Fréttablaðið - 05.01.2019, Page 10

icewear.is
Icewear janúarútsala 2019-3.pdf 1 17/12/2018 09:31
Átt þú erindi
í stjórn Lífeyrissjóðs
verzlunarmanna?
VR auglýsir eftir stjórnarmönnum í stjórn Lífeyrissjóðs verzlunarmanna
kjörtímabilið 2019 - 2023. Fulltrúaráð VR í Lífeyrissjóði verzlunarmanna
skipar í stjórn lífeyrissjóðsins. Áhugasamir geta gefið kost á sér með því að
senda inn kynningarbréf með rökstuðningi, starfsferilsskrá og yfirlýsingu
sem finna má www.vr.is á skrifstofu VR fyrir kl. 12.00 á hádegi mánu-
daginn 21. janúar 2019, merkt „Umsókn LIVE“, eða á umsokn@vr.is. Valið
verður um fjóra stjórnarmenn og einn til vara.
Þeir sem gefa kost á sér skulu:
Vera launamenn sem greiða skyldubundið iðgjald af aðalstarfi í Lífeyris-
sjóð verzlunarmanna, æskilegt er að þeir séu félagsmenn í VR.
Ekki vera sjálfstætt starfandi atvinnurekendur/einyrkjar.
Búa yfir nægilegri þekkingu og starfsreynslu til að geta gegnt stjórnar-
störfum á tilhlýðilegan hátt skv. 6. gr. reglna FME nr. 180/2013.
Uppfylla skilyrði 31. gr. laga nr. 129/1997 um starfsemi lífeyrissjóða
um fjárhagslegt sjálfstæði, óflekkað mannorð o.fl. Auk þess þurfa
þeir að gangast undir munnlegt hæfismat hjá FME sbr. 16. gr. reglna
FME nr. 180/2013.
Við mat á hæfi umsækjenda verður litið til reynslu og þekkingar, m.a.
á lífeyrismálum, kjarasamningum, stjórnun, áætlanagerð, lögfræði og
fjármálamörkuðum.
Nánari upplýsingar og yfirlýsing sem þarf að skila með umsókn eru
á www.vr.is/live
VR | KRINGL UNNI 7 | 103 R EYKJAVÍK | SÍM I 510 1700 | WW W.VR .IS
FLUGMÁL Boeing 737 Max 8 þota
flugfélagsins Norwegian er enn föst
á flugvellinum í Shiraz í Íran eftir að
hafa nauðlent þar á leið frá Dúbaí
til Óslóar 14. desember síðastliðinn.
Önnur þota var send eftir farþeg-
unum og þeir fluttir til Óslóar.
Staðan er sérstaklega flókin þar
sem Íran sætir efnahagsþvingunum
og viðskiptabanni þannig að ekki
er hægt að selja þangað varahluti í
Boeing-þotur sem framleiddar eru
í Bandaríkjunum.
Eins og Fréttablaðið sagði frá
daginn sem Norwegian-þotunni var
lent í Íran, kom upp bilun í öðrum
hreyfli vélarinnar skömmu eftir
flugtak frá Dúbaí þannig að þotan
lét ekki vel að stjórn og flugið var
nokkuð skrykkjótt. Slökkt var á
hreyflinum og síðan lent eðlilega í
Shiraz.
Um var að ræða aðeins tveggja
mánaða gamla þotu, af gerðinni
Boeing 737 Max 8 – sömu nýju teg-
undinni og hrapaði þrettán mínút-
um eftir flugtak frá Djakarta í Indó-
nesíu 29. október eftir að flugmenn
Lion Air misstu stjórn á vélinni. Allir
um borð í Lion Air-þotunni, 189
manns, fórust. Af þessum sökum
er áríðandi að skera úr um orsakir
neyðarlendingarinnar í Íran. Til
dæmis að svara því hvort um sams
konar bilun var að ræða í þotunum
tveimur, sem báðar voru svo gott
sem nýjar úr kassanum.
Icelandair hefur tekið hinar nýju
Boeing 737 Max 8 þotur í notkun.
Ein þeirra hefur verið úr leik í ellefu
daga eftir að hún fauk á landgang í
Leifsstöð á jóladagskvöld.
„Þú verður að hafa samband
við Norwegian varðandi stöðuna
á flugvél þeirra,“ segir í svari frá
Paul R. Bergman, fjölmiðlafulltrúa
Boeing, í svari við fyrirspurn Frétta-
blaðsins um ástæður þess að þota
Norwegian lenti í Íran, hvers vegna
vélin er þar enn og hvort rekja megi
bilunina til hins sama og grandaði
Boeing þotu Lion Air.
Fréttablaðið hefur einmitt  frá
því fyrir áramót ítrekað óskað eftir
upplýsingum frá Norwegian um það
hvers vegna þotu félagsins var nauð-
lent í Íran og hvað valdi því að þotan
er þar enn. Svör hafa ekki borist frá
flugfélaginu. Fyrirspurn blaðsins frá
því á miðvikudag til Rannsóknar-
nefndar flugslysa í Noregi um hvaða
upplýsingum um atvikið nefndin
býr yfir hefur heldur ekki verið
svarað enn.
Fjallað var um málið á frétta-
vefnum airlive.net á fimmtudag.
Þar kemur meðal annars fram að
útlit væri fyrir að viðgerðarliði sem
Norwegian sendi til Shiraz hefði
ekki tekist að gera við bilaða hreyfil-
inn og að skipta þyrfti hreyflinum
út.  Vegna fyrrgreinds viðskipta-
banns þurfi hins vegar að koma til
sérstakir samningar milli yfirvalda í
Íran og Bandaríkjunum til að koma
nýjum hreyfli inn í Íran.
Neyðarlendingin í Íran gæti
einnig haft í för með sér óþægi-
legar afleiðingar fyrir þá sem voru
um borð í Norwegian-vélinni. Þar
sem þetta fólk, sem flest er norskt,
hefur farið til Írans gæti það fram-
vegis þurft að sækja um vegabréfs-
áritanir til að komast til Bandaríkj-
anna vegna reglna sem gilda nú þar
í landi. gar@frettabladid.is
Ný Boeing-þota
enn biluð og
situr föst í Íran
Norwegian svarar engu um orsakir þess að glænýrri
Boeing 737 Max 8 þotu flugfélagsins var nauðlent
í Íran fyrir þremur vikum. Vélin, sem er eins og sú
sem fórst í Indónesíu í október, er enn föst í Íran.
Nýja Boeing 737 Max 8 sést hér í einkennislitum Norwegian. MYND/BOEING
REYKJAVÍK Orka náttúrunnar,
dótturfélag Orkuveitu Reykjavík-
ur, hóf í gær að auglýsa eftir nýjum
framkvæmdastjóra fyrirtækisins en
starfinu hefur Berglind Rán Ólafs-
dóttir sinnt til bráðabirgða síðan
um miðjan september.
Sem kunnugt er var Bjarna Má
Júlíussyni sagt upp sem fram-
kvæmdastjóra ON þann 13. septem-
ber vegna ósæmilegrar framkomu
við starfsfólk og Bjarni Ásmunds-
son ráðinn tímabundið í hans stað.
Hann tók hins vegar ekki við starf-
inu eftir að stjórn Orkuveitu Reykja-
víkur höfðu borist upplýsingar
um alvarlegar ásakanir á hendur
honum. Málefni ON voru mikið
í kastljósi fjölmiðla síðan og lauk
málinu með úttekt innri endurskoð-
unar Reykjavíkurborgar á vinnu-
staðamenningu OR í nóvember.
Ein af hæfniskröfum nýs fram-
kvæmdastjóra samkvæmt aug-
lýsingu er geta og vilji til að vinna
markvisst að jafnréttismálum og
óumdeildir leiðtoga- og stjórn-
unarhæfileikar. Nánar má lesa um
starfið í aukablaði um Atvinnu sem
fylgir Fréttablaðinu í dag.  – smj
ON auglýsir eftir nýjum stjóra
Bjarna Má Júlíussyni var
sagt upp 13. september.
5 . J A N Ú A R 2 0 1 9 L A U G A R D A G U R10 F R É T T I R ∙ F R É T T A B L A Ð I Ð