Skessuhorn - 20.09.2017, Blaðsíða 21

MIÐVIKUDAGUR 20. SEPTEMBER 2017 21
Á hverju hausti heldur Kennara-
félag Vesturland haustþing sitt.
Þingið er vettvangur fyrir kennara
í landshlutanum að hittast, miðla
þekkingu sinni, kynnast hverjum
öðrum og mynda tengsl. Haust-
þingið í ár var afar vel sótt, en um
230 kennarar og skólastjórnendur
af öllu Vesturlandi sóttu þingið sem
haldið var í Grundaskóla á Akranesi
síðastliðinn föstudag.
Fluttir voru tveir fyrirlestrar á
þinginu, fyrir og eftir hádegi. Á
þeim fyrri voru jákvæð samskipti í
starfi með börnum til umfjöllunar
en á þeim síðari var fjallað um leiðir
til að þrífast í krefjandi starfi.
Fjöldi örnámskeiða var hald-
inn á þinginu þar sem kennarar á
Vesturlandi deildu hugmyndum
sínum, reynslu og þekkingu. Auk
þess stóðu nokkrir gestir þings-
ins fyrir örnámskeiðum, til dæmis
í hinsegin fræðslu, mannréttinda-
fræðslu, hvernig nýta má borðspil
við kennslu og um tónlist og hreyf-
ingu. Einnig voru haldnar mál-
stofur þar sem kennarar sem kenna
sömu fög á sama stigi ræddu saman
og miðluðu þekkingu sinni.
Dagskráin spannaði allan föstu-
daginn og að kvöldi hittust kennar-
ar og skólastjórnendur yfir hátíðar-
kvöldverði og efldu tengslanet sitt
enn frekar. Var kvöldverðurinn afar
vel sóttur, rétt eins og haustþingið
sjálft.
kgk
Fjölmennt haustþing
Kennarafélags Vesturlands
Þingið var afar vel sótt, en um 230
kennarar og skólastjórnendur tóku
þátt.
Einbeittir kennarar á örnámskeiði um borðspil í kennslu. Söngur og dans réði ríkjum á örnámskeiði um tónlist og hreyfingu.
„Viltu koma í einn róður,“ spurði Emil Freyr Emilsson, skip-
stjóri á línubátnum Guðbjarti SH frá Rifi, fréttaritara Skessu-
horn á sunnudagskvöldið síðasta. „Já, ekkert mál,“ var svarið,
„en ég fæ þá að hafa myndvélina með.“ Emil samþykkti það
með ánægju og bætti við: „Ég var nú að koma úr klippingu svo
ég myndast vonandi vel.“
Mætt var í beitningarskúrinn klukkan hálf þrjú um nóttina og
teknir þar 48 balar af beittri línu og settir um borð í Guðbjart.
Þá var ekkert að vanbúnaði og haldið til hafs. „Við förum suður
fyrir,“ sagði hinn nýklippti skipstjóri. Það er um tveggja tíma
stím á miðin. Menn skelltu sér því í koju en fyrr en varði var
komið á miðin vestur af Malarrifi. Með undirrituðum og Emil
er Andrzej Kowalczyk. Við gerðum okkur klára til að leggja lín-
una og hófum verkið áður en fyrstu geislar sólar fóru að skína.
„Við fengum gott skot af fallegri löngu hér í síðustu viku, svo
það er um að gera að reyna aftur við hana,“ sagði Emil Freyr.
Lögnin tók rúmlega tvo og hálfan tíma. Emil skellti sér í koju
og fréttaritari og Andrzej gerðu sig klára til þess að hefja drátt-
inn. Línan var svo dregin inn og kom í ljós að ágætis afli var og
talsvert af löngu en í bland við fallegan þorsk og ýsu. Andrzej
dró fyrstu 18 balana og svo kom Emil og leysti hann af. Greið-
lega gekk að draga línuna og var dagsaflinn um fimm tonn og
voru menn sáttir með það. Eftir það tók við heimsigling til Rifs
eftir prýðilegan túr. Dálítil undiralda, en hraustir menn láta
slíkt ekki á sig fá. af
Í línuróðri á Guðbjarti SH
vestan við Malarrif
Emil goggar inn fallega ýsu.
Andrzej gerir sig kláran til þess að leggja línuna.
Nóg að gera við að gogga inn fiskinn.
Andrzej að ganga frá bölunum.
Emil Freyr kannar stöðuna hjá þeim línubátum sem eru á sjó.
Langa og þorskur.
Andrzej blóðgar löngu.
Emil brosandi við rúlluna enda ágætis aflabrögð.