Skessuhorn - 05.04.2017, Side 14

MIÐVIKUDAGUR 5. APRÍL 201714
SK
ES
SU
H
O
R
N
2
01
7
Leikdeild Umf. Stafholtstungna sýnir gamanleikinn
„EINN KOSS ENN OG ÉG SEGI
EKKI ORÐ VIÐ JÓNATAN“
Eftir Marc Camoletti – Leikstjóri Hörður Sigurðarson
í félagsheimilinu Þinghamri Varmalandi
Næstu sýningar:
4. sýning fimmtud. 6. apríl kl. 20.30
5. sýning föstud. 7. apríl kl. 20.30
6. sýning sunnud. 9. apríl kl. 20.30
Veitingasala í hléi
Miðaverð 2.500 kr.
Ath. ekki er posi á staðnum
Miðapantanir í
síma 824-1988 og
eg@vesturland.is
Samtals voru urðuð 12.586 tonn af
sorpi á urðunarstað Vestlendinga í
Fíflholtum á Mýrum árið 2016. Þar
af komu 2.756 tonn frá sveitarfé-
lögum á Vestfjörðum. Þetta er meðal
þess sem Kristinn Jónasson, formað-
ur stjórnar Sorpurðunar Vesturlands,
greindi frá á aðalfundi 29. mars. Í
árslok höfðu verið urðuð um það bil
173 þúsund tonn af sorpi Fíflholtum
frá upphafi, fyrir 17 árum síðan. Nú-
gildandi starfsleyfi sorpurðunarinnar
í Fíflholtum gildir til 2028.
Alls 47 þúsund tonn hafa verið
urðuð á því svæði sem nú er í notk-
un, en eldra urðunarsvæði var lokað
í júlí 2016. Engar athugasemdir voru
gerðar við fráganginn en stöðugt er
fylgst með efnainnihaldi sigvatns frá
gamla urðunarstaðnum. Hefur verið
svo síðan 2012 þegar upp komu vís-
bendingar um að hreinsivirkið virk-
aði ekki sem skyldi. Þá voru hreinsi-
virkin endurnýjuð.
Framkvæmdum við tvö ný síu-
beð lauk í nóvember. Þá var búið að
tengja og affali frá reinum hafði verið
hleypt á í október. Fljótt fór að bera á
vandamálum við rein fjögur, en vatn
safnaðist upp í reininni sjálfri þar
sem gegnumstreymi var ekki í lagi.
Þegar málið var kannað kom í ljós
að vatn hafði flætt upp úr eldri fitu-
skilju neðan við enda reinar númer
fjögur. Í framhaldinu var ákveðið að
veita uppsöfnuðu yfirborðsvatni út í
útrásarskurðinn um yfirfall frá tengi-
brunni á milli olíu- og fituskilju sem
fyrir var og annarrar slíkrar skilju
sem er hluti af nýja kerfinu. Var því
lokið um miðjan desember og komst
vatnsstaðan fljótt í eðlilegt horf.
Alls þurfti að loka urðunarstaðn-
um 17 sinnum árið 2016, en oft var
um hluta úr degi að ræða og af sök-
um vinds. Upp kom eldur í Fíflholt-
um í ágúst á síðasta ári og ekki tókst
að ráða niðurlögum hans fyrr en um
miðjan næsta dag. Áætlað er að um
500 tonn af úrgangi hafi brunnið.
„Kostnaður við brunann er SorpVest
dýr og hleypur á milljónum króna,“
sagði Kristinn.
Því næst tók Hrefna B. Jónsdóttir
framkvæmdastjóri til máls og fór yfir
ársreikninginn. Hagnaður af rekstri
Sorpurðunar Vesturlands nam á
árinu 2016 rétt tæpum 27 milljónum
króna. SorpVest á jörðina Fíflholt,
sem metin er á 4,6 milljónir króna.
Eignir námu samtals 174 milljónum
og eigið fé var 156 milljónir í árslok.
Handbært fé var rúmar 20 milljónir,
en Hrefna minnti á að þeir fjármun-
ir væru í raun fastir skv. lögum til að
hægt sé að reka urðunarstað í 30 ár
eftir lokun hans.
Eftir að ársreikningurinn var sam-
þykktur var lögð fyrir tillaga um
hvernig skildi fara með hagnað árs-
ins. Hún hljóðaði svo að greiddur
yrði 20% arður til hluthafa, sem eru
sveitarfélögin á Vesturlandi og hagn-
aður ársins 2016 yrði til hækkunar
eigin fjár. Var það samþykkt af aðal-
fundi. kgk
Bruninn í Fíflholtum í ágúst síðastliðnum var einn sá mesti frá upphafi á urðunar-
staðnum. Eldur logaði i einn og hálfan sólarhring. Á meðfylgjandi mynd er horft
yfir að Fíflholtum yfir flóann frá Akranesi. Ljósm. úr safni.
Hagnaður af rekstri
Sorpurðunar Vesturlands
Gert var grein fyrir ársreikningi og
-skýrslu Vesturlandsstofu samhliða
aðalfundi Samtaka sveitarfélaga á
Vesturlandi sem haldinn var mið-
vikudaginn 29. mars síðastliðinn.
Páll S. Brynjarsson, framkvæmda-
stjóri SSV, fór yfir ársreikning
Vesturlandsstofu. Ástæðu þess að
hann gerði grein fyrir fjármálunum
sagði hann vera þá að síðan í árs-
lok 2013 á SSV allt hlutafé Vestur-
landsstofu. Í stuttu máli var rekstr-
arniðurstaða Vesturlandsstofu já-
kvæð upp á rétt tæpar 4,4 milljón-
ir króna. „Náðst hefur mjög góð-
ur árangur í rekstri sem hefur orð-
ið til þess að Vesturlandsstofa er
orðin skuldlaus við lánastofnanir,“
sagði Páll.
Því næst steig Kristján Guð-
mundsson, forstöðumaður Vestur-
landsstofu, í pontu og fór yfir starf-
semina á árinu 2016. Útgefið efni
er ferðahandbók og landshluta-
kort, sem nýtur vaxandi vinsælda.
Verða prentuð 100 þúsund kort á
þessu ári og er útgáfa þess kost-
uð með auglýsingum. Hann sagði
Vesturlandsstofu fylgja stefnu Ís-
landsstofu í kynningarmálum og
þau hefðu breyst aðeins undan-
farið. Nú snúist málið ekki leng-
ur um að fá sem flesta heldur væri
unnið að því að byggja upp vitund
og sýna ábyrgð, benda fólki á staði
sem eru uppbyggðir og geta tekið á
móti ferðamönnum.
Blaðamannaferðir
gefa góða raun
Erlendum blaðamönnum var boð-
ið í sérstakar blaðamannaferðir um
Vesturland. Sagði Kristján að það
hefði gefið góða raun við kynningu
landshlutans á Bretlands-, Banda-
ríkja- og Þýskalandsmarkaði. „Það
er góð kynning fyrir lítinn pen-
ing,“ sagði hann. Þá hafa mynd-
bönd af svæðinu verið i vinnslu
þó þau séu ekki alveg tilbúin enn.
Þrjú myndbönd sagði hann mjög
langt komin en tökur í Dölum og á
Snæfellsnesi hefðu ekki náðst fyrir
veturinn. Taldi Kristján að mynd-
böndin ættu að nýtast sveitarfélög-
unum vel til kynningar þegar þau
verða tilbúin.
Helstu verkefni sem framund-
an eru nefndi Kristján DMP-áætl-
unina, eða stefnumarkandi stjórn-
unaráætlanir í ferðaþjónustu.
Byrjað verður á að mynda svæðis-
ráð sem síðan ákvaðra skiptingu í
vinnuhópa sem mynda aðgerða-
áætlun fyrir sitt svæði. Síðan er á
döfinni áframhaldandi markaðs-
setning Vesturlands. Boðið verður
upp á námskeið fyrir svæðislóðs á
Vesturlandi í samstarfi við fræðslu-
aðila og þá er horft til þess að
stuðla að auknu samstarfi safna og
menningarsetra á Vesturlandi til að
styðja starfsemi og auka hlut þeirra
í móttöku ferðafólks.
Umræður og
fyrirspurnir
Að lokinni kynningu Kristjáns
spunnust nokkrar umræður um
ferðamál. Hér verður stiklað á
stóru í þeim umræðum. Kristinn
Jónasson, bæjarstjóri Snæfellsbæjar,
tók dæmi úr sínu nærsamfélagi og
sagði að 500 þúsund manns hefðu
sótt Snæfellsnes heim á síðasta ári
og þau byggjust við 200 þúsund
fleiri í ár. Spurði hann því Kristján
hvernig Vesturlandsstofa sæi fyrir
sér kynningarstarf næstu sex mán-
uði eða svo, miðað við þann fjölda
sem spáð er að sæki til dæmis Snæ-
fellsnes heim. Kristján svaraði því
til að undanfarið hefði verið lögð
áhersla á að kynna svæði sem væru
uppbyggð og gætu tekið við ferða-
mönnum. Þá hvatti hann sveitar-
félög til að koma því á framfæri
við Vesturlandsstofu ef þau vildu
ákveðin svæði innan sveitarfélag-
anna kynnt sérstaklega, til dæmis
svæði sem eru betur í stakk búin að
taka við ferðamönnum en önnur.
Kristján var einnig spurður hvaða
sýn menn hefðu um að þróa vöru-
merkið Vesturland. Hann svaraði
því að staðið hefði til að gera mark-
aðsáætlun, því stefnumótun Mark-
aðsstofu Vesturlands náði til 2015.
Hins vegar hafi verið ákveðið að
fresta því vegna vinnu við DMP
áætlunina, því ferðaþjónustuað-
ilar hafi bara viss mikinn tíma.
Hins vegar muni DMP vinnan að
einhverju leyti leiða í ljós hvernig
ferðaþjónustuaðilar og sveitarfélög
sjá fyrir sér þróun ferðaþjónust-
unnar á Vesturlandi og því nýtast
við gerð markaðsáætlunar í fram-
tíðinni.
Sturla Böðvarsson, bæjarstjóri
í Stykkishólmi, lagði orð í belg
og kallaði eftir frekara samstarfi
ferðaþjónustu og atvinnuráðgjaf-
ar, þannig gætu sveitarstjórnar-
menn myndað sér framtíðarsýn til
dæmis með tilliti til skipulagningar
byggðar. Kristján taldi þegar vera
kominn vísi að samstarfi markaðs-
stofu og atvinnuráðgjafar en tók
undir að meira samstarf væri bæði
þarft og gott. Taldi hann í þessu
samhengi að vinna við DMP áætl-
unina gæti orðið vísir að framtíð-
aráætlun.
Að lokum kvaddi sér hljóðs
Gunnlaugur A Júlíusson, sveitar-
stjóri Borgarbyggðar og hvatti sig
og samstarsfmenn sína til að hafa í
huga að framundan væri ekki áskor-
un um að fá fólkið til sín, heldur
að bregðast við komu þess. Krist-
ján tók undir það og fagnaði því að
sveitarfélög sýndu ferðaþjónustu
stöðugt meiri áhuga. kgk
Vesturlandsstofa orðin
skuldlaus við lánastofnanir
Kristján Guðmundsson, forstöðumaður Vesturlandsstofu.
Kynningarstarf Vesturlandsstofu hefur undanfarið snúist meira í þá átt að benda
fólki á staði sem eru uppbyggðir og geta tekið á móti ferðamönnum. Á með-
fylgjandi mynd er Svöðufoss á Snæfellsnesi, en þar var vegur lagfæður og bílaplan
steypt síðasta sumar. Var það fyrsti áfangi uppbyggingar áningarstaðar fyrir
ferðamenn á svæðinu. Ljósm. úr safni/ Gunnar Ólafur Sigmarsson.