Skessuhorn - 31.01.2018, Side 19

MIÐVIKUDAGUR 31. jANúAR 2018 19
Leikdeild Umf. Skallagríms ætlar
að frumsýna leikritið 39½ vika eft-
ir Hrefnu Friðriksdóttur, föstudag-
inn 16. febrúar í Lyngbrekku. „Um
er að ræða farsakenndan gamanleik
sem fjallar um barneignir og sauð-
fjárrækt. Eitthvað sem passar einkar
vel við leikhópinn,“ segir Þorbjörg
Dagný Kristbjörnsdóttir, upplýs-
ingafulltrúa leikdeildarinnar í sam-
tali við Skessuhorn. „Leikritið ger-
ist á biðstofu og skrifstofu kvenna-
deildar á sjúkrahúsi þar sem frænka
sveitadrengsins Vals vinnur. Valur
fær að nota skrifstofu frænku sinn-
ar til að skrifa lokaritgerð sína um
skagfirsku sauðkindina. Vera Vals á
kvennadeildinni leiðir til allskon-
ar misskilnings sem vel er hægt að
hlæja að,“ segir Þorbjörg.
Að sögn Þorbjargar ganga æf-
ingar vel og stefnir allt í mjög góða
leiksýningu. „Vegna skóla er ég
staðsett á Akureyri og get ekki ver-
ið viðstödd á æfingum en ég fæ að
fylgjast með í gegnum Snapchat, en
hópurinn stofnaði aðganginn „leik-
deildskalla“. Þar geta allir fylgst
með mjög líflegum æfingum og
öðrum undirbúningi,“ segir Þor-
björg. Fyrirhugaðar eru tíu sýning-
ar og sú síðasta verður laugardag-
inn 10. mars. „Ef aðsókn verður
mjög góð getur verið að við fjölg-
um sýningum, en það ætti auðvi-
tað engin að láta þetta framhjá sér
fara,“ segir Þorbjörg.
Miðasala hefst fimmtudaginn 1.
febrúar og verður hægt að panta
miða í síma 846-2293 eða á net-
fangið leikdeildskalla@gmail.com.
Miðaverð er 3.000 krónur og tek-
ið er við kortum. Hægt verður að
versla í sjoppu á leiksýningunni.
arg
Leikdeild Skallagríms frumsýnir í febrúar
Svipmynd frá æfingu á leikritinu 39½ vika sem leikdeild Skallagríms ætlar að frumsýna í febrúar. Ljósm. Ágúst Þorkelsson.
Þær Halla Margrét jónsdóttir og
Hanna Louisa Guðnadóttir, nem-
endur í Fjölbrautaskóla Vestur-
lands á Akranesi, stofnuðu á dög-
unum femínistafélag við skólann.
Blaðamaður hitti þær stöllur á
heimili Höllu á Akranesi og ræddi
við þær um félagið. „Við gáfum fé-
laginu nafnið Bríet eftir kvenskör-
ungnum Bríeti Bjarnhéðinsdóttur.
Okkur þótti þetta nafn einfaldlega
mjög viðeigandi. Bríet átti stór-
an þátt í kvenréttindabaráttu hér
á landi á síðustu öld,“ segir Halla.
„Hún var ein af stofnendum Kven-
réttindafélags Íslands og hún var
fyrst kvenna til að bjóða sig fram í
alþingiskosningum. Ég held að það
sé óhætt að segja að hún sé fyrir-
mynd okkar beggja og það var því
ekki vafamál um að femínistafélag-
ið fengi þetta nafn,“ bætir Hanna
við.
Hallar á konur
innan skólans
Femínistafélagið byrjaði sem
munnlegt enskuverkefni sem þær
Halla og Hanna unnu í samein-
ingu en eftir hvatningu frá kenn-
ara ákváðu þær að fara með það
alla leið. „Þegar okkur datt í hug
að vinna þetta verkefni í ensku var
aldrei ætlunin að taka það neitt
lengra. Eftir að við höfðum flutt
verkefnið í tíma og sáum viðbrögð
kennarans, sem gaf okkur 10 í ein-
kunn og spurði hvort við ætluðum
ekki að taka þetta alla leið, ákváð-
um við að ræða þetta af alvöru,“
segja þær. „Okkur hefur báðum
þótt halla á annað kynið hér innan
skólans, bæði hvað varðar almenna
fræðslu um femínisma og einnig
hvað varðar námið sjálft. Náms-
efnið er mest skrifað af körlum um
karla og konur koma lítið við sögu
í skólabókum eða öðru námsefni.
Það er einn áfangi kenndur í kynja-
fræði en hann er ekki skylduáfangi
svo það taka hann alls ekki allir og
kannski síst þeir sem þyrftu meiri
fræðslu,“ segir Hanna. „Í sögu er
nánast eingöngu kennt um karla en
samt voru til ótrúlega flottar konur
hér áður fyrr sem vert væri að segja
frá líka. Það er ekki fyrr en í 200
áfanga í sögu sem Bríet Bjarnhéð-
insdóttir er nefnd en það þurfa ekki
nærri allir að taka þann áfanga. Því
eru margir nemendur hér sem hafa
enga hugmynd um hver Bríet og
aðrar stórmerkilegar konur voru,“
segir Halla.
Vilja fræða nemendur
um femínisma
„Ég færði mig á tímabili yfir í
Menntaskólann við Hamrahlíð þar
sem er mjög öflugt femínistafélag og
þegar ég kom aftur hingað á Akra-
nes fékk ég smá sjokk,“ segir Hanna.
„Í MH var mikil umræða um jafn-
rétti kynjanna og margir tóku virk-
an þátt í þeim byltingum sem hafa
verið í gangi undanfarin ár í sam-
félaginu, eins og „Free the nipple“
og „metoo“ byltingarnar. Mikil um-
ræða var um kynbundið ofbeldi í
femínistaviku sem MH heldur og
stelpur í skólanum þurftu ekki að
upplifa skömm ef þær höfðu ver-
ið beittar ofbeldi heldur gátu talað
opinskátt um það. Í matsal skólans
var alltaf opinn hljóðnemi þar sem
allir gátu deilt sinni reynslu ef þeir
vildu. Stelpur notuðu hann gjarn-
an til að skila skömminni, segja frá
sinni reynslu af kynferðislegu of-
beldi eða áreitni og þar með losa sig
við þá byrði sem fylgir gjarnan of-
beldi. Maður upplifði aldrei ann-
að en stuðning við þær stelpur sem
opnuðu sig um þetta,“ segir Hanna.
„Hér á Akranesi vantar alveg að
opna umræðuna. Því miður er það
okkar tilfinning að hér séu margir
sem skilja ekki femínisma og halda
að femínismi snúist um að konur
fái meira en karlar. Þessu viljum við
breyta. Við viljum fræða fólk, opna
umræðuna og styrkja stelpur og
stráka og bæta samskipti kynjanna,“
bætir Halla við.
Halla segist sjálf alltaf hafa verið
femínisti og að með aldrinum hafi
hún bara eflst í femínískri hugsjón.
„Þegar ég var yngri var ég vör við
að stelpur virtust alltaf fá minna
vægi en strákar. Eftir því sem ég
varð eldri fór ég að sjá þetta enn
betur. Mér fannst karlar alltaf mun
sjáanlegri í samfélaginu og umræð-
an alltaf snúast meira um þá. Mér
finnst það til dæmis mjög augljóst
þegar við horfum til þess að það er
árið 2018 og konur eru samt aðeins
38% þingmanna. Ég held að það sé
því óhætt að segja að ég hafi alltaf
verið femínisti, þó ég hafi ekki alltaf
vitað að það væri hugtak yfir það,“
segir Halla. „Hjá mér var þetta ekki
svona,“ segir Hanna. ,,Ég hugs-
aði lítið út í þessa hluti þegar ég
var yngri. Ég gerði mér í raun enga
grein fyrir því hversu mikið hallar á
konur í samfélaginu, ég var held ég
orðin svo vön þessu. Þegar ég fór
svo í MH opnuðust augun mín. Ég
mætti á kynningarfund hjá femín-
istafélagi skólans og það má segja að
ég hafi orðið ný manneskja þegar ég
gekk út af fundinum,“ bætir Hanna
við.
Femínistar vilja jafnrétti
fyrir bæði kynin
Þær Halla og Hanna taka það báð-
ar fram hversu mikilvægt þeim þyki
að fræða fólk um hvað femínismi sé
og að femínistar berjist fyrir jafnrétti
beggja kynja. „Það hallar vissulega
oft á karla líka og það ójafnrétti sem
við búum við setur pressu á karla
sem reynist þeim mörgum erfið,“
segir Hanna. „Það er svo ríkjandi í
samfélaginu okkar að karlar eigi að
vera svo harðir af sér og ekki sýna
tilfinningar. Þetta getur ekki ver-
ið gott fyrir marga þeirra og okk-
ur langar líka að opna umræðuna
um þetta og fræða fólk um hvernig
þessar hugmyndir um karlmennsku
geti verið skaðlegar. Það hafa verið
í gangi átök hvað þetta varðar, eins
og átakið „Allir gráta“ sem einmitt
snýst meðal annars um að karlmenn
geti líka haft tilfinningar og grátið,“
bætir Halla við.
„Það er okkar tilfinning að marg-
ir haldi að femínismi snúist um að
hata karla en það er alls ekki rétt.
Það einfaldlega þarf meiri fræðslu
og það er okkar markmið með fé-
laginu,“ segja þær og bæta því við
að þær hafi í huga að fá reglulega
fyrirlesara til að koma og vera með
fræðslu í skólanum fyrir nemend-
ur. „Við viljum hvetja alla nemend-
ur til að koma í félagið og vonum
að samfélagið allt breytist til hins
betra. Við þurfum öll að leggjast á
árar til að bæta samfélagið okkar og
þetta er okkar framlag,“ segja þær
að lokum. arg
Stofnuðu Femínistafélagið Bríeti í FVA:
„Við þurfum öll að leggjast á árar
til að bæta samfélagið okkar“
Halla Margrét Jónsdóttir og Hanna Louisa Guðnadóttir stofnuðu femínistafélag við Fjölbrautaskóla Vesturlands.