Fréttablaðið - 14.11.2019, Qupperneq 62

okkar allra
Landsleikir í beinni
Undankeppni EM karla í
fótbolta
Tyrkland – Ísland
fim. 14.11 kl. 16.15 á RÚV
Moldóva – Ísland
sun. 17.11. kl. 19.20 á RÚV
Undankeppni EM kvenna í
körfubolta
Ísland – Búlgaría
fim. 14.11. kl. 19.45 á RÚV 2
Grikkland – Ísland
fim. 17.11. kl. 14.50 á RÚV
KVIKMYNDIR
Doctor Sleep
Leikstjórn: Mike Flanagan
Aðalhlutverk: Ewan McGregor,
Rebecca Ferguson, Kyliegh Curran,
Cliff Curtis
Skáldsagan The Shining frá 1977 og
samnefnd kvikmynd frá 1980 eru í
raun tvö sjálfstæð listaverk. Stanley
Kubrick gerði sér góðan mat úr bók
Stephens King þegar hann kvik-
myndaði hana þótt viðtökurnar
hafi verið blendnar þangað til fólk
áttaði sig á að myndin er margbrot-
ið og óþolandi ágengt meistaraverk.
King sjálfum varð þó bumbult af
þessum ískalda graut sem Kubrick
hrærði upp úr fjölskylduharmleik
hans og fordæmdi það sem hann
telur kalda og tilfinningadauða
sýn á þá sturlun sem þekktir hótel-
draugar kveiktu í óstöðuga alkó-
hólistanum Jack Torrance sem aftur
kallaði skelfilega ógæfu yfir konuna
sína Wendy, soninn unga Danny og
sjálfan sig auðvitað. Bara svona eins
og alkar gera.
Blóðuga AA-bókin
King segist aldrei hafa getað sleppt
alveg takinu af Danny og loksins
þegar hann ákvað að skrifa um
Danny fullorðinn varð niðurstað-
an bókin Doctor Sleep sem kom
út 2013. Bókin er framhald skáld-
sögunnar The Shining en alls ekki
myndarinnar og sagan sem King
spinnur í henni er allt annars eðlis
en hryllilega AA-bókin frá 1977.
Þetta er líka meira svona Al-
Anon-bók og í henni tekst fullorðna
og mölbrotna alkabarninu að hafa
hemil á fíkninni og ofbeldishneigð-
inni með hjálp karla og kvenna
sem samhæfa reynslu sína, styrk og
vonir svo að þau megi leysa sameig-
inlegt vandamál sitt og séu fær um
að hjálpa öðrum frá áfengisbölinu.
Heljarinnar 12. spor
Sem betur fer er Danny með haus-
inn í sæmilegu lagi þar sem hann
þarf heldur betur að gera yfirbót og
endurgjalda kosmósinu stóra skuld
með skyggnigáfu sinni. Sem sjúkra-
liði á líknardeild notar hann duld
sína til þess að hjálpa dauðveikum
að skilja við og fær því viðurnefnið
Doctor Sleep, Lúlli læknir.
Á meðan Danny vinnur þessi góð-
verk sín í kyrrþey ferðast skuggalegt
pakk, undir stjórn hinnar ómót-
stæðilegu og of boðslega vondu
Hatta-Rósu um Bandaríkin í hús-
bílum og ræna börnum og myrða á
hryllilegan hátt.
Ókindur þessar eru nefnilega
eins og verstu vitsugur nema bara
að þær nærast á ótta, sársauka og
kvöldum sálum barna. Frumgelgjan
Abra er rammskyggn og skín jafnvel
skærar en Danny gerði í bernsku og
er svo næm að hún skynjar ófétin
í eterheiminum. Og öfugt þar sem
Hatta-Rósa verður nefnilega einnig
Öbru vör og skynjar í henni kræsi-
legt og næringarríkt hlaðborð.
Abra nær sem betur fer sambandi
við Danny á astralsviðinu og hann
neyðist til þess að taka risastórt
12. spor til baka inn í háskalegan
heim drauga og sálarsugna til þess
að bjarga Öbru og sál sinni.
Hárfínn línudans
Þar sem King hafnar kvikmynd
Kubricks alfarið var leikstjóranum
Mike Flanagan mikill vandi á hönd-
um þar sem hann vildi ekki líta
fram hjá stórvirki Kubricks. Honum
tekst merkilega vel upp í hlutverki
sáttasemjara milli framhaldsskáld-
sögu og frumkvikmyndar. Hann
vísar mjög markvisst í The Shining
og gerir það mjög stælalaust framan
af og skilar býsna góðri Stephen
King-hryllingsspennumynd með
þrúgandi undirtónum frá Kubrick.
Myndin er tveir og hálfur tími í
f lutningi og heldur spennu nánast
alla leið frá upphafi til enda og það
er ekki fyrr en að Flanagan missir
sig í Kubrick-rúnkinu að myndin
höktir aðeins á endasprettinum.
Engin dauðasök samt vegna þess
að alltaf er nú ósköp ljúft að finna
nöturlegan drungann frá Overlook-
hótelinu hríslast um sig.
Takk fyrir fundinn!
Ewan McGregor leikur Danny af
sinni kunnuglegu hægð en í aðal-
hlutverkinu stendur hann í skugga
sænsku leikkonunnar Rebeccu
Ferguson sem gefur myndinni
massa slagkraft sem hin banvæna
Hatta-Rósa. Nýliðinn Kyliegh Curr-
an gefur Ferguson síðan ekkert eftir
sem ljósið skæra hún Abra, höfuð-
óvinur og mesta ógn hinnar gírugu
og gráðugu Rósu.
Þórarinn Þórarinsson
NIÐURSTAÐA: Þetta síðbúna framhald
The Shining er alls ekki The Shining 2
og er sem betur fer ekki að reyna það.
Kollinum er þó vissulega kinkað til
klassíkurinnar hans Kubricks, full ákaf-
lega meira að segja, og þá fyrst missir
Doctor Sleep aðeins taktinn.
Lúlli læknir og
vonda húsbílahyskið
Allt í einu er Danni litli orðinn stór en draugar fortíðar elta hann enn með kunnuglegum orðaleik.
Danny þarf að takast á við fíkn og ofbeldishneigð eins og pabbi hans en fer
þó aðrar leiðir og hér fer ekki á milli mála hvor er virkur og hvor óvirkur.
Abra litla skín svo bjart að skuggaveran Hatta-Rósa fær glýju í augun og
baráttan um sál stúlkunnar verður harla grimmileg.
Meira á frettabladid.is
1 4 . N Ó V E M B E R 2 0 1 9 F I M M T U D A G U R34 M E N N I N G ∙ F R É T T A B L A Ð I Ð
BÍÓ
1
4
-1
1
-2
0
1
9
0
5
:4
3
F
B
0
7
2
s
_
P
0
6
3
K
.p
1
.p
d
f
F
B
0
7
2
s
_
P
0
6
2
K
.p
1
.p
d
f
F
B
0
7
2
s
_
P
0
1
0
K
.p
1
.p
d
f
F
B
0
7
2
s
_
P
0
1
1
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
4
3
B
-0
5
7
C
2
4
3
B
-0
4
4
0
2
4
3
B
-0
3
0
4
2
4
3
B
-0
1
C
8
2
7
5
X
4
0
0
.0
0
1
9
B

F
B
0
7
2
s
_
1
3
_
1
1
_
2
0
1
C
M
Y
K