Fréttablaðið - 01.02.2017, Blaðsíða 12

Frá degi til dags
Útgáfufélag: 365 miðlar ehf. Stjórnarformaður: Ingibjörg Stefanía Pálmadóttir forStjóri: Sævar Freyr Þráinsson Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Andri Ólafsson andri@frettabladid.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is. Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri.
Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSn 1670-3871 fréttaBlaðið Skaftahlíð 24, 105 reykjavík Sími: 512 5000,
ritstjorn@frettabladid.is ÞróunarStjóri: Tinni Sveinsson tinni@365.is helgarBlað: Kristjana Björg Guðbrandsdóttir kristjanabjorg@frettabladid.is markaðurinn: Hörður Ægisson hordur@frettabladid.is menning: Magnús Guðmundsson
magnus@frettabladid.is lífið: Guðný Hrönn Antonsdóttir gudnyhronn@frettabladid.is ljóSmyndir: Vilhelm Gunnarsson villi@365.is framleiðSluStjóri: Sæmundur Freyr Árnason sfa@frettabladid.is
Halldór
Magnús
Guðmundsson
magnus@frettabladid.is
Margir virðast hafa meðfædda löngun til að merkja allt og alla. Oft er þetta gert óviljandi, merkimiði sem verður til á sekúndubroti og
stimpillinn er mundaður um leið. Í öðrum tilvikum er
um úthugsaða og jafnvel kerfisbundna stimpilstefnu að
ræða.
Fólk er fljótt að ákveða hvaða eiginleika næsti maður
hafi út frá útliti, framkomu eða bakgrunni.
Gleggsta dæmið um kerfisbundna stimpilstefnu nú
um stundir er tilskipun nýs Bandaríkjaforseta um bann
við komu fólks til Bandaríkjanna frá sjö sjálfstæðum
ríkjum. Með þessari aðgerð er fólk frá þessum löndum
stimplað. Það er flokkað með grunuðum vígamönnum
á grundvelli þjóðernis og trúar. Stefnan er skýrð þannig
að gripið sé til hennar til að vernda fólk.
Í nærsamfélagi okkar er stimplun einnig beitt en
dæmin segja að það sé gert af góðvild. Fyrir skömmu var
um slíkt dæmi að ræða, pelsagjöf til fátæks fólks.
Umræðan um merktu pelsana fjallaði mest um
stimplunina. En mig langar til að beina umræðunni
að fátæktinni, hún er ekki náttúrulögmál. Verði fátækt
upprætt mun samfélagið verða betra og auðugra. Að
gefa pelsa eða mat upprætir ekki vandamálið. Heldur er
það neyðarráðstöfun vegna stöðunnar eins og hún er,
plástur, sem virkar í raun eins og stimpill.
Velferðarkerfið verður að vera nægilega öflugt til
að uppræta fátækt. Annars vegar þarf að styðja fólk
til sjálfshjálpar og hins vegar með beinum fjármuna-
greiðslum. Of margir telja að greiðslur verði að vera
lágar til þess að fólk komi sér út úr fátækt, að með
fátæktarpíningu vaxi fólki ásmegin. Sannleikurinn er
hins vegar sá að lágar greiðslur koma fólki lengra út
á jaðarinn og skapa kvíða. Með aukinni fátækt eykst
sjálfsmorðstíðni á meðal fátæks fólks.
Við hljótum öll að vilja samfélag þar sem allir eiga
möguleika óháð uppruna, trú, móðurmáli, fötlun, kyn-
ferði, kynhneigð og efnahag svo eitthvað sé nefnt.
Merkimiðar og stimplun, óviljandi eða ekki, viðhalda
fordómum og stuðla að sundrung.
Við skulum ekki vera þar!
Stimplana í skúffuna
og iðkum mannréttindi
Velferðar-
kerfið verður
að vera nægi-
lega öflugt til
að uppræta
fátækt.
Ellen Calmon
formaður ÖBÍ
Krókhálsi 1 110 Reykjavík s. 567 8888 www.pmt.is
FITUMÆLINGAVOGIR
Við erum með gífurlegt úrval
af öllum gerðum af vogum
GOTT
VERÐ
Tanita BC-587 fitumælingavog
Áður 32.860,- NÚ 18.749,-
FÆRIBANDAVOGIR - RANNSÓKNAVOGIR - IÐNAÐARVOGIR - SMÁVOGIR
VERÐÚTREIKNINGSVOGIR - TALNINGAVOGIR - KRÓKAVOGIR
BAÐVOGIR - BARNAVOGIR - GÓLFVOGIR - LÍMMIÐAVOGIR
gæði – þekking – þjónusta
Ógæfa, þú ert snör og frá á fæti.“ Þessi orð Williams Shakespeare úr Ríkarði öðrum koma því miður upp í hugann þegar horft er vestur um haf á fyrstu embættisverk Donalds Trump Bandaríkjaforseta. Forsetatilskipanir
Trumps til þessa hafa vægast sagt verið umdeildar og
þykir mörgum sem verulega sé vegið að réttindum
fólks, þá einkum minnihlutahópa, sem og jafnvel
framtíð jarðar þegar horft er til loftslagsmála. Hver
tilskipunin rekur aðra og Bandaríkin, land frelsis og
tækifæra, virðast ætla að verða land frelsis og tæki-
færa sinna útvöldu. „Ógæfa, þú ert snör og frá á fæti.“
Á mánudagskvöldið fengum við Íslendingar svo
aðeins smjörþefinn af þeim breytingum sem eru að
eiga sér stað í Bandaríkjum Trumps, þegar íslenskum
ríkisborgara var meinað að ferðast til Bandaríkjanna
vegna þess að hann er fæddur í Íran. Fæðingarstaður-
inn einn og sér var nóg til þess að setja Íslendinginn
Meisam Rafiei undir hatt hins mögulega hryðju-
verkamanns og stimpla hann sem ógn við borgara
eins voldugasta ríkis heims. Það er ójafn og ljótur
leikur, jafnvel þótt eins sé komið fyrir fjölda annars
fólks sem hefur það eitt unnið sér til saka að vera
fætt í löndum sem forsetinn telur að Bandaríkjunum
standi ógn af. Löndum sem virðast þó ekki síður vera
valin út frá viðskiptahagsmunum.
Meisam Rafiei er landsliðsmaður og fyrrverandi
landsliðsþjálfari íslenska liðsins í taekwondo og
Norðurlandameistari í íþróttinni á síðasta ári. Þá
hefur hann efalítið verið einn af „strákunum okkar“
eins og íþróttahetjur eru alla jafna þegar vel gengur.
En er Meisam Rafiei ekki örugglega strákurinn okkar
í dag? Færi kannski betur á því að hann héti Ólafur
eða Gylfi? Ætli þjóðin hafi ekki verið allt eins stolt af
afrekum þessa unga manns sem var ekki einu sinni
fæddur hér norður í Atlantshafi heldur valdi að deila
með okkur kjörum? Því þurfa ráðamenn væntanlega
að svara með viðbrögðum sínum og við hin þurfum
líka að svara okkur sjálfum þessum spurningum.
Svara því hversu mikla mismunun við sættum okkur
við áður en við segjum stopp. Hingað og ekki lengra.
Meisam er einn af okkur og við höfum alla tíð átt
vingjarnlegt, friðsamlegt og gott samband við Banda-
ríkin sem höfðu hér meira að segja herstöð í áratugi.
Íslenskir ráðamenn hafa þegar brugðist við útilokun
Meisam að nokkru leyti en við hljótum að ætlast til
þess að ríkisstjórnin sýni okkur að það sé staðið með
ferðafrelsi þjóðarinnar þegar á reynir. Að aðgerðir
sem þessar séu óásættanlegar og ógn við frelsi allra
friðsamra einstaklinga, óháð þjóðerni, kynþætti,
uppruna og trú og þær því fordæmdar opinberlega af
ríkisstjórn Íslands með formlegum hætti.
Hver gæti einmitt verið betur til þess fallinn að
standa gegn slíku gerræði eins og birtist í tilskipun
Bandaríkjaforseta en lítil, vinveitt og herlaus þjóð á
borð við Íslendinga? Þjóð sem hefur fullt tækifæri til
þess að vera nú snör og frá á fæti og standa með frelsi
einstaklingsins og mannréttindum.
Strákurinn
Að aðgerðir
sem þessar
séu óásættan-
legar og ógn
við frelsi allra
friðsamra
einstaklinga,
óháð þjóð-
erni, kyn-
þætti, upp-
runa og trú
og þær því
fordæmdar
opinberlega
af ríkisstjórn
Íslands með
formlegum
hætti.
Ekki í þessum pistli
Þetta verður eini pistillinn
á þessari síðu þar sem ekki
verður fjallað um nýjan leið­
toga hins frjálsa heims. Enda
er af nægu öðru að taka. Ýmsir
aðrir en auðjöfurinn frá New
York verðskulda athygli.
Til dæmis breytti Þorgerður
Katrín Gunnarsdóttir, sjávar­
útvegs­ og landbúnaðarráð­
herra, skipan samráðshóps um
endurskoðun búvörusamninga
í gær. Fékk Félag atvinnurek­
enda þar með sæti í hópnum
sem það átti ekki fyrir.
Vonandi munu nýir meðlimir
samráðshópsins stuðla að því
að breytingar verði gerðar í átt
til frjálslyndis þegar endur­
skoðun lýkur. Nóg er komið af
íhaldi í landbúnaðarmálum.
Enn ekki í þessum pistli
Annað mál sem verðskuldar
athygli er ákvörðun Theodóru
Þorsteinsdóttur að sitja bæði
í bæjarstjórn Kópavogs og á
þingi fyrir Bjarta framtíð. Hefur
hún verið gagnrýnd fyrir að
ætla að gegna báðum stöðum
og þiggja laun fyrir bæði
störfin.
En Theodóra er kjörin í bæði
embætti. Telji hún sig færa
um að sinna skyldum sínum á
hvorum tveggja vígstöðvum er
því eðlilegt að hún þiggi laun
fyrir. Ef annað kemur í ljós
getur hún einfaldlega sagt sig úr
bæjarstjórn og minnkað við sig.
thorgnyr@frettabladid.is
1 . f e b r ú a r 2 0 1 7 M I Ð V I K U D a G U r12 s K o Ð U n ∙ f r É T T a b L a Ð I Ð
SKOÐUN