Skessuhorn - 08.03.2017, Síða 10

MIÐVIKUDAGUR 8. MARS 201710
Frá því síðasta haust hefur á vegum
mennta- og menningarmálaráðu-
neytis verið unnið að breytingum á
reglugerð um framkvæmd og fyrir-
komulag samræmdra könnunarprófa
í 4., 7. og 10. bekk grunnskóla. Helstu
breytingar frá gildandi reglugerð eru
þær að samræmd könnunarpróf eiga
að vera einstaklingsmiðuð, þ.e. laga
sig að getu nemandans miðað við
frammistöðu hans á prófinu. Heim-
ilt er að leggja prófin fyrir með raf-
rænum hætti og nýta rafrænt prófa-
kerfi til að halda utan um prófatriði
og upplýsingar um þau, prófabanka,
próffyrirlagnir og prófúrlausnir. Þá
er í stað samræmdra könnunarprófa
að hausti í 10. bekk, ákvæði um sam-
ræmd könnunarpróf að vori í 9. bekk
grunnskóla. Af þessu leiðir að nú á
vorönn 2017, vegna breyttra reglna,
munu bæði nemendur í 9. og 10.
bekk grunnskóla taka samræmd próf
að þessu sinni. Hófust þau einmitt í
þessari viku.
Þá er meðal annars í nýrri reglu-
gerð að finna ákvæði um að gefa
skuli heildareinkunnir í bókstöfun-
um A, B+, B, C+, C og D í samræmi
við matsviðmið aðalnámskrár grunn-
skóla. Þrengd er heimild skólastjóra
grunnskóla til að veita nemendum
undanþágu í ljósi þess að um ein-
staklingsmiðuð próf er að ræða. Þá
er Menntamálastofnun ekki skylt að
birta prófatriði samræmdra könn-
unarprófa hverju sinni enda gert ráð
fyrir að hægt sé að endurnýta þau
við að þróa prófabanka fyrir ein-
staklingsmiðuð samræmd könnun-
arpróf.
„Með því að gera prófin rafræn
gefst kostur á fjölbreyttari leiðum
við að prófa markmið skólastarfs,
stytta vinnslutíma miðlægra prófa,
bjóða upp á sveigjanleika í fyrirlögn,
auðvelda stuðningsúrræði fyrir nem-
endur með sérþarfir og gefa kost á
að laga próffyrirlögn að hæfni nem-
enda. Með því að færa 10. bekkjar
könnunarprófið í 9. bekk gefst nem-
endum, forráðamönnum þeirra og
kennurum meira svigrúm til þess að
nýta sér niðurstöðurnar til að bregð-
ast við og móta áherslur í námi í 10.
bekk. Jafnframt þessum breytingum
gerir Menntamálastofnun könn-
unarprófin hæfnimiðaðri í takt við
áherslur í aðalnámskrá grunnskóla
frá 2013. Miðað er við að áfram verði
tvö könnunarpróf í 4. og 7. bekk, þ.e.
í íslensku og stærðfræði. Í 10. bekk
verður metin hæfni í íslensku, stærð-
fræði og ensku,“ segir í tilkynningu
frá ráðuneytinu um reglugerðina
sem í heild er að finna á vef Stjórn-
artíðinda. mm
Ný reglugerð um samræmd
próf í grunnskólum
Að undanförnu hafa verið höggv-
in skörð í hóp síðustu liðsmanna
gullaldarliðs ÍA í knattspyrnu,
frægasta knattspyrnuliðs sem eitt
sjávarþorp hefur átt fyrr og síð-
ar. Árið 1951 var ÍA fyrsta lands-
byggðarliðið sem vann Íslands-
meistaratitil. Ekki síst af þeim
sökum aflaði það sér vinsælda
um allt land, jákvæður stuðning-
ur sem hjá mörgum hefur haldist
alla tíð síðan. Sama ár spilaði liðið
fyrst í gulu búningunum sem hef-
ur verið einkennislitur þess eft-
ir það. Í liðnum mánuði féll Rík-
harður Jónsson frá og síðan á ný-
liðnum dögum hafa dáið þeir
Guðjón Finnbogason og Sveinn
Teitsson. Allir voru þessir kapp-
ar í fremstu röð íslenskrar knatt-
spyrnu og áttu sæti í landsliði Ís-
lands. Með andláti Sveins eru nú
horfnir af sjónarsviðinu allir þeir
kappar sem skipuðu lið Íslands-
meistara ÍA árið 1951. Við minn-
umst þeirra Guðjóns og Sveins.
Guðjón Finnbogason
(1927-2017)
Guðjón Finnbogason, fyrrverandi
verslunarmaður, knattspyrnukappi
og knattspyrnudómari á Akranesi
var fæddur 2. desember 1927, næst-
yngstur fimm systkina. Hann bjó
alla tíð á Akranesi og starfaði í 56 ár,
nær alla sína starfsævi, sem verslun-
armaður í hinni sögufrægu Axels-
búð. Þá kom hann víða við í íþrótta-
starfi á Akranesi. Hann var í gull-
aldarliði ÍA á árunum 1946-1959 og
einn besti leikmaður þess. Hann lék
alls 111 leiki fyrir ÍA á knattspyrnu-
ferlinum og varð Íslandsmeistari
alls fimm sinnum á tímabilinu 1951
til 1958. Þá átti hann einnig sæti í
landsliði karla í knattspyrnu og spil-
aði 16 landsleiki.
Guðjón var þjálfari meistaraflokks
ÍA 1960, 1964 og 1965. Hann gerði
liðið að Íslandsmeisturum 1960
og hin tvö árin varð liðið í öðru
sæti. Hann var knattspyrnudómari
í fremstu röð um árabil og dæmdi
í efstu deild auk þess sem hann var
alþjóðlegur dómari og dæmdi m.a
landsleiki og í Evrópukeppnum. Þessi
ferill hans er einstakur í íslenskri
knattspyrnusögu. Þá voru félags-
málin Guðjóni hugleikin. Hann sat í
stjórn ÍA um árabil og einnig í knatt-
spyrnuráði. Hann var heiðursfélagi
Knattspyrnufélags ÍA og var sæmdur
gullmerki ÍA, ÍSÍ og KSÍ. Eiginkona
Guðjóns var Helga Sigurbjörnsdóttir
sem lést 2013. Börn þeirra eru Mar-
grét, Sigurður og Snorri.
Sveinn Teitsson
(1931-2017)
Sveinn Teitsson fyrrum knattspyrnu-
kappi og málarameistari var fædd-
ur 1. mars 1931 á Akranesi en bjó í
Reykjavík um árabil. Sveinn var eft-
irminnileg persóna, enda stutt í glens
og spaugileg atvik hjá honum. Hann
var fastagestur á leikjum ÍA fram
á síðustu ár og mikill áhugamað-
ur um framgang knattspyrnunnar.
Sveinn var leikmaður ÍA á árunum
1949-1964 og einn besti leikmað-
ur gullaldarliðsins. Hann er sá síð-
asti sem kveður af þeim leikmönn-
um sem urðu Íslandsmeistarar 1951.
Sveinn lék á sínum ferli 196 leiki fyr-
ir ÍA og var Íslandsmeistari með liði
sínu alls fimm sinnum, á árabilinu
1951 til 1960 . Þá lék hann 23 lands-
leiki á árunum 1953-1964 og skoraði
tvö mörk í þessum leikjum, m.a eft-
irminnlegt mark í jafnteflisleik gegn
Dönum 1959. Hann var fyrirliði
landsliðsins í fjórum leikjum.
mm
Gullaldarliðsmanna minnst
Guðjón Finnbogason.
Ljósm. úr safni Skessuhorns/þá.
Sveinn Teitsson á leikmannsárum
sínum með ÍA.
Fyrstu Íslandsmeistarar Skagamanna 1951. Nú hafa þeir allir kvatt. Aftari röð frá vinstri: Kristján Pálsson, Jón S. Jónsson, Pétur Georgsson, Þórður Þórðarson, Dagbjartur Hannesson, Ríkharður Jónsson fyrirliði
og þjálfari, Guðmundur Jónsson og Halldór Sigurbjörnsson. Fremri röð frá vinstri: Sveinn Teitsson, Sveinn Benediktsson, Jakob Sigurðsson, Magnús Kristjánsson, Ólafur Vilhjálmsson, sem þjálfaði liðið um vetu-
rinn eða þar til Ríkharður kom heim, og Guðjón Finnbogason. Ljósm. Ólafur Árnason.