Skessuhorn - 19.07.2017, Page 17

MIÐVIKUDAGUR 19. júlí 2017 17
„Við erum komnir í 455 laxa en í
fyrra veiddust 650 laxar allt sumar-
ið. Þetta gengur flott og fiskurinn
er búinn að dreifa sér um alla ána,“
sagði jón Þór júlíusson við Grímsá
í Borgarfirði í samtali við Skessu-
horn. Þar gengur veiðin vel líkt og
í Haffjarðará, langá og ekki síst í
Þverá sem rauf þúsund laxa múr-
inn í síðustu viku. Þá hefur verið
þokkalegur gangur í Norðurá.
„Veiðin gengur vel hjá okkur í
langá,“ sagði Karl lúðvíksson um
stöðuna á bökkum langár á Mýr-
um.
Flókadalsá var að komast yfir 200
laxana og veiðimenn sem voru að
hætta í henni sögðu þetta vera allt í
lagi. Þeir fengu nokkra væna fiska.
Vestur í Dölum gengur veiði-
skapurinn frekar rólega. Hauka-
dalsá er komin í 133 laxa og mætti
vera betri veiði. laxá í Dölum var að
komast yfir 100 laxana. ,,Fiskurinn
er tregur að taka,“ sagði jón Þor-
steinn jónsson sem var við veiðar í
henni nýlega, en fékk nokkra laxa.
Straumfjarðará er komin yfir
100 laxa og veiðin þar hefur verið
þokkaleg.
Kíkt var í Álftá í vikunni og í
Hrafnshyl lágu tveir laxar en eng-
inn var að reyna að veiða þá. Sviss-
lendingurinn Doppler er með ána á
leigu og veiðir þar af og til og beitir
þá maðki.
Veiðimenn sem nýverið voru við
veiðar í Reykjadalsá í Borgarfriði
fengu sjö laxa, en heildarveiðin í
ánni er um 20 fiskar það sem af er
sumri. Við heyrðum aðeins í þeim
þegar þeir voru að hætta veiðun-
um. „Við fengum sjö laxa og misst-
um þrjá. Þetta var allt í lagi, smá líf
að færast í ána,“ sagði Grétar Sig-
urbjörnsson. „Við fengum laxana á
nokkrum stöðum eins og Mjóane-
sáli og Sturlu-Reykjastreng með-
al annars. Það er vonandi að koma
fleiri laxar í ána,“ bætti hann við, en
þess ber að geta að Reykjadalsá er
ætíð best síðla sumars.
Staðan er því sú að víða mætti vera
meira af smálaxi, allavega í sumum
ánum. Á næsta stóra straumi er
mikilvægt að góðar göngur þeirra
skili sér.
gb
Fréttir úr nokkrum
laxveiðiám á Vesturlandi
Jóhann Freyr með góðan lax úr Grimsá í Borgarfirði. Ljósm. Jón Þór Júlíusson.
í sumar hafa miklar framkvæmdir
staðið yfir í Snæfellsbæ. Kristinn
jónasson bæjarstjóri segir í samtali
við Skessuhorn að meðal stærstu
verkefnanna sé að landsnet legg-
ur nú háspennustreng í jörðu
milli Grundarfjarðar og Ólafsvík-
ur en auk þess er unnið að lagn-
ingu ljósleiðara í Fróðarhreppi
hinum forna. „Einnig er verið að
leggja ljósleiðara á sunnanverðu
Snæfellsnesi og Rarik er að leggja
jarðstreng frá Gröf að Hellnum
og ljósleiðara á þeim kafla. Þann-
ig að það verður lagður ljósleið-
ari frá Stekkjarvöllum að Malar-
rifi.“ Kristinn segir að í næstu viku
hefjist malbiksframkvæmdir þegar
bílastæði og nokkrar götur verða
malbikaðar í Ólafsvík. Þá verður í
samstarfi við Vegagerðina malbik-
aður göngustígurinn milli Ólafs-
víkur og Rifs. Snæfellsbær mun
síðan annast malbiksframkvæmd-
ir á göngustígnum á milli Rifs og
Hellissands.
Kristinn segir að unnið sé að
stækkun á tjaldstæðinu á Hellissandi
og einnig eru miklar framkvæmdir
í höfninni í Rifi. „Þá eru einkaaðil-
ar sem standa einnig í ýmsum stór-
ræðum. í haust er svo fyrirhugað
að leggja gervigras á Ólafsvíkurvöll
og mun sú framkvæmd kosta um
eða yfir 150 miljónir króna,“ segir
Kristinn. af
Miklar framkvæmdir í
gangi í Snæfellsbæ
Innan tíðar verður malbikað í kringum kirkjuna í Ólafsvík.
Brátt verður malbikað í kringum sundlaugina.
Réttardagar í Borgarbyggð hafa nú
verið ákveðnir og birtir á heima-
síðu sveitarfélagsins. Sem kunnugt
er var á vormánuðum ákveðið að
flýta réttum víða í sveitarfélaginu
um eina viku, eins og reyndar víðar
á landinu. Þar með er rofin áratuga
og sums staðar aldagömul hefð um
réttardaga í sveitarfélaginu. Er þetta
gert til að koma til móts við beiðni
sláturleyfishafa um að fá fé fyrr til
slátrunar í haust.
Réttardagar í Borgarbyggð á
hausti komanda fara hér á eftir.
Dag- og tímasetningar eru fengnar
af vef sveitarfélagsins. kgk
Réttardagar í
Borgarbyggð
Safnið rennur til Þverárréttar í Þverárrétt. Ljósm. mm.
Föstudaginn 7. júlí síðastliðinn
voru afhjúpuð átta fræðsluskilti um
húsin á Hvanneyrartorfunni. Eru
þau ætluð til fróðleiks og yndisauka
fólks á göngu um gömlu bæjartorf-
una. Texti skiltanna er á tveimur
tungumálum; íslensku og ensku.
Verkið unnu Bjarni Guðmunds-
son og Sólrún Halla Bjarnadótt-
ir fyrir Ungmennafélagið íslend-
ing og landbúnaðarsafn íslands.
Nutu þau aðstoðar jóhannesar Ell-
ertssonar, Þórunnar Eddu Bjarna-
dóttur, ísgeirs Arons Haukssonar,
Kristjáns Inga Péturssonar og Ke-
vins Martins.
Verkefnið nauts styrks úr
Fræðslu- og verkefnasjóði Ung-
mennafélags íslands. Hægt verður
að skoða fræðsluskiltin á Hvann-
eyri út ágústmánuð.
kgk
Fræðsluskilti
afhjúpuð á Hvanneyri
Fróðleikur um gömlu húsin á Hvann-
eyrartorfunni er bæði á íslensku og
ensku. Ljósm. fengin af Facebook-
síðunni Hvanneyri.
Sigurður Guðmundsson, formaður Umf. Íslendings, Ragnhildur Helga Jónsdóttir
safnstjóri Landbúnaðarsafns, Bjarni Guðmundsson og Sólrún Halla Bjarnadóttir
fyrir framan eitt skiltanna. Ljósm. fengin af Facebook-síðunni Hvanneyri.

Fyrri réttir Seinni réttir !ri"ju réttir
Oddssta"arétt 6. september kl. 9:00 1. október
Rau"sgilsrétt 17. september kl. 10:00 1. október
Fljótstungurétt 9. og 10. september 23. september
Nesmelsrétt 2. september
!verárrétt 11. september kl. 7:00 25. september 2. október
Brekkurétt 10. september kl. 10:00 24. september
Svignaskar"srétt 11. september kl. 10:00 25. september 2. október
Grímssta"arétt 12. september kl. 10:00 25. september 2. október
Hítardalsrétt 11. september kl. 9:00 24. september 2. október
Kaldárbakkarétt 3. september kl. 11:00
M#rdalsrétt 12. september kl. 16:00 8. október