Skessuhorn - 08.03.2017, Side 15

MIÐVIKUDAGUR 8. MARS 2017 15
O P I N N S T J Ó R N A R
F U N D U R
B J Ö R T F R A M T Í Ð
Björt framtíð býður til opins stjórnarfundar í Stúkuhúsinu,
Byggðasafninu í Görðum Akranesi, laugardaginn 11. mars kl. 13-15.
Eva Einarsdóttir, stjórnarformaður Bjartrar framtíðar, setur fundinn.
Oddviti Bjartrar framtíðar á Akranesi, Vilborg Þórunn Guðbjartsdóttir,
segir frá störfum flokksins á Akranesi.
Formenn BF, Óttarr Proppé og Eva Einarsdóttir, fara yfir það sem er
á döfinni og leiða almennar umræður.
Önnur mál
D A G S K R Á
xA
Skagamaðurinn Knútur Haukstein
Ólafsson vann á dögunum verðlaun
fyrir stuttmynd sína INFERNO á
hátíðinni WideScreen Film & Mu-
sic Video Festival sem haldin var í
Miami í Flórídafylki í Bandaríkj-
unum dagana 17. til 19. febrúar.
„Það var dálítið skrítin tilfinning
að taka við þessum verðlaunum. Ég
hef alltaf litið á svona verðlaun sem
einhvern veraldlegan hlut, sem þau
eru náttúrulega, til að mata egó-
ið. En að sama skapi er þetta eitt-
hvað sem flestir sækja í, það er bara
mannlegt og eðlilegt og mig langaði
að sjálfsögðu að vinna,“ segir Knút-
ur í samtali við Skessuhorn. „Hins
vegar vil ég og reyni að einblína
á það sem skiptir máli og það eru
verkin sjálf. Það voru margar flott-
ar myndir á þessari hátíð og margar
sem gripu mann. Ég mæli árangur-
inn frekar út frá hinum verkunum
sem voru á hátíðinni og mesti heið-
urinn er fólginn í því að hafa fengið
að vera með á hátíð þar sem gæðin
eru mikil,“ bætir hann við.
Alls komust 130 myndir að á há-
tíðinni af þeim 669 sem sóttu um.
„Að svona fáar myndir af þeim sem
sóttu um hafi komist á hátíðina
gerir sigurinn enn ánægjulegri og
meiri heiður að hafa yfirleitt feng-
ið að vera með,“ segir hann. „Ég
er alltaf dáltítið rómantískur þegar
kemur að kvikmyndum. Fyrir mér
felst heiðurinn aðallega í því að fá
myndina sína frumsýnda í bíósal
fyrir framan áhorfendur.“
Besta tilraunakennda
stuttmyndin
Stuttmyndin INFERNO var út-
skriftarmynd Knúts úr Kvikmynda-
skóla Íslands. Þaðan útskrifaðist
hann af leiklistardeild árið 2015 en
leikstjóri myndarinnar, Kristín Ísa-
bella Karlsdóttir, útskrifaðist einn-
ig þaðan á sínum tíma af leiklistar-
deild. Verðlaunin hlaut myndin í
flokknum Best Experimental Short,
eða besta tilraunakennda stutt-
myndin. „Skilgreiningin á þessum
flokki er að við kvikmyndagerðina
eru notaðar óhefðbundnar aðferð-
ir til að segja sögu. Mitt verk legg-
ur til dæmis meiri áherslu á upplif-
un fremur en skilning,“ segir Knút-
ur. „Oft horfir fólk á kvikmynd-
ir og ætlast til að skilja um hvað
þær eru. Þetta verk leggur fremur
áherslu á upplifun áhorfandans og
að hann leggi sinn eigin skilning í
verkið. Myndin er um það sem hver
og einn heldur að hún sé um,“ seg-
ir hann. Til að ná því ætlunarverki
er lögð höfuðáhersla á kvikmynda-
töku, leik og andrúmsloft. „Þetta
er hryllingsmynd og ég hef oft sagt
við fólk að ef því leið óþægilega á
meðan það horfði á myndina, þá
var markmiðinu náð,“ segir Knút-
ur.
Pomp og prakt
Hann segir að umgjörð hátíðarinn-
ar hafi verið nokkuð ólík því sem
hann er vanur þrátt fyrir að hafa
sótt einar 20 stuttmyndahátíðir nú
þegar. „Þetta var haldið í stórum
bíósal í AMC 24 kvikmyndahúsi í
Miami. Þar eru 24 bíósalir þann-
ig að þetta er mjög stórt í sniðum.
Verðlaunaafhendingin sjálf var
haldin á snekkju,“ segir Knútur og
hlær við. „Mér fannst mjög erfitt
að mæta og halda einhverja þakk-
arræðu. Ég lít fyrst og fremst á mig
sem leikara í þessari mynd og það
var dálítið erfitt að hafa ekki ein-
hvern karakter til að fela sig á bak-
við fyrir framan allt þetta fólk,“
bætir hann við í léttum dúr. „En
líka vegna þess að ég var fyrst og
fremst leikari í myndinni. Ég skrif-
aði handritið ásamt Kristínu sem
jafnframt leikstýrði og hún á alveg
jafn mikið í henni og ég. Myndin
er verk okkar beggja.“
En þrátt fyrir að umgjörðin hafi
honum á köflum þótt dálítið yfir-
þyrmandi hefur Knútur á orði að
verðlaun sem þessi séu að sjálf-
sögðu góð fyrir alla sem að mynd-
inni koma, frá tökuliði til leik-
stjóra. Þá sé hátíðin viðurkennd
af Internet Movie Database og
því geti hann nú skráð verðlaun-
in á síðu myndarinnar á IMDB.
com. „En það besta við þessa há-
tið er tengslanetið sem myndast
við aðra kvikmyndagerðarmenn,
víðs vegar að úr heiminum. Maður
mun reyna að nýta sér það í fram-
tíðinni,“ segir Knútur.
Sótti um aftur
Aðspurður um þau verkefni sem
framundan eru kveðst Knútur
þessa dagana leggja stund á nám í
sálfræði við Háskóla Íslands. Í frí-
stundum gerir hann kvikmyndir og
tónlistarmyndbönd ásamt félögum
sínum. „Ég og Arnór Elís Krist-
jánsson og Heimir Snær Sveins-
son, vinir mínir, höfum lengi ver-
ið að búa til stuttmyndir, sketsa og
tónlistarmyndbönd undir merkj-
um Flying Bus Films. Við erum
núna að undirbúa gerð tónlistar-
myndbands, en eigum sjálfsagt eft-
ir að ræða áframhaldandi sketsa
og fleira slíkt. Stundum verður
eitthvað úr þessum fundum okk-
ar og stundum ekki, en við ætlum
að halda áfram að gera myndir og
myndbönd saman,“ segir Knút-
ur en upplýsir að hann setji stefn-
una á að fara aftur á WideScreen
Film & Music Video Festival að
ári liðnu. „Ég sótti um strax aftur,“
segir hann og hlær við „en að þessu
sinni fyrir tónlistarmyndband við
lagið Hope (2015). Það komst í
spilun á sjónvarpsstöðinni Bravo
á sínum tíma og hefur komist inn
á sex stuttmyndahátíðir hingað til.
En ég ætla að fara á hátíðina hvort
sem ég kemst með verk á hana eða
ekki. Þetta er ótrúlega skemmtileg
hátíð, rosalega skemmtilegt fólk
og stemningin er mjög góð,“ segir
Knútur Haukstein Ólafsson kvik-
myndagerðarmaður að lokum.
kgk
Vann til verðlauna á kvikmyndahátíð í Miami
Knútur Haukstein
Ólafsson með verðlauna-
gripinn í hönd í miðri
þakkarræðu á hátíðinni í
Miami.
Stilla úr verðlaunamynd Knúts, stuttmyndinni INFERNO.