Skessuhorn - 19.07.2017, Blaðsíða 22
MIÐVIKUDAGUR 19. júlí 201722
Síðastliðinn miðvikudag þeg-
ar landssamband veiðifélaga birti
sína vikulegu samantekt á ang-
ling.is voru Þverá og Kjarará ein-
mitt að rjúfa þúsund laxa múrinn.
Veiðin 13. júlí var nánast á pari við
fyrri hluta sumarsins í fyrra þegar
smálaxinn reyndar vantaði. Einn-
ig er veiðin nú svipuð og hún var
hið góða veiðisumar 2005. í fyrra
var góð veiði fyrri hluta sumars en
dalaði þegar leið á sumarið og end-
aði í 1902 löxum. „Nú er hins vegar
miklu betra ástand í ánni,“ að sögn
veiðivarða sem Skessuhorn ræddi
við í síðustu viku. „Það er nýgeng-
inn lax í öllum hyljum Þverár og
Kjararár, bæði smálax og tveggja ára
laxinn, og vatnið gott,“ sagði Andr-
és Eyjólfsson veiðivörður í samtali
við Skessuhorn. í svipaðan streng
tóku bændurnir Egill Kristins-
son og Þorsteinn Eggertsson sem
starfa við leiðsögn og veiðivörslu
við ána. Þorsteinn segir að veið-
inni nú í sumar svipi mjög til árs-
ins 2005 sem var metár í Þverá og
Kjarará. Þegar Skessuhorn heyrði
hljóðið í Andrési var hann við leið-
sögn í Þverá og nýlega búinn að að-
stoða mæðgin sem þá höfðu landað
sitthvorum maríulaxi sínum. „Það
er fiskur út um alla á og aðstæður
bara eins og þær gerast bestar,“ seg-
ir Andrés.
Þverá var í síðustu viku á toppi
íslensku ánna með 1001 laxa sam-
kvæmt samantekt landssambands
veiðifélaga. í öðru sæti var Norðurá
með 794 laxa og Miðfjarðará í þriðja
með 749. Samkvæmt upplýsingum
Skessuhorns er gangurinn mjög
misjafn í ánum hér á landi eftir því
hvar borið er niður. í Vesturlands-
ánum hefur t.d. gengið ágætlega í
Haffjarðará og Grímsá auk nátt-
úrlega Þverár þar sem veiðin gæti
hæglega stefnt í met. Vatnasvæði
ánna eru mismunandi og líklega
hafa rigningar á Holtavörðuheiði
og Arnarvatnsheiði að undanförnu
haft sitt að segja til að vega upp lít-
inn snjó í fjöllum á vatnasvæðinu,
en bæði Miðfjarðará og Þverá eiga
upptök sín á Arnarvatnsheiði.
mm
Þverá rauf þúsund laxa
múrinn í síðustu viku
Veiðimaður landar fiski úr Kjarará. Ljósm. Egill Kristinsson.
Pennagrein
Sumarlesari vikunnar
Sumarlesturinn heldur áfram á
Bókasafni Akraness. Þessa vikuna
tölum við við Karinu Mazurovic.
Hvað heitir þú og hvað ertu
gömul?
Ég heiti Karina Mazurovic og er 7
ára gömul.
Í hvaða skóla ertu?
Ég er í Grundaskóla.
Hvaða bók ertu/varstu að lesa?
Ég var að lesa „Max fer í feluleik“
sem er eftir belgíska listamanninn
Guido van Genechten.
Hvernig var/er hún?
Mér fannst hún skemmtileg, hún
fjallaði um hund sem gengur um
skóg og heyrir skrítin hljóð, síðan
finnur hann vini sína sem segja að
þau séu í feluleik og hann á að leita
að þeim.
Hvernig bækur finnst þér
skemmtilegastar?
Mér finnst allar bækur skemmti-
legar.
Áttu þér uppáhalds bók eða
uppáhalds rithöfund?
Uppáhalds bókin mín heitir
„Gražiausios pasaulio pasakos“
sem er prinsessu bók á lettnesku,
hún fjallar um prinsessu ævintýri.
Af hverju tekur þú þátt í sum-
arlestrinum?
Ég tek þátt vegna þess að mér
finnst gaman að lesa.
Kemurðu oft á bókasafnið og
hvað gerir þú á bókasafninu?
Ég kem yfirleitt tvisvar í viku, til
þess að skila og taka mér nýjar
bækur.
Eftir lestur viðtals við jósep Blön-
dal yfirlækni á HVE í Stykkishólmi
sem birtist í Skessuhorni í síðustu
viku eru nokkur atriði sem undirrit-
uð telur ástæðu til að gera athuga-
semdir við og upplýsa betur um.
Það er öllum ríkisstarfsmönnum
ljóst að þegar 70 ára aldri er náð
ber þeim að láta af störfum og þó
að einhverjir hafi aðrar hugmynd-
ir um starfslok og vilji vinna áfram
þá er mikilvægt að gæta jafnræðis
þannig að það sama gangi yfir alla.
Það er óþarfi að gera stjórnend-
ur HVE tortryggilega og láta líta
þannig út að í þessu ákveðna tilviki
vilji stjórnin starfsmanninn „burtu
sem allra, allra fyrst“.
Þegar starfsmaður lætur af störf-
um við 70 ára aldur og hefur töku
lífeyris er heimilt að ráða viðkom-
andi tímabundið í tímavinnu. Slíkt
er aðeins gert í undantekningar-
tilvikum og þá til skamms tíma.
Breyting á starfsskyldum við þessi
tímamót er eðlileg og í sumum
tilvikum óhjákvæmileg t.d. geta
starfsmenn ekki verið í stjórnun-
arstörfum eftir sjötugt. í ljósi þess
að enn hefur ekki tekist að fá nýjan
lækni til að taka við þá stendur frá-
farandi yfirlækni til boða tímavinna
út árið 2017.
Mér finnst vegið að stjórnendum
HVE í þessari grein og dapurlegt að
sjá í lok hennar að gefið er í skyn að
stjórnendum sé ekki treystandi fyrir
framtíð HVE í Stykkishólmi. Þá er
einnig gefið í skyn að stjórnendum
sé ekki treystandi til að ráða lækni í
stað þess sem nú er kominn á lífeyri,
en í greininni segir orðrétt: „og það
kemur ekki til greina að láta HVE
ráða bara einhverja til að taka við
rekstrinum! Þess vegna er ég bú-
inn að auglýsa stöðu læknis meðal
annars erlendis“. í þessu sambandi
er rétt að taka fram að það er rúmt
ár síðan byrjað var að auglýsa eftir
lækni til að taka við starfi yfirlæknis
á háls- og bakdeildinni. Fyrsta aug-
lýsingin var birt í júníbyrjun 2016
og var auglýst samfleytt í þrjá mán-
uði. Því miður barst engin umsókn
og auglýsa þurfti því aftur í októ-
ber. Umsóknarfrestur rann út 31.
desember 2016 án þess að umsókn
bærist. í janúar 2017 var vonast til
að úr rættist eftir að fráfarandi yf-
irlæknir sendi kynningarbréf um
starfsemi háls- og bakdeildarinnar
á valinn hóp lækna sem starfa á ís-
landi og erlendis en þegar ljóst var
í lok febrúar að enginn þeirra væri
líklegur til að ráða sig varð að sam-
komulagi að fráfarandi yfirlækn-
ir myndi auglýsa eftir lækni er-
lendis en því miður birtist sú aug-
lýsing ekki fyrr en í lok maí. Það
eru vissulega vonbrigði að enginn
læknir skuli enn sem komið er hafa
lýst áhuga á að taka við keflinu af
fráfarandi yfirlækni en stjórn HVE
vonar sannarlega að það muni tak-
ast á næstu vikum eða mánuðum.
Ég hafna því að stjórnendur
HVE hafi sl. sjö ár fyrst og fremst
hugsað um „spítalann á Akranesi en
að hinar starfsstöðvarnar hafi mætt
afgangi, þar á meðal sjúkrahúsið í
Stykkishólmi, og jafnvel verið reynt
að draga sem mest úr starfseminni
þar“. Hvergi í stofnunni allri hef-
ur niðurskurður verið meiri en ein-
mitt á Akranesi þar sem sjúkrasvið
stofnunarinnar er umfangsmest. Ef
einhver kann að hafa gleymt því að
það varð hrun á íslandi rétt fyrir
stofnun HVE þá er rétt að minna á
það hér. Stofnunin þurfti að glíma
við mikinn niðurskurð og fækkun
starfsmanna á fyrstu árunum eftir
sameiningu og er enn að glíma við
fjárskort eins og aðrar heilbrigðis-
stofnanir. Áhersla stjórnvalda und-
anfarin ár hefur verið að efla þjón-
ustu í heilsugæslu en á móti hafa
fjárheimildir til sjúkrasviða heil-
brigðisstofnana verið skertar. Þann-
ig hefur skerðing til sjúkrasviðs
HVE numið um 25% frá hruni og
stöðugt þarf að leita leiða til hag-
ræðingar í rekstri.
Háls- og bakdeildin er ekki eina
deildin á HVE þar sem óánægju
gætir með að ekki hefur fengist auk-
ið fjármagn í reksturinn til að bæta
við mannafla svo unnt sé að efla
starfsemina. Þrátt fyrir að ekki hafi
verið hægt að efla háls- og bakdeild-
ina síðustu árin þá liggja fyrir áætl-
anir að næsta áfanga framkvæmda
HVE í Stykkishólmi sem felast í því
að stórbæta alla endurhæfingarað-
stöðu, fyrir inniliggjandi sjúklinga,
göngudeildarsjúklinga og sjúkra-
þjálfara með því að koma aðstöð-
unni fyrir á einni hæð í stað tveggja
eins og er í dag. Miklu skiptir að
vinnuaðstaðan fyrir sjúkraþjálfara
sé góð því eins og réttilega kemur
fram í greininni þá eru sjúkraþjálf-
ararnir hryggjarstykkið í starfsemi
háls- og bakdeildar. Teikningar
liggja fyrir og farið verður af stað í
þessar breytingar um leið og fjár-
magn er tryggt. Breytingarnar eru
mikilvægur áfangi sem beðið er
eftir og enginn þarf að efast um
að þjónustan verði tryggð og því
til stuðnings vitna ég í starfsáætlun
HVE sem gefin var út fyrir u.þ.b.
ári síðan en þar segir: „í Stykkis-
hólmi eru endurhæfingarrými og
þar verði áfram rekin öflug sér-
hæfð endurhæfingardeild sem
veitir meðferð við háls- og bak-
verkjum og stendur öllum lands-
mönnum til boða“.
Stjórn HVE bíður enn niður-
stöðu samráðshóps á vegum Emb-
ættis landlæknis sem skipaður var
fyrir tæpum fimm árum, í fram-
haldi af 20 ára afmæli háls- og
bakdeildarinnar árið 2012 þar sem
fráfarandi yfirlæknir var skipaður
formaður. Samráðshópunum sem
átti að skila niðurstöðum árið 2013
var falið það mikilvæga verkefni að
gera tillögur um samhæfingu og
ráðgjöf þeirra fagaðila sem taka
þátt í greiningu og meðferð lang-
vinnra verkja í hálsi og baki á ís-
landi. Ég bind vonir við að nið-
urstöður samráðshópsins líti ljós
fyrir 25 ára afmæli deildarinnar í
nóvember 2017 og geti, auk ann-
ars, styrkt enn frekar þá öflugu og
góðu starfsemi sem er á háls- og
bakdeild HVE.
Jóhanna F. Jóhannesdóttir,
forstjóri HVE
„Í Stykkishólmi eru endurhæfingarrými og þar verði áfram rekin öflug sérhæfð endurhæfingardeild sem veitir meðferð við
háls- og bakverkjum og stendur öllum landsmönnum til boða“. Ljósm. sá.
Varðandi grein í síðasta tölublaði Skessuhorns