helgi Guðjónsson fyrir
knattspyrnu
Helgi er mjög fjölhæfur íþróttamað-
ur sem byrjaði að æfa hjá Ungmenna-
félagi Reykdæla þegar hann var 5 ára
og hefur verið í stöðugri framför síð-
an, en fram til ársins 2016 setti hann
m.a. 59 Borgarfjarðarmet í sundi og
frjálsum íþróttum. Helgi æfði og
spilaði með meistaraflokki Fram í
knattspyrnu árið 2016. Hann spilaði
12 leiki með liðinu á Íslandsmótinu
og í bikarkeppninni auk fjölmargra
æfingaleikja. Í þessum leikjum skor-
aði hann 5 mörk fyrir meistarflokk.
Helgi var markahæstur með 2. flokki
í Reykjavíkurmótinu 2016 og í síð-
ustu 5 leikjum hjá 2. Flokki hefur
hann skorað 10 mörk. Hann var val-
inn í U-17 landsliðið sem spilaði í
milliriðli á EM í Frakklandi, þar sem
liðið var aðeins hársbreidd frá því að
komast í lokakeppnina en Helgi var
eini leikmaðurinn sem skoraði fyrir
Ísland í þessari ferð.
Ingibjörg Rósa Jónsdóttir fyrir
badminton
Inga Rósa byrjaði að æfa badminton
6 ára og hefur alla tíð æft og keppt
með Umf. Skallagrími, en auk þess
hefur hún sótt æfingar á Akranes.
Hún varð Íslandsmeistari unglinga í
tvenndarleik með Brynjari Má Ell-
ertssyni ÍA og Íslandsmeistari ung-
linga í tvíliðaleik með Andreu Nils-
dóttur TBR. Inga Rósa keppti á fjöl-
mörgum mótum innanlands þar sem
hún var yfirleitt á verðlaunapalli auk
þess sem hún tók þátt á sterku al-
þjóðlegu móti í danmörk usl. haust
þar sem hún stóð sig mjög vel. Inga
Rósa er í topp 5 í flestum greinum á
styrkleikalista Badmintonsambands-
ins bæði í U17 og B-flokki.
Konráð Axel Gylfason fyrir
hestaíþróttir
Konráð Axel var valinn til að taka þátt
í Norðurlandamóti í hestaíþróttum
fyrir Íslands hönd, þar sem hann náði
ágætis árangri og var m.a. í 6. sæti í
250 m skeiði, 8. sæti í fimmgangi og
9. sæti í 100 m skeiði. Hann keppti
einnig á fjölmörgum mótum innan-
lands með mjög góðum árangri, þar
sem hann m.a. sigraði framhalds-
skólamótið í hestaíþróttum, Sleipn-
ismótið á Selfossi í fimmgangi og úr-
tökumót fyrir Landsmót hestamanna
í ungmennaflokki. Hann var svo í 3.
sæti í fimmgangi bæði á Reykjavík-
urmótinu og Íslandsmeistaramótinu
í hestaíþróttum.
Máni Hilmarsson fyrir
hestaíþróttir
Máni Hilmarsson hefur verið félagi í
Hmf. Skugga í Borgarnesi frá barn-
æsku og verið tengdur hestamennsku
og hestum allt sitt líf. Máni hefur, frá
því hann byrjaði að keppa í barna-
flokki, strax og hann hafði aldur til,
tekið stórstígum framförum í íþrótt
sinni. Hann hefur hin seinni ár ver-
ið með mikið úrval keppnishrossa og
verið duglegur að taka þátt í keppn-
um og oftast með góðum árangri,
oftar en ekki í verðlaunasæti í við-
komandi grein. Hámarki ferils síns til
þessa náði hann sl. sumar á Íslands-
móti yngri flokka er hann varð Ís-
landsmeistari í 5-gangi í ungmenna-
flokki en þar var keppt hart um hverja
einustu kommu. Staða Mána á lands-
vísu er mjög sterk, en hann er nú í
fremstu röð keppnismanna í 5-gangi
ungmennaflokks.
Ríta Rún Kristjánsdóttir fyrir
skotfimi
Ríta Rún hefur stundað æfingar með
SkotVest frá því hún hafði aldur til
og hefur sýnt mikla hæfileika og
framför á þeim stutta tíma sem hún
hefur æft og er hún mikið efni í af-
rekskonu í skotíþróttinni. Helstu af-
rek Rítu á árinu 2016 eru þau að hún
vann báðar keppnisgreinar sem skot-
félagið stóð fyrir á Unglingalands-
móti UMFÍ, sem haldið var í Borg-
arnesi um sl. verslunarmannahelgi.
Sigrún Sjöfn Ámundadóttir fyrir
körfuknattleik
Sigrún byrjaði ung að æfa körfu-
knattleik með Skallagrími í Borgar-
nesi. Þegar í framhaldsskóla var kom-
ið flutti hún sig um set og lék með
Haukum í Hafnarfirði og hefur síð-
an leikið með KR, Hamri, Grindavík
og erlendum liðum en er nú komin
heim í sitt uppeldisfélag Skallagrím.
Sigrún er lykilleikmaður úrvalsdeid-
arliðs Skallagríms í körfuknattleik,
liðið er í toppbaráttu og leiðir Sigrún
liðið af miklum krafti og metnaði.
Hún er drífandi liðsfélagi sem legg-
ur allt í leikinn, æfir af miklum krafti
og það skilar sér í þeim árangri sem
raun ber vitni. Sigrún er með hæsta
framlag íslenskra leikmanna í öllum
tölfræðiþáttum úrvalsdeildar kvenna
sem KKÍ skráir á tímabilinu. Sigrún
var í desember sl. valinn í 5 manna
úrvalslið Dominosdeildar kvenna
þegar fyrri hluti keppnistímabilsins
var gerður upp. Sigrún er einnig lyk-
illeikmaður í landsliði Íslands og ber
þar hæst stórleikur hennar í Laugar-
dalshöll í sigri liðsins gegn Portúgal í
Evrópukeppni landsliða þar sem Sig-
rún var besti leikmaður vallarins og
stigahæst í íslenska landsliðinu.
Sigursteinn Ásgeirsson fyrir
frjálsar íþróttir
Sigursteinn hóf snemma að æfa frjáls-
íþróttir á sumrin með Ungmenna-
félagi Stafholtstungna, en hann hef-
ur síðan þá æft með félaginu, Frjáls-
íþróttafélagi Borgarfjarðar og sótt
æfingar á vegum SamVest samstarfs-
hópsins. Sigursteinn keppti á mörg-
um mótum innanlands á árinu þar
sem hann var yfirleitt á verðlauna-
palli. Hápunkturinn á árinu var þó
líklega sigurganga hans á Meistara-
móti Íslands 15-22 ára, en þar gerði
hann sér lítið fyrir og sigraði í öll-
um kastgreinum mótsins; kúluvarpi,
spjótkasti, sleggjukasti og kringlu-
kasti, og fór því heim með fjóra Ís-
landsmeistara titla og stimplaði sig
rækilega inn sem einn efnilegasti
kastari landsins.
Sölvi G. Gylfason fyrir
knattspyrnu
Sölvi hóf knattspyrnuferil sinn með
yngri flokkum Skallagríms og var
fljótt meðal efnilegustu leikmanna
félagsins og lék fyrst með meistara-
flokki félagsins 17 ára gamall árið
2005. Hann hefur síðan leikið með
ÍA á Akranesi og BÍ í 1. deild. Hann
hefur leikið með Skallagrími síð-
an 2014 og er lykilmaður í meistara-
flokki Skallagríms sem undanfarin
tvö ár hefur verið hársbreidd frá því
að tryggja sér sæti í úrslitakeppni 4.
deildar og sumarið 2016 var liðið í
baráttu um sæti í úrslitum allt fram
í síðustu umferðir. Sölvi er tvímæla-
laust meðal betri leikmanna 4. deild-
ar og eftir að hafa spilað með ágæt-
um árangri í næstu efstu deild, hefur
hann valið að snúa aftur í Skallagrím
og vera þátttakandi í því uppbygging-
arstarfi sem framundan er bæði sem
leikmaður meistaraflokks og þjálfari
yngir flokka félagsins. mm/ Ljósm. pb.
Sigrún Sjöfn er Íþróttamaður Borgarfjarðar 2016
Sigrún Sjöfn
Ámundadóttir
Íþróttamaður,
Borgarfjarðar
2016.
Líkt og hefð er fyrir, um leið og kjör íþróttamanns Borgarfjarðar fer fram, þá er
efnilegur íþróttamaður sem hlýtur viðurkenningu úr minningarsjóði Auðuns Hlíð-
kvist Kristmarssonar. Að þessu sinni var það Marinó Þór Pálmasson körfuknattleiks-
maður sem hlaut þá viðurkenningu. Hér er hann ásamt fjölskyldu Auðuns heitins.
Þessir flottu krakkar hlutu viðurkenningar fyrir mestu framfarir í sundi, körfu og
og fótbolta hjá Ungmennafélagi Reykdæla. Íþróttamaður UMF Reykdæla árið
2016 var Rúnar Bergþórsson, í öðru sæti Benjamín Karl Styrmisson og í þriðja
Bjartmar Unnarsson. Helgi Guðjónsson varð annar í kjöri íþróttamanns Borgar-
fjarðar. Mestu framarir í sundi sýndu Kristín Karlsdóttir í aldrinum 11 ára og
yngri og Alexandra Sif Svavarsdóttir 12 -16 ára. Mestar framfarir í fótbolta sýndu
Ólafur Auðunn Sigvaldason í aldrinum 11 ára og yngri og Jón Björn Blöndal í
flokki 12 - 16 ára. Mestu framfarir í körfubolta sýndu Lisbeth Inga Kristófersdóttir
á aldrinum 11 ára og yngri og Bjartmar Unnarsson af 12 - 16 ára ungmennum.
Þeir sem tilnefndir voru í kjörinu um íþróttamann Borgarfjarðar eða fulltrúar þeirra.