Skessuhorn - 19.04.2017, Blaðsíða 19

MIÐVIKUDAGUR 19. APRÍL 2017 19
Sveitarstjórn Dalabyggðar óskar Dalamönnum
og Vestlendingum öllum gleðilegs sumars
Snæfellsbær sendir íbúum Snæfellsbæjar og íbúum
Vesturlands ósk um gleðilegt sumar
Grundararðarbær óskar íbúum Grundararðar
og öðrum Vestlendingum gleðilegs sumars
Skessuhor�
óskar lesendu�
gleðileg� sumar�
o� þakkar veturin�
Brynjar Mar Guðmundsson, ung-
ur listamaður á Akranesi, opnar sína
fyrstu myndlistarsýningu í Galleríi
Bjarna Þórs næstkomandi laugardag,
22. apríl kl. 14:00. Sýningin ber heit-
ið Sólarlag og tileinkar Brynjar hana
ömmu sinni, Brynju Einarsdóttur.
„Ég er skírður í höfuðið á henni og
það var hún sem kveikti áhuga minn
fyrir listinni. Hún rétti mér blað og
blýant, liti og litabækur þegar mig
vantaði eitthvað að gera þegar ég var
lítill strákur. Það er henni að þakka að
ég hef verið að teikna og mála alveg
frá því ég gat fyrst haldið á blýanti,“
segir Brynjar í samtali við Skessuhorn.
Nafn sýningarinnar er jafnframt sótt
í smiðju Brynju, en hún gaf út ljóða-
bók með sama nafni fyrir nokkrum
árum. Hún lést á síðasta ári. „Amma
dó í fyrra, en við vorum mjög náin.
Upp frá því byrjaði ég að mála vatns-
litamyndir í abstrakt súrrealískum stíl
og hef meðal annars sótt innblástur í
ljóðabókina hennar. Ég ákvað því að
láta sýninguna heita Sólarlag, eins og
ljóðabókina og tileinka hana ömmu
minni, sem á heiðurinn af því að ég
fór að teikna og mála. Þessar myndir
hefðu líka höfðað til hennar, abstrakt
súrrealískar myndir eru eitthvað sem
hún kunni vel að meta,“ segir hann.
Bjarni alfaðir
Sýningin verður sem fyrr segir hald-
in í Galleríi Bjarna Þórs að Kirkju-
braut 1 á Akranesi. Leiðir Brynjars
og Bjarna lágu fyrst saman fyrir meira
en áratug síðan, þegar Brynjar var
nemandi í Brekkubæjarskóla. „Þegar
ég var strákur þá kenndi Bjarni mér
myndist í Brekkó og ég hef eiginlega
bara elt hann allar götur síðan,“ segir
Brynjar og brosir. „Ég man að þeg-
ar ég var í 1. bekk og eftir einhverja
kennslustundina þá mætti ég hon-
um á ganginum og sagði við hann:
„Bjarni, þegar ég verð stór þá á ætla
ég að að verða listamaður alveg eins
og þú. Hann sagði bara „já“ og fór
að hlæja,“ segir Brynjar sem nú er
orðinn nokkurs konar lærlingur hjá
Bjarna og lætur afar vel af því.
„Bjarni er mjög hvetjandi og hefur
haft mikil áhrif á marga unga lista-
menn á Akranesi, eins og til dæm-
is Tinnu Royal, Veru Líndal og Al-
dísi Petru. Hann er eiginlega alfað-
ir ungu listamannanna á Akranesi,“
segir hann og brosir. Hann bætir því
við að Aldís Petra hafi veitt honum
sérstakan stuðning í listinni. „Aldís
Petra hefur veitt mér mikinn stuðn-
ing og hvatt mig áfram í myndlistinni
þegar mér hefur ekki fundist ganga
alveg nógu vel. Til dæmis var það
hún sem hvatti mig til að láta vaða
og halda þessa sýningu,“ segir hann
og bætir því við að í listinni líti hann
mikið upp til allra af áðurnefndum
þremur listakonum á Akranesi. Að-
spurður um aðra áhrifavalda nefnir
Brynjar að verk þekktra listmálara á
borð við Van Gogh, Salvador Dalí,
DaVinci, Michelangelo og fleiri hafi
haft mikil áhrif á sig. En mestu beinu
áhrifin eru þó komin frá Bjarna Þór.
„Hann hvatti mig til að fara að nota
vantsliti og síðan þá finnst mér eins
og nýr heimur hafi opnast fyrir mér.
Það var um svipað leyti og amma
mín dó, en fram að því hafði ég að-
allega verið að mála og teikna fótó-
realískar myndir. Í fyrstu hafði ég
miklar áhyggjur af því að gera mis-
tök, því það er að sumu leyti erfitt að
mála með vatnslitunum en eins og
Bjarni kenndi mér þá snýst þetta um
að láta bara vaða, leyfa mistökunum
að vera með og nýta þau sem hluta af
verkinu. Mér finnst því gott að nota
vatnsliti til að mála abstrakt og súrr-
ealískt. Þar má allt og þannig á listin
að vera,“ segir Brynjar.
Uppi til 2. maí
Sýningin Sólarlag verður opin frá
kl. 14:00 til 18:00 á opnunardaginn
næstkomandi laugardag. Hún verð-
ur uppi í Galleríi Bjarna Þórs þar til
þriðjudaginn 2. maí næstkomandi. Á
virkum dögum er opið milli kl. 15:00
og 18:00, en um helgar frá 16:00 til
20:00.
Um sölusýningu er að ræða og
þeim sem vilja fá forsmekk af verkum
sem til sýnis verða vill Brynjar benda
á Instagram-síðuna sína; brynjarmar.
art. „Síðan langar mig til að hvetja
fólk til að kíkja á sýninguna mína og
kaupa myndirnar,“ segir Brynjar að
lokum með brosi á vör. kgk
Myndlistamaðurinn Brynjar Mar
með pensil í hönd. Á vinnuborðinu
fyrir framan hann má sjá nokkur af
verkum hans.
Sólarlag er fyrsta myndlistarsýning Brynjars Mars