Skessuhorn - 31.05.2017, Síða 4

MIÐVIKUDAGUR 31. MAÍ 20174
Nú hefur verið ákveðið að hætta
með sólarhringsopnun verslunar
og veitingastaðar Olís í Borgar-
nesi. Frá og með morgundeginum,
1. júní, verður lokað á miðnætti og
opnað klukkan 7 að morgni virka
daga en 8 um helgar. Í frétt Skessu-
horns frá því vorið 2012 sagði frá
því að starfsmenn hefðu hent lykl-
unum að versluninni 1. apríl það
ár og hefur dyrum ekki verið læst
síðan, að sögn Þórðar Jónssonar
stöðvarstjóra.
Aðspurður segir Þórður ástæð-
una eingöngu vera þá að það vant-
ar fólk til starfa. „Það er mikill
skortur á fólki til starfa hér í Borg-
arnesi. Hér eru margir veitinga-
staðir, verslanir og gististaðir og
íbúar eru einfaldlega ekki nógu
margir til að hægt sé að manna öll
störf við þjónustu. Þetta að hætta
næturlokun er eiginlega það síð-
asta sem við vildum gera,“ sagði
Þórður. Þegar haft var samband
við hann í gær, var verið að liðka
upp skrár og smíða nýja lykla í
skrárnar í hurðum stöðvarinnar.
Þær voru eðli málsins samkvæmt
orðnar ryðgaðar eftir fimm ára
notkunarleysi.
mm
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Björn Þór Björnsson bjorn@skessuhorn.is
Auglýsingar og dreifing:
Emilía Ottesen emilia@skessuhorn.is
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Sögulegar minjar í
Andakíl
Andakílsárvirkjun í Borgarfirði er um margt hið merkilegasta mannvirki.
Vatnsaflsvirkjun sem reist var á árunum 1945-47 og stendur því á sjötugu
nú í haust. Þessi virkjun er knúin með vatni sem safnað er í uppistöðulón úr
affalli Skorradalsvatns. Virkjunin var á sínum tíma reist af sveitarfélögum
á Vesturlandi og voru heimamenn afar stoltir af framkvæmdinni. Í dag til-
heyrir virkjunin dótturfélagi Orkuveitu Reykjavíkur; Orku náttúrunni.
Heimamenn eru hins vegar ekki lengur jafn stoltir og þeir voru. Velta jafn-
vel fyrir sér hvort dagar virkjunarinnar í óbreyttri mynd séu taldir.
Það mun hafa verið skömmu eftir lok fyrri heimsstyrjaldarinnar sem
stofnað var félag á Vesturlandi um virkjun Andakílsár og hreyfing komst
á virkjanamál. Löngu áður, eða árið 1907, hafði enskur kaupsýslumaður
og rafmagnsverkfræðingur, að nafni Cooper, hins vegar keypt vatnsrétt-
indi og landareignir við Andakílsfossa. Ætlun hans var að reisa virkjun og
hefja verksmiðjurekstur. Mældi Cooper rennsli árinnar, en ekkert varð þó
af framkvæmdum í hans tíð. Í lok seinni heimsstyrjaldar komst verulegur
skriður á virkjunarmál að nýju. Árið 1942 var stofnað sameignarfélag í eigu
Akraness, Borgarfjarðarsýslu og Mýrasýslu og ákveðið á lýðveldisárinu að
reisa 3,7 MW rafstöð. Alþingi samþykkti ríkisábyrgð og fór undirbúningur
á fullt. Virkjunin er um margt söguleg, var til dæmis fyrsta stóra virkjunin
sem að öllu leyti var hönnuð og reist af Íslendingum. Við gangsetningu
hennar voru einungis Ljósafossvirkjun og Laxárvirkjun stærri.
Samkvæmt mínum heimildum ríkti almenn samstaða um virkjunina í
fyrstu. Árið 1974 var afl stöðvarinnar hins vegar rúmlega tvöfaldað upp í 8
MW, þegar bætt var við nýrri vélasamstæðu. Um leið voru stíflumannvirki
hins vegar styrkt og hækkuð. Það hafði í för með sér að hækkað var tölu-
vert í Skorradalsvatni þannig að land fór undir vatn, bæði ræktunarland og
annað. Hrifning heimamanna dalaði fyrir mannvirkinu, en aldrei þó meira
en við umhverfisslysið sem varð þar fyrr í þessum mánuði.
Engum vafa er undirorpið að Andakílsvirkjun var verkfræðilegt undur
hér á landi á uppgangstímum eftir stríð. Virkjunin varð þess valdandi að
þéttbýli og bæir í héraðinu voru rafvæddir með tilheyrandi þægindum fyrir
íbúa. Þess vegna ekki síst hefur fólki verið einstaklega hlýtt til þessa mann-
virkis. Fölskva sló á þá hrifningu eftir stóra umhverfisslysið nú um daginn
þegar þúsundum rúmmetra af aur var hleypt í ána. Í Skessuhorni í dag og
í síðustu viku má lesa um afleiðingarnar. Ekki einvörðungu að lífríkið og
m.a. laxveiði í Andakílsá hafi orðið fyrir tjóni, heldur hefur umræðan um að
nota Skorradalsvatn sem risastórt uppistöðulón með sveiflukenndri vatns-
hæð látið á sér kræla. Hægt er að lesa um það í blaðinu í dag þegar tvær
kjarnakonur tóku til sinna ráða um helgina og byggðu undir hreiður him-
brima austast í vatninu til að koma í veg fyrir að hreiður fuglsins færi á kaf.
Verið var að hækka vatnsborð Skorradalsvatns af því það hentaði virkjun-
inni. Örugglega er það í fyrsta skipti sem varpi fugls í útrýmingarhættu er
bjargað með þessum hætti.
Samkvæmt mínum upplýsingum er virkjana- og starfsleyfi fyrir Anda-
kílsá á nokkuð þokukenndu róli og kannski einfaldlega ekki til. Byggja nú-
verandi leyfi á vatnshæð í Skorradalsvatni sem er á reiki, mælipunktur er
jafnvel annar en upphaflega var gert ráð fyrir. Nú hlýtur því að þurfa að
taka starfsleyfi og almennt rekstrargrundvöll þessarar virkjunar til endur-
skoðunar. Kannski er einungis réttlætanlegt að þarna verði í framtíðinni
lítil rennslisvirkjun, sem framleiddi mun minni orku en núverandi virkjun
gerir. Í það minnsta er nauðsynlegt að Andakílsvirkjun og rekstur hennar
komist að nýju í betri sátt við íbúa og lífríkið á svæðinu.
Magnús Magnússon
Leiðari
Hreyfivika Ungmennafélags Ís-
lands stendur nú yfir í nokkrum
sveitarfélögum. Í Grundarfirði
fór hún af stað 29. maí og stend-
ur til 4. júní. Í henni kennir ým-
issa grasa hvað hreyfingu varðar.
Það var kynning á frisbígolfi í Pa-
impol garðinum, skokk með skokk-
hópnum, klifurveggur hjá Björg-
unarsveitinni Klakki, nýliðafræðsla
í golfi svo eitthvað sé nefnt. Frítt
verður á golfvöllinn og í sund alla
vikuna og ljóst að Grundfirðing-
ar geta eflaust fundið sér einhverja
hreyfingu við hæfi.
tfk
Hreyfivika UMFÍ í gangi
Um síðustu helgi var haldin fótbolta-
hátíð VÍS og Þróttar, VÍS mót-
ið, í Laugardalnum í Reykjavík.
Þar kepptu yngstu iðkendur knatt-
spyrnunnar, drengir og stúlkur í 6.,
7. og 8. flokki við góðar aðstæður.
Fjölmenni var á mótinu og spiluðu
börnin fótbolta í ágætis veðri. Með-
al þeirra íþróttafélaga sem áttu lið á
mótinu voru Skagamenn og hér má
sjá eitt af liðum ÍA í 7. flokki karla
stilla sér upp fyrir myndatöku.
grþ
ÍA tók þátt í
VÍS mótinu
Árlegt Vesturlandsmót félags eldri
borgara í boccia fór fram í Borgar-
nesi síðastliðinn laugardag. Þetta
mun vera í ellefta skipti sem mót-
ið er haldið en a.m.k. sex sveitarfé-
lög hafa skipst á að hýsa það. Til leiks
mættu að þessu sinni 16 sveitir; fjórar
frá Akranesi, Borgarbyggð og Stykk-
ishólmi og tvær sveitir frá Snæfellsbæ
og Húnaþingi vestra. Úrslit urðu þau
að Félag eldri borgara á Akranesi bar
sigur úr býtum. Sigursveitina skipuðu
þeir Böðvar Jóhannesson, Þorvaldur
Valgarðsson og Baldur Magnússon.
Í öðru sæti varð Félag eldri borgara
í Vestur-Húnavatnssýslu en sveit-
ina skipuðu Eggert Karlsson, Bald-
vin Baldvinsson og Anna Scheving. Í
þriðja sæti varð Félag eldri borgara
í Snæfellsbæ. Þá sveit skipuðu Einar
Kristjónsson, Gunnar Gunnarsson
og Sævar Friðjónsson.
Keppt var í fjórum riðlum, fjórar
sveitir í hverjum riðli. Sigurvegarar í
riðlunum kepptu síðan í undanúrslit-
um og að lokum sigurvegarar undan-
úrslita til úrslita um sæmdarheitið
Vesturlandsmeistari í boccia 2017.
Sigurvegarar fengu að launum far-
andbikar sem Guðmundur Runólfs-
son hf. í Grundarfirði gaf árið 2012.
mm/fj/
Ljósm. Þórhallur Teitsson.
Þurfa að smíða nýja lykla og
liðka upp skrárnar í Olís
Vesturlandsmótið í boccia