Skessuhorn - 05.09.2018, Blaðsíða 21
MIÐVIKUDAGUR 5. SEpTEMbER 2018 21
Mikið var um að vera hjá Ung-
mennafélaginu Íslendingi um liðna
helgi. Á sunnudaginn var Sverr-
ismót í knattspyrnu haldið í átt-
unda skipti á Sverrisvelli á Hvann-
eyri. Mótið var fyrst sett á laggirnar
2009 og hefur síðan fest sig í sessi
að frátöldu einu ári þegar mótið féll
niður. Sverrismót er haldið af Ung-
mennafélaginu Íslendingi til minn-
ingar um Sverri Heiðar Júlíusson
sem bjó og starfaði á Hvanneyri og
var ötull þátttakandi í starfi ung-
mennafélagsins auk þess sem hann
þjálfaði knattspyrnu bæði á Hvann-
eyri og í borgarnesi í mörg ár. Fjög-
ur lið voru skráð í flokk 15 ára og
eldri, fimm lið voru í flokki 10-14
ára auk þess sem börnum níu ára og
yngri var skipt í lið á staðnum sem
fengu svo að spreyta sig í keppn-
isleik. Mikið er lagt upp úr því að
mótið sé skemmtileg samverustund
fullorðinna og barna þar sem ung-
mennafélagsandinn er ríkjandi og
var mótið í ár engin undantekning.
Afmælishátið í
Hreppslaug
Að Sverrismóti loknu héldu kepp-
endur til afmælishátíðar Hrepps-
laugar í Skorradal þar sem haldið
var upp á 90 ára afmæli laugarinn-
ar. Hreppslaug var byggð árið 1928
af félögum í Ungmennafélaginu Ís-
lendingi og er næstelsta 25 metra
steinsteypta laug á landinu. Laugin
fékk friðlýsingu árið 2014 sem nær
yfir steinsteypta hluta hennar en sá
hluti, frá sjónarhóli byggingarlistar,
þótti óvenjulegt steinsteypumann-
virki á sinni tíð. Laugin er enn í eigu
ungmennafélagsins og sjá félags-
menn um almennan rekstur hennar
og er hún opin fyrir sundlaugargesti
á sumrin. Í tilefni stórafmælis sund-
laugarinnar var ungmennafélögum
boðið í sund og grillaðar pylsur þar
sem allir nutu notalegrar samveru-
stundar í lauginni auk þess sem sleg-
ið var upp sundkeppni. Annars veg-
ar var keppt í 4x25 metra boðsundi
með frjálsri aðferð þar sem lið karla
og kvenna öttu kappi og hins veg-
ar var keppt í 6x25 metra boðsundi
með frjálsri aðferð þar sem krakkar
kepptu sín á milli.
glh
Greint var frá því í Skessuhorni síð-
ustu viku að rekstri pizzagerðarinn-
ar Stykkisins í Stykkishólmi hefði
verið hætt. En það er ekki þar með
sagt að Hólmarar geti ekki feng-
ið þar keyptar pizzur áfram, því
Sveinn Arnar Davíðsson og Arnþór
pálsson, veitingamenn í Skúrnum í
Stykkishólmi, hafa fest kaup á staðn-
um. Samhliða verður nafni staðarins
breytt. „Við vildum hafa vörumerkið
Skúrinn á báðum stöðum. Nýi stað-
urinn verður því Skúrinn pizza Joint
og Skúrinn Restaurant verður áfram
á sínum stað,“ segir Sveinn Arnar í
samtali við Skessuhorn.
Framundan hjá þeim félögum í
Skúrnum eru smávægilegar breyt-
ingar á staðnum og vinna við mat-
seðil. „Við þurfum aðeins að laga
til og breyta með okkar handbragði
og gera staðinn að okkar. Síðan ætl-
um við að reyna að bæta einhverj-
um réttum við matseðilinn. Þá verð-
ur hægt að fá fleiri rétti en pizzur
þó þetta verði alltaf pizzastaður í
grunninn,“ segir hann.
En hvenær ætla þeir félagar að
opna Skúrinn pizza Joint? „Við ætl-
um að reyna að opna sem fyrst en
vitum ekki alveg hvenær það verður
hægt. Við erum auðvitað bara rétt
að fara af stað með þetta verkefni,
en um leið og hjólin fara að snúast
þá eru hlutirnir enga stund að ger-
ast,“ segir hann. „Unnið verður að
breytingunum á meðan það er lok-
að og á nóttunni. Markmiðið er að
opna eftir þrjár vikur, en það er ekki
víst hvort það takist. En hins vegar
ef allt gengur mjög hratt og vel fyrir
sig þá opnum við fyrr,“ segir Sveinn
að endingu.
kgk
Skúrinn Pizza Joint verður
opnaður í Stykkishólmi
Sveinn Arnar Davíðsson og Arnþór Pálsson, veitingamenn í Skúrnum, ætla að
opna Skúrinn Pizza Joint sem fyrst. Þessa dagana vinna þeir hörðum höndum við
breytingar og lagfæringar á húsnæði. Ljósm sá.
Listafélagið Kalman stendur fyr-
ir þrennum jazztónleikum á Akra-
nesi dagana 6.-7. september næst-
komandi. Fimmtudaginn 6. sept-
ember verða hádegistónleikar í
Vinaminni. Þar spila þeir Agnar
Már Magnússon píanóleikari og
Lage Lund gítarleikari frá Norgei.
Munu þeir m.a. leika efni af ný-
útkomnum geisladiski sínum sem
heitir Hending. Samstarf þeirra er
tiltölulega nýtt af nálinni en hefur
verið einstaklega gott og gjöfult.
Tónleikar hefjast kl. 12.15 en hús-
ið opnar 11.45 og verður hægt að
gæða sér á súpu og brauði á meðan
tónleikum stendur. Tilvalið að fara
á tónleika í hádeginu!
Föstudaginn 7. september verða
síðan tvennir kvöldtónleikar og eru
tónleikastaðirnir ekki alveg hefð-
bundir. Sigurður Flosason saxó-
fónleikari og sænski píanóleikarinn
Lars Jansson munu halda „heima-
tónleika“ að Grundartúni 8 en þar
búa Elfa Margrét Ingvadóttir og
pálmi Haraldsson. Þeir Sigurður
og Lars hafa spilað lengi saman og
eru einstaklega skemmtilegt dúó.
Tónleikar þeirra hefjast kl. 19.15.
Seinni tónleikarnir fara fram
kl. 21.15, í gula húsinu á Kirkju-
braut 8 (bowieveggurinn). Þar
verða þeir Andrés Þór gítarleikari
og Miro Herak víbrafónleikari frá
Slóvakíu. Þeirra samstarf á sér líka
nokkra sögu. Á þessum tónleikum
munu þeir leika ljúfan, melódískan
nútímajazz og samanstendur efn-
iskráin af blöndu af lögum þeirra
beggja og samtíma jazztónsmíð-
um. Víbrafónn og gítar eru líka
áhugaverð blanda.
Gaman er að segja frá því að á
báðum kvöldtónleikunum verð-
ur bjór- og bruggmenningarfélag
Akraness með smakk og smárétti.
Það er því tilvalið að gera föstu-
dagskvöldið að góðu menningar-
kvöldi og auðvelt að sækja báða
þessa tónleika.
Almennt miðaverð á tónleikana
er kr. 2.500 en Kalmansvinir
greiða kr. 2.000. Það skal tekið
fram að vissara er að panta miða
á tónleikana því miðafjöldi er tak-
markaður. Hægt er að panta miða
í síma 865-8974 eða senda póst á
kalmanlistafelag@gmail.com.
-fréttatilkynning
Hádegisjazz og heimajazz
á Akranesi
Ungmennafélagið Íslendingur:
Sverrismót haldið í áttunda sinn og
Hreppslaug fagnar 90 ára afmæli
Keppendur í Sverrismótinu á Hvanneyri um helgina. Ljósm. Oddný Kristín Guðmundsdóttir.
Margir nýttu sér tækifærið og skelltu sér í sund að loknu Sverrismóti.
Ljósm. Steinunn Fjóla Benediktsdóttir.
Veðrið lék við sundlaugargesti í Hreppslaug. Ljósm. Steinunn Fjóla Benediktsdóttir.