Skessuhorn - 05.04.2017, Blaðsíða 18

MIÐVIKUDAGUR 5. APRÍL 201718
Skemmti- og styrktarkvöld knatt-
spyrnudeildar Víkings var haldið
síðastliðið laugardagskvöld í félags-
heimilinu Klifi. Gestir gæddu sér á
dýrindismat sem þeir Lárus, Stef-
án og Hilmar útbjuggu. Leikmenn
meistaraflokks sáu um að þjóna til
borðs. Þeir sáu einnig um skemmti-
atriði þar sem þeir könnuðu þekk-
ingu gesta á leikmönnum og þjálf-
urum. Varð úr hin besta skemmt-
un. Einnig voru dregnir út vegleg-
ir vinningar í leikmannahappdrætti
meistaraflokks. Að því loknu voru
boðnar upp nokkrar treyjur í fjár-
öflunarskyni. Má þar nefna treyju
frá Gylfa Sigurðssyni og takka-
skór frá landsliðsmanninum Ara
Skúlasyni sem félaginu höfðu verið
gefnar. Það var svo hinn eini sanni
“Mummi” eða Guðmundur Reynir
Gunnarsson fyrrverandi leikmaður
Víkings sem sá um tónlistaratriði.
þa
Skemmtikvöld
Víkings
Hópur nemenda úr Varmalands-
deild Grunnskóla Borgarfjarðar fór í
ferð í hellinn Víðgelmi í Hallmund-
arhrauni í síðustu viku, ásamt gest-
um sínum frá Finnlandi. Gestirn-
ir komu frá grunnskóla í Olu í Finn-
landi en Varmalandsskóli hefur unn-
ið að verkefni í vetur sem styrkt var
af Nordplus. Að sögn Þorbjargar
Valdísar Kristjánsdóttur kennara á
Varmalandi snerist verkefnið meðal
annars um það að senda nemendur út
til Finnlands og að taka á móti öðrum
hópi frá Finnlandi.
„Við komumst í samband við þenn-
an frábæra skóla í Olu í Finnlandi
og þegar við fórum að spjalla sam-
an, komumst við að því að skólarn-
ir okkar eru staðsettir nánast á sömu
breiddargráðu. Megin markmiðið
með verkefninu var svo að fá nem-
endur til að hittast og kynnast, bera
saman þessa tvo staði og skoða hvers
vegna það er svona mikill munur á
milli þessara tveggja staða þrátt fyr-
ir að þeir séu nánast á sömu breidd-
argráðu,“ segir Þorbjörg í samtali
við Skessuhorn. Hún segir verkefnið
hafa verið náttúrufræðitengt og að
mikil áhersla hafi verið lögð á nátt-
úrufræði á unglingastigi skólans í vet-
ur. „Þau hafa bæði lagt mikið á sig við
að fræðast um landið sitt og búa til
landkynningu fyrir hópinn sem þau
tóku á móti, ásamt því að kynnast því
sem er að gerast í Finnlandi. Síðan
var þetta þannig að þegar nemendur
okkar fóru út, þá gistu þeir á heimil-
um annarra nemenda og fengu þann-
ig að kynnast því hvernig er að vera
unglingur í Finnlandi. Finnsku nem-
endurnir fengu líka að taka sama þátt
í lífi og starfi hér,“ útskýrir Þorbjörg.
Heimsóknin í Víðgelmi sem far-
in var í síðustu viku var unnin í
tengslum við þetta verkefni og hluti
af heimsókn finnsku krakkanna á Ís-
landi. „Þau í Fljótstungu voru svo
dásamleg að leyfa okkur að koma og
skoða hellinn og tóku alveg rosalega
vel á móti okkur. Við höfum fjallað
mikið um jarðfræði í vetur og þetta
var alveg punkturinn yfir i-ið,“ sagði
Þorbjörg.
grþ / Ljósm. Hörður Míó Ólafsson.
Nemendur frá Varmalandi og Finnlandi heimsóttu Víðgelmi
Hópur nemenda frá Varmalandi og Finnlandi ásamt kennurum.
Nýju tæknifyrirtæki hefur ver-
ið hleypt af stokkunum í Borgar-
nesi. Fyrirtækið heitir Netvöktun
og að því standa Anna Rún Krist-
björnsdóttir og Aron Hallson, sem
er jafnframt eini starfsmaður fyrir-
tækisins. Hann á að baki áralanga
reynslu sem tæknimaður. „Ég hef
starfað sem tæknimaður í töluvert
langan tíma, þannig að það er ekk-
ert nýtt fyrir mér að þjónusta fyr-
irtæki og einstaklinga þegar kemur
að tæknimálum,“ segir Aron í sam-
tali við Skessuhorn. „Ég var nokk-
uð lengi hjá Tækniborg og tókst
okkur að byggja upp góða tækni-
sþjónustu. Var það mál manna á
Vesturlandi hvað tækniþjónust-
an væri góð þannig og ég tel mig
hafa staðið mig prýðilega vel í því
starfi. Hins vegar tók ég nýlega
ákvörðun um að fara að starfa sjálf-
stætt,“ bætir hann við. Því varð úr
að hann stofnaði Netvöktun ásamt
Önnu Rún. „Ég og Anna konan
mín eigum þetta saman. Rekstur-
inn var hliðarverkefni um tíma en
núna er fyrirtækið komið af stað
og með góðan hóp viðskiptavina.
Ég er eini starfsmaðurinn, enn
sem komið er, en ég reikna með
að ráða fólk í vinnu í framtíðinni,“
segir Aron.
Fyrirtækið er staðsett í Borgar-
nesi og nú um mánaðamótin fengu
Aron og Anna afhenta lykla að
skrifstofuhúsnæði sem fyrirtæk-
ið leigir að Borgarbraut 61. „Nú
verður allt sett á fullt og stefn-
an er að byggja upp og efla góða
tækniþjónustu á Vesturlandi,“ seg-
ir Aron og bætir því við að fyriræk-
ið muni einbeita sér að viðskipta-
vinum innan landshlutans. „Ég
ætla að starfa eingöngu á Vestur-
landi. Ástæðan er sú að til að geta
veitt þá þjónustu sem ég vil veita
þá getur maður ekki verið langt í
burtu. Viðbragðstíminn þarf að
vera góður.“
Öll almenn
tækniþjónusta
Að sögn Arons býður fyrirtækið
upp á alla almenna tækniþjónustu.
„Allt frá einföldum atriðum eins
og að setja upp prentara og vírusv-
arnir og upp í flókin verkefni eins
og að setja upp stór tölvukerfi og
sýndarumhverfi. Ég býð jafnframt
upp á afritunarlausnir, skýjalausn-
ir, hýsingu á vefsíðum og sýndar-
vélum. Einnig tek ég að mér for-
ritun og vefsíðugerð og hef hann-
að töluvert margar síður í gegnum
tíðina. Til dæmis vefsíðu Borgar-
byggðar og síðu Landnámsseturs-
ins,“ segir Aron. „Ég býð í raun
upp á flest allt sem viðskiptavin-
urinn þarf á að halda og hef góða
þekkingu og reynslu af úrlausn
fjölda vandamála. Ég veit ekki ann-
að en af mínu starfi fari gott orð.
Ég hef til dæmis þjónustað Borg-
arbyggð og undirstofnanir í gegn-
um mitt fyrra starf og held að all-
ir séu ánægðir með mína þjónustu.
Ég hugsa alltaf fram í tímann. Þeg-
ar maður kemur að tölvum þar sem
vandamálin eru mörg þá er örygg-
ið númer eitt og maður tekur allt-
af afrit af gögnum áður en maður
byrjar. Það fylgir því auðvitað smá
auka kostnaður en viðskiptavin-
ir vilja frekar greiða þann klukku-
tímatíma eða tvo sem tekur að taka
afrit frekar en að tapa gögnum sín-
um,“ segir hann.
Samkeppnishæft verð
Hjá Netvöktun segir Aron enn
fremur vera mikið framboð hvers
kyns vöru á samkeppnishæfu verði.
„Flest tæknifyrirtæki sýna til dæm-
is bara þrjár grunnútfærslur á Of-
fice 365 hugbúnaðinum frá Micro-
soft á vefsíðu sinni en ég er með
hátt í 380 Microsoft vöruliði á vef-
síðunni minni. Og ég er að smíða
kerfi sem mun sýna verð og upplýs-
ingar um 10.001 vörulið er tengj-
ast sýndarumhverfum Microsoft.
Þannig að ef fyrirtæki eru að leita
að sértækum hugbúnaði eða sér-
stakri útfærslu þá er hægt að finna
hana á netvoktun.is eða bara hafa
samband,“ segir hann. „Vöruúr-
valið er mjög gott og ég tel þjón-
ustuna sem ég veiti einnig vera
mjög góða. Ég gerði nafnlausa
þjónustukönnun fyrir skemmstu
sem ég kom mjög vel út. Mér þótti
vænt um að sjá svart á hvítu að við-
skiptavinir væru ánægðir með mín
vinnubrögð. Þjónustuna býð ég,
rétt eins og vörurnar, á mjög sam-
keppnishæfu verði,“ segir Aron
Hallsson að lokum. kgk
Netvöktun er nýtt tæknifyrirtæki í Borgarnesi
Aron Hallsson. Ljósm. hlh.
Á skrifstofunni að Borgarbraut 61 í Borgarnesi.