Skessuhorn - 14.06.2017, Page 16

MIÐVIKUDAGUR 14. júNÍ 201716
Í haust er stefnt að því að opna
nýtt fyrirtæki á Akranesi sem mun
bera nafnið Sansa. Stofnandi þess
er Þórður Már Gylfason og segir
hann fyrirtækið muna sérhæfa sig
í því að sansa heimilismat fyrir þá
sem kaupa þjónustuna. „Þetta er
fyrirtæki í anda þjónustu sem fólk
kannast við undir merkinu Eldum
rétt. Fólk pantar heimilismat hjá
Sansa og fær þá heimsent hráefni
í hverri viku fyrir kvöldverð og
uppskriftir til að elda eftir. Þetta
er svona grunnhugmyndin en svo
er ég kominn lengra í huganum,“
segir Þórður Már sem oftast er
kallaður Doddi eða jafnvel Harry.
Aðspurður um hvaða frekari hug-
myndir hann sé að vísa til verður
Doddi þögull. „Ég vil ekki kjafta
of mikið um eitthvað sem er bara
á hugmyndastigi ennþá. Ég get þó
sagt að ég ætla að bjóða upp á að
létta undir með fólki í jólaundir-
búningnum. Þá ætla ég að bjóð-
ast til þess að hjálpa fólki að sansa
jólamatinn,“ segir Doddi. Eins
og staðan er núna horfir hann til
þess að opna fyrirtækið í septem-
ber en húsnæðismál ættu að skýr-
ast á allra næstu dögum. Doddi er
ekki þekktur fyrir að sitja auðum
höndum og hefur gert ýmislegt
á sínum rétt rúmu þrjátíu árum.
Skessuhorn ákvað að kynnast bet-
ur þessum nýjasta atvinnurekanda
á Akranesi.
Rekinn úr
framhaldsskóla
Doddi hefur verið ör alla sína tíð
og hefur bóknám ekki verið hon-
um auðvelt í gegnum tíðina. Leiði
hans á bóknámi varð til þess að
hann fór að læra kokkinn. „Ég er
náttúrlega bullandi ofvirkur og
hef alltaf verið. Ég var svo greind-
ur með athyglisbrest í lok grunn-
skólagöngu minnar. Ég var á ein-
hverju mótþróaskeiði á þessum
árum og vildi ekki taka inn lyfin.
Það var þessi pressa að fara í bók-
nám svo ég fór þá leið fyrst í Fjöl-
brautaskóla Vesturlands. Ég lærði
ekki neitt þar og var almennt bara
óþroskaður unglingur,“ viður-
kennir Doddi.
Skólavist hans í FVA lauk svo
með brottrekstri. „Bóknám hent-
aði mér ekki; ég var sæmileg-
ur námsmaður en ég hafði enga
löngun eða þolinmæði í þetta. Það
var bara eins og að hlaupa tvöfalt
maraþon fyrir mig að sitja þessa
tíma sem ég þó sat. Ég fór því að
gera mest allt annað en að einbeita
mér að náminu. Ég fór að mæta
illa og stjórnendur skólans höfðu
ekki mikla þolinmæði fyrir þess-
ari döpru mætingu minni. Þegar
ég keyrði svo á vespu í gegnum
heimavistina við skólann var þol-
inmæðin á þrotum og ég var lát-
inn taka pokann minn,“ útskýrir
Doddi og glottir við.
Fann sig í
kokkanáminu
Eftir brottreksturinn úr FVA þurfti
Doddi að finna sér eitthvað annað
að gera. „Ég heillaðist af kokka-
námi og þá aðallega vegna þess
að þar gat ég farið beint í verklegt
nám. Ég og pabbi sáum í dagblaði
að auglýst var eftir nema á Hót-
el Selfossi. Ég sótti um og hóf því
mitt kokkanám þar. Ég kynntist
þar Auðuni Valssyni sem var yfir
mér. Hann náði einhverjum tök-
um á mér og ég bar ómælda virð-
ingu fyrir honum. Það má segja
að það sé honum að þakka að ég
hef sett mikla vinnu og metnað í
að verða góður kokkur í gegnum
árin,“ segir Doddi en hann náði
ekki að klára kokkanámið. „Þeg-
ar kom að bóklega hlutanum í MK
þá hafði ég litla sem enga löngun
til að ljúka honum. Ég hætti og
hef ekki enn klárað. Ég hef þó ver-
ið að taka bóklega hlutann smátt
og smátt og vonandi klára ég hann
einn daginn,“ útskýrir Doddi.
Rak veitingastað
á Spáni
Doddi var aðeins 22 ára þeg-
ar hann hóf sinn fyrsta atvinnu-
rekstur. Hann hóf þá ásamt Ólafi
Ragnari Eyvindssyni, matreiðslu-
manni sem hann kynntist á Hót-
el Selfoss, og konu hans Örnu
Ketilsdóttur rekstur á veitinga-
stað í bænum La Marina rétt hjá
Alicante. „Við hófum rekstur árið
2008, fyrir hrun. Þetta var sam-
bland af bistro og bar; við seld-
um hamborgara og rétti í þeim
dúr og svo var fólk meira að fá sér
bjór þegar leið á kvöldið. Þetta var
mjög skemmtilegur tími og okk-
ur gekk vel. Það var mikill túrismi
á þessu svæði og þar af leiðandi
gekk reksturinn vel. Við þurftum
þó öll að vinna mikið til að hafa
gott upp úr þessu. Óli og Arna
voru með fjölskyldu svo þau tóku
vakt frá níu á morgnanna til sex á
daginn og ég tók þá við af þeim og
var til tvö-þrjú á nóttunni. Þetta
var rosalega skemmtilegur og lær-
dómsríkur tími. Ég lærði líklega
meira af þessari reynslu en öllu
því sem ég hef gert,“ segir Doddi
en nokkrum mánuðum eftir að
þau hófu rekstur fór að halla und-
an fæti. „Um haustið kom hrun og
um svipað leyti hurfu ferðamenn-
irnir af svæðinu. Það var eiginlega
spaugilegt að sjá þetta, götur sem
áður voru troðnar af fólki urðu
mannlausar. Bretinn, sem var okk-
ar helsti viðskiptavinur, hætti að
koma.“
Doddi fór um haustið aftur til
Íslands til þess að vinna en ætlaði
sér svo að snúa aftur til Spánar og
halda rekstrinum áfram. „Ástandið
lagaðist ekki og ég fór aldrei aftur
út. Við fórum ekki á hausinn held-
ur leyfðum þessu ævintýri bara
að klárast þegar við sáum í hvað
stefndi,“ segir Doddi.
Líkist Harry bretaprins
úti á Spáni fékk Doddi viðurnefn-
ið Harry sem hefur fylgt honum æ
síðan. „Ég er þekktur sem Harry
alls staðar fyrir utan Akranes, sem
er frekar fyndið. Nafnið kom á La
Marina, Bretarnir gátu ekki sagt
Þórður og nafnið Doddi báru þeir
fram sem „Totti“ einhverra hluta
vegna. Þegar ég útskýrði fyrir
þeim hvernig það myndi útleggj-
ast á íslensku tóku þeir ekki í mál
að eigandi staðarins væri þekktur
sem Mr. Blowjob. Þeim fannst ég
svo líkur Harry bretaprins að þeir
tóku upp á því að kalla mig Harry.
Síðan þá hefur þetta fests við mig
og ég heiti þetta á Facebook svo
að vinir mínir á Spáni og Möltu
geti fundið mig þar.“
Lærði ensku á Möltu
Eftir ævintýrið á Spáni starf-
aði Doddi m.a. sem vörubílstjóri.
„Ég hef mikið unnið á vörubílum
og kann mjög vel við mig í slík-
um störfum en árið 2010 var mér
boðið að dæma nokkra knatt-
spyrnuleiki erlendis. Ég hef verið
að dæma frá því ég var unglingur
og þarna sá ég möguleika að kom-
ast lengra og vildi vera tilbúinn í
allt. Ég var mjög slakur í ensku og
ákvað að laga þann þátt hjá mér.
Ég fór því í enskuskóla á Möltu,“
segir Doddi.
Hann var í rúmt hálft ár á
Möltu og var dvölin nokkuð lit-
rík. „Ég bjó á hóteli þar sem allir
í skólanum bjuggu. Ég var í sirka
20 fermetra íbúð og í þeirri íbúð
bjuggu þrír aðrir. Þetta var agalegt
ástand, menn komu þarna og fóru
og þetta voru strákar alls staðar að;
Marokkó, Rússlandi og víðar. Ég
var slakur í ensku en þessir dreng-
ir kunnu gjörsamlega ekki neitt og
sambúðin gekk því mjög illa. Þeir
gátu bara tjáð sig með að benda
á einhver landakort til að segja
hvert þeir væru að fara. Ég var
frekar ósáttur með þetta og talaði
við hótelstjórann. Honum þótti
þetta frekar leiðinlegt og vildi
endurgreiða mér leiguna en til
þess þurfti ég að taka að mér smá
starf á hótelinu. Hann bauð mér
annars vegar að vinna sem kokk-
ur á veitingastað hótelsins í fjóra
tíma á kvöldin eða elda hádegis-
mat fyrir gleðikonur sem unnu á
strippstað hótelsins. Ég ákvað að
velja hádegismatinn vegna vinnu-
tímans,“ rifjar Doddi upp. „Þetta
var rosalega skemmtilegur tími en
einnig frekar súrrealískur. Ég var
hættur að átta mig á hversu steikt-
ar aðstæður þetta voru. Ég man
vel eftir því þegar mamma hringdi
í mig í gegnum netið á aðfanga-
dag þar sem ég var að vinna. Þeg-
ar við höfðum talað í drjúga stund
þá spyr hún mig hvaða léttklæddu
konur þetta væru fyrir aftan mig.
Maður var orðinn svo vanur þessu
en þarna var maður minntur á
þessar einkennilegu aðstæður.
Þetta var samt frábær aðfangadag-
ur því ég eldaði um kvöldið fyr-
ir samnemendur mína og úr varð
yndislegt kvöld,“ segir Doddi.
Stofnar fyrirtækið
vegna sonarins
Doddi hefur stýrt ýmsum eldhús-
um frá árinu 2010 og rak meðal
annars Kaffi Emil í Grundarfirði
eitt sumar ásamt tveimur vin-
um sínum. Hann hefur að und-
anförnu unnið í gjaldskýlinu við
Hvalfjarðargöngin en áður vann
hann með fötluðum einstakling-
um í tvö ár. „Árið 2015 var ég ný-
skilinn, fyrsta barn á leiðinni og
móðir mín mjög veik. Hún lést
síðar um árið. Ég var gjörsam-
lega búinn á því og kúplaði mig úr
kokkavinnunni. Ég fór að vinna
með fötluðum börn sem gaf mér
helling en auk þess fór ég að vinna
í sjálfum mér. Ég hef verið að berj-
ast fyrir aukinni umgengi við son
minn síðan hann fæddist. Ég hef
Stofnar fyrirtæki til að geta varið
meiri tíma með syni sínum
Rætt við Þórð Má Gylfason um nýtt fyrirtæki, ævintýrin og son hans Hjört Leó
Þórður Már Gylfason ásamt syni sínum Hirti Loga en hann er ein stærsta ástæða þess að hann fer af stað með fyrirtækið
Sansa í haust.
Þórður í essinu sínu við matseld.