Skessuhorn - 05.09.2018, Blaðsíða 7

MIÐVIKUDAGUR 5. SEpTEMbER 2018 7
Akraneskaupstaður og Íþróttabandalags Akranes í samstarfi við Ferðafélag Íslands endurtaka leikinn frá síðasta ári og bjóða upp
á lýðheilsugöngur alla miðvikudaga í september. Frábærir sjálfboðaliðar leiða göngurnar og verður frítt í sund að loknum göng-
um fyrir göngugarpa. Göngurnar hefjast alltaf kl. 18:00 og er tilgangur þeirra að hvetja fólk til útivistar og hreyfingar í góðum
félagsskap og efla þar með heilsu sína og lífsgæði.
Á Akranesi verður dagskráin á þessa leið:
Miðvikudaginn 5. september
Lagt af stað frá bílastæðinu við Akrafjall kl. 18:00 og gengið áleiðis að flugvélaflakinu í fjallinu. Ganga sem tekur um 90 mín. Fararstjórar eru
Eydís Líndal Finnbogadóttir og Anna Bjarnadóttir.
Miðvikudaginn 12. september
Þróun byggðar. Lagt af stað frá Akratorgi kl. 18:00 og gengið um gamla bæinn. Skoðað verður hver þróun byggðarinnar hefur verið með
hliðsjón af fyrsta staðfesta skipulagsupprættinum fyrir Akranes, sem staðfestur var árið 1927. Fararstjóri er Sindri Birgisson umhverfisstjóri.
Miðvikudaginn 19. september
Fjöruganga að Innsta-Vogsnesi. Gengið er fram og til baka, u.þ.b. 90 mínútna ganga. Lagt af stað kl. 18:00 frá Tjaldsvæðinu í Kalmansvík.
Fararstjórar eru Hjördís Hjartardóttir og Hallbera Jóhannesdóttir.
Miðvikudaginn 26. september
Skógarganga í Slögu, skógræktarsvæði Skógræktarfélags Akraness. Lagt af stað frá Slögu í Akrafjalli kl. 18:00. Gangan um Slöguna tekur ca.
60 mínútur, eigum von á haustlitum og fræðumst um sögu skógræktar í Slögunni og möguleika hennar sem útivistarsvæðis. Fararstjóri er
Katrín Leifsdóttir.
Muna að klæða okkur eftir veðri
Fjölmennum og höfum gaman!
Lýðheilsugöngur á Akranesi í
september – komdu út að ganga!
SK
ES
SU
H
O
R
N
2
01
8
Almannavarnanefnd Vesturlands
kom saman síðastliðinn föstudag
í borgarnesi. Fundurinn var fyrsti
fundur sameinaðrar almanna-
varnanefndar, en áður voru al-
mannavarnanefndir í landshlutan-
um þrjár. Nefndina skipa oddvit-
ar, sveitar- og bæjarstjórar sveit-
arfélaganna á Vesturlandi auk lög-
reglustjóra Vesturlands, yfirlög-
regluþjóns og slökkviliðsstjóra.
Á fundinum var Úlfar Lúðvíks-
son, lögreglustjóri á Vesturlandi,
kosinn formaður nefndarinnar og
Gunnlaugur A. Júlíusson, sveitar-
stjóri borgarbyggðar, varaformað-
ur. Á fundinum var rætt um skipu-
lag nefndarinnar og voru fundar-
menn sammála um að heppilegt
væri að nefndin hefði starfsmann.
Úlfar Lúðvíksson, lögreglustjóri
og formaður nefndarinnar, segir að
verkefni á vegum almannavarna-
nefndar séu næg. „Til að mynda
þarf að uppfæra áhættuskoðan-
ir hjá sveitarfélögunum, það var
síðast gert árið 2011,“ sagði Úlf-
ar í samtali við Skessuhorn. Einn-
ig þurfi að uppfæra viðbragðsáætl-
anir í samstarfi við almannavarna-
deild Ríkislögreglustjóra.
klj
Ný almannavarnanefnd
fundaði í fyrsta sinn
Úlfar Lúðvíksson lögreglustjóri er formaður Almannavarnanefndar Vesturlands.
Starfshópur sem Svandís Svav-
arsdóttir heilbrigðisráðherra fól
að skoða möguleika á aukinni að-
komu þyrlna að sjúkraflugi skilaði
ráðherra skýrslu með tillögum sín-
um á mánudag. Hópurinn skoð-
aði tvær leiðir í þessu skyni; ann-
ars vegar með aukinni aðkomu
Landhelgisgæslu Íslands sem m.a.
myndi reka sérstaka sjúkraþyrlu og
hins vegar með rekstri sjúkraþyrlu
sem rekin væri af öðrum en Land-
helgisgæslunni.
Starfshópurinn segir í skýrslu
sinni að þörfin fyrir sjúkraflutn-
inga með þyrlum muni fara vax-
andi hér á landi. „Helstu ástæðurn-
ar fyrir því eru vaxandi sérhæfing í
meðferð bráðra veikinda og slysa,
minnkandi geta heilbrigðisstofn-
ana í dreifbýli til að sinna bráða-
þjónustu, almenn aukning sjúkra-
flutninga og ekki síst mikil fjölg-
un alvarlegra slysa. Til marks um
aukningu sjúkraflutninga jókst um-
fang þeirra á árunum 2014 – 2017
um 37% þar sem mest var, þ.e. á
Suðurlandi, Suðurnesjum og á Ak-
ureyri,“ segir í skýrslunni.
Starfshópurinn er einhuga um
mikilvægi þess að auka eins og kost-
ur er sjúkraflutninga með þyrlum,
bæði vegna breytinga á heilbrigð-
isþjónustu stofnana, ekki hvað síst í
Vestmannaeyjum, en einnig vegna
mikillar fjölgunar ferðamanna, á
og utan alfaraleiða. Það er einn-
ig sameiginleg áhersla hópsins
að skilgreina beri sjúkraflug með
þyrlum sem heilbrigðisþjónustu og
beri því að manna áhafnir þeirra í
samræmi við það. Einnig að mik-
ilvægt sé að viðbragðstími sjúkra-
þyrlu sé ávallt sem stystur. Þrátt
fyrir sameiginlegar áherslur í þess-
um efnum voru fulltrúar í starfs-
hópnum ekki á einu máli um leiðir
að markmiðinu.
Fimm af sjö fulltrúum starfs-
hópsins leggja til að viðbragð
Landhelgisgæslunnar verði styrkt
með fleiri áhöfnum svo unnt verði
að koma á staðarvöktum, þ.e. með
áhöfn sem er í viðbragðsstöðu þar
sem viðkomandi þyrla á bækistöð.
Tveir fulltrúar starfshópsins leggja
hins vegar til rekstur sérstakrar
sjúkraþyrlu með sérhæfðum mann-
skap og að reksturinn verði ekki á
hendi Landhelgisgæslunnar.
Ráðherra mun nú fela sérfræð-
ingum ráðuneytisins að leggja mat
á efni skýrslunnar og tillögurn-
ar sem þar koma fram og ákveða
næstu skref í framhaldi af því.
mm
Sjúkraþyrlur munu
gegna auknu hlutverki