Fréttablaðið - 05.01.2019, Síða 8

Nánari upplýsingar og aðstoð má fá með því að senda fyrirspurn
á netfangið upplysingar@reykjavik.is eða í síma 411 1111. www.reykjavik.is
Á vef Reykjavíkurborgar undir „mínar síður“ geta fasteignaeigendur:
• skoðað álagningarseðil fasteignagjalda (eftir 28. janúar 2019) og alla breytingarseðla
þar á eftir
• skráð sig í boðgreiðslu fasteignagjalda
• gefið upp reikningsnúmer ef til endurgreiðslu kemur
• óskað eftir að fá senda greiðsluseðla fyrir fasteignagjöldum þar sem þeir verða, líkt og
áður, ekki sendir út til greiðenda, 18-76 ára
• sent inn erindi vegna fasteignagjalda
Fasteignagjöld ársins 2019, yfir 25.000 kr., greiðast með níu jöfnum greiðslum á
gjalddögum 2. febrúar, 2. mars, 2. apríl, 4. maí, 1. júní, 2. júlí, 3. ágúst, 1. september og
2. október. Gjalddagi fasteignagjalda undir 25.000 kr. er 2. febrúar.
Fasteignagjöld í Reykjavík verða innheimt í netbönkum. Fasteignaeigendum er jafnframt
bent á boðgreiðslur af greiðslukortum og á beingreiðslur hjá öllum bankastofnunum.
Álagningar- og breytingarseðlar fasteignagjalda í Reykjavík 2019 verða birtir á vefsíðunni
island.is og á Rafrænni Reykjavik á árinu 2019.
Álagningar- og breytingarseðlarnir verða ekki sendir í pósti í samræmi við breytingu sem
gerð var á lögum nr. 4/1995 sem tók gildi 1. janúar 2019, en þá er sveitarstjórn heimilt að
senda tilkynningu um álagningu fasteignaskatts rafrænt.
Mínar síður
á www.reykjavik.is
KJARAMÁL Eftir ríflegar launahækk-
anir á umliðnum árum er hlutfall
launa af verðmætasköpun atvinnu-
lífsins orðið það hæsta hér á landi
á meðal aðildarríkja Efnahags- og
framfarastofnunarinnar. Rými til
frekari hækkana er af þeim sökum
augljóslega minna en það var í
síðustu kjaraviðræðum fyrir hátt í
fjórum árum.
Þetta var á meðal þess sem fram
kom í máli Halldórs Benjamíns Þor-
bergssonar, framkvæmdastjóra Sam-
taka atvinnulífsins, á fundi með fjöl-
miðlum í húsakynnum samtakanna
í gær.
„Þetta er staðreynd sem við getum
ekki litið fram hjá,“ sagði Halldór
Benjamín um launahlutfallið, það
er hlutfall launa af vergum þátta-
tekjum, sem var árið 2017 tæplega
65 prósent hér á landi. Til saman-
burðar var umrætt hlutfall ríflega 55
prósent árið 2011. Tölfræðin þýddi
að hvergi innan OECD rynni stærri
hluti virðisaukans í samfélaginu til
launþega en hér á landi.
Halldór Benjamín benti á að
núverandi hagvaxtarskeið, sem nú
sæi fyrir endann á, væri það lengsta
í íslenskri hagsögu eða um átta ár.
Venjulega vöruðu uppsveiflur í þrjú
til fimm ár. Staðan í hagkerfinu væri
því brothætt og fara þyrfti með gát.
„Ef við reynum með sanngirni
að draga saman íslenska hagsögu í
hnotskurn þá lýsir hún sér á þann
veg að við höfum alltaf farið fram úr
sjálfum okkur á toppi hagsveiflunn-
ar,“ sagði Halldór Benjamín.
Illa hefði gengið að ná sátt við
verkalýðshreyfinguna um að byggja
upp nýtt samningalíkan að norrænni
fyrirmynd. Í stað þess að miða launa-
hækkanir við stöðu útflutningsat-
vinnuveganna, líkt og á Norður-
löndunum, væri vanalega ekkert
tillit tekið til efnahagsþróunarinnar.
„Vandinn við þessa nálgun er að
við vitum fyrir fram hver niður-
staðan verður. Við munum fara
fram úr okkur eins og við höfum
alltaf gert. Mismunurinn á því sem
er til skiptanna og þeim innistæðu-
lausu tékkum sem skrifaðir eru á
takmörkuð verðmæti leiða alltaf til
sömu niðurstöðu: Gengi krónunnar
gefur eftir og verðbólga eykst því
ekkert verður til úr engu. Við getum
ekki skipt þeim verðmætum sem
við erum ekki að framleiða,“ nefndi
hann. – kij
Missum yfirleitt tökin á
toppi hagsveiflunnar
Halldór Benjamín Þorbergsson á fundinum í gær. FRÉTTABLAÐIÐ/EYÞÓR
HEILBRIGÐISMÁL Ekkert eftirlit er
með heilsutengdri starfsemi sem
framkvæmd er utan heilbrigðis-
kerfisins. Þeir sem stunda hjálækn-
ingar geta því aðhafst næstum eins
og þeim sýnist án eftirlits. Verðandi
móðir komst í lífshættu þegar lungu
hennar féllu saman þegar hún fór í
nálastungumeðferð við meðgöngu-
ógleði, komin fimmtán vikur á leið.
Sjúkratilfellið er rakið í nýjasta
hefti Læknablaðsins en læknarnir
Atli Steinn Valgarðsson og Tómas
Guðbjartsson skrifuðu greinina.
Kona á fertugsaldri hafði glímt við
ógleði og uppköst og því var reynd
nálastungumeðferð utan spítala.
Að sögn konunnar var fíngerðum
nálum stungið í framanverðan
brjóstkassa með þeim afleiðingum
að lungun féllu saman. Leitaði hún
til bráðamóttöku sjö klukkustund-
um eftir nálastungumeðferðina.
„Nálastungur sem meðferð við
ógleði er umdeilt í sjálfu sér,“ segir
Atli Steinn sem starfar á skurðdeild
Landspítala. „Niðurstöður rann-
sókna hafa ekki sýnt fram á yfir-
burði hennar yfir aðrar hefðbundn-
ari lyfjameðferðir. Tvær rannsóknir
hafa jafnframt sýnt að árangur nála-
stungumeðferðar og gervinála-
stungu sé svipaður. Að okkar mati
er mikilvægt að sjúklingar viti af
þessum mögulegu aukaverkunum.“
Landlæknisembættið virðist ekki
hafa neitt eftirlit með sjálfstæðum
einstaklingum úti í bæ enda séu
þeir ekki heilbrigðisstarfsmenn.
Þetta kemur fram í svari Björns
Geirs Leifssonar, yfirlæknis hjá
Landlæknisembættinu. Embættið
hafi eftirlit með heilbrigðisstarfs-
mönnum en ekki kuklurum, skottu-
læknum og öðrum sem stunda hjá-
lækningar.
Lög um græðara voru sett árið
2005 með það að markmiði að
stuðla að gæðum heilsutengdrar
þjónustu græðara og öryggi þeirra
sem leita eftir slíkri þjónustu eða
nýta sér hana. Í lögunum er kveðið á
um að endurskoða ætti lögin innan
fimm ára frá gildistöku þeirra því
lögin voru í þróun og ekki vitað
hvernig til tækist eða hvort mark-
miðum laganna væri náð. Lögin
hafa enn ekki verið endurskoðuð
og hefur Landlæknisembættið
óskað eftir því að lögin verði endur-
skoðuð.
Ingibjörg Hreiðarsdóttir, yfir-
ljósmóðir á kvenna- og barnasviði
Landspítala, segir nálastungumeð-
ferð sem þessa ekki framkvæmda
innan spítalans. „Okkar nála-
stungumeðferðir eru við verkjum
og stingum við í fætur og hendur og
mjaðmir. Við höfum ekki leyfi til að
stinga á þessa staði [brjóstkassa] og
myndum aldrei beita nálastungu-
meðferð með þessum hætti,“ segir
Ingibjörg. sveinn@frettabladid.is
Ekkert eftirlit með hjálækningum
Landlæknisembættið hefur eftirlit með heilbrigðisstarfsmönnum en ekki kuklurum og skottulæknum segir yfirlæknir.
Barnshafandi kona
var hætt komin vegna
nálastungumeðferðar
sem framkvæmd var
utan heilbrigðiskerfisins.
Lungu hennar féllu
saman eftir að nálum
var stungið í brjóst-
kassa hennar. Ekkert
formlegt eftirlit er
með skottulæknum
og græðurum hvers
konar sem telja sig geta
læknað einstaklinga af
meinum sínum.  
Embættið hefur
ekki eftirlit með
kuklurum og skottulæknum.
Björn Geir Leifs­
son, yfirlæknir
hjá Landlæknis­
embættinu
5 . J A N Ú A R 2 0 1 9 L A U G A R D A G U R8 F R É T T I R ∙ F R É T T A B L A Ð I Ð